Reperi i njohur, Ledri Vula, i ka dhënë përkrahje kandidates për deputete nga radhët e PDK-së, Ariana Musliu-Shoshi.
Dyshja u takuan së fundmi dhe, duke kënduar këngën “Kush o ktu”, Ledri bëri thirrje që të gjithë të votojnë PDK-në dhe Musliu-Shoshin.
Kjo e fundit e falënderoi Ledrin për mbështetjen e madhe këto ditë.
Kryetari i AAK-së, Ramush Haradinaj priti në takim Afrim Muqiqin.
Takimi u zhvillua në një frymë të ngrohtë dhe respekti të ndërsjellë, ku Haradinaj i dorëzoi artistit një mirënjohje për kontributin e tij të çmuar në art dhe në ruajtjen e vlerave kombëtare.
Afrim Muqiqi shprehu përkrahjen e tij për Ramush Haradinajn dhe vizionin e tij, duke theksuar se Kosova ka nevojë për udhëheqje të provuar në kohë të vështira:
“Na prij përpara në procese, ashtu siç ke prirë gjithmonë,” u shpreh ai.
Pas një periudhe të gjatë shkëputjeje totale nga jeta publike dhe rrjetet sociale, shkaktuar nga tragjedia e rëndë e humbjes së vëllait, këngëtari i njohur Gjesti është rishfaqur për publikun. Megjithatë, nuk bëhet fjalë për një dalje fizike, por për një kartolinë simbolike urimi të publikuar nga kompania e tij menaxhuese.
aqja zyrtare e menaxhmentit, Three60 Music, ka publikuar orët e fundit një imazh festiv të artistit për të uruar Krishtlindjen. Në foto, Gjesti shfaqet i veshur me stilin e tij karakteristik—xhins dhe atlete rozë të ndezura—i rrethuar nga dritat e pemës dhe atmosfera festive.
Ajo që bie në sy menjëherë, dhe që është vënë re nga ndjekësit, është natyra e imazhit. Fotoja duket qartësisht e gjeneruar ose e përpunuar me Inteligjencë Artificiale (AI), duke shërbyer më tepër si një “avatar” për të mbajtur gjallë prezencën e artistit, sesa një foto aktuale e momentit.
Kjo zgjedhje konfirmon se artisti vazhdon të mbajë distancën e tij private në këtë periudhë zie.
Pavarësisht se imazhi është virtual, reagimi i fansave ka qenë tejet real dhe emocional. Seksioni i komenteve është mbushur me mesazhe malli dhe mbështetjeje, duke treguar se mungesa e tij në skenën muzikore po ndihet fort.
Mes qindra komenteve, spikatin ato që shprehin pritjen për rikthimin e tij:
“Na ka marrë malli shumë dhe i urojmë çdo të mirë. Ky vit të jetë sërish viti i Gjestit ashtu siç është edhe 2025,” shkruan një ndjekëse.
Të tjerë shprehen më emocionalisht: “Gjesti o shpirt vdiqëm për ty,” dhe “Na mungon @gjesti, të duam shumë.”
Kompania menaxhuese nuk ka dhënë detaje mbi ndonjë datë konkrete të rikthimit të tij fizik në skenë, por publikimi i kësaj “kartoline” është parë si një sinjal shprese. Komentet sugjerojnë se fansat janë të gatshëm ta presin artistin e tyre sa të jetë e nevojshme, duke uruar që kjo festë t’i ketë sjellë pak qetësi pas periudhës së errët që ka kaluar.
“Kam besim tek ju se në vitin 2026 Gjesti do të rikthehet edhe më i fortë se kurrë. Është në duar të sigurta,” shkruan një komentues tjetër, duke lënë të kuptohet se komuniteti i tij i fansave mbetet besnik, duke respektuar dhimbjen, por duke pritur “magjinë” e tij të rikthehet. /Prive By Liberta Spahiu
Këngëtarja e njohur shqiptare, Xhensila Myrtezaj, ka bërë thirrje publike që në zgjedhjet e 28 dhjetorit të votohet kandidatja e Partisë Demokratike të Kosovës, Ariana Musliu-Shoshi.
Përmes një video-incizimi të publikuar, Xhensila ka shprehur mbështetjen e saj për Musliu-Shoshin, duke potencuar rëndësinë e fuqizimit të rolit të gruas në shoqëri dhe politikë.
“Kjo video shkon për një person shumë special, e cila i ka dhënë zë asaj që ne do të duhej t’i japim të gjithë – femrës. Ariana, jam shumë e lumtur për ty dhe shpresoj që shumë vajza dhe gra të tjera të bashkohen me ty dhe të të votojnë. Votoni numrin 18, Arianën që e kam shumë xhan dhe kam shumë besim që do të bëjë gjëra shumë të bukura për rininë kosovare”, dëgjohet duke thënë këngëtarja.
Ariana Musliu-Shoshi kandidon me numrin 18 në zgjedhjet parlamentare që do të mbahen më 28 dhjetor.
Një ngjarje e rëndë ka qarkulluar me shpejtësi orët e fundit në platformën TikTok, duke përfshirë personazhin e njohur të rrjeteve sociale, Suada Muca.
