Këngëtari i njohur, Blerim Muharremi i njohur si Blero duket se nuk e ka edhe aq mirë gjendjen e tij shëndetësore.
Pak minuta më parë në llogarinë e tij në Instagram, ajo ka publikuar një foto duke marrë infuzion, shkruan IndeksOnline.
Blero nuk ka dhënë më shumë detaje rreth gjendjes së tij, megjithatë urojmë që ta kalojë së shpejti.
Prezantuesja e mëngjesit në RTK, Delfina Krasniqi, sot ka ditëlindjen.
Por më shumë se festa, vëmendjen e mori urimi publik i bashkëshortit të saj, analistit dhe deputetit Artan Behrami, shkruan “Kosovarja”.
“Gëzuar! Të urojmë jetë të mbushur me shëndet, dritë e dashuri. Të duam pafund, së bashku me Teon dhe Rein. Edhe 100”, shkroi Behrami.
Urime!
Këngëtarja e mirënjohur Remzie Osmani sot ka mbushur plotë 54 vite jetë.
E për këtë nuk kanë munguar urimet e shumta nga familjarët, miqtë dhe kolegët.
Shyhrete Behluli, këngëtarja e njohur e muzikës popullore, ka zgjedhur fjalët me të mira për Osmanin.
“Urime ditëlindjen Remzie Osmani të dëshiroj shëndet e suksese”, shkroi ajo.
Ka kohë që nuk kemi dëgjuar të reja nga Dj Geek.
Ditën e djeshme, Geek festoi ditëlindjen e tij, një ditë e cila u shoqërua me urime të shumta nga miq, kolegë dhe ndjekës në rrjete sociale.
Megjithatë, përtej mesazheve të pafundme që mori, ishte një detaj që mori të gjithë kureshtjen e publikut.
Geek ndau një foto të veçantë nga mbrëmja e tij, ku shihej i përqafuar me një vajzë misterioze, duke lënë të kuptohet se ai tashmë është në një lidhje dashurie.
Festa duket se nuk u shënua me zhurmë e madhështi, por me intimitet, pasi DJ Geek vendosi ta festojë këtë ditë të rëndësishme vetë i dyti, pranë personit që i ka fituar zemrën.
Në foto, ai u kujdes që identiteti i të dashurës të mos zbulohej, duke shtuar edhe më shumë misterin rreth saj.
Ish finalistja e Big Brother VIP Kosova, Xheneta Fetahu ka ngjallur reagime në rrjete sociale me Instastory-n e fundit, ku ndau një foto misterioze të flokëve biond platin, duke shkruar sipër: “Gjeni personazhin”.
Ky veprim ka bërë që shumë ndjekës ta lidhin menjëherë me një nga personazhet me të cilët ajo pati afërsi gjatë kohës në shtëpinë e Big Brother – Gjestin.
Postimi i saj i fundit shihet si një rikthim tek kujtimet e asaj kohe, duke i bërë ndjekësit të pyesin nëse Xheneta po tenton të risjellë vëmendjen mbi atë marrëdhënie të lënë pas apo thjesht ka dashur të krijojë pak mister me ndjekësit e saj.
Mbetet për t’u parë nëse ajo do të japë ndonjë shpjegim tjetër, apo do ta lërë publikun të vazhdojë me hamendësimet. /Prive By Liberta Spahiu
Ditën e sotme, Diola Dosti feston ditëlindjen.
Urimi i parë dhe më i ndjerë erdhi nga i dashuri i saj, Erolld Belegu, shkruan Indeksonline.
Ai kujdeset që t’i dërgojë tortë tek shtrati, duke kapur një moment të veçantë dhe të sikletshëm për Diolën.
E shtrirë në shtrat dhe pa rroba, Diola u shfaq e buzëqeshur dhe e plotësuar nga kjo befasi e dashur.
Sot ka ndërruar jetë në moshë të re moderatorja e njohur e emisionit “Qejfi më i madh se Stambolli”, Linda Imami.
Ikja e saj e parakohshme ka lënë të pikëlluar familjarët, miqtë dhe të gjithë ata që e njihnin.
Lajmin për humbjen e saj e ka ndarë edhe këngëtarja Mehrije Mala, e cila shkroi me dhimbje në rrjete sociale:
“Shpiiirtiii, driitaa, zemra e hallit, nuk i patēm fjalët qeshtu breee, na shkrumove zemraaat🥲🥲🥲🥲🥲, u prehshnë Parajsën e pasosur oj bukuri.”
Kohë më parë, këngëtarja e njohur Alma Bektashi u përfol gjerësisht për ndarjen e saj nga bashkëshorti, pas më shumë se dy dekadash martesë. Lajmi u konfirmua nga vetë artistja, e cila rrëfeu se kishte mësuar për tradhtinë nga portalet, ndërkohë që ish-partneri kishte nisur një lidhje me një grua shumë më të re në moshë.
Ajo nuk ngurroi të shprehej se marrëdhënia kishte përfunduar me një shije të hidhur dhe se ish-bashkëshorti nuk kishte më asnjë rol në jetën e saj dhe të fëmijëve të tyre.
Por jeta private e Almes duket se po merr një drejtim të ri.
Burime të sigurta për Prive By Liberta Spahiu kanë konfirmuar se këngëtarja është në një lidhje të re dashurie, e cila ka nisur prej disa kohësh. Partneri i saj është një burrë nga Kosova, që nuk është figurë publike.
Për këtë arsye, çifti ka zgjedhur ta mbajë raportin tërësisht privat. Megjithatë, dëshmitarë të ndryshëm pohojnë se ata janë parë shpesh bashkë nëpër kryeqytet. Duket se Alma ka gjetur sërish paqen dhe stabilitetin emocional.
Aktori i njohur turk, Kıvanç Tatlıtuğ, është parë i përlotur teksa përcolli për herë të fundit mikun e tij të ngushtë, Halit Yukay.
Në pamjet e shpërndara nga mediat turke, Tatlıtuğ nuk ka mundur t’i mbajë lotët gjatë ceremonisë mortore, duke treguar dhimbjen e madhe për humbjen e një personi që kishte vend të veçantë në jetën e tij.
Halit Yukay ishte i njohur në rrethin e aktorit dhe prej vitesh ndanin një miqësi të fortë. Vdekja e tij e papritur ka lënë pas një boshllëk të madh, jo vetëm për familjen, por edhe për shokët dhe kolegët.
Fansat e Kıvanç Tatlıtuğ kanë shpërndarë dhjetëra mesazhe ngushëllimi në rrjete sociale, duke i uruar forcë aktorit në këtë moment të vështirë.
Halit Yukay, themeluesi i njohur i Mazu Yachts, humbi jetën tragjikisht pas një aksidenti në det. Ai u shpall i zhdukur më 4 gusht, kur u nis nga Yalova për në Mykonos me jahtin e tij “Graywolf”.
Dita pas nisjes, jahti i tij u gjet i copëtuar dhe në gjendje të përmbytur pranë Ishullit Marmara, duke ngritur menjëherë dyshimet se kishte ndodhur një aksident i rëndë.
Pas një kërkimi intensiv prej 19 ditësh, trupës së tij iu gjet gjurmë në shtratin e detit, në një thellësi prej 68 metrash. Identifikimi i tij u bë fillimisht nga ora që mbante në dorë dhe më pas u konfirmua me zbatim të ekspertizës mjeko-ligjore.
Hetimet zyrtare nxorën në pah se aksidenti mund të jetë shkaktuar nga përplasja me anijen mallëngarkuese “Arel 7”. Autoritetet zbuluan shenja përplasjeje në pjesën e buferit të anijes, që nuk kishin qenë aty më parë, dhe kapiteni u mor nën hetim për shkak të dyshimit për vrasje nga pakujdesia.
Në episodin e fundit të emisionit Top Story, Grida Duma kishte të ftuar politikanin e njohur Ervin Salianji, me të cilin janë në lidhje dashuri tash e sa kohë.
Në hyrje të programit, Grida u shpreh se kishte kënaqësi ta kishte Salianjin në studio, duke e prezantuar me mirësjellje dhe respekt.
Por nuk vonoi shumë dhe atmosfera mori një kthesë më personale. Me një buzëqeshje të lehtë, Salianji iu përgjigj: “Mirëmbrëma… kënaqësia ime e përjetshme.”
Kjo deklaratë e papritur e vuri për një moment në siklet Gridën, e cila reagoi me një të qeshur të përmbajtur dhe u duk se u skuq pak në fytyrë.
Momenti u kap menjëherë nga publiku dhe komentuesit në rrjet, të cilët e cilësuan si një nga skenat më të këndshme dhe spontane të mbrëmjes.
