Mblidhen 90 mijë euro për shërimin e Uvejs Fetahut, familja falenderon ata që ndihmuan, mbyllet aksioni

Maqedonci: Kosova është në rrugën e duhur me pajisjen e 246 raketave “Javelin”

Molliqaj- Kurtit: Kryeministër jo i popullit, por i kapitalit!

Molliqaj përmes një shkrimi në Facebook thotë se ky kryeministër është i kapitalit dhe jo i popullit.

“Sa më shpejtë që kryeministri e lëshon karrigen e spektatorit dhe kujdeset për mirëqenien e qytetarëve, pra, e realizon detyrën e tij, aq më mirë edhe për të. Përndryshe, nëse vazhdon në krahun e bankave, le të paguhet nga fitimet e tyre, jo nga tatimet tona”, shkroi Molliqaj.

Krasniqi: Kurti, kryeministri i parë që shkoi në Leshak të Leposaviqit

Merret vendimi kundër katër serbëve të arrestuar për sulm ndaj Policisë së Kosovës

Gjykata Themelore në Mitrovicë ka vendosur masën e arrestit shtëpiak kundër katër serbëve të arrestuar për sulmin ndaj Policisë së Kosovës para dy ditëve më parë në veri të Mitrovicës.

RN (2004), LK (2005), VJ (2003) dhe MM (2005) ishin arrestuar nën dyshimin se kanë fyer dhe sulmuar dy policë, njëri prej të cilëve, sipas policisë, ka pësuar lëndime.

Aktgjykimi i themelores nuk është publikuar akoma, mirëpo sipas raportimeve nga mediat serbe, prindërit e fëmijëve të arrestuar e kanë konfirmuar se ndaj të rinjve serbë është shqiptuar masa e arrestit shtëpiak.

Prindërit e fëmijëve të arrestuar si dhe avokatët e tyre kanë pretenduar se Policia e Kosovës kishte ushtruar dhunë ndaj të arrestuarave dhe kësisoj janë organizuar protesta sot në veri të vendit.

Për shkak të sigurisë, të rinjtë serbë janë gjykuar në Gjykatën Themelore në Mitrovicë.

Zhduket nga rrjetet sociale, influencerja e njohur është bërë murgeshë

Nëse keni qenë ndjekëse të saj në në platformat TikTok dhe YouTube, këni vënë re se kohët e fundit është “zhdukur”.

Më konkretisht, influencerja greke Helen Mazlou, 23 vjeç njoftoi se ishte bërë murgeshë dhe tani quhet Durim.

Në postimin në llogaritë e saj në rrjetet sociale, ajo shkruan se e do Zotin dhe ka lënë postime që lidhen vetëm me krishterimin.

Në postimin në llogaritë e saj në rrjetet sociale, ajo shkruan se e do Zotin dhe ka lënë postime që lidhen vetëm me krishterimin.

Getinjo në lidhje dashurie me modelen dhe këngëtaren superseksi!

Reperi shqiptar, Getinjo, është një emër shumë i suksesshëm në tregun muzikor.

Krahas karrierës, jeta e tij personale ka qenë gjithmonë larg syrit mediatik.

Së fundi, disa fotografi dhe video të postuara bashkë me modelen dhe këngëtaren boshnjake, Sanela, kanë bërë që ndjekësit të dyshojnë se janë në lidhje dashurie.

Përveç këtyre imazheve, dyshja kanë filluar të shkëmbejnë edhe komente në rrjetet sociale.

Shiko Foton:

Çfarë po ndodh, Njësia Speciale vendoset afër stacionit policor në veri të Mitrovicës

Njësia Speciale e Kosovës është vendosur në afërsi te stacionit të policisë në veri të Mitrovicës, pas thirrjeve nga qytetarët serbë për të dal në protesta masive.

Një grup i qytetarëve të mërkurën paradite kanë protestuar para stacionin policor në veri të Mitrovicës, të cilët kanë kërkuar lirimin e katër serbëve të arrestuar një ditë më parë.

Ndërsa, Policia e Kosovës ka bërë të ditur se katër personat janë arrestuar për shkak se kanë sulmuar pjesëtarë të policisë./Teve1

Haradinaj: Kurti fshihet pas frikës së vet

Kryetar i AAK-së Ramush Haradinaj, ka kritikuar ashpër Kryeministrin Albin Kurti për vizitën e tij të fundit në veriun e Kosovës, duke e quajtur atë një mashtrim ndaj qytetarëve. Ish-kryeministri akuzoi Kurtin për frikë dhe paranoja, duke pretenduar se këto kanë çuar në gabime edhe nga mekanizmat e sigurisë.

“Nuk është trimëri që me një divizion të Policisë, Kryeministri të shkojë në një pjesë të territorit të tij për një hamburger dhe të mashtrojë çtar se gjithçka në Veri është rregulluar,” shkroi Haradinaj në një postim në Facebook. Ai vazhdoi duke akuzuar Kurtin se frikësohet të përballet me gazetarët dhe të shpjegojë çështje të ndryshme, duke përfshirë akuzat e Presidentes, Procesin e Berlinit, dhe mos-hapjen e urës.