Pas disa deklaratave fyese dhe gjuhës së ashpër të përdorur prej saj gjatë një transmetimi “live” drejtuar familjes Fire, situata ka degraduar në përplasje fizike.
Sipas pamjeve që po bëjnë xhiron e rrjetit, Suada është përballur me një grup vajzash të cilat e kanë sulmuar atë. Videoja tregon momentet e tensionit ku personazhi i njohur goditet nga disa persona, si pasojë e sharjes që Suada i kishte bërë familjes
Përmes këtij reagimi, ajo ka njoftuar ndjekësit mbi gjendjen e saj aktuale. “Jam mirë, faleminderit që jeni shqetësuar për mua,” është shprehur ajo, duke tentuar të qetësojë opinionin publik pas pamjeve shqetësuese që u shpërndanë masivisht.
Adrian Gaxha ka qenë dikur një nga emrat më të njohur të muzikës shqiptare, me disa projekte të suksesshme që u dëgjuan gjerësisht në publik. Prej vitesh, ai është tërhequr nga skena muzikore.
Këngëtari nuk ka publikuar këngë të reja dhe nuk është aktiv në rrjete sociale, duke zgjedhur një jetë më të qetë larg vëmendjes mediatike. Mungesa e tij në publik ka shtuar kureshtjen për jetën e tij aktuale, shkruan “Kosovarja”.
Sipas informacioneve të fundit, Gaxha i kushton shumë kohë qenve të tij, të cilët duket se janë pjesë e rëndësishme e përditshmërisë së tij. Pamja e tij aktuale reflekton një stil jete më privat dhe të distancuar nga industria muzikore.
Dizejnatorja e mirënjohur, Blerina Kllokoqi-Rugova, ka zhvilluar së fundmi një bisedë virtuale me ndjekësit e saj, duke u dhënë mundësinë për ta pyetur rreth gjërave që i mundojnë. Megjithatë, një pyetje e përsëritur mbi përkatësinë fetare të familjes së saj ka marrë vëmendjen kryesore, duke e shtyrë atë të japë një përgjigje përfundimtare.
Blerina u pyet nëse familja e saj i përket besimit katolik apo atij mysliman, një dilemë kjo që sipas saj shfaqet sa herë që ajo hap një pyetësor. Edhe pse zakonisht zgjedh të mos përgjigjet, këtë herë dizejnatorja vendosi ta sqarojë situatën: “Ne jemi besimtarë të fesë myslimane. Unë dhe familja jem,” u shpreh ajo, duke kërkuar që ky kapitull të konsiderohet i mbyllur një herë e përgjithmonë.
Përtej deklarimit të fesë që i përket, ajo theksoi se në familjen e saj, si nga ana e prindërve ashtu edhe nga familja e bashkëshortit, Mendimit, mbizotëron respekti universal. Ajo tregoi se në shtëpinë e tyre festohet çdo festë, pa marrë parasysh përkatësinë, duke vënë theksin te toleranca dhe harmonia ndërfetare që e ka karakterizuar rritjen dhe jetën e saj.
Në mbyllje të kësaj teme, Blerina nuk la pa përdorur edhe pak humor me ndjekësin kurioz. Për të dëshmuar njohuritë e saj mbi besimin islam, ajo pyeti me ironi nëse kishte nevojë t’i recitonte ndonjë lutje specifike. “A po don me ta thanë tespih-dovën, a shahadetin, a kulivallahun, cilën p’e don? Krejt t’i thom,” përfundoi ajo, duke treguar se i zotëron mjaft mirë bazat e besimit të saj. /Prive By Liberta Spahiu
Lajmi i hidhur për ndarjen nga jeta të vokalistit të grupit legjendar “Ilirët”, Shemsi Krasniqi – Shemi, ka prekur artdashësit dhe komunitetin artistik, duke sjellë reagime të shumta ngushëllimi.
Megjithatë, pas këtij lajmi të trishtë, një reagim i ashpër nga Hajrush Behluli, bashkëshorti dhe menaxheri i këngëtares Shkurte Fejza, ka shkaktuar një valë diskutimesh.
Ai ka rihapur një plagë të vjetër lidhur me autorësinë e hitit mbarëkombëtar “Xhamadani vija-vija”, duke e bërë publik këtë konflikt në një moment delikat.
Në një postim në Facebook, Behluli ka ndërhyrë për të saktësuar atë që ai e quan “dezinformim” lidhur me këngën ikonike.
Ai e nisi komentin e tij me ngushëllime për familjen e të ndjerit, por shpejt kaloi në akuzat për autorësinë e këngës, duke theksuar se Shemi nuk ishte autori i saj.
“Ngushëllime familjes dhe miqve, por nuk ka qenë autor i këngës Xhamadani… skeni nevojë me dezinformuar as në këtë rast,” shkruan Behluli, duke e bërë të qartë që ai nuk do të lejojë që historia të ndryshohet pas vdekjes së Shemit.
Akuzat e tij nuk përfunduan këtu.
