Ky qytet evropian zbardhet nga bora
Si rezultat i ndryshimit të motit, tashmë në disa vende të Evropës ka filluar të zbardh bora.
Në Bolzano të Italisë, bora ka suprizuar qytetarët.
Po ashtu, edhe ne disa qytete të Austrisë.
Dimal Basha publikon foto me Albulena Haxhiun dhe “shefen” e deputetëve të VV’së: Gati për sfidat e reja
Deputeti i VV-së, Dimal Basha, ka publikuar një fotografi me Shefen e Grupit Parlamentar të VV-së, Mimoza Kusari-Lila, Ministren e Drejtësisë Albulena Haxhiu dhe deputetët Adnan Rrustemi e Luan Aliu.
Në përshkrim të fotos, Basha ka shkruar “gati për sfidat e reja”.
Qeveria Kurti është në fund të mandatit, pasi më 9 shkurt 2025 janë shpallur zgjedhjet e rregullta.
Çfarë u konfiskua nga Policia në bastisjen e dy objekteve të strukturave paralele serbe në Leposaviq?
Policia e Kosovës ka bastisur sot bastisje në dy objekte të strukturave paralele serbe në Leposaviq nën dyshimin për shpërlarje parash.
Rastin e ka konfirmuar zëvendësdrejtori i Policisë për Rajonin e Veriut, Veton Elshani.
Elshani ka bërë me dije se nga ai vend janë konfiskuar dokumente, kompjuterë dhe para të gatshme.
Aksioni është kryer me urdhëresë të Gjykatës Themelore në Mitrovicë.
“Me urdhëresë të Gjykatës në Mitrovicë bastisen lokalet e Banka Popullore e Serbisë, Dega në Kosovë dhe Drejtoria e Thesarit, Ministria e Financave në Leposaviq. Krimet Ekonomike në vazhdimësi të rastit shpërlarje parash që ka pas të bëjë me Bankat më herët. Nga ai vend janë konfisku prova materiale si dokumente, kompjuter, para të gatshme etj dhe ai vend është bllombu”, ka deklaruar Elshani.
Putin paralajmëron se nëse Ukrania e bën këtë gjë do të hyjë në luftë me NATO-n
“Përdorimi i raketave perëndimore me rreze të gjatë nga ana e Ukrainës për të goditur Rusinë do të nënkuptojë se “vendet e NATO-s janë në luftë me Rusinë” dhe Moska do të marrë “vendimet e duhura”, ka thënë presidenti rus Vladimir Putin.
Ndërkohë, sekretari amerikan i Shtetit, Antony Blinken, dha aludimin e tij më të fortë deri më tani se Shtëpia e Bardhë është gati të heqë kufizimet e saj në Ukrainë duke përdorur armë me rreze të gjatë të furnizuara nga perëndimi në objektivat kryesore ushtarake brenda Rusisë.
Duke folur në Kiev së bashku me sekretarin e jashtëm të Mbretërisë së Bashkuar, David Lammy, Blinken tha se SHBA “që nga dita e parë ishte e gatshme të përshtaste politikën e saj ndërsa situata në fushën e betejës në Ukrainë ndryshonte. Ne do të vazhdojmë ta bëjmë këtë”, theksoi ai, duke i qëndruar asaj që sugjeroi edhe presidenti Biden një ditë më parë, shkruan A2.
Blinken tha se ai dhe Lammy do t’u raportojnë “shefave” të tyre; Joe Biden dhe Keir Starmer, pas bisedimeve të tyre të mërkurën me presidentin ukrainas, Volodymyr Zelenskiy.
Sekretari i Jashtëm britanik sugjeroi se dërgimi i raketave balistike nga Irani në Moskë e zbuluar këtë javë, kishte ndryshuar mendimin strategjik në Londër dhe Uashington. Ishte një “përshkallëzim i rëndësishëm dhe i rrezikshëm”, tha ai.
A e dini se e dashura e re e Ledrit është motra e këtij këngëtari të njohur?
Reperi i famshëm Ledri Vula dhe bukuroshja Rina Zaiti janë në qendër të vëmendjes së publikut pas spekulimeve se ata kanë filluar një lidhje dashurie.
Të dy u fotografuan së fundmi në bregdet, ku dukeshin mjaft të afërt, duke ngjallur aludime për një romancë të re mes tyre.
Fotot e publikuara në rrjetet sociale dhe media rozë tregojnë Ledrin dhe Rinën në momente të qeta pranë njëri-tjetrit, duke shijuar pamjet e detit dhe diellin e ngrohtë.
Afërsia dhe kimi që duket qartë mes tyre kanë bërë që shumë fansa të aludojnë për një lidhje dashurie që sapo ka filluar.
Edhe pse asnjëri prej tyre nuk ka konfirmuar zyrtarisht ndonjë marrëdhënie, përhapja e këtyre imazheve ka rritur spekulimet.
Ledri Vula, i cili është një nga emrat më të njohur në skenën muzikore shqiptare, ka pasur gjithmonë interesin e publikut për jetën e tij personale.
Nga ana tjetër, Rina Zaiti është një influencuere, e cila njihet për bukurinë dhe stilin e saj unik.
Kombinimi i suksesit të Ledrit me bukurinë e Rinës ka tërhequr vëmendjen e të gjithëve, duke i bërë ata një nga çiftet më të përfolura të momentit.
Megjithatë, për momentin, romanca e tyre mbetet thjesht në fazën e aludimeve.
Mbetet për t’u parë nëse do të ketë një deklaratë zyrtare nga Ledri apo Rina, apo nëse kjo histori dashurie do të zhvillohet më tej në sytë e publikut.
Sidoqoftë, fansat e të dyve duket se janë entuziastë për mundësinë e një lidhjeje mes tyre dhe presin me padurim të mësojnë më shumë.
Ndryshe Rina eshte edhe motra e këngëtarit Ron Zaiti.
Shiko foton:
E rëndë: Gjendet e vdekur një grua, policia jep detaje
Një rast i rëndë ka ndodhur sot pasdite në Fushë Kosovë, ku një grua u gjet pa shenja jete. Hetimi për vdekjen e saj tashmë ka nisur, ndërsa trupi i pajetë pritet të dërgohet në IML për obduksion, raporton Gazeta Sinjali.
Nga Policia kanë bërë të ditur se viktima është gjetur në rrugën “Hysen Xhakolli’, ku edhe është konstatuar vdekja e saj – teksa s’dihen akoma detajet e tjera.
“Rreth orës 15:00, kemi pranuar informatën për një trup të pa jetë, në rrugën “Hysen Xhakolli” në Fushë Kosovë.
Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, femër.
Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit” – thuhet në përgjigjen e Policisë për Sinjalin.
Heqje patente për Hatin e TikTok-ut dhe burrin e saj Jasharin, gjobiten me kaq para, kjo është arsyeja
Tiktokerja shqiptare Hatixhe Brika, e njohur në rrjet për reklamimin e jetës luksoze duket se për disa kohë nuk do të postojë më video në makinat e shtrenjta që posedon.
Burime për mediat bëjnë me dije se 19-vjeçares dhe bashkëshortit të saj Jashar Stojku i janë hequr patentat pasi kanë publikuar shpeshherë video në rrjetet sociale duke tejkaluar normat e lejuara të shpejtësisë në zonat e banuara, video të cilat kanë marrë miliona shikime.
Çifti Stojku janë ndëshkuar nga policia me përkatësisht, heqje patente për të renë dhe gjobë 20,000 lekë, ndërsa për bashkëshortim e saj heqje patente për 6 muaj dhe gjobë prej 40,000 lekësh./JOQ/
“Fishkëllima dhe debat politik”, Arsenijeviq e përcjell zyrtarin e Qeverisë deri në fund të urës, merr ftesë për kafe
Zëvendësministri i Ministrisë së Administrimit të Pushtetit Lokal (MAPL), Arbër Vokrri, sot ka qëndruar në veri të Mitrovicës.
Sipas një videoje të publikuar nga mediat lokale, ai atje është përballur me fishkëllima nga lideri i Demokracisë Serbe, Aleksandar Arsenijeviq, si dhe disa të tjerë që kundërshtuan shkuarjen e tij atje dhe thërrisnin “Propaganda”.
Vokrri dhe Arsenijeviq zhvilluan edhe një debat.
Zëvendësministri e ka ftuar politikanin serb për kafe në jug por policia nuk e ka lejuar Arsenijeviqin të shkojë atje për arsye sigurie.
“Të shkojmë në qendër të qytetit dhe të kthehemi”, i ka thënë Vokrri, ndërsa Arsenijeviq i është përgjigjur “Kudo që doni”.
“A po garantoni për siguri?”, i ka thënë Arsenijeviq, i cili iu drejtua më pas policisë: “Më lejoni të shkoj njeriu po kërkon të shkojë me të. Duhet ta dini se trimëria ime s’ka kufij duhet ta dini krejt qeveria dhe ju”.
Politikani serb u ankua edhe për flamurin që i është fshirë në urë kur është lyer, ndërsa Vokrri i ka thënë se mund ta kthejnë flamurin diku tjetër.
Por, Arsenijeviq e “interpretoi” deklaratën: E dëgjuat që mund ta kthejë flamurin aty ku ka qenë.
“I keni shkelur të gjitha, edhe marrëveshjen e Brukselit, na i keni thyer këmbë e duar. Fund propagandës, ne po zgjohemi”, vazhdoi Arsenijeviq.
Nuk ndalen/ Policia me aksion përsëri në veri, kryen bastisje në bankën paralele serbe
Policia e Kosovës – Drejtoria për Krime të Rënda Ekonomike në Prishtinë me urdhëresë të Gjykatës së Mitrovicës Veriore janë duke kryer bastisje në bankën paralele serbe në Leposaviq në Drejtorinë e Thesarit.
Burimet e Tëvë1 mësojnë se atje pritet të ketë konfiskime nga kjo Drejtori.
Ky aksion është duke vazhduar ende dhe lidhet me ato që u realizuan javën e kaluar për mbylljen e bankave paralele serbe.
“Nuk keni të drejtë të komentoni”, ministrja Haxhiu bën veprimin e papritur pasi Bogujevci ia ndërpreu fjalën
Sot në seancën plenare të Kuvendit në rend dite kanë qenë edhe pyetjet parlamentare.
Ministrja e Drejtësisë, Albulena Haxhiu, pasi iu përgjigj pyetjet së deputetes Labinotë Demi-Murtezi, iu drejtua edhe deputetit të PDK-së, Hisen Berisha.
“Më lejoni të përgjigjem edhe ndaj pyetjes, gjegjësisht komentit të deputetit Hisen Berisha”, tha Haxhiu, e më pas nënkryetarja e Kuvendit, Saranda Bogujevci ia tërhoqi vërejtjen.
Bogujevci: Zonja Haxhiu të lutem duhesh vetëm pyetjes t’i përgjigjesh.
Haxhiu: Nënkryetare e Kuvendit të lutem, nuk është në rregull që në Kuvendin e Kosovës të ketë manipulime. Deputeti Hisen Berisha i ka bërë dy pyetje por i ka tërhequr. Unë e kam letrën që ai e ka dërguar dhe thekson se i tërheq pyetjet. Prandaj unë nuk kam faj që deputetët e opozitës i bien pishman.
Derisa fliste Haxhiu, Bogujevci i tha që nuk ka të drejtë të komentojë. Me urdhër të Bogujevcit, regjia ia ndali mikrofonin ministres Haxhiu.
“Regjia iu lutem ndaljani fjalën. Regjia”, tha Bogujevci.
Pas kësaj, Haxhiu e lëshoi sallën e Kuvendit.