Lideri i opozitës gjithashtu pretendoi se k aktual po i shmang gazetarët dhe po i shtyn kolegët e tij të flasin për tema të ndryshme pa dhënë shpjegime konkrete. Haradinaj shkoi edhe më tej, duke aduar se Kurti po shmang diskutimin për ligjin e konfiskimit të pasurisë së paligjshme, duke sugjeruar se bashkëpunëtorët e tij mund të jenë të prekur nga ky ligj. “Ai sot as për Byron për Konfiskim të Pasurisë nuk foli sepse ai e din që bashkëpuntorët e vet do të jenë klientët e parë të saj,” shtoi ish-kryeministri.

Nesër seancë plenare, ky është rendi i ditës

Kuvendi ka njoftuar se nesër do të mbahet seancë plenare nga ora 10:00.

Ky është rendi i ditës:

1.    Miratimi i procesverbaleve nga seancat e mëparshme,

2.    Deklarimet jashtë rendit të ditës,

3.    Pyetjet parlamentare,

4.    Zgjedhja e një (1) anëtari të Bordit të Radiotelevizionit të Kosovës, nga radha e komunitetit shqiptar,

5.    Emërimi i shtatë (7) anëtarëve të Këshillit të Kosovës për Trashëgimi Kulturore,

6.    Votimi i Projektligjit nr.08/L-309 për ratifikimin e Marrëveshjes së financimit, për programin e parë për “Financimin e  politikave zhvillimore për efektivitetin fiskal, konkurrueshmërinë dhe rritjen e gjelbër”, në mes të Republikës së Kosovës  e përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim,

7.    Shqyrtimi i Projektligjit nr.08/L-313 për ratifikimin e amendamentimit të Marrëveshjes për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore,

8.    Shqyrtimi i Projektligjit nr.08/L-314 për ratifikimin e Marrëveshjes së kredisë mes të Republikës së Kosovës  dhe Bankës Evropiane për Investime për Projektin Energjia diellore fotovoltaike në KEK – Porta Globale,

9.    Votimi në lexim të dytë i Projektligjit nr.08/L-212 për shëndetin riprodhues dhe fertilizim të asistuar mjekësor,

10.    Votimi në lexim të dytë i Projektligjit nr.08/L-294 për ndryshimin dhe plotësimin e Ligjit nr.08/L-197 për Zyrtarët Publikë,

11.    Shqyrtimi i dytë i Projektligjit nr.08/L-287 për Këshillin e Sigurisë të Republikës së Kosovës,

12.    Shqyrtimi i dytë i Projektligjit nr.08/L-275 për rrugët,

13.    Shqyrtimi i dytë i Projektligjit nr.08/L-290 për ndryshimin dhe plotësimin e Ligjit nr.08/L-013 për të drejtat pronësore të shtetasve të huaj në Republikën e Kosovës,

14.    Votimi në parim i Projektligjit nr.08/L-266 për gjendjen civile,

15.    Votimi në parim i Projektligjit nr.08/L-300 për provimin e maturës shtetërore,

16.    Shqyrtimi i parë i Projektligjit nr.08/L-306 për ndryshimin dhe plotësimin e Ligjit nr.05/L-132 për automjete,

17.    Shqyrtimi i parë i Projektligjit nr.08/L-311 për menaxhimin e resurseve ujore,

18.    Shqyrtimi i Projektkodit të sjelljes për deputetët e Kuvendit të Republikës së Kosovës,

19.    Shqyrtimi i Programit Kombëtar për Integrim Evropian 2024-2028,

20.    Votimi i Projekt-rezolutës për adresimin e gjetjeve të Raportit të Departamentit Amerikan të Shtetit-DASH,

21.    Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,

22.    Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,

23.    Shqyrtimi Projekt-Rezolutës për tërheqjen e tri (3) projektligjeve nga shqyrtimi në Kuvend,

24.    Shqyrtimi i Projekt-Rezolutës për arratisjen e personave të dënuar – degradimi i institucioneve të sigurisë,

25.    Shqyrtimi i Raportit me rekomandime për mbikëqyrjen e zbatimit të Ligjit nr.05/L-090 për sponsorizime në fushën e kulturës, rinisë dhe sportit, i ndryshuar dhe plotësuar me Ligjin nr.06/L-116,

26.    Shqyrtimi i Propozim-rezolutës për vlerësimin e punës së Agjencisë për Informim dhe Privatësi për vitin 2022,

27.    Shqyrtimi i Raportit të Performancës së ndërmarrjeve publike për vitin 2022,

28.    Raportimi i Qeverisë së Republikës së Kosovës për progresin mbi zbatimin e Objektivave të Zhvillimit të Qëndrueshëm dhe reflektimin e Agjendës Transformuese të Kosovës në buxhet dhe politika qeveritare,

29.    Themelimi i Komisionit Ad-Hoc për përzgjedhjen e kandidatëve për dy (2) anëtarë të Bordit të Radiotelevizionit të Kosovës, prej tyre, një nga komuniteti shqiptar dhe një nga komuniteti serb.