Në një replikë të dytë, Behluli e cilësoi të ndjerin si “mosmirënjohës” dhe “të paskrupullt” në raport me Shkurte Fejzën dhe historinë e këngës.
Ai akuzoi gjithashtu disa gazetarë për krijimin e lajmeve të “pandershme”, duke theksuar se konflikti me Shemin kishte qenë i vazhdueshëm.
Por kush është autori i vërtetë i “Xhamadani vija-vija”? Përplasja mes “Ilirëve” dhe Shkurte Fejzës është e hershme dhe buron nga fakti se të dyja palët e kanë identifikuar karrierën e tyre me këtë këngë të njohur.
Kënga është kompozuar nga mjeshtri Zef Çoba me tekst të Alfred Çapalikut, dhe u popullarizua nga Shkurte Fejza në Festivalin e Gjirokastrës.
Versioni “rock” i sjellë nga grupi “Ilirët” dhe Shemi ka arritur një popullaritet të jashtëzakonshëm, duke krijuar një konfuzion të madh te publiku.
Kjo ka bërë që debati mbi autorësinë e këngës të vazhdojë edhe pas vdekjes së Shemit, duke lënë shumë pyetje të hapura për adhuruesit e muzikës.
Me kalimin e kohës, duket se ky debat do të vazhdojë të jetë i ndezur, duke reflektuar tensionet e vjetra mes artistëve dhe historinë e muzikës shqiptare.
A do të arrijnë ata të gjejnë një zgjidhje për këtë konflikt, apo do të vazhdojnë akuzat dhe kundërakuzat? E vërteta mbetet e hapur për interpretim.
Në një reagim emocional të publikuar së fundmi, Gjylymser Kasapi, nëna e këngëtarit të ndjerë Shpat Kasapi, ka falënderuar publikisht të gjithë ata që qëndruan pranë familjes në këto momente të rënda.
Ajo shpreh mirënjohje, për familjen e saj, si dhe për shoqërinë në përgjithësi, kolegë e artistë nga të gjitha trevat shqiptare, për mbështetjen dhe ndarjen e dhimbjes pas largimit nga jeta të Shpatit.
Në mënyrë të veçantë, nëna e këngëtarit ndalet te Selvije Jao, bashkëshortja e Shpatit, të cilën e përshkruan si shpirtin e shtëpisë dhe si një grua të dashur për butësinë, çiltërsinë dhe moralin e saj. Ajo thekson përkushtimin maksimal të Selvijes jo vetëm si bashkëshorte, por edhe si nënë e shkëlqyeshme e nipit të vogël, Roelit.
Në mesazhin e saj, ajo zbulon se Shpati ndërroi jetë në krahërorin e Selvijes, mbi të cilët u hodh edhe Roeli, pa e kuptuar çfarë po ndodhte.
Por mes falënderimeve, ajo paralajmëron se çdo spekulim tjetër, do të dënohet jo vetëm moralisht, por edhe ligjërisht.
Në fund, ajo u bën thirrje të gjithëve që të lejojnë familjen të përjetojë dhimbjen e saj në qetësi, duke kërkuar respekt të veçantë për Selvijen, e cila sipas saj po e mban gjallë familjen në këto çaste të rënda.
Vdekja e Shemsi Krasniqit, i njohur si Shemi i grupit legjendar “Ilirët”, ka tronditur komunitetin muzikor dhe fansat e tij, duke lënë boshllëk në skenën e muzikës shqiptare.
Lajmi i hidhur e mori edhe një nga miqtë dhe kolegët e tij më të afërt, Naser Gjinovci, vokalisti i njohur i grupit rock “Minatori”, ndërsa ishte live në një emision televiziv
Gjinovci ndau emocionet e tij të forta dhe kujtimet personale për Shemin gjatë transmetimit në “Studio A”, duke e bërë këtë moment edhe më prekës për të gjithë ata që e ndjekin.
Me një zë të tronditur, Gjinovci tha: “Lajmi i keq gjithë del i vërtetë.
Unë nuk e pata telefonin, e pyeta një bashkëpunëtor të juajin.
Edhe kojshi, edhe shok, edhe mik… O Zot, sa kemi ndenjur në banesë timen dhe në shtëpi të tij.”
Ai theksoi lidhjen e veçantë që kishte pasur me Shemin, duke e përshkruar si një miqësi të gjatë dhe të ngushtë, ku kanë ndarë shumë momente personale dhe artistike, duke e bërë këtë humbje edhe më të dhimbshme.
“E di që ka pasur probleme me stenta, pse si tek i ri është për me vdek,” shtoi mes tjerash, duke e bërë të qartë se Shemi kishte kaluar sfida të mëdha shëndetësore përpara se të ndodhte kjo tragjedi.
Vokalisti i “Minatorit” gjithashtu përmendi se Shemi nuk ishte vetëm një mik, por edhe një bashkëpunëtor i pazëvendësueshëm në muzikë, me të cilin kanë ndarë momente të paharrueshme në karrierat e tyre artistike, duke lënë pas një trashëgimi të çmuar për muzikën shqiptare.
