Time Kadrijaj: Kurti flet çdo ditë për luftë, atëherë kush do të luftojë, deputetët e LVV-së?

Deputetja e AAK-së, Time Kadrijaj e akuzoi Qeverinë për “degradimin e insitucioneve të sigurisë”.

Në seancën e jashtëzakonshme të Kuvendit ku po diskutohet për situatën e furnizimit të FSK-së me ushqim, ajo tha se kryeministri Albin Kurti “po shkatërron gjithçka që është ndërtuar me mund për 25 vjet”.

Ajo pyeti se kush do të luftonte në rast të ndonjë lufte, “nëse jo Policia apo Ushtria”.

“Dhe merreni me mend, një kryeministër që çdo ditë thotë ‘do të ketë luftë’. Atëherë kush do të luftojë? Nëse jo Policia, nëse jo Ushtria, a mundemi ne me llogaritë që këta deputetët e Lëvizjes Vetëvendosje kanë me shku me e mbrojtë atdheun. Kjo nuk do të ndodhë”, tha Kadrijaj.

Haradianaj:Albin Kurti është mashtrues, tradhtar e spiun i Serbisë që e lënë ushtrinë e tij pa bukë

Kuvendi po mban seancë të jashtëzakonshme të thirrur nga opozita rreth krizës së furnizimit me ushqim.

Kryetari i Aleancës për Ardhmërinë e Kosovës, Ramush Haradinaj ka thënë se ushtarët e FSK-së duhet të falënderohen për shërbimin ndaj atdheut.

Ai ka thënë se sot po diskutohet për diçka që është më shumë logjistike.

Më tutje Haradinaj ka thënë se ai është një mashtrues e tradhtar.

‘’I kam thënë mashtrues e tradhtar, por edhe spiun i Serbisë. Po ai i ka të gjitha këto, sepse ka lënë ushtrinë e tij pa bukë, ai punon në dëm të Kosovës’’, ka thënë Haradinaj.

Blero thyen ligjin për kontrollin e duhanit, shfaqet duke pirë cigare në ambient të mbyllur, në dasmë

Këngëtari Blerim Muharremi – Blero mbrëmë ka thyer Ligjin për kontrollin e duhanit, i cili ndalon pirjen e duhanit në ambiente të mbyllura.

Ai mbrëmë u shfaq duke konsumuar cigare në ambient të mbyllur, në ceremoninë e dasmës së këngëtarëve Adri dhe Ilirjana, shkruan Reporteri.net.

Siç mund të shihet në fotot më poshtë, Blero u shfaq duke pirë cigare në disa nga pamjet e mbrëmjes, përkunder se veprimi tij është thyerje e ligjit.

Pirja e duhanit tashmë ndalohet pothuajse në të gjitha ambientet e brendshme publike dhe vendet e punës. Po ashtu, ligji ndalon rreptësishtë të gjitha format e reklamimit, promovimit dhe sponsorimit të duhanit.

Me ligjin e ri për duhanin që pritet të hyjë në fuqi në Kosovë, gjobat për persona fizik do të jenë deri në 200 euro kurse për bizneset ku konsumohet duhan në ambient të mbyllur gjobat deri në 20 mijë euro. /Reporteri.net/.

Kurti në Procesin e Berlinit: Kam vendosur njëanshëm ta lejojë lëvizjen e lirë për qytetarët e Bosnjës nga 1 janari

Kryeministri Albin Kurti tha në samitin e Procesit të Berlinit se Kosova do ta lejojë njëanshëm lëvizjen e lirë për qytetarët e Bosnjë e Hercegovinës.

Kurti tha se Procesi i Berlinit për dhjetë vjet ka shënuar “progres domethënës”, por sipas tij “nevojiten më shumë veptime”.

“Një paradoks u paraqit në janar të këtij viti, kur shtetasit e Kosovës mund udhëtojnë pa vizë në BE, por ende u mungonte liria e lëvizjes në Bosnjë dhe Hercegovinë”, tha Kurti.

“Përderisa entiteti i Republikës Serbe refuzon ratifikimin e marrëveshjes së mobilitetit për lëvizjen e lirë me letërnjoftime, të cilën vendi im ishte i pari në rajon që e ratifikoi në parlament, unë kam vendosur t’i jap fund pritjes. Duke filluar nga janari i vitit të ardhshëm, Republika e Kosovës, do të lejojë në mënyrë të njëanshme lëvizjen e lirë me letërnjoftime të qytetarëve të Bosnjës dhe Hercegovinës”, shtoi ai.

Kurti foli për Tregun e Përbashkët Rajonal (CRM), për të cilin tha se “është një nga të arriturat më të mëdha të këtij procesi”, ndërsa përmendi CEFTA-n.

“Një momentum i ri është fituar pas kapërcimit të ngërçit brenda CEFTA-s. Tash mund të përparojmë me një ritëm të ndryshëm, me barazi në qendër dhe qytetarët si përfituesit e fundit”, tha ai.

Kurti tha se zbatimi i Agjendës së miratuar të Reformave në kuadër të Planit të Rritjes të BE-së “duhet të ndjekë qasjen e ‘garës për në majë’”.

Sot Gjeorgji-Shqipëri! Ja ku mund ta shikoni ndeshjën vendimtare për Kuqezinjtë

Një seancë ku Silvinjo ka mundur të punojë me futbollistët edhe në aspektin taktik të lojës që pritet ndaj vendësve.

Kuqezinjtë janë fokusuar te aspekti atletik për të rikuperuar nga lodhja e ndeshjes me Çekinë, por edhe në aspekte te ndryshme të taktikës që do të përdoret, duke u ndalur më pas edhe te një problem i dukshëm që është shfaqur në ndeshjet e fundit që ka të bëjë me gjuajtjet në portë, një mangësi e madhe e ekipit në dy disfatat kundër Gjeorgjisë në Tiranë dhe Çekisë në Pragë. Në ndeshjen e Tiranës, kuqezinjtë nuk kanë gjuajtur asnjëherë në portën kundërshtare gjatë 90 minutave, ndërsa arritën vetëm dy herë që të kalibronin goditjet në portën Çeke me Asllanin dhe Tucin.

Në këtë takim, nisur edhe nga obligimi që kemi për të marrë vetëm fitoren trajneri Sylvinho duket se do të ketë një formacion me tipare më ofensive. Ndërkohë që porta dhe mbrojtja do të mbetet e njëjtë me Strakoshën mes dy shtyllave dhe Hysajn, Ismajlin, Kumbullën dhe Mitajnë në repartin e mbrojtjes, në mesfushë pritet të tërhiqet Barjami për t’i zënë vendin Laçit, I ndihmuar nga Ramadani dhe Asllani.

Ndërsa në 3-shen sulmuese pritet nga minuta e parë Arbër Hoxha me Jasir Asanin në ndihmë të sulmuesit të vetëm qendror Mirlind Daku. Një ndeshje shumë e vështirë për kuqezinjtë që ndryshe nga takimet e tjera kanë vetëm një zgjidhje, fitoren, për të mbajtur ende gjallë objektivin kryesorë. Gjithçka në Tbilisi të Gjeorgjisë do të startojë nga ora 18:00 dhe të gjithë tifozët shqiptarë do të kenë mundësinë ta ndjekin në Digialb Super Sport dhe në Art Sport.

Feros përsëri i ndodh e papritura, del me njoftim

Ish-reperi i njohur, Fero me anë të një reagimi ka bërë me dije se i është hakuar llogaria e tij në Instagram.

“Accounti im ishte hakuar per disa momente kerkoj ndjesë nese keni marrë mesazhe jo te kendshme gjithsesi. Ju e dini qe prej meje pritet vetem optimizëm dhe asgjë tjetër”, ka shkruar Fero në reagimin e tij.

Vlen të përmendim faktin se së fundmi, Fero ka fituar kujdestarin ndaj vajzës së tij, pas ndarjes nga ish-bashkëshortja e tij Arbenita Ismajli.

Mësohet emri i viktimës në Pejë

Një person është gjetur pa shenja jete mëngjesin e sotëm në “Çarshinë e gatë” në Pejë.

Burime të Indeksonlinet bëjnë të ditur se viktima është Enver Musaj, 64- vjeçar nga Peja.

“Policia rreth orës 07:25 është informuar se në ‘Çarshinë e gatë’ në Pejë një person gjendej i shtrirë. Në vendin e ngjarjes kanë dalë njësitë kompetente ndërsa mjeku kujdestar e ka konstatuar vdekjen e viktimës. Rasti po hetohet”, ka thënë zëdhënësi i policisë për rajonin e Pejës, Fadil Gashi

“Mendoj se herën e kaluar isha unë burri”, Arbenita thumbon Feron në postimin e fundit

Modelja e njohur, Arbenita Ismajli, ka hedhur disa kunja për ish-partnerin e saj, Feron, me të cilin ka një vajzë.

Pas një periudhe të gjatë përpjekjesh për të zgjidhur çështjen e kujdestarisë, Fero e ka fituar atë.

Por, në një postim të fundit në Instagram, Arbenita ka shkruar: “Dua ta provoj të jem bashkëshorte përsëri, mendoj se herën e kaluar isha unë burri”.

Adri bën bashk në dasëm menaxherin dhe ish- menaxherin e Bardhit, por ja si reaguan ata!

Në dasmën e Adrit dhe Ilirianës ishin të ftuar shume figura publike.

Në mesin e tyre u pa edhe Luizi me Jetmir Agaj.

Aty ishte edhe menaxheri i tanishëm i Bardhit, Naser Qeli pasi ai është edhe menaxheri i çiftit.

Ata shijuan naten larg njeri-tjetrit.

Por, Bardhi nuk publikoi asnjë fotografi nga dasma.

Kujtojmë që në rrjete sociale Adri dhe Bardhi ndiqen me njëri-tjetrin.

Shiko fotot:

I riu që vdiq dje nga aksidenti tragjik ishte nip i këtij ish-ministri

Si shkak i një aksidenti të rëndë që ndodhi dje në autostradën “Ibrahim Rugova”, humbi jetën i riu Andi Murati.

Në lidhje me vdekjen e tij ka shkruar edhe ish-ministri i Mbrojtjes, Rrustem Berisha.

Berisha njoftoi se Andi Murati ishte nipi tij dhe se humbja e jetës së tij ka tronditur të gjithë.

Ai theksoi se Andi do të mbetet gjithmonë në kujtime si një djalë i dashur dhe i ndershëm.

Postimi i plotë:

I tronditur nga humbja e jetës së nipit të familjes Andi Murati, në aksidentin e djeshëm në autostradën “Ibrahim Rugova”!

Andi, do të mbetet gjithmonë në kujtimet tona si një djal i dashur dhe ndershëm dhe i respektuar në rrethin familjar e shoqëror.

Shpreh ngushëllimet më të sinqerta familjes Murati nga Peja, dhe gjithë miqëve, e atyre që njohën Andin tonë!
I përjetshëm kujtimi për Andin!

Rr. B..