n’ZOOM me Albina Zeneli erdhi me sezonë verore në Shqipëri.
Të ftuar pati vokalistin e grupit Fisnikët, Agim Gërguri.
Fisnikët nuk këndojmë më nëpër dasma dhe arsyeja do të ju befasojë.
Për këto dhe detaje të tjera ju ftojmë ta ndiqni materialin e plotë në linkun e mëposhtëm. /nzoom
Blend Dodaj, 18 vjeçar është duke u trajtuar në spitalin e Shkupit (Cistina) për shkak të lëndimeve serioze që ka marrë.
Atij i duhen 45 mijë euro për operacion. Falimja nuk ka mundësi t’i përballojë shpenzimet, andaj ka kërkuar ndihmë për shërimin e tij.
Kërkesë për ndihmë
Blend Dodaj i lindur me 02.08.2006 ne Gjakovë ka pësuar një aksident të rëndë.
Blend është duke u trajtuar në spitalin e Shkupit (Cistina) për shkak të lëndimeve serioze që ka marrë, dhe përballë tij janë shpenzime të konsiderueshme mjekësore.
Një natë qendrimi në spital kushton 1500 euro.
Për të përballuar kostot e trajtimit dhe të operacioneve të nevojshme, kërkohet një shumë prej 45,000 euro. Për fat të keq, familja e Blendit gjendet në kushte te veshtria ekonomike dhe nuk janë në gjendje të përballojnë keto shpenzime te larta pa ndihmën e të tjerëve.
Jemi në kërkim të ndihmës monetare nga njerëz bujarë si ju, që të mund ta ndihmojmë Blendin të marrë kujdesin mjekësor që i nevojitet. Çdo kontribut do të bëjë një ndryshim të madh dhe do të jetë jashtëzakonisht i vlerësuar.
Nëse keni mundësi të ndihmoni, ju lutemi të kontriboni përmes
Adem Dodaj (babai )
Llogarisë bankare RAIFFEISEN BANK : 1506030001916352
Për më shumë informacione ose nëse keni ndonje pytje mund të kontaktoni ne ket nr tel : 044939264 Çdo mbështetje, sado e vogël, do të ndihmojë shumë në këtë situatë të vështirë.
Ju falënderojmë nga zemra për ndihmën tuaj dhe për mbështetjen në këtë kohë të vështirë për Blendin dhe familjen e tij.
Me respekt dhe mirënjohje të madhe!
Visual Capitalist ka analizuar diferencat e çmimeve në vendet e Bashkimit Evropian, duke përdorur të dhëna nga Eurostat.
Çmimet relative u përcaktuan nga paratë e nevojshme për të blerë të njëjtin vëllim produktesh në vende të ndryshme, të llogaritura duke përdorur konsumin aktual individual të mallrave dhe shërbimeve dhe kursin e këmbimit në secilin vend.
Luksemburgu ka çmimet më të larta midis vendeve të BE-së, 52% më të larta se mesatarja e BE-së.
Në veçanti, arsimi është më i kushtueshëm se kudo tjetër në BE, 276% mbi mesataren.
Vendi ka gjithashtu pagat më të larta në Evropë, gjë që ndihmon në mbështetjen e kostove më të larta.
Në anën tjetër të shkallës, Rumania ka çmimet më të lira, 46% nën mesataren e BE-së. Vendi ka kosto shëndetësore 70% nën mesataren dhe kostot e arsimit 62% nën mesataren.
Megjithatë, ajo gjithashtu ka të ardhurat mesatare më të ulëta pas tatimit, prej 6,568€.
Duke parë listën e plotë të vendeve të BE-së, çmimet natyrisht priren të jenë më të larta në vendet perëndimore me një standard më të lartë jetese dhe të ardhura më të larta.
Kryetari i PDK-së, Memli Krasniqi gjatë një interviste në Periskopi ka folur edhe për listën e kandidatëve për deputet nga partia e tij.
Krasniqi bëri të ditur se Sami Lushtaku nuk do të jetë kandidatët deputet.
“Nuk është Sami Lushtaku kandidat për deputet se është Mërgim Lushtaku. Ka qenë edhe në të kaluarën, nuk besoj se do të kishte kërkesë për zëvendësime”, tha i pari i PDK-së.
Kryeministri i Kosovës, Albin Kurti, akuzoi Perëndimin për “përkëdhelje” të Serbisë, pasi thotë se janë të frikësuar se Beogradi do të afrohej më shumë me Moskën.
Në një intervistë për Reuters në Bruksel, Kurti tha se Bashkimi Evropian po dështonte në rolin e arbitrit për zbatimin e një marrëveshjeje të ndërmjetësuar nga BE për normalizimin e marrëdhënieve.
Reuters shkruan se zyrtarë të BE’së dhe ShBA’së e kanë kritikuar Kurtin për dështimin lidhur me avancimin e marrëveshjes mes Serbisë dhe Kosovës. Por, Kurti e hodhi poshtë këtë pretendim, duke thënë se ‘Perëndimi po dështon të denoncojë shkeljet e marrëveshjes që po i bën Serbia’.
“Unë dua që Brukseli të luajë rolin e një arbitri që do të fishkëllejë në çastin kur ndodhin shkelje të marrëveshjes,” tha Kurti, duke shtuar se”Ajo që kemi parë në këto dy vite është se sa herë Beogradi ka shkelur marrëveshjen, Brukseli nuk ka vepruar.”
“Përkëdhelja ndaj Serbisë, për më shumë se dy vite e gjysmë që nga fillimi i agresionit rus në Ukrainë, nuk po jep rezultate. Dikush duhet të thotë mjaft,” tha ai.
Kurti akuzoi se Perëndimi po tregon ‘shumë kujdes’ ndaj Serbisë për shkak të frikës që ka nga Rusia.
Reuters thotë se BE-ja vendosi kufizime mbi ndihmën ekonomike dhe takimet e nivelit të lartë me qeverinë e Kurtit, vitin e kaluar, duke e mbajtur atë përgjegjës për një shpërthim dhune në veriun e Kosovës. Kurti po ashtu u kritikua edhe për moskrijimin e Asociacionit, që do t’u jepte serbëve në veri njëfarë vetëqeverisjeje.
Ndërsa, Serbia ka insistuar që ky asociacion duhet të vijë para hapave të tjerë për normalizimin e marrëdhënieve dhe e ka akuzuar Kurtin për bllokimin e përparimit në dialogun e mbështetur nga BE.
Por, Kurti thotë se ishte i gatshëm të fliste për “vetëqeverisje” për serbët, por nuk dëshironte të pranojë asgjë që do ta dëmtonte Kosovën si shtet. Ai gjithashtu tha se ishte e gabuar nga Perëndimi që të fokusohej kaq shumë në një çështje kur kishte një gamë të gjerë marrëveshjesh mes Serbisë dhe Kosovës që Beogradi kishte dështuar t’i respektonte.
Kurti tha se një angazhim i tillë ishte hapja e urës kryesore në qytetin e Mitrovicës, i ndarë etnikisht. Ura lidh veriun me shumicë serbe të qytetit me jugun me shumicë shqiptare dhe është bërë simbol i ndarjes në Kosovë. Aktualisht, ajo është e hapur vetëm për këmbësorët.
Qeveria e Kurtit ka kërkuar të hapë urën për trafikun rrugor, pavarësisht paralajmërimeve perëndimore se kjo mund të shkaktojë destabilizim, duke vënë në rrezik njerëzit lokalë dhe forcat paqeruajtëse të NATO-s.
Lidhur me këtë, Kurti tha se ishte në konsultime për urën, duke përfshirë edhe serbët lokalë, por debati nuk mund të vazhdojë përherë. Ai tha se Beogradi dëshironte të mbante urën të mbyllur sepse dëshironte të ndante veriun me shumicë serbe nga pjesa tjetër e Kosovës.
“Unë mendoj se ata në Serbi që insistojnë për mbajtjen e urës të mbyllur, duan të mbajnë të gjallë ëndrrën e ndarjes së Kosovës. Ne duhet ta hapim urën dhe ta bëjmë Kosovën normale”, tha Kurti.
Deputeti i pavarur i Kuvendit të Kosovës, Haki Abazi ka thënë se një flirtim mes Lëvizjes Vetëvendosje dhe Partisë Demokratike të Kosovës, është duke ndodhur.
Kjo pasi, sipas Abazit, ekziston mundësia se këto dy parti do të lidhin koalicion paszgjedhor.
Ndër të tjera, deputeti thotë se kryeministri Albin Kurti, është i mundur, por sipas tij, në aspektin moral dhe të arritjeve.
“Albin Kurti është i mundur, në kuptimin moral, në kuptimin e arritjeve”, deklaroi Abazi.
Nga 60-65 euro sa shitej vitin e kaluar, çmimi i një metri dru në tregun kosovar ka rënë në 45-50 euro, bëjnë të ditur shitësit e drurit për ngrohje për portalin Front Online.
“45 euro po shkon një metër dru, në disa raste shitet edhe pak më shtrenjtë”, thotë një shitës i drurit në tregun e Prishtinës, i cili nuk dëshiron të flas me emër.
Ndërsa një shitës nga Komuna e Lipjanit thotë për Front Online se çmimi i një metri dru fillon me 45 euro dhe shkon deri në 55 euro.
Përpos drurit, rënie e çmimit vërehet edhe tek peleti, ku një ton sivjet po shitet prej 120 e deri në 200 euro, përderisa vitet e fundit shitej 550 deri në 600 euro.
Nga kompania ‘Ilko Pelet’, deklaruan për “Front Online” se toni i peletit po kushton aktualisht 120 euro.
“Këtë vit një ton pelet kushton 120 euro”.
Ndërsa nga “Kompania Gorenje” e cila bënë shitjen e peletit kanë treguar për “Front Online” çmimet.
“Nëse i bënë blerjet 2 ton, çmimi për ton është 220 euro, nëse i blenë3 ton ose më shumë 200 euro çmimi për ton”, thuhet në përgjigjen e tyre për Front Online.
Çmimi i lëndëve djegëse për ngrohje sivjet ka rënë dukshëm për shkak se interesimi i qytetarëve është që ngrohjen gjatë sezonit të dimrit ta bëjnë nëpërmjet paisjeve elektrike efiçiente, të cilat edhe sivjet po subvencionohen nga Qeveria e Kosovës.
Më 12 shtator 2024, Ministria e Ekonomisë ka lansuar thirrjen publike për mbështetje për konsumatorët familjarë për investimin në pajisje efiçiente për ngrohje. Masa për mbështetje për familje për pajisje efiçiente për ngrohje parasheh subvencionimin deri në 70% për kaldaja me biomasë(dru, pelet, briket), 40% për klima efiçiente dhe 30% për pompat termike./Front Online/
Mendimi për motin – 20.09.2024
Mot kryesisht me kthjellime e diell parashihet të mbretërojë gjatë fundjavës. Të shtunën vransira mund të zhvillohen përreth viseve malore, orëve të pasdites, që mund të krijojnë kushte për ndonjë rigë shiu. Frynë erë e lehtë dhe mesatare nga verilindja 4-7m/s. Temperaturat minimale zbresin në 8C e 10C, e gjatë ditë maksimalet në rritje, shkojnë deri në 20C e 22C.
Kthjellime e diell parashihet edhe ditën e hënë, derisa të martën gradualisht shtohen vransira në vend, që mund të japin kushte për ndonjë rigë shiu orëve të mbrëmjes në pjesë perëndimore të vendit. Ditën e mërkurë, paraqiten kushte për zhvillime të ndonjë rrebeshi shiu orëve të pasdites. Maksimalet gradualisht shënojnë rritje deri në 23C e 24C. Minimalet të dielen pritet të zbresin deri në 4C, por më pas shënojnë një rritje deri në 12C, të mërkurën. Nga e hëna frynë erëra kryesisht nga jugu e jugperëndimi, mesatare 4-10m/s.
Përgjatë fundjave cilësia e ajrit do të jetë me indeks në vlera të pranueshme dhe të mira, sikur që ishte gjatë këtyre ditëve të fundit, sipas matjeve në stacionet e cilësisë së ajrit të IHMK-së. Tek nga dita e hënë, mund të ketë një rritje të koncentrimeve të grimcave të imëta PM2.5, që çojnë indeksin në vlera mesatare.
Moderatorja Kiara Tito këtë sezon do të vjen në një emision ndryshe nga çka jemi mësuar të shohim.
Ashtu sikurse ju zbuluam dje, Kiara do të moderojë këtë sezon Portokallinë, spektaklin e humorit në Top Channel.
Pas këtij zbulimi, ajo ka vendosur që sot të bëjë një ask me ndjekësit, duke i lënë të lirë ta pyesin për çdo gjë.
Një prej tyre, kishte të bënte me dukjen e Kiarës në promo, madje ky koment e cilësoi edhe si ‘të shëndoshë’.
Ja si iu përgjigj Kiara:
Pyetja:”Pse nuk zgjodhe diçka tjetër në promo dukeshe super e shëndosh? Diçka të zezë pshm.”
Kiara: “Sigurisht që mund të vishja diçka për të kamufluar kilet e lindjes, në dorë e kisha por të fundit të fundit pse? A nuk duhet ta pranojmë veten si jemi? Kjo është shumë normale dhe as nuk më sikletos fare. Doja ta jepja këtë mesazh për gjithë nënat e reja që mërziten me trupin e tyre dhe nuk i japin kohën e duhur për t’u kthyer si ishte më parë.
Kam 4 muaj që kam sjell në jetë një princeshë dhe me gjithë respektin nuk më intereson fare se sa kile kam marrë apo nëse dukem e ‘shëndosh,’ që është term shumë i gabuar për një nënë të re.
Nuk e di nëse je bërë nënë, por trupi do pak kohë të rikthehet në formën siç ishte para lindjes, deri atëherë të kemi shëndetin se çdo gjë tjetër rregullohet. Ps: Mua më pëlqejnë këto kile 🥰”
Shiko foton:
Haxhiu, në një intervistë për “Zërin”, kritikoi opozitën, e cila ka kundërshtuar këtë projektligj e të cilin e kishin dërguar edhe në Gjykatën Kushtetuese.
Ajo tha se është e “qartë që ky ligj po i pengon, sidomos opozitës, e cila tenton ta krijojë një situatë që çfarëdo që ka ndodhur në Kosovë në të kaluarën nuk duhet të merremi me të”.
“Më duhet të theksoj që ky është një nga ligjet më të rëndësishme që ndërlidhen me luftën ndaj krimit të organizuar dhe korrupsionit, por është evidente, pra shumë e qartë që ky ligj po i pengon, sidomos opozitës, e cila tenton ta krijojë një situatë që çfarëdo që ka ndodhur në Kosovë në të kaluarën nuk duhet të merremi me të, por ja që ne do të vazhdojmë përpjekjen tonë, me qëllim të kalimit të këtij ligji në Kuvendin e Republikës së Kosovës. Ne e kemi mbështetjen e mazhorancës për këtë, por sigurisht që kur bëhet fjalë për tema që ndërlidhen me luftën ndaj korrupsionit, krimit të organizuar, reformën në drejtësi, do duhej të ishim bashkë, por duket që ata që në vazhdimësi, kanë keqqeverisur, kanë krijuar pasuri të pajustifikueshme reformat ju pengojnë, tentojnë që ta mirëmbajnë gjendjen e cila ka qenë , por që reformat do të ndodhin, byroja do të ndodhë dhe secili që ka krijuar pasuri të pajustifikueshme do të japë përgjegjësi për këtë”, tha Haxhiu.
Ajo theksoi faktin se në Kosovë ka zyrtarë të cilët me pagën e tyre janë bërë milionerë, me shtëpi nëpër bregdete dhe pasuri të shumta, për çka tha se me adresimin e deritanishëm të konceptit të konfiskimit fiskal janë trajtuar vetëm gjashtë raste.
“Pra, në Kosovë e dinë të gjithë që janë bërë milionerë vetëm duke mbajtur pozitën zyrtare edhe nga praktika, edhe nga përvoja, po ju them që nuk ka asnjë mundësi që një zyrtar që merr pagë një mijë e pesëqind euro ose dy mijë euro të krijojë pasuri në paluajtshme, qoftë në Kosovë apo jashtë Kosove, sidomos në ve vendet bregdetare, në Shqipëri dhe jo vetëm, në Mal të Zi por edhe në vendet tjera. Prandaj, është evidente që ka pasur probleme shumë serioze me përfshirjen në aferat korruptive të zyrtarëve dhe të qeverive të kaluara, por mendoj që ata të cilët kanë menduar që nuk do të adresohet ky fenomen, ky problem, kanë gabuar, sepse ne jemi duke dhënë apo duke bërë përpjekje maksimale që ta krijojmë një institucion, duke qenë që adresimi i konceptit të konfiskimit penal ka dështuar, vetëm gjashtë raste janë adresuar me ligjin që është në fuqi prandaj kemi konsideruar që është shumë e rëndësishme që të bëhet ky vlerësim i pasurisë, pra të ardhurave të zyrtarit dhe në anën tjetër pasurisë që kanë, në mënyrë që të verifikohet nëse ajo pasuri është e ligjshme”, ka thënë Haxhiu.
Ministrja e Drejtësisë u shpreh e bindur se ligji do të kalojë në Kuvendi para shpërbërjes së zgjedhjeve të 9 shkurtit.
“Unë mund të them që byroja do të kalojë para se ne ë të shkojmë në zgjedhje. Besoj që edhe është e rëndësishme, edhe është e duhur, edhe mendoj që deputetët e Kuvendit duhet të jenë në krye të detyrës”, tha ministrja Haxhiu.
