Profesori filozof i VV-së thotë se nuk do të kandidoj për deputet

Ish-deputeti i Lëvizjes Vetëvendosje dhe profesori universitar, Jahja Kokaj, ka bërë të ditur se nuk do të jetë pjesë e garës për deputet në zgjedhjet e 28 dhjetorit.

Në një prononcim për Lajmi.net, ai deklaroi se vendimi i tij vjen si rezultat i përvojave të mëhershme në Kuvend, të cilat, sipas tij, kanë qenë të lodhshme dhe zhgënjyese.

“Unë kam vendos vetëm në mënyrë profesionale. Aty ka deputetë tylifar lloj injoranti. Unë i fitoj votat gjithmonë, por aty një numër i madh i njerëzve nuk e dinë për çfarë po flasin me të vërtetë. Nuk ka kauzalitet ajo që thonë, është diçka e trishtueshme kur shkon në dëm të kombit, shtetit dhe qytetarëve,” u shpreh Kokaj.

Ai tha se debatet e gjata e të pakuptimta në Kuvend ia shkaktonin madje edhe dhimbje koke.

“Pom kap dhimbja e kokës, kah 7 orë aty flasin për gjana që nuk i dinë hiç. Kjo është arsyeja pse nuk po dua,” shtoi ai për lajmi.net

Kokaj konfirmoi se ishte ftuar tre herë nga partia që të përfshihej në listën zgjedhore, por ai ka refuzuar.

“Tri herë më kanë thirrë me më fut në listë, por nuk po dua,” deklaroi ai.

E dhimbshme: U ther me thikë ne zemër, vdes 15-vjeçari

I mituri nuk mundi ta fitojë betejën, ndonëse mjekët bënë të pamundurën dhe vetë 15-vjeçari luftoi fort për jetën.

Të shtunën e kaluar mjekët e nxorën nga intubimi por gjendja e të miturit u përkeqësua dhe e kthyen në intubim e më pas u dërgua në Tiranë.

15-vjeçari mori plagë të rënda në zemër dhe stomak, pasi u godit me thikë gjatë një sherri për motive banale mes dy grupeve adoleshentësh.

Autori i dyshuar një 14-vjeçar është arrestuar dhe nën akuzë për vrasje në tentativë.

Familja e Shpatit reagon sërish

Familja e artistit të ndjerë, Shpat Kasapi, ka shprehur mirënjohjen e thellë për gjithë mbështetjen dhe ngushëllimet e pranuara pas humbjes së tij të rëndë. Në një reagim publik, ata falënderuan familjarët, miqtë, kolegët dhe të gjithë dashamirët e muzikës që u bënë krah në ditët më të vështira.

“Faleminderit nga zemra secilit për respektin, lutjet dhe praninë tuaj. Falë jush, kujtimi i Shpatit u nderua ashtu siç e meritonte, me dashuri dhe mirënjohje,” shprehet familja në mesazhin e tyre.

Ata theksojnë se ikja e Shpatit në amshim përbën një humbje të madhe jo vetëm për ta si familje, por për gjithë komunitetin artistik shqipfolës dhe publikun që e ka dashur muzikën e tij ndër vite.

“Jeta është e tillë — sot jemi, nesër mund të mos jemi — e prandaj kujtimet e bukura mbeten pasuria që nuk shuhet kurrë,” shkruajnë më tej.

Në fund, familja Kasapi shprehet se buzëqeshja dhe energjia e Shpatit do të mbeten gjithmonë dritë për ta, duke falënderuar të gjithë ata që nderuan figurën e këngëtarit.

A po i ofron shteti siguri policore Dejona Mihalit? IPK aktivizohet, ja çfarë thonë

Inspektorati Policor i Kosovës bazuar në autorizimet ligjore do të aktivizohet për të konfirmuar pretendimet se një zyratre policore po i ofron siguri Dejona Mihalit, koordinatore e komiteteve në Lëvizjen Vetëvendosje.

Kjo është konfirmuar nga IPK për Klankosova.tv, pas interesimit të portalit nëse janë ndërmarrë veprimet e nevojshme për trajtimin e rastit.

“Duke ju referuar kërkesës suaj IPK ju njofton nuk ka pasur informacion  e as nuk ka trajtuar ndonjë rast të tillë. Sidoqoftë IPK në kuadër të autorizimeve ligjore do të verifikoj këtë informacion dhe pretendimet e ngritura dhe do ti trajtoj nëse të njëjtat bien në kuadër të kompetencave dhe autorizimeve  ligjore të Inspektoratit Policor.”

Dyshimet se policja e Njësisë Speciale Operative (NjSO), M.Beadini, kujdeset për sigurinë fizike të Mihalit, u ngritën pasi u publikua një fotografi, ku shihen në një lokal, transmeton Klankosova.tv

Kujtojmë se Mihali nuk mban asnjë pozitë zyrtare në institucionet shtetërore të Kosovës, prandaj nëse verifikohet se asaj i ofrohet shërbim policor, është shkelje dhe keqpërdorim.

