Ish-deputetja nga komunitetet, Duda Balje, ka përdorur një term ofendues gjatë një debati televiziv të transmetuar drejtpërdrejt në televizionin T7.
Gjatë diskutimit, Balje iu drejtua njërit prej panelistëve me shprehjen “ti nuk je as magjup”, një term që në opinionin publik konsiderohet fyes dhe diskriminues ndaj komuniteteve.
Deklarata u bë në transmetim live dhe ka nxitur reagime në rrjetet sociale:
Ish-banori i njohur i “Big Brother Albania 3” dhe moderatori i lajmeve, Erion Zeqiraj, ka ndarë sot me ndjekësit lajmin më të bukur të jetës së tij. Ai është bërë baba për herë të parë.
Zeqiraj ka publikuar disa foto emocionuese në llogarinë e tij në Instagram, duke njoftuar ardhjen në jetë të djalit të tij.
Në postimin e tij, moderatori ka zbuluar edhe emrin që ata kanë zgjedhur për vogëlushin. Ai quhet Kael.
Krahas fotos bardhë e zi, ku shihet dora e të sapolindurit, Erioni ka shkruar fjalët e ndjera: “16/12/2025. Mirëseerdhe shpirti jonë, Kael Zeqiraj.”
Në fotot e tjera, shfaqet partnerja e tij duke mbajtur vogëlushin në krahë në maternitet, si dhe detaje nga festa e mirëseardhjes me tullumbace dhe lule, ku lexohet: “E gjithë dashuria e botës, i vogli jonë.”
Erion Zeqiraj u bë fillimisht i njohur për publikun shqiptar si një nga konkurrentët më karizmatikë të “Big Brother Albania 3”. Megjithatë, pas daljes nga shtëpia e famshme, ai arriti të ndërtojë një karrierë të gjatë dhe solide në televizion.
Prej vitesh, ai është një figurë e konsoliduar në ekranin e Vizion Plus, ku punon si moderator lajmesh (spiker), duke lënë pas imazhin e dikurshëm të “banorit të reality show-t” për t’u shndërruar në një profil serioz medial.
Ardhja në jetë e Kaelit shënon një kapitull të ri dhe emocionues për moderatorin dhe familjen e tij. /Prive By Liberta Spahiu
Personazhi i njohur i “TikTok”, Fabion Kuçi ose GUCCI, është plagosur mbrëmjen e kaluar në qytetin e Durrësit, në lagjen Nr. 9, e njohur si lagja e Re. Policia lokale ka identifikuar autorin dhe po punon për arrestimin e tij, ndërkohë që i plagosuri ndodhet nën kujdesin e mjekëve në spital.
Fabion Kuçi ka një histori të mëparshme kriminale jashtë vendit, duke qenë i dënuar në Angli për vepra të ndryshme penale dhe duke shërbyer disa vite burg. Ai ishte kthyer në Shqipëri vetëm pak muaj më parë dhe ishte bërë mjaft aktiv në rrjetin social TikTok, ku shpesh herë përfshihej në debate dhe përplasje me personazhe të tjerë si Kozak Braçi dhe Xhemal Ujka (Fire).
Policia vijon hetimet për të zbardhur rrethanat e incidentit dhe për të ndëshkuar përgjegjësit. Autoritetet bëjnë thirrje për bashkëpunim nga dëshmitarët që mund të kenë parë ngjarjen në lagjen e Re.
Aktori Jeton Zogjani ka folur në emisionin “Kosova Live” pas reagimeve të shumta publike lidhur me këngën dhe performancën e këngëtares Edona Llalloshi, kushtuar kryeministrit Albin Kurti.
Duke komentuar vargjet e këngës, Zogjani u shpreh kritik ndaj mesazhit që, sipas tij, përcillet përmes tekstit, duke deklaruar se “budallaku ka nisë mu bo vlerë”, ndërsa shtoi se “nji fije floku e ndan prej budallakut”.
Reagimi i tij vjen pas debatit të ndezur që ka shpërthyer në rrjete sociale dhe në opinionin publik, ku performanca e Edona Llalloshit është interpretuar në forma të ndryshme.
Aktori i njohur Halil Budakova është rikthyer në skenën artistike së bashku me bashkëshorten e tij, Merita Budakova, me një film të ri aksion me titull “Djemtë e rrezikshëm”.
I ftuar në emisionin “Weekend” në Klan Kosova, Budakova u shpreh i revoltuar dhe i zhgënjyer nga mungesa e mbështetjes nga institucionet shtetërore për projektet e tij artistike.
Ai njëherësh theksoi