Komisioni Qendror i Zgjedhjeve ka procesuar deri tani 80% të votave në komunën e Mitrovicës së Jugut, në kuadër të raundit të dytë të zgjedhjeve për kryetar komune.
Sipas të dhënave preliminare të publikuara nga KQZ-ja, kandidati i Lëvizjes Vetëvendosje, Faton Peci, aktualisht prin me 52.63% të votave, që përkthehet në 14,276 vota
Pas tij renditet kandidati i Partisë Demokratike të Kosovës, Arian Tahiri, me 47.37%, ose 12,851 vota të numëruara deri më tani.
Procesi i verifikimit dhe përpunimit të rezultateve po vazhdon në Qendrën Komunale të Numërimit të Mitrovicës së Jugut, ndërsa pritet që gjatë ditës të përditësohen të dhënat përfundimtare nga KQZ./Gazeta Infokus
