A e dini se e dashura e re e Ledrit është motra e këtij këngëtari të njohur?

Reperi i famshëm Ledri Vula dhe bukuroshja Rina Zaiti janë në qendër të vëmendjes së publikut pas spekulimeve se ata kanë filluar një lidhje dashurie.

Të dy u fotografuan së fundmi në bregdet, ku dukeshin mjaft të afërt, duke ngjallur aludime për një romancë të re mes tyre.

Fotot e publikuara në rrjetet sociale dhe media rozë tregojnë Ledrin dhe Rinën në momente të qeta pranë njëri-tjetrit, duke shijuar pamjet e detit dhe diellin e ngrohtë.

Afërsia dhe kimi që duket qartë mes tyre kanë bërë që shumë fansa të aludojnë për një lidhje dashurie që sapo ka filluar.

Edhe pse asnjëri prej tyre nuk ka konfirmuar zyrtarisht ndonjë marrëdhënie, përhapja e këtyre imazheve ka rritur spekulimet.

Ledri Vula, i cili është një nga emrat më të njohur në skenën muzikore shqiptare, ka pasur gjithmonë interesin e publikut për jetën e tij personale.

Nga ana tjetër, Rina Zaiti është një influencuere, e cila njihet për bukurinë dhe stilin e saj unik.

Kombinimi i suksesit të Ledrit me bukurinë e Rinës ka tërhequr vëmendjen e të gjithëve, duke i bërë ata një nga çiftet më të përfolura të momentit.

Megjithatë, për momentin, romanca e tyre mbetet thjesht në fazën e aludimeve.

Mbetet për t’u parë nëse do të ketë një deklaratë zyrtare nga Ledri apo Rina, apo nëse kjo histori dashurie do të zhvillohet më tej në sytë e publikut.

Sidoqoftë, fansat e të dyve duket se janë entuziastë për mundësinë e një lidhjeje mes tyre dhe presin me padurim të mësojnë më shumë.

Ndryshe Rina eshte edhe motra e këngëtarit Ron Zaiti.

Shiko foton:

E rëndë: Gjendet e vdekur një grua, policia jep detaje

Një rast i rëndë ka ndodhur sot pasdite në Fushë Kosovë, ku një grua u gjet pa shenja jete. Hetimi për vdekjen e saj tashmë ka nisur, ndërsa trupi i pajetë pritet të dërgohet në IML për obduksion, raporton Gazeta Sinjali.

Nga Policia kanë bërë të ditur se viktima është gjetur në rrugën “Hysen Xhakolli’, ku edhe është konstatuar vdekja e saj – teksa s’dihen akoma detajet e tjera.

“Rreth orës 15:00, kemi pranuar informatën për një trup të pa jetë, në rrugën “Hysen Xhakolli” në Fushë Kosovë. 

Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, femër. 

Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit” – thuhet në përgjigjen e Policisë për Sinjalin.

Heqje patente për Hatin e TikTok-ut dhe burrin e saj Jasharin, gjobiten me kaq para, kjo është arsyeja

Tiktokerja shqiptare Hatixhe Brika, e njohur në rrjet për reklamimin e jetës luksoze duket se për disa kohë nuk do të postojë më video në makinat e shtrenjta që posedon.

Burime për mediat bëjnë me dije se 19-vjeçares dhe bashkëshortit të saj Jashar Stojku i janë hequr patentat pasi kanë publikuar shpeshherë video në rrjetet sociale duke tejkaluar normat e lejuara të shpejtësisë në zonat e banuara, video të cilat kanë marrë miliona shikime.

Çifti Stojku janë ndëshkuar nga policia me përkatësisht, heqje patente për të renë dhe gjobë 20,000 lekë, ndërsa për bashkëshortim e saj heqje patente për 6 muaj dhe gjobë prej 40,000 lekësh./JOQ/

“Fishkëllima dhe debat politik”, Arsenijeviq e përcjell zyrtarin e Qeverisë deri në fund të urës, merr ftesë për kafe

Zëvendësministri i Ministrisë së Administrimit të Pushtetit Lokal (MAPL), Arbër Vokrri, sot ka qëndruar në veri të Mitrovicës.

Sipas një videoje të publikuar nga mediat lokale, ai atje është përballur me fishkëllima nga lideri i Demokracisë Serbe, Aleksandar Arsenijeviq, si dhe disa të tjerë që kundërshtuan shkuarjen e tij atje dhe thërrisnin “Propaganda”.

Vokrri dhe Arsenijeviq zhvilluan edhe një debat.

Zëvendësministri e ka ftuar politikanin serb për kafe në jug por policia nuk e ka lejuar Arsenijeviqin të shkojë atje për arsye sigurie.

“Të shkojmë në qendër të qytetit dhe të kthehemi”, i ka thënë Vokrri, ndërsa Arsenijeviq i është përgjigjur “Kudo që doni”.

“A po garantoni për siguri?”, i ka thënë Arsenijeviq, i cili iu drejtua më pas policisë: “Më lejoni të shkoj njeriu po kërkon të shkojë me të. Duhet ta dini se trimëria ime s’ka kufij duhet ta dini krejt qeveria dhe ju”.

