Kurti për hapjen e Urës së Ibrit: Po i presim QUINT-in dhe KFOR-in

Kryeministri i Kosovës, Albin Kurti ka thënë se janë gati për hapjen e urës së Ibrit, teksa shtoi se janë duke pritur miratimin e QUINT-it dhe KFOR-it.

Kurti në një deklarim për media nga veriu i Mitrovicës,  tha se kanë bërë vlerësimin e qëndrueshëmrisë në aspektin fizik dhe teknik së Urës së Ibrit, pastrimin e mjedisit rrotull dhe se ka kaluar një kohë nga raporti preleminar.

Më tej, ai theksoi se Ura e Ibrit duhet të hapet për automjete, sepse sipas tij liria e lëvizjes, sundimi i ligjit dhe marrëveshja në Bruksel e kërkojnë një gjë të tillë, raporton teve1.

“Ne jemi gati, me konsultime dhe koordinim, po i presim QUINT-in dhe KFOR-in, ne i kemi kryer punët tona, kemi bërë përgatitjet sa i përket pastrimit, mjedisit rrotull aty, edhe vlerësimit të qëndrueshmërisë në aspektin fizik dhe teknik, tashmë kanë kaluar bukur kohë që raporti preliminar thotë se ura është e qëndrueshme, besoj ajo urë duhet të hapet edhe për automjete sepse liria e lëvizjes, sundimi i ligjit dhe marrëveshja në Bruksel e kërkojnë një gjë të tillë”, deklaroi Kurti para mediave.

Ky është politikani serb i arrestuar në veri, i fishlleu sot edhe Kurtit

Është arrestuar në stacionin policor në Veri të Mitrovicës, politikani serb Aleksandër Arsenijeviq.

Ai dyshohet se i ka fishkëlluar kryeministrit Albin Kurti, i cili sot ka vizituar bizneset e shqiptarëve në veri të Mitrovicës.

Zëvendësdrejtori për veriun e Kosovës, Veton Elshani, deklaroi se Arsenijeviq është shoqëruar në stacionin policor së bashku me një person tjetër.

“E kemi shoqëruar në stacionin policor në jug atë dhe një tjetër, për prishje të rendit dhe qetësisë publike”, tha Elshani.

Ndryshe, kryeministri i Kosovës, Albin Kurti ka qëndruar sot në veri të Mitrovicës.

Ai ka vënë gurthemelin e objektit për stacion policor në fshatin Leshak të Leposaviqit.

Kurti është shoqëruar nga ministri i Punëve të Brendshme, Xhelal Sveçla dhe ministri i Administrimit të Pushtetit Lokal, Elbert Krasniqi

I fishkëlleu Kurtit, Policia e Kosovës arreston politikanin serb në veri (PAMJE)

Hoti: Çmimi i energjisë është rritur dy herë në këtë mandat, por jo pagat dhe të ardhurat e tjera

Deputeti i Lidhjes Demokratike të Kosovës, Avdullah Hoti ka thënë se në vitin e katërt të mandatit, do të duhej të promovohej termocentrali me gaz. Por në vend të këtij projekti, sipas Hotit, kryeministri dhe ministrja e Ekonomisë, vizitojnë KEK-un dhe krenohen me remontin e blloqeve në përgatitje për dimrin që po bjen.

“Kjo është për keqardhje. Pas katër vitesh në pushtet, asnjë projekt madhor nuk ka nisur. Nuk janë kryer as projektet e nisura nga qeveria e kaluar”, ka shkruar ndër të tjera Hoti.

Ky është postimi i plotë:

I fishkëlleu Kurtit, Policia e Kosovës arreston politikanin serb në veri (PAMJE)

Sot në veri të Mitrovicës është arrestuar politikani serb Aleksandar Arsenijeviq, pasi që fishkëllima gjatë vizitës së kryeministrit Kurti në një lokal ushqimor me pronar shqiptar në shesh.

Kurti ka bëra disa vizita sot në veri, duke përfshirë edhe pjesëmarrjen në vendosjen e gurthemelit të nënstacionit policor në Leshak.

Veriu.info ka siguruar pamje nga momenti i arresti.

Klikoni këtu për të parë videon!

Reagimi i BE-së pas dy ditësh, Stano: Është përgjegjësi zbatimi i marrëveshjes për lirinë e lëvizjes

Bashkimi Evropian ka reaguar lidhur me bllokadat nëpër pika kufitare nga Serbia, dy ditë pasi u hapën pikëkalimet. Zëdhënësi Peter Stano ka thënë se të gjitha shtetet duhet të zbatojnë marrëveshjen për lirinë e lëvizjes.

“Liria e tubimit paqësor, duke respektuar ligjin, është absolutisht thelbësore në çdo demokraci. Megjithatë, personat e maskuar në Serbi, pranë pikave të përbashkëta të kalimit, që bllokojnë trafikun që vjen nga Kosova dhe frikësojnë udhëtarët, nuk bëjnë pjesë në këtë kategori. Marrëveshja e dialogut e vitit 2011 për lirinë e lëvizjes përcakton qartë parimin e udhëtimit të lirë brenda ose përmes territorit të palës tjetër. Është përgjegjësi e secilës palë që t’i zbatojë ato dispozita në territorin e saj, në këtë rast Serbisë”,ka thënë Stano.

Pikëkalimet kufitare mes Kosovës e Serbisë iu kthyen normalitetit pasi u hoqën bllokadat dhe Kosova më pas liroi pikat që i mbylli në përgjigje të selektimit racist nga ana e serbëve protestues.

Ndërsa dje, kryetari i Kuvendit, Glauk Konjufca, pas mbledhjes së Kryesisë, tha se Brukseli dhe bashkësia ndërkombëtare nuk kanë reaguar për bllokadat në pikat kufitare dhe duke qenë sipas tij të njëanshëm, procesi i dialogut ndodhet në një qorrsokak.

“I takon bashkësisë ndërkombëtare të jetë shumë ma e përcaktuar se çka po dëshiron. Nëse dëshiron palë të barabarta, si dy shtete, nëse dëshiron, edhe ende mendon që principi i marrëveshjes të Ohrit me funksionu ashtu qysh shkruan….

Nëse bashkësia ndërkombëtare e ndan mendjen për me ecë në këtë rrugë, Kosova është e gatshme, e nëse don me i mbyllë sytë edhe mos me reagu as kur Serbia i mbyll kufijtë, me mbështetje të qartë të shtetit…

Asnjë reagim nuk e pash nga ana e Brukselit dhe bashkësia ndërkombëtare. Jemi të vetëdijshëm që bashkësia ndërkombëtare është e njëanshme. Për këtë arsye mendoj që duhet një drejtim krejt i ri.” – tha Konjufca, raporton Sinjali.

Kurti vëzhgon kushtet e KEK-ut për dimër, kompania i shton 149 punëtorë

Çfarë po paralajmëron Vuçiq: Brenda 72-orëve përgjigjemi me masa serioze

Presidenti i Serbisë, Aleksandër Vuçiq, ka paralajmëruar “masa serioze” në përgjigje të asaj që ai e cilëson si “sulm brutal” ndaj serbëve në veri të Kosovës, pas mbylljes së institucioneve paralele serbe.

Deklarata e tij vjen pas takimit me emisarin e Bashkimit Evropian për dialogun Kosovë-Serbi, Miroslav Lajçak, dhe ambasadorin amerikan, Christopher Hill.

“Serbia është gjithmonë pro dialogut, por ne do të marrim masa serioze brenda 72-orëve”, ka thënë Vuçiq, duke theksuar se do t’i drejtohet popullit serb me përgjigjen e Serbisë ndaj situatës.

Ai ka kritikuar bashkësinë ndërkombëtare për, siç thotë ai, mosrespektimin e kërkesave të Serbisë.

Kurti shkon në veri me Sveçlën, vendosin gurthemelin e stacionit të ri të policisë në Leshak

Kryetari i FFK-së i vrazhdë me futbollistët: “Jau thej komtë, jau prishi karrierën”

Gazetari Arlind Sadiku ka konfirmuar deklaratën e mbrëmshme nga Ramiz Shala lidhur me kërcënimet që Agim Ademi ua ka bërë futbollistëve të përjashtuar.

Sipas Sadikut, njëri prej tre të përjashtuarve e ka konfirmuar se Agim Ademi i ka kërcënuar me fjalë të rënda.

“Skandaloze Njëri nga futbollistët e përjashtuar, në kushte anonimiteti, pranoi se Agim Ademi i ka kërcënuar duke iu thënë “jau thej komtë, jau prishi karrierën”!”, ka shkruar Sadiku.

Një deklaratë të tillë e ka dhënë mbrëmë edhe Ramiz Shala.

Në emisionin “Dueli Sportiv”, Shala thotë se Agim Ademi i ka thirr të tre lojtarët në mënyrë private, duke i kërcënuar se “iu shkatërron karrierën, ja u prish fytyrën e këmbët ja u then”.

“Para vendimit, Agimi i ka thirr të tre djemtë dhe po citoj me fjalë “Kam me iu shkatërru karrierën, ja u prishi fytyrën, këmbët bre ja u thej”.

“Nuk ka marrë vendim Foda, përveç Agim Ademit. Nuk duhet ta mashtrojmë opinionin, sepse ata djem janë lojtarë të Kosovës. Na i njohim, edhe nëse kanë gabuar që nuk e besoj, edhe nëse dalin prej Agim Ademit e teposhtë edhe në kanagjegje janë shku”.

“Unë i kam faktet e mia, nuk flas qysh ka qejf dikush. A i ke dëgjuar tu thanë për rregullore, cilën rregullore? Kush e ka hartuar? Cili nën thotë se duhet të përjashtohet kur të del dikush?”.

“Kemi të bëjmë me një njeri që ka probleme psikike. Nëse ti pa kane i çmendur, nuk i thu lojtarit kryesor, largohu se ta prishi fytyrën, karrierën dhe t’i thej këmbët”.

“Nuk kam dëgju që një kryetar federate me e përjashtu një sportist, përpos në Serbi, nuk kam dëgjuar asnjë tjetër. Federata ka Komision Disiplinor, i cili është përgjegjës për secilin anëtar të Federatës”, thotë ai ndër të tjera.

Alba shfaqet në krahët e personit të zemrës, i shpreh dashurinë publikisht

Alba Vukaj u bë e njohur që nga pjesëmarrja e saj në ‘Big Brother VIP Kosova’ e pastaj si moderatore në televizionin ‘T7’.

Ajo me bukurinë dhe karakterin e saj rrëmbej mijëra zemra të ndjekësve.

Alba aktualisht gjendët në Kanada pranë familjes së saj, në rrjetet sociale ka publikuar disa momente të veçanta teksa gjendët në krahët e nënës e lumtur.

Nuk mungoj as dashuria nga nënë e bij, ku Alba kishte shkruar “ Të dua”./Kosovarja/

Shiko foton: