‘Jeta ime’, Selvija i jep lamtumirën Shpatit, nëna Gjylymsere e ngushëllon

Kjo është e dashura e re e Jozit? Foto

Një foto e vetme ka mjaftuar që rrjeti të ziejë nga aludimet. Joz Marku shfaqet krah një vajze.

Të veshur “në sinkron” me të zeza dhe me komente zemrash në Instagram, natyrshëm lind pyetja: A është kjo partnerja e re e reperit?

Sinan Hoxha bën gjestin human për Shpat Kasapin

Mbrëmja e koncertit të Sinan Hoxhës u kthye në një moment tejet emocional, pasi këngëtari vendosi të nderojë mikun e tij të ngushtë, këngëtarin Shpat Kasapi.

Para fansave, Sinani ndaloi performancën dhe kërkoi disa sekonda heshtje në kujtim të artistit.

Me zërin që i dridhej, ai u shpreh: “E kisha mik shumë të mirë… Lus Allahun që ai të këndojë atje lart bashkë me engjëjt.”

Nesër i jepet lamtumira e fundit Shpat Kasapit

Me pikëllim të thellë, komuniteti artistik dhe familja Kasapi njoftojnë se nesër (e Diel, 30 Nëntor) do t’i jepet lamtumira e fundit këngëtarit të dashur, Shpat Kasapi, i cili u nda nga jeta në moshën 40-vjeçare, më 26 Nëntor 2025.

Familja njofton të gjithë dashamirësit dhe kolegët që dëshirojnë t’i japin lamtumirën e fundit, të marrin pjesë në ceremoninë mortore që do të mbahet në Tetovë.

Detajet e Homazheve dhe Varrimit (Nesër, 30 Nëntor)

Homazhet për nder të Shpat Kasapit, i cili kujtohet si “një zemër e bardhë, një shpirt i gëzuar”, do të mbahen nesër, sipas këtij orari:

• Homazhet: Do të zhvillohen të Dielën, më 30 Nëntor, duke filluar nga ora 11:00, në Pallatin e Kulturës – Tetovë.

• Varrimi: Do të bëhet në orën 14:00, në varrezat e qytetit të Tetovës.

Ndarja e tij e papritur ka thyer zemrat e të gjithë atyre që e njohën. Zëri i tij i butë dhe prania e tij do të mungojnë thellësisht në skenën muzikore. /Prive By Liberta Spahiu

Befason Leo, publikon video me Lelen! “Ndarja” u bë sa për vëmendje!

Leo ka publikuar së fundmi një video të vjetër nga koha kur ai dhe Lela ishin banorë në Big Brother VIP Kosova, duke rikthyer një moment të njohur për fansat e çiftit, transmeton IndeksOnline.

Nga ana tjetër, dihet se Leo dhe Lela i kanë dhënë fund lidhjes së tyre muaj më parë, duke e mbyllur publikisht romancën.

Por publikimi i kësaj videoje ka ndezur debat në rrjete sociale. Shumë ndjekës po e shohin si një sinjal të mundshëm se dyshja mund të jenë duke u afruar sërish, ndërsa të tjerë dyshojnë se gjithçka është vetëm një lëvizje për vëmendje.

A është ky hap i Leo-s shenjë pajtimi, apo thjesht një strategji mediatike? Për momentin, mbetet të shihet se çfarë do të ndodhë mes tyre.

Me lot në sy, Big Mama zbulon kërkesën e fundit të Shpat Kasapit

Big Mama, ishte në një lidhje të drejtpërdrejtë me emisionin “Ftesë në 5” me Bieta Sulon, ku me lot në sy kujtoi momentet me artistin e ndjerë, Shpat Kasapi. Big Mama u shpreh se me Shpatin njiheshin që prej vitit 1997, kanë qenë një gjeneratë. Gjithashtu ajo zbuloi edhe kërkesën e fundit të tij, ku gjatë një regjistrimi të një programi festiv i ka thënë që të këndojnë “Sajzeza” së bashku.

Big Mama: Të gjitha fotot i ka duke qeshur. Nuk ka patur në estradën tonë artist më të buzëqeshur se Shpati. Edhe kur ziheshe me të, ai të kthente përgjigje me buzëqeshje. Ne do të na mbeten kujtimet më të bukura. Unë i them familjes, bashkëshortes, nënës, tezes dhe gjithë familjarëve të Shpatit, Zoti u faltë durimin sa më shumë dhe ta kujtojmë në mënyrën më të bukur.

Bieta Sulo: Kur datojnë kontaktet, fillimet e një miqësie me Shpatin?

Big Mama: Jemi rritur bashkë, jemi prej një qyteti. Sot më janë kujtuar të gjitha gjërat që kemi kaluar, koncertet, rrugëtimet, të qeshurat, shakatë që kemi bërë. Por më ka ngelur në kokë paraqitja jonë në Festivalin e Fëmijëve në 1997, kemi qenë fëmijë, kemi qenë një gjeneratë, kemi patur dhe prindërit shokë.

Big Mama: 12 vjeç, fëmijë. Fëmijë me shumë dëshirë për të arritur suksese. Gjëja e fundit që më ka mbetur në kokë, para dy javësh që ishim në një regjistrim të një programi festiv, sikur e ndjente se do të jetë kjo e fundit e dokumentuar. Më tha a t’a këndojmë bashkë ‘Sajzeza’ meqenëse jemi të dy tetovarë. I thashë ‘do e këndojmë o Shpat’. Kush thonte se ai do të ishte kujtimi i fundit me Shpatin.

Bieta Sulo: Ke mundur të flasësh me nënën e Shpatit?

Big Mama: Nëna e Shpatit nuk ka mundësi të flasë, por kam folur me të afërt. Me vajzën e tezes kam folur. Nuk kam forcë të shkoj, por do të shkoj.

Pak para se të ndërronte jetë bashkëshortja e tij kishte dalë nga banesa”, detaje të reja për vdekjen e Shpat Kasapit

Dy ditë pasi këngëtari i njohur shqiptar, Shpat Kasapi ndërroi jetë në moshën, detaje të reja kanë dalë në dritë.

Mediat shkruajnë se familja e këngëtarit ka mohuar lajmet se këngëtari humbi jetën gjatë performancës në skenë

Sipas tyre, Shpat Kasapi humbi jetën në banesën ku po qëndronte, pasi kishte shkuar në Itali, për ekzaminime shëndetësore. Këngëtari është ndjerë keq dhe në momentin që bashkëshortja e tij ka dalë jashtë për vetëm pak minuta, kur është kthyer, e ka gjetur atë pa shenja jete

Dyshohet se këngëtari ndërroi jetë pas një atak kardiak fatal, pavarësisht se më herët ai kishte pasur vetëm shqetësime të vogla me zemrën.

Kur do të mbahet ceremonia mortore për Shpat Kasapin?

Ndarja e parakohshme nga jeta e këngëtarit Shpat Kasapi ka prekur thellë kolegët e tij të skenës, mes të cilëve edhe vokalistin e grupit legjendar “Elita 5”, Arif Ziberi.

Në një lidhje direkte televizive, Ziberi nuk ka mundur t’i mbajë lotët ndërsa fliste për mikun dhe kolegun e tij të ndjerë.

Ai shprehu vështirësinë emocionale për të vazhduar me angazhimet profesionale në një moment kaq të rëndë.

“Ky profesioni jonë është pak i vështirë, sepse ja përgatitem për të shkuar në rrugë se nesër kam koncert në Vlorë edhe në Shëngjin pasnesër… edhe nuk e di se si do të realizohet.

Nuk kam ndonjë informatë, pres që të më informojnë dhe të dimë diçka dhe të shkojmë ta respektojmë për herë të fundit,” u shpreh ai mes dhimbjes.

Lidhur me ceremoninë mortore, Ziberi konfirmoi se ende nuk ka një datë të saktë, pasi edhe familjarët janë në pritje të procedurave.

“Kam kontaktuar edhe familjarët e tij edhe ato nuk janë në dijeni.

Shpresoj që së shpejti të kemi ndonjë informatë,” tha ai.

Në fund, ai dha një mesazh prekës për shpirtin e artistit: “Ai do të shkojë me siguri me shpirtin e tij që ka pas, do të shkojë në një botë më të mirë besoj.

Degradon keq përplasja mes aktorit Gashi dhe profesorit Latifi

Ajo që nisi si një denoncim i aktorit Dardan Gashi për një incident të ndodhur në shesh, ku ishte i përfshirë djali dhe bashkëshortja e tij, është shndërruar në një përplasje të ashpër publike me profesorin dhe analistin Blerim Latifi.

​Pas reagimit të Gashit ditën e djeshme lidhur me atë që ai e cilësoi si “sulm islamofobik”, sot debati ka eskaluar. Blerim Latifi është përfshirë duke lëshuar akuza të rënda drejt aktorit dhe duke përmendur edhe babanë e tij të ndjerë, poetin Adem Gashi.

​Latifi: “Pseudo-aktor i infektuar me ideologjinë vehabiste”

​Përmes një postimi të gjatë, Latifi ka treguar njohjen e tij personale me poetin Adem Gashi, duke shprehur respekt për të, por ka qenë tejet i ashpër me të birin, Dardanin. Latifi pretendon se Dardan Gashi e ka përfshirë emrin e tij pa të drejtë në situatën e djeshme dhe ka lënë të kuptohet për kërcënime të tërthorta.

​”E kuptoj se ky pseudoaktor, dhe gjithsesi i padijshëm, këtë e ka bërë ngaqë prej kohësh është infektuar me ideologjinë vehabiste, duke e tradhtuar hapur kredon kulturore për të cilën jetoi dhe shkroi babai i tij, Adem Gashi,” ka shkruar Latifi.

​Profesori shkoi edhe më tej, duke cituar shprehjen popullore “Shpesh nga Skënderi del beteri”, për të përshkruar raportin mes vlerave të babait dhe veprimeve të djalit.

​Dardan Gashi: “Tregojeni ‘Pseudo-Profesorit’ për poetin Adem Gashi”

​Nuk ka vonuar përgjigja e aktorit, i cili i është drejtuar Latifit me termin “Pseudo-Profesor”. Gashi ka mbrojtur figurën e babait të tij, duke theksuar se poeti nuk bënte dallime fetare në figurat e kombit.

​”Tregojeni se ky poet, krahas poezive kushtuar Pjetër Bogdanit, ka shkruar edhe për kontributin e Medresesë ‘Alaudin’. Tregojeni se poeti Adem Gashi nuk i ndante figurat e kombit… Ai i shihte të gjithë si misionarë të një ideali të vetëm — ngritjen e kombit shqiptar,” ka replikuar Gashi.

​Aktori ka akuzuar Latifin se me retorikën e tij “linçuese ndaj besimtarëve” po tradhton vetë idealet e Rilindjes Kombëtare, duke e mbyllur reagimin me vargjet e famshme të Fishtës për bashkëjetesën mes Bajramit dhe Pashkëve.

​Mbetet për t’u parë nëse ky debat do të vazhdojë apo do të mbyllet me kaq, ndërsa vëmendja publike tashmë është fokusuar te kjo “luftë” deklaratash.

Bie versioni i parë: Detaje të reja për ndarjen nga jeta të Shpat Kasapit

Detaje të reja kanë dalë në dritë lidhur me vdekjen e papritur të këngëtarit Shpat Kasapi, duke ndryshuar versionin që qarkulloi fillimisht në media.

Sipas informacioneve të fundit nga familjarët, raportimi se artisti ndërroi jetë në skenë gjatë një koncerti nuk qëndron.

E vërteta është se Shpati ndodhej në Itali me familjen për një kontroll mjekësor të djalit të tyre, dhe jo për performancë muzikore.

Tragjedia ka ndodhur në banesën ku po qëndronin. Mësohet se këngëtari ishte ndjerë keq dhe në momentin që bashkëshortja e tij ka dalë jashtë për vetëm pak minuta, kur është kthyer, e ka gjetur atë pa shenja jete

Shkaku dyshohet të jetë një atak kardiak fatal, pavarësisht se më herët ai kishte pasur vetëm shqetësime të vogla me zemrën.

Kjo ngjarje bëhet edhe më e dhimbshme nga fakti se historia po përsëritet; raportohet se edhe babai i Shpatit ishte ndarë nga jeta saktësisht në të njëjtën moshë, 40 vjeç, dhe nga e njëjta arsye, duke vulosur një fat tragjik për familjen Kasapi.