Politikani serb u ankua edhe për flamurin që i është fshirë në urë kur është lyer, ndërsa Vokrri i ka thënë se mund ta kthejnë flamurin diku tjetër.

Por, Arsenijeviq e “interpretoi” deklaratën: E dëgjuat që mund ta kthejë flamurin aty ku ka qenë.

“I keni shkelur të gjitha, edhe marrëveshjen e Brukselit, na i keni thyer këmbë e duar. Fund propagandës, ne po zgjohemi”, vazhdoi Arsenijeviq.

Videon mund ta shikoni këtu:

Nuk ndalen/ Policia me aksion përsëri në veri, kryen bastisje në bankën paralele serbe

Policia e Kosovës – Drejtoria për Krime të Rënda Ekonomike në Prishtinë me urdhëresë të Gjykatës së Mitrovicës Veriore janë duke kryer bastisje në bankën paralele serbe në Leposaviq në Drejtorinë e Thesarit.

Burimet e Tëvë1 mësojnë se atje pritet të ketë konfiskime nga kjo Drejtori.

Ky aksion është duke vazhduar ende dhe lidhet me ato që u realizuan javën e kaluar për mbylljen e bankave paralele serbe.

“Nuk keni të drejtë të komentoni”, ministrja Haxhiu bën veprimin e papritur pasi Bogujevci ia ndërpreu fjalën

Sot në seancën plenare të Kuvendit në rend dite kanë qenë edhe pyetjet parlamentare.

Ministrja e Drejtësisë, Albulena Haxhiu, pasi iu përgjigj pyetjet së deputetes Labinotë Demi-Murtezi, iu drejtua edhe deputetit të PDK-së, Hisen Berisha.

“Më lejoni të përgjigjem edhe ndaj pyetjes, gjegjësisht komentit të deputetit Hisen Berisha”, tha Haxhiu, e më pas nënkryetarja e Kuvendit, Saranda Bogujevci ia tërhoqi vërejtjen.

Bogujevci: Zonja Haxhiu të lutem duhesh vetëm pyetjes t’i përgjigjesh.

Haxhiu: Nënkryetare e Kuvendit të lutem, nuk është në rregull që në Kuvendin e Kosovës të ketë manipulime. Deputeti Hisen Berisha i ka bërë dy pyetje por i ka tërhequr. Unë e kam letrën që ai e ka dërguar dhe thekson se i tërheq pyetjet. Prandaj unë nuk kam faj që deputetët e opozitës i bien pishman.

Derisa fliste Haxhiu, Bogujevci i tha që nuk ka të drejtë të komentojë. Me urdhër të Bogujevcit, regjia ia ndali mikrofonin ministres Haxhiu.

“Regjia iu lutem ndaljani fjalën. Regjia”, tha Bogujevci.

Pas kësaj, Haxhiu e lëshoi sallën e Kuvendit.

Video këtu

Vjen paralajmërimi: Gjërat në Ballkan po nxehen sërish, Rusia dhe Serbia qëndrojnë prapa

Këshilltarja në Fondacionin për Mbrojtjen e Demokracisë, analistja dhe njohësja e zhvillimeve në Ballkan, Ivana Stradner, ka thënë se në Ballkan “gjërat po nxehen sërish”.

Në një shkrim në platformën X, ajo la të kuptohet se kësaj situate po i fryjnë Rusia dhe Serbia.

“Ministri i jashtëm rus, Sergey “Lavrov sapo ka thënë se në Kosovë po ndodh ‘spastrim etnik’ i serbëve dhe e krahasoi atë me Donbasin. Mediat e ministrisë ruse të mbrojtjes shtynë një narrativ për spastrim etnik në Jugosllavi dhe për përgjegjësinë e Perëndimit”, shkroi Stradner.

Më tej, ajo tha se disa ditë më parë, “zëvendëskryeministri i Serbisë u takua me qeverinë ruse për të diskutuar ‘spastrimin etnik’ në Kosovë”.

“Mediat ruse dhe serbe kanë shpërndarë informata se presidenti serb do të diskutojë ‘okupimin e territorit serb’ dhe planet potenciale për kthimin e territorit”, ka potencuar ekspertja për Ballkanin, Ivana Stradner.

BE për Banjskën: Kur gjykata të vendosë kush është fajtor, atëherë do të jetë koha për përgjegjësi

Zëdhënësi i Bashkimit Evropian, Peter Stano, ka mirëpritur përfundimin e hetimeve të Prokurorisë Speciale të Kosovës për sulmin terrorist në Banjskë më 24 shtator të vitit të kaluar, ku u vra rreshteri policor Afrim Bunjaku. 

Prokuroria Speciale ka ngritur aktakuzë ndaj 45 personave për “rastin Banjska” të mërkurën.

“BE-ja e mirëpret faktin që Prokuroria Speciale e Kosovës ka përfunduar hetimin për sulmin në Banjskë dhe ka ngre aktakuzat relevante. BE-ja në mënyrë të vazhdueshme ka përsëritur pritjet që të gjithë përgjegjësit dhe të përfshirët në këtë sulm brutal të mbahen përgjegjës. Tash nis procesi gjyqësor. Ne presim përfundimin e procesit”, ka thënë Stano.

Stano në konferencë për media të enjten ka thënë se Bashkimi Evropian është duke pritur tash vendimin e gjykatës dhe ka shtuar se Serbisë vazhdimisht i është kërkuar të bashkëpunojë lidhur me rastin.

“Presim që Serbia plotësisht të bashkëpunojë në hetim të këtij sulmi. Kjo është pritja e BE-së dhe qëndron ende dhe ne e përcjellim mesazhin vazhdimisht te partnerët tanë në Serbi. Kemi thënë atëherë në fund shtatorit të vitit të kaluar se ky sulm përbënte një eskalim të qartë e paprecedentë dhe do të ketë pasoja. Kur gjykata në Kosovë të vendosë kush është fajtor e kush është përgjegjës apo pafajshëm, atëherë do të jetë koha për përgjegjësi”, ka thënë Stano.

“Ne kemi një gamë të instrumenteve që mund të përdorim në konsultim me shtetet anëtare. Nuk jem ende aty. Procesi gjyqësor ka nisur. Me rëndësi hetimi ka përfunduar. Tash gjykata duhet të vendosë nëse përfundimet e hetimit janë të kënaqshme. Do të shohim përfundimin”, ka theksuar Stano.

BE-ja vazhdimisht kishte insistuar se është në pritje të përfundimit të hetimeve për të marrë veprime. Por, Stano të enjten ka thënë se është normale që duhet pritur përfundimi i procesit gjyqësor.

“Është logjike çdo hetim pasohet nga procesi gjyqësor. Hetimi krijon konludimet e caktuar e ato dorëzohen në formë aktakuze. Tash procesi gjyqësor nis. Kjo është procedurë gjyqësore dhe nuk të ndërhyhet. Është pjesë procesi. Kur përfundohet e gjitha, atëherë është koha për të tjerët të komentojnë e t’i nxjerrin pasojat”, tha Stano.

I pyetur nëse BE-ja do të insistojë që Milan Radoiçiq të ekstradohet në Kosovë, Stano ka thënë se qëndrimi gjithmonë ka qenë i qartë se “Serbia duhet të bashkëpunojë plotësisht”.

Vulin kërcënon Kosovën: Situata mund të eskalojë në çdo moment…

Aleksandar Vulin, zëvendëskryeministër i Serbisë, ka dhënë një intervistë për mediumin rus “RIA Novosti”, ku ka bërë një deklarim kërcënues kundrejt Kosovës.

Duke folur për situatën në Kosovë, Vulini, që është i sanksionuar nga SHBA-ja, tha se situata mund të eskalojë në çdo moment. Nëse eskalon, tha Vulini, “Serbia nuk do të qëndrojë duarkryq”.

 

“Situata në provincën jugore serbe – [siç Vulin e quan Republikën e Kosovës v.j.] – mund të eskalojë në cilindo moment. Kur dhuna përdoret kundër serbëve, është e pamundshme të pritet që secili, sidomos Serbia, do të qëndrojë duarkryq e të shikojë. Natyrisht se ne s’do të bëjmë ashtu” – tha ai.

 

Vitia: Hera e parë në 7 vjetët e fundit që shifra e ikjes së mjekëve është ulur

Ministri i Shëndetësisë, Arben Vitia, ka thënë se është hera e parë në 7 vjetët e fundit që shifrat e ikjes së mjekeve janë ulur.

Vitia i është kundërpërgjigjur deputetit të PDK-së, Bekim Haxhiu, i cili tha se nga ikja e mjekëve do të kolapsojë sistemi shëndetësor. Ai ka akuzuar Haxhiun për shpifje.

“Në 7 vjetët e fundit është hera e parë që shifra e ikjes së mjekëve është ulur”, tha Vitia në Kuvend.

“[Bekim Haxhiu] Tha se statuti i SHSKUK-së po i mbyll disa shërbime e ne, qytetarë të nderuar, çdo ditë po hapim shërbime të reja dhe kjo është një e pavërtetë e radhës. Tha për mungesë të barnave, që situata kurrë s’ka qenë më keq, është një e pavërtetë tjetër. Në Kosovën e pasluftës kurrë më shumë s’kanë qenë të furnizuara QKUK dhe spitalet rajonale. Sa i përket marrjes së shtretërve në Pediatri është një e pavërtetë tjetër. Ne i shfrytëzojmë të gjitha kapacitetet që kemi nëse nuk shfrytëzohen nëpër klinika”, tha Vitia.

Deputeti i Partisë Demokratike të Kosovës, Bekim Haxhiu, në deklarimet jashtë rendit të ditës në seancën e Kuvendit, ka folur për largimin e profesionistëve shëndetësorë nga Kosova.

Haxhiu: Alarmante, për tri vjet e gjysmë u larguan mbi 3860 profesionistë shëndetësor nga Kosova