Lista e LDK-së po merr formë – këta janë disa nga kandidatë​t për deputet

Dega e Lidhjes Demokratike të Kosovës në Istog ka zhvilluar sot mbledhjen e Kryesisë, të udhëhequr nga kryetari i degës dhe njëherit kryetar i komunës, Ilir Ferati.

Qëllimi kryesor i takimit ishte caktimi i kandidatëve për deputet për zgjedhjet e jashtëzakonshme parlamentare të 28 dhjetorit.

Me vendim unanim, Kryesia e degës ka zyrtarizuar tre kandidatët që do të përfaqësojnë Istogun në garën zgjedhore:Serbeze Kabashi-Muçaj, Shkëmb Manaj, Besim Mulaj.

Njoftimi i plotë:

 

 

Vjen ‘goditja’ për Dolcen nga njerëzit e Edit!

Edi nuk e di se çfarë ka deklaruar Dolce gjatë hyrjes në shtëpinë simotër në Itali. Ajo e ka mohuar lidhjen apo pëlqimin me të, duke u shfaqur e distancuar – një fakt që nuk ka kaluar pa u vënë re nga personat që menaxhojnë llogarinë e Edit jashtë shtëpisë.

Reagimi i menaxhuesve të tij ka qenë i menjëhershëm dhe me thumba në Instagram, duke reflektuar zhgënjimin për sjelljen e Dolcës, të cilën Edi brenda ende nuk e di.

Në një pyetësor (Q&A) të zhvilluar sot në profilin cobrakuci, kur ndjekësit pyetën për një rikthim të mundshëm të Dolcës të premten, përgjigja ishte injoruese deri në ekstrem: “KUSH ËSHTË AJO?”.

Kjo përgjigje duket se vjen direkt si pasojë e mohimit që ajo bëri në Itali – për stafin e Edit, nëse ajo e mohon atë publikisht, ajo kthehet në një të panjohur.

Tensionet u dukën edhe në pyetjet e tjera. Kur fansat u kërkuan menaxhuesve të mos e shajnë Dolcën sepse “Edit nuk i vjen mirë”, përgjigja ishte: “Duhet me ditë me kuptu”.

Gjithashtu, akuzave se po ndërhyjnë në raportin e dyshes, ata iu përgjigjën shkurt: “Kush po ndërhyn?”, duke nënkuptuar se krisjen e ka shkaktuar vetë Dolce me fjalët e saj jashtë kufirit.

Mbetet për t’u parë reagimi i Edit kur të përballet me klipin ku “misionarja” mohon atë që kishin nisur./Indeksonline/

Plagosen tre persona, dërgohen në QKUK

Tre persona po trajtohen në Qendren Emergjente të QKUK-së.

Burimet e gazetarës së Klan Kosovës, Arbreshë Uka, viktimat janë të plagosur me mjet të mprehtë.

Bëhet e ditur se aktualisht janë duke u kryer ekzaminimet e nevojshme.

Viktimat janë të lindur në vitin 1995, 2003 dhe 2005.

Nuk ka informacionet se ku ka ndodhur apo se si ka ndodhur ky rast.

Pushteti i VV’së në Fushë Kosovë e zgjedh kryesuesin e Kuvendit edhe me votën e Listës Serbe

Lëvizja Vetëvendosje në Fushë Kosovë arriti ta zgjedhë kryesuesin e Kuvendit Komunal në Fushë Kosovë.

Vlonjat Hasani i LVV’së kaloi me tri vota të PDK’së. Rrahim Terrnava, Ermal Dumani dhe Aida Alimi kanë votuar për zgjedhjen e kryetarit të Kuvendit Komunal nga radhët e LVV-së, bashkë me anëtarët e kryesisë.

Pro ka votuar edhe një asamblist i LDK’së.

Për hir të kuorumit ka votuar edhe Radoman Dodoreviq, asamblist nga radhët e Listës Serbe, ku ka futur votën e tij në kuti. Megjithatë, për shkak se vota ka shkuar me procedurë të fshehtë, nuk dihet nëse asamblisti nga Lista Serbe ka votuar pro apo kundër.

Kujtojmë se Lëvizja Vetëvendosje në këtë komunë kishte koalicion me Aleancën për Ardhmërinë e Kosovës (AAK) si dhe në koalicion parazgjedhor me Partinë Demokratike të Ashkalinjëve të Kosovës (PDAK).

Skandal: Serbia bën ndryshim në hartë, përvetëson tokë të Kosovës në Leposaviq

Në procesin e demarkimit të kufirit me Serbinë, pritet që të ketë telashe në të ardhmen, kurdo që ky proces të ndodhë.

Emisioni MAT ka hapur gjeoportalin e Serbisë dhe aty vërehet një ndryshim i bërë muajve të fundit, konkretisht në pjesën më veriore të Kosovës në Leposaviq.

Në këtë gjeoportal vërehet se Serbia ka hyrë dukshëm në një pjesë në territorin e Kosovës, të cilin e ka paraqitur edhe nëpër faqe të hartave online.

“Kufiri me Serbinë meqenëse shumica e materialeve në gjeodezike, bazat hartografike janë krijuar pas Luftës së Dytë Botërore, respektivisht në ish-Jugosllavi janë mirë të saktësuara, mirëpo gjthsesi që do të ketë vështirësi”, shprehet gjeodeti Hamit Basholli.

Sipas tij ndryshimet që ka nisur të bëjë Serbia në vijën kufitare, duhet të merren seriozisht.

“Kosova nuk ka qasje te këto platforma por do të ishte mirë që edhe Kosova të reagojë në këto ndryshime që po ndodhin në platforma ‘online’ por edhe gjeoportalet e shteteve të ndryshme që të mos kalojë kohë e gjatë pa reagim në këtë. Pastaj bëhet njëfarë fakti që është vështirë i diskutueshëm”, shton ai.

Serbia në prag të humnerës, ja çka paralajmëroi Vuçiq

Pasojat e mbylljes së rafinerisë së vetme të naftës në Serbi mund të ndihen për vite me radhë, sepse do të rrezikojnë mijëra vende pune dhe buxhetin shtetëror, dhe do ta ekspozonin vendin ndaj sanksioneve të mëtejshme, thanë ekspertët për AFP, shkruan gazeta kroate “Jutarnji List”.

Rafineria e Industrisë së Naftës së Serbisë (NIS) nuk mund të marrë naftë të papërpunuar nga 9 tetori, pasi Shtetet e Bashkuara të Amerikës vendosën sanksione kundër pronarëve kryesorë të kompanisë nga Rusia, për shkak të pushtimit rus të Ukrainës.

Uashingtoni kërkon largimin e plotë të aksionarëve rusë nga kompania, por negociatat për një shitje të mundshme janë zvarritur, për shkak të të cilave kompania u detyrua të mbyllë rafinerinë të martën, transmeton Paparaci.

“Çdo reduktim i aktivitetit të saj do të ketë një efekt të rëndësishëm në aktivitetin ekonomik të përgjithshëm”, ka thënë profesori i ekonomisë dhe ish-guvernatori i bankës qendrore serbe, Dejan Shoshkiq, për AFP.”

“Mbyllja e rafinerisë mund të ulë zhvillimin ekonomik për vitet e ardhshme”, ka paralajmëruar ai.

Humbja e rafinerisë, e cila siguron 80 për qind të nevojave për karburant të Serbisë, do të nënkuptonte gjithashtu një rritje të madhe të importit për të kompensuar mungesën.

Kompania energjetike hungareze MOL ka pranuar muajin e kaluar të rrisin sasinë e furnizimit të naftës në Serbi, por ekspertët paralajmëruan se mbështetja në importin e karburantit është një zgjidhje e shtrenjtë dhe zgjidhje jo praktike.

Presidenti serb, Aleksandar Vuçiq, tha se kompania do të ketë qasje në sistemet e pagesave në vend të paktën deri në fundjavë, për të paguar pagat dhe për t’u rregulluar me furnitorët.

Çfarë do të ndodhë pas kësaj periudhe, Vuçiq nuk e sqaroi, përcjell Paparaci.

Megjithatë, ai ka thënë se biznesi me një kompani ndaj së cilës janë vendosur sanksione mund të çojë në shkatërrimin e plotë të sistemit financiar të Serbisë nëse Uashingtoni gjithashtu vendos sanksione ndaj bankës qendrore.

Shoshkiqi ka thënë se kjo do ta vendoste bankën në ”listën e zezë” dhe se kjo do të shënonte fundin e kushteve normale të biznesit në vend.

Gjithashtu, kjo do të çonte në ngrirjen e fondeve shtetërore jashtë vendit dhe përjashtimin nga tregjet globale, gjë që do të kufizonte ndjeshëm funksionimin e bankës.

NIS dhe degët e saj kanë sjell mbi dy miliardë euro në arkën shtetërore vitin e kaluar, sipas raportit vjetor të kompanisë, që është pothuajse 12 për qind e buxhetit shtetëror.

Përveç rafinerisë së naftës, kompania zotëron rreth një të pestën e pikave të karburantit dhe përshkruhet si një nga punëdhënësit më të mëdhenj në Serbi me mbi 13.500 punonjës.

“Mbyllja e rafinerisë me gjasë do të çojë në humbje të vendeve të punës, ndërsa humbja e qasjes në sistemin serb të pagesave do të thotë se kompania nuk do të mund të marrë ose të dërgojë para lirisht”, ka thënë Shoshkiqi.

“Kjo do të nënkuptonte gjithashtu se pikat e tyre të karburantit do të duhet të mbyllen”, ka paralajmëruar eksperti i energjisë, Zhelko Markoviq.

Përveç NIS-it, kompania ruse Lukoil, e cila gjithashtu është nën sanksione amerikane, ka pak më shumë se 100 pika karburanti në Serbi.

Licenca e saj për veprimtari skadon më 13 dhjetor dhe nuk ka shenja se do të rinovohet.

Markoviqi tha se këto dy situata mund të çojnë në mbylljen e pothuajse një të tretës së të gjitha pikave të karburantit në vend./Paparaci.com