Kurti deklarohet për Asociacionin, ja çfarë thotë

Kryeministri i Kosovës, Albin Kurti, në një intervistë për Financial Times ka folur për çështjen e Asociacionit të Komunave me Shumicë Serbe, për të cilën është pajtuar në marrëveshjen e fundit Ohër-Bruksel dhe ka një presion të madh nga faktori ndërkombëtar për ta themeluar.

Asociacioi po kërkohet me ngulm edhe nga Beogradi zyrtar.

Por, kryeministri Kurti ka thënë se s’mund të ketë një super minoritet serb në Kosovë ashtu siç dëshiron Beogradi.

“Unë nuk dua që askush të jetë i privilegjuar, gjithashtu s’dua që askush të jetë i diskriminuar. S’mund të ketë super-minoritet siç dëshiron Beogradi”, ka thënë Kurti për Financial Times.

Këngëtarja rrëzohet në skenë, reagimi i saj nuk duhet humbur

Këngëtarja dhe aktorja meksikane Belinda Peregrín Schüll u rrëzua gjatë shfaqjes së modes në Javën e Modës në Paris. Belinda mori pjesë në sfilatën e L’Oreal Walk Your Worth dhe u “pengua” gjatë ecjes duke përfunduar në dyshemenë e pistës.

Këngëtarja Anitta, e cila ka mbajtur edhe sfilatën, i ka ardhur me shpejtësi në ndihmë dhe e ka inkurajuar që ecjen ta bëjë deri në fund. Belinda më vonë bëri shaka me veten në rrjetet sociale, transmeton Indeksonline.

Video

“Nuk ka rëndësi sa herë bie, është se si ngrihesh. Faleminderit Anitta”, ka shkruar ajo. Ajo e krahasoi rënien e saj me rënien e Carrie Bradshaw në serialin Sex and the City, në episodin The Real Me. “Momenti më i mirë i jetës sime edhe pse nuk e imagjinoja ashtu”, ka thënë ajo me shaka.

Për shkak të mënyrës sesi e ka përballuar pas aksidentit, sot shumë njerëz e lavdërojnë në rrjetet sociale dhe e quajnë “mbretëresha”.

Përkundër kritikave të opozitës, dërgohet në seancë ky projektligj

Përkundër kritika të partive opozitare, Komisioni për shëndetësi ka dërguar për në seancë Projektligjin për sigurimin e detyrueshëm të kujdesit shëndetësor, raporton Ekonomia Onlinë.

Opozita e cilësoi të vonuar dhe pa zgjidhje të qëndrueshme, ndërsa nga partia në pushtet konsiderojnë se “reforma në shëndetësi po merr një dinamizëm më të madh”.

Deputeti i Lidhjes Demokratike të Kosovës, Armend Zemaj ka theksuar se ky projektligj është i obligueshëm në bazë të rregullores së punës së Kuvendit dhe pa marrë parasysh verdiktin ky projektligj detyrimisht shkon në kuvend për shqyrtim.

Zemaj theksoi se Projektligji për sigurime shëndetësore është i vonuar dhe se ai në përmbajtje nuk ofron zgjidhje të qëndrueshme.

“Më shumë është përgatitur për të mbuluar dështimin katërvjeçar të qeverisë në sektorin e shëndetësisë dhe ky ligj nuk mund të improvizohet në fund të mandatit sa për të mbuluar procedurën legjislative”, ka theksuar Zemaj.

Deputeti i Grupit parlamentar të Vetëvendosjes, Haxh Avdyli ka theksuar se reforma në shëndetësi po merr një dinamizëm më të madh.

“Besoj që deri në fund të mandatit do të kemi edhe Ligjin për shëndetësi, Ligjin për inspektoratet po edhe Ligjin për sigurimet shëndetësore të cilat do të rrumbullakojmë reformën në shëndetësi”, ka theksuar Avdyli.

Sipas tij, ky projektligj i ka adresua të gjitha mangësitë të cilat kanë penguar që Kosova deri sot mos të ketë sigurime shëndetësore.

Kurse deputeti i Aleancës për Ardhmërinë e Kosovës, Shemsedin Dreshaj tha se do të jetë shumë e vështirë që të përjetësohet në praktikë, sepse sipas tij ka ardhur vonë dhe nuk është koha të amendamentohet.

Sipas tij për të realizuar sigurime shëndetësore nevojiten minimumi katër vite që të grumbullohet fondi dhe që të funksionalizohet procesi.

“Është e çuditshme pse pas tri viteve qeverisje sillet këtu, sikur ta kishim pasur në fillim të vitit 2021 vërtetë do të kishim dhënë kontributin tonë”, theksoi Dreshaj

Dreshaj u shpreh se ky projektligj me të gjitha premisat është i paraparë të dështojë.

U nda nga i dashuri ditë më parë, Santiana bën postimin e papritur

Nuk është hera e parë që ish-banorja e BBVK Santiana Maloku, bën bujë me thëniet e publikuara në rrjetet sociale.

Së fundmi ka publikuar një thënie në gjuhën angleze, ku siç duket është një “diss”.

“Është paqësore kur nuk interesohesh më për askënd”, thuhet në postim.

Sigurisht, kjo vjen pas ndarjes nga Lirimi dhe mendja na shkon se ky shkrim i dedikohet atij.

“Po thot halla Shqipe, Gonja e Valbona…” kjo është nusja Saranda për të cilen iu dedikua kënga virale

Në botën e internetit, disa momente arrijnë të kapin vëmendjen e publikut dhe të shndërrohen në virale, siç është rasti me këngën e dedikuar për nusen Saranda.

Fraza e njohur “Po thot halla Shqipe, Gonja e Valbona…” ka bërë xhiron e rrjeteve sociale, duke krijuar një atmosferë argëtuese dhe duke tërhequr mijëra klikime dhe shpërndarje.

Kjo këngë është bërë një hit i momentit dhe ka frymëzuar shumë njerëz të krijojnë versionet e tyre dhe t’i ndajnë ato me miqtë e familjen.

Saranda, nusja për të cilën u krijua kjo këngë, ka tërhequr vëmendjen jo vetëm për fatin e saj në martesë, por edhe për faktin se ka hyrë në zemrat e shumë njerëzve përmes kësaj kënge që tani konsiderohet ikonike në rrjet.

Edhe pse e thjeshtë dhe plot humor, kënga ka një impakt të madh, duke u bërë një simbol i gëzimit dhe dashurisë që lidhet me martesat tradicionale shqiptare.

Ndonëse ndonjëherë detajet rreth Sarandës mund të jenë të paqarta, një gjë është e sigurt: ajo është bërë pjesë e një momenti të paharrueshëm në kulturën popullore, duke u përmendur nga halla Shqipe, Gonja dhe Valbona në një këngë që nuk do të harrohet lehtë./gazetaimazhi/

Shiko foton:

Kurti: Serbia është përgjegjëse për vrasjen e Afrim Bunjakut, për këtë kërkojmë ndihmën e ndërkombëtarëve

Kryeministri Albin Kurti bashkë me kryetarin e Kuvendit, Glauk Konjufca, si dhe një pjesë të kabinetit të tij qeveritar, kanë bërë sot homazhe pranë varrit të heroit të Kosovës, Afrim Bunjaku në njëvjetorin e rënies së tij.

Ai tha se heroi Afrim Bunjaku lartësoi shtetin e Kosovës edhe për popullin e Kosovës, por edhe opinionin publik ndërkombëtar, raporton Gazeta Express.

“Rënia e Afrim Bunjakut është dëshmi që Kosova edhe i del zot vetes edhe ngadhënjen në çdo betejë. Sot që po flasim, Kosova nuk ka burime të brendshme që e cenojnë sigurinë apo stabilitetin e të cilat ne nuk arrijmë t’i kontrollojmë apo menaxhojmë. Anembanë Kosovës, në çdo cep është shteti i Kosovës, shteti i Republikës demokratike dhe të pavarur të Kosovës, të cilës i shërbejmë me nder dhe përkushtim. Numri i policëve me kadetë të rinj po rritet, morali i policisë sonë edhe ushtrisë tonë kurrë s’ka qenë më i lartë, andaj kjo sakrificë, ky flijim i rreshterit të policisë, të heroit Afrim Bunjaku ia ka vlejtur fort për Policinë, për shtetin dhe për gjeneratat e ardhshme”.

Ai tha se me rënien e tij nuk ranë policë të tjerë, ndërsa për kolegët e Afrim Bunjakut që ishin me të kur u sulmuan, tha se nuk lejuan që trupi i tij të bie në dorën e grupit terrorist.

“Duke rënë Afrim Bunjaku nuk kanë rënë shumë policë të tjerë dhe ata policë që ishin në betejë bashkë me të nuk lejuan që trupi i pajetë i heroit tonë të bie në duart e forcave armike e forcat që ishin të financuara dhe të dirigjuara nga Serbia me paramilitarë që kishin shumë më tepër armatim sesa Afrim Bunjaku me shokë ikën me turp, i lanë të vrarët dhe të plagosurit e tyre dhe sot fshihen nëpër Serbi sepse e dinë që e kanë humbur betejën njëherë e përgjithmonë me shtetin tonë dhe me popullin tonë liridashës”.

Kurti tha se për vrasjen e rreshterit Afrim Bunjaku përgjegjëse është Serbia dhe se ajo duhet të japë përgjegjësinë. Këtu ai kërkoi ndihmën e ndërkombëtarëve.

“Serbia është përgjegjëse, andaj Serbia duhet të japë përgjegjësi. E në këtë pikë ne kërkojmë mbështetjen, ndihmën, përkrahjen e faktorëve ndërkombëtarë. Idealet e dëshmorëve për neve do t’i jetësojmë e po i jetësojmë, ndërkaq kujtimin tonë për ta do ta përjetësojmë e po e përjetësojmë. Sot në Banjskë të Zveçanit është vendosur tabela në të cilën shkruan rruga “Afrim Bunjaku”. Kjo është rruga e të gjithë neve”.

“I thashë ruju, më tha që s’ka frikë”, vëllai i Afrim Bunjakut tregon telefonatën e fundit me të

Mujë Bunjaku, vëllai i heroit të Kosovës, Afrim Bunjaku, ka treguar telefonatën e fundit që pati me vëllain e tij para se të vritej në sulmin terrorist më 24 shtator të vitit të kaluar në Banjskë.

Ai thotë se e kishte porositur që të ruhej meqë situata s’ishte e mirë, por se Afrimi i ishte përgjigjur se s’kishte frikë.

“Kemi folë nja gjysmë ore dhe i thashë ruju, sikur kur ta tregon Zoti, i thashë ruju se nuk është situata e mirë. Ai tha “jo se nuk frikësohem se është tokë e jona. Asnjë pikë frikë s’e kam”. Duhet ta çojmë në fund amanetin e Afrimit dhe ruajmë çdo milimetër të Kosovës”, tha Bunjaku në Klan Kosova.

Ai ka treguar edhe për atë se si po e përjeton familja e tij mungesën e Afrimit, duke shtuar se ai që e përmend më shumë është djali i tij i vogël.

Vajza e tij, është në Gjermani, ndërsa shoqja [bashkëshortja] është me djemtë në Kosovë. Djali i madh është i punësuar, djali i vogël shkon në shkollë. Është shumë e vështirë se djali i vogël, 11 vjeç, e përmend shpesh. Ka qenë shumë i lidhur dhe Afrimi e ka dashtë shumë”.

Ai thotë se si familje e ndiejnë dhimbjen, por edhe krenarinë për veprën e Afrimit, ndërsa tregoi se familja e tij ka shumë mbështetje, qoftë nga institucionet, qoftë nga vetë populli.

“Ka qenë një vit shumë i vështirë, por jemi krenarë. Përkrahja është e madhe, duke filluar nga institucionet, popullata, Shqipëria, deri në Australi të largët, Shtetet e Bashkuara të Amerikës, Kanada, nga të gjitha anët dhe kjo po na mban shumë, përkrahja është e madhe edhe krenaria është e madhe. Afrimi nuk ishte vetëm djali ynë, por i krejt kombit shqiptar”.

Yll Limani feston sot ditëlindjen, ja sa vite mbushi

Këngëtari i njohur shqiptar Yll Limani feston ditëlindjen.

Karrierën muzikore e nisi me pjesëmarrjen në “The Voice of Albania” në vitin 2011, duke prekur gjysmëfinalen e këtij spektakli.

Tani ai ka arritur të jetë ndër emrat me të dashur për publikun shqiptar.

Djali i babës, Jetlum Afrim Bunjaku i hap dyert e shtëpisë në njëvjetorin e rënies heroike të babait

Familja e Afrim Bunjakut po pret vizitorë të shumtë, të cilët po u shkojnë për vizitë, në njëvjetorin e rënies së heroit.

E viztorët e shumtë po i pret djali i Afrim Bunjakut Jetlumi, i cili i ka hapur sot dyert e shtëpisë, në njëvjetorin e rënies së babait.

Djali i heroit këtë mëngjes ishte kujdesur të vishej bukur dhe para shtëpisë së tij të priste mysafirët. Sot ai priti dhe krerët e shtetit, kryeministrin Albin Kurti e kryeparlamentarin Glauk Konjufca.

Ndryshe, mbi shtëpinë e Bunjakut e cila sot po pret shumë vizitorë, janë vendosur edhe flamurë. E flamurë të shumtë janë vendosur dhe në tërë fshatin Samadrexhë vendlindjen e Afrim Bunjakut, e cila sot po e kujton heroin e tyre, i cili ra heroikisht një vit më parë.

VIDEO KËTU:

Vendlindja e Afrim Bunjakut vishet me flamurë, në nderim të heroit

Fshati Samadrexhë i Vushtrrisë sot ka marrë një pamje krejtësisht tjetër. Këtë mëngjes Samadrexha është stolisur e tëra me flamurë.

E gjithë kjo po bëhet në nderim të heroit Afrim Bunjaku, në njëvjetorin e rënies së tij.

Flamuri kuq e zi dhe ai i Kosovës, valvitën dhe mbi shtëpinë e Afrim Bunjakut, shtëpi e cila sot po pret shumë vizitorë.

E për vizitë familjes Bunjaku sot i ka shkuar dhe kryeministri i vendit Albin Kurti.

Ndryshe nën patronazhin e kryeministrit Albin Kurti, sot janë organizuar aktivitete për shënimin e njëvjetorit të rënies së rreshterir policor, Afrim Bunjaku. /Gazeta Imazhi/