Ndërron jetë djali i reperit të njohur shqiptar

Dhimbje e madhe për familjen e reperit shqiptar Marin, i cili ka njoftuar në rrjetet sociale se ka humbur djalin e tij të porsalindur.

Artisti ka bërë me dije përmes një postimi prekës në rrjete sociale se djali i tij i porsalindur ka ndërruar jetë të mërkurën në mëngjes.

Në postimin e tij, Marin shprehet se kjo ishte menduar të ishte një lajm i gëzueshëm për ardhjen në jetë të vogëlushit, por fatkeqësisht jeta ka marrë një kthesë të dhimbshme për familjen e tij.

“Disa njerëz vetëm ëndërrojnë engjëj, por ne patëm nderin të mbanim një në krahët tanë,” shkruan ai, duke shprehur tronditjen dhe pikëllimin e madh që po përjetojnë.

Reperi thekson se këto ditë kanë qenë tepër të vështira për të dhe partneren e tij Alba, por megjithatë po përpiqen të gjejnë forcë duke u mbështetur tek dashuria e ndërsjellë dhe tek përkrahja e miqve e familjarëve.

Ai falënderoi të gjithë ata që u janë gjendur pranë në këtë periudhë të vështirë të tyre.

Kujtojmë se Marin dhe partnerja e tij Alba janë prindër të tri vajzave: Milana, Melody dhe Marina.

Humbja e djalit ka lënë një plagë të madhe në zemrat e tyre, por çifti shprehet se do të vazhdojnë të ecin përpara me besimin se një ditë do ta takojnë sërish engjëllin e tyre në parajsë.

“Deri sa të shihemi përsëri, engjëlli ynë, do të na mungosh çdo ditë,” përfundon mesazhi i reperit, i shoqëruar me fjalë ngushëllimi për bashkëshorten e tij, të cilën e quan “njeriu më i fortë dhe gruaja më e mirë që ka ekzistuar ndonjëherë.”

Ngushëllime të sinqerta për familjen e Marin dhe Albës në këtë periudhë të rëndë dhimbjeje. /Prive By Liberta Spahiu

Prezantuesja e RTK-së gjen dashurinë e jetës

Detaji që ‘i tradhtoi’, Egli dhe Gjesti sërish bashkë?

Gjesti dhe Egli, dy ish-banuesit e “Big Brother VIP Albania”, kanë qenë shpesh në qendër të mediave rozë për shkak të marrëdhënies së tyre të ndërlikuar, mes zërave për ndarje dhe ribashkim.

Vetëm pak javë më parë, ata hoqën njëri-tjetrit nga lista e ndjekësve në Instagram, duke dhënë sinjalin e qartë se gjithçka mes tyre kishte marrë fund. Ky veprim u interpretua nga fansat si fundi i marrëdhënies së tyre, duke i dhënë fund çdo dileme për statusin e çiftit.

Megjithatë, një detaj i fundit ka ndezur sërish zërat se mos ka ndodhur një ribashkim i të dyve.

Në rrjete sociale, Egli publikoi një fotografi ku shihet me një byzylyk elegant në dorë. I njëjti aksesor është parë edhe tek Gjesti, gjë që ka bërë ndjekësit të mendojnë se mes tyre ka ende një lidhje të veçantë.

Ky detaj i vogël por shumë domethënës ka mjaftuar që ndjekësit të hapin sërish diskutimet, duke hedhur dyshime se pavarësisht “unfollow”-it dhe krizave, mes Gjesti dhe Eglit mund të ketë ende diçka të pathënë.

Nuk ka ende një reagim nga të dy, por duket se historia e tyre vijon të mbetet një ndër më të përfolurat edhe jashtë shtëpisë së “Big Brother VIP Albania”.

Si mendoni ju, ka ende diçka mes tyre? /Prive By Liberta Spahiu

Dasmë emocionuese në Pejë, këngëtarja kosovare i jep fund beqarisë

Në një atmosferë emocionuese dhe plot dashuri, këngëtarja Fjolla Berisha, vajza e artistit të njohur Vehbi Berisha, ka kurorëzuar dashurinë e saj 11-vjeçare me martesë.

Ceremonia u mbajt mbrëmë në një ambient të hapur në Pejë, ku morën pjesë familjarë, miq të afërt dhe figura të njohura të estradës.

Pjesa më e veçantë e mbrëmjes ishte Ardian Bujupi, i cili ishte i ftuar special për të performuar dhe për të ndezur atmosferën me hitet e tij.

Martohet aktorja e serialit “Bashkallajk”

Aktorja e njohur Sara Bajrami i ka dhënë fund beqarisë.

Liza e “Bashkallajk”-ut u shfaq mahnitëse në fustanin e bardhë të nusërisë.

Mirad quhet fatlumi që i rrëmbeu zemrën aktores së njohur.

Adri lë pa fjalë Ilirianën me befasinë e ditëlindjes

Ditëlindja edhe këtë vit e ka gjetur Ilirianën në mbyllje të një sezoni shumë aktiv me dasma.

Por, pavarësisht vlugut të punëve, Adri u kujdes që të shënohet siç duhet ditëlindja e saj në mesnatë.

Iliriana na dha një ‘shije’ të asaj që e priti në ndërrimin e akrepave por duket se angazhimi dhe surpriza e Adrit paska qenë shumë më tepër se aq.

Në një video të ndarë me ndjekësit në Instagram, Iliriana ka zbuluar momentin e befasisë me fishekzjarre, buqetë me lule dhe unazën ‘Georgina-style’.

Edhe 100 Ilirianës.

I riu që veshë çorapet me fytyrën e Mihrije Brahës, befasohet nga këngëtarja

Këngëtarja Mihrije Braha, ka dhuruar një moment emocionues në “ATV”.

Në një skenar të përgatitur nga stafi i programit, ajo ka bërë një surprizë të veçantë për TikToker-in e njohur, Labin, i cili në videot e tij në platformën TikTok shfaqet shpesh si fans i këngëtares.

Labi, nuk e ka fshehur haninë kur është përballur për herë të parë me këngëtaren

Nëna e mohon publikisht, thellohet drama për aktorin e njohur

Këngëtari dhe aktori i njohur turk, Özcan Deniz, po kalon ditë të trazuara pas prishjes së bashkëpunimit 22-vjeçar me vëllain e tij, Ercan Deniz. Ajo që nisi si ndarje biznesi është kthyer në një krizë të madhe familjare, me akuza për mosmarrëveshje mbi transferimin e pasurive, kërcënime dhe një borxh të madh prej 85 milionë TL, ku Özcan figuron si garantues.

Për më shumë se dy dekada, Ercan Deniz ka menaxhuar karrierën e vëllait të tij. Por ndarja e rrugëve profesionale jo vetëm që shkatërroi partneritetin e tyre tregtar, por theu edhe lidhjet familjare.

Sipas mediave turke, në të kaluarën Özcan ka dalë garant për borxhet bankare të vëllait të tij. Me kalimin e viteve, borxhi është rritur nga 40 milionë TL në 85 milionë TL, duke çuar në sekuestrimin e pasurive dhe llogarive të tij bankare. Thuhet se bankat kredidhënëse kanë vënë në shënjestër të ardhurat dhe pronat e këngëtarit.

Kriza mori përmasa më të mëdha pasi nëna e tyre, Kadriye Deniz, publikoi një mesazh në rrjetet sociale ku deklaroi se kishte “hequr dorë” nga djali i saj Özcan:

“Kur lidhja e gjakut bie përballë lidhjes së interesit, ajo që mbetet nuk është ‘fëmijë’ por ‘i huaj’. Edhe nëse emri i tradhtarit është ‘jeta’, ai fshihet nga zemra ime. Disa u rrënjosën, disa u shkulën e u larguan. Ata që bashkohen për interes: Özcan, Melek, Sibel, Nurcan… Ju uroj rrugë të mbarë, ua kam lënë Zotin! Ercani dhe Yurda, që u padrejtësuan, u bëfshin si plep i fortë. Nga sot, as për festë, as për përshëndetje…”

Pas deklaratave të nënës, Özcan reagoi publikisht duke shprehur zemërimin e tij:

“Për hir të 40 viteve që më keni vjedhur, do të bëj 40 postime. Ju nuk më keni parë kurrë si fëmijë apo vëlla, por si një mundësi, si një skllav të cilit i keni vënë peng mundin tim. Nuk ju mjaftojnë as pallatet po t’ua dhuroj. Çështja nuk është Səmar, nëna ime e dashur, por tradhtia, pabesia, mosmirënjohja, urrejtja, gënjeshtrat, shpifjet dhe padrejtësia. Edhe ndaj fëmijës tim tregoni armiqësi, ndërsa unë jam përkujdesur për fëmijët tuaj. Sot djali im nuk njeh as gjyshen, as xhaxhain. Kjo është turpi juaj.”

Kjo përplasje publike ka bërë bujë të madhe në median turke, duke e kthyer historinë e familjes Deniz në një nga temat më të komentuara të momentit.

“Jam zhduk për do ditë” Gjesti zbulon arsyen e mungesës nga muzika: Po përballem me një padrejtësi

Gjesti ka folur për herë të parë rreth mungesës së tij në skenën muzikore, duke ndarë me ndjekësit një mesazh. Në një postim në rrjetet sociale, ai shpjegoi se arsyeja e largimit të përkohshëm nga projektet lidhet me një problem personal.

“Edi jom zhduk këto ditë për arsye personale. Nuk jam aktiv as me projekte as sen, po shumë shpejt besoj që kryhet ky problem edhe kom me kon pranë juve, si gjith me dek sistemin,”- shkroi ai.

Gjesti theksoi se po përballet me një padrejtësi që po e pengon të ecë përpara, duke preferuar të mos zbulojë detaje:

“Jon do sene që unë s’po du mi nda në media se nuk ja vlen… Po për juve ni sqarim t’vogël: deri sa të përfundojë ni padrejtësi që mu ka bo, nuk muj me kon aktiv.”

Shteti e kërkon ish-gruan e Feros me urdhërarrest ndërkombëtar, mësohet arsyeja

Gjykata Themelore në Gjilan, departamenti i përgjithshëm ka lëshuar urdhërarrest dhe letër rreshtim ndërkombëtar ndaj Arbenita Ismajlit.

Kjo është konfirmuar për Klan Kosova nga Gjykata e Shkallës së Parë në Gjilan.

“Në ditën që është bërë kërkesa nga ana e Prokurorisë Themelore në Gjilan, Gjykata ka ndërmarrë gjitha veprimet e nevojshme komfor kompetencave ligjore dhe në përputhje me legjislacionin në fuqi, duke lëshuar urdhërarrestin dhe letër rreshtimin ndërkombëtar ndaj të pandehurës Arbenita Ismajli”, ka thënë për Klan Kosovën, Sabit Shkodra, Udhëheqës i Zyrës për Informim dhe Komunikim me Media në Gjykatën e shkallës së parë në Gjilan.

Në mes të muajit qershor të këtij viti, Prokuroria Themelore në Gjilan ka nxjerrë një aktvendim për fillim të hetimeve ndaj Ismailit, pasi që, sipas tyre, ekziston dyshimi i bazuar se ajo nuk ka zbatuar vendimin e gjykatës për të takuar vajzën me babanë biologjik, Feronit Shabani, duke kryer kështu veprën penale Mospërfillje e gjykatës.

Nga 19 marsi i këtij viti, “Arbenita Shabani lsmajli, me dashje nuk i është bindur urdhrit apo vendimit të plotfuqishëm të Gjykatës, në Republikën e Kosovës, respektivisht aktvendimit mbi pajtimin gjyqësor, përmes procesverbalit me numër C.nr.3508/2024, të datës 12.06.2024 ashtu që, e pandehura pasi që është njoftuar lidhur me revokimin e autorizimit nga i dëmtuari ish bashkëshorti i saj Feronit Shabani, me të cilin autorizim, të pandehurës i është lejuar nga ana e të dëmtuarit, që fëmijën e tyre N.Sh., ta marrë me vete jashtë Republikës së Kosovës, e pandehura edhe pse në dijeni lidhur me revokimin e autorizimit, asnjëherë nga momenti i revokimit me datë 19.03.2025, nuk ia ka mundësuar kontaktimin me fëmijën të dëmtuarit si baba biologjik, duke vepruar në kundërshtim me aktvendimin e formës së prerë, në të cilin është përcaktuar kontakti me fëmijën dy herë në muaj, vikendin e parë dhe të tretë përmes Qendrës për Punë Sociale në Gjilan”, thuhet në këtë aktvendim të cilin e ka siguruar Klan Kosova.

Prokurori i shtetit, pas vlerësimit të informatave, provave dhe materialeve të tërësishme të dorëzuara nga policia, ka ardhur në përfundim për të filluar hetimet në drejtim të veprës penale Mospërfillje e gjykatës, i cili dyshim mbështetet në provat materiale si, deklarata në polici e të dëmtuarit në cilësi të dëshmitarit Feronit Shabani, njoftimi nga QP5 në Gjilan, me datë 16.04.202S, autorizimi i noterizuar për dhënien e pëlqimit, numër LRP.nr.472/2025, i datës 21.01.2025, revokimi i autorizimit të noterizuar, me numër LRP.nr.174/2025, i datës 19.03.2025, procesverbal mbi shqyrtimin kryesor, i datës 12.06.2024, në Gjykatën Themelore në Gjilan, Aktgjykimi C.nr.1048/2023, i datës 20.12.2023, i Gjykatës Themelore në Gjilan, Aktgjykimi i Gjykatës së Apelit CA.nr.891/2024, i datës 24.04.2024, komunikimet elektronike në mes të policisë dhe njësisë së ILEC, të cilat prova paraqesin bazë të mjaftueshme për fillimin e hetimeve, duke përmbushur stadin mbi dyshimin e arsyeshëm, se e Arbenita Ismaili ka kryer veprën penale në fjalë.

Organi i akuzës në Gjilan ka ngritur aktakuzë ndaj Ismailit, të cilën e ka dorëzuar në Gjykatën Themelore në po këtë qytet më 10 korrik të këtij viti për veprën penale “Marrja apo mbajtja e kundërligjshme e fëmijës”.

Sipas prokurores Rabije Sadiku, për këtë aktakuzë që ka siguruar Klan Kosova, ekziston dyshimi i bazuar se “nga muaji shtator i vitit 2024 në vazhdimësi, e pandehura me dashje dhe në mënyrë të kundërligjshme, e merr, mban ose rrëmben, nga prindi fëmijën — vajzën N.Sh., në atë mënyrë që përkundër që me aktgjykimin e Gjykatës Themelore në Gjilan Divizioni Civil, të dëmtuarit — babait Feronit Shabani, i është besuar ushtrimi i të drejtës prindërore, e pandehura ka marrë vajzën është larguar nga Kosova, me qëllim të shkuarjes, në vendet e ndryshme të Evropës dhe Lindjes së afërt, kështu duke ja ndërprerë dhe duke ia pamundësuar kundërligjshëm të dëmtuarit babait të kujdeset për vajzën, ashtu që i dëmtuari nuk ka mundësi të ushtroj të drejtën prindërore e cila i është besuar nga gjykata, me c’rast e pandehura me veprimet e saj ka penguar ekzekutimin e vendimit të detyrueshëm të organit Kompetent mbi besimin e fëmijës në përkujdesje, ruajtje, zhvillim dhe edukim, veprime këto në kundërshtim me ligjin mbi familjen, në kundërshtim me vendimin e gjykatës të vitit 2024, e po ashtu edhe në kundërshtim me revokimin e autorizimit të datës, 22 korrik 2024”.

Në këtë aktakuzë, Arbenita Ismajli është e ngarkuar edhe me veprën penale Mospërfillje e gjykatës, pasi që “më datë 02, 16 dhe 28 Gusht 2024, në Gjilan, në Qendrën për Punë Sociale, e pandehura, me dashje dhe me qëllim ha shkelur pajtimin gjyqësor në atë mënyrë që të dëmtuarit — babait Feronit Shabanit, përkundër se janë marrë vësh që i dëmtuari të ketë kontakt me fëmijën e përbashkët N.Sh. dhe atë dy herë në muaj, vikendin e parë dhe të tretë, ditën e premte nga ora 15:00 e deri ditën e hënë në ora 10:00, e gjithë kjo të bëhet përmes QPS në Gjilan, e po ashtu e mitura të kontaktoj me babën edhe gjatë festave shtetërore, zyrtare, fetare, pushimeve veriore dhe dimërore, ditëlindjeve dhe koha e kontaktit të jetë e barabartë, e pandehura ka treguar mosgatishmëri që t’i bindet vendimit në pajtimin gjyqësor të lëshuar nga Gjykatës Themelore në Gjilan-Divizioni Civil”.

Arbenita Ismajli e ka fituar të drejtën e kujdestarisë për vajzën në vitin 2024.

Po kjo prokurori, në qytetin e Gjilanit ka aktakuzë ndaj Feronit Shabanit për tri vepra penale, dhunë në familje, ngacmim seksual dhe kanosje.

Sipas aktakuzës, Fero akuzohet se ka ushtruar dhunë psikologjike dhe sjellje kërcënuese ndaj ish-bashkëshortes së tij, Arbenita Ismajli, në periudhën qershor – tetor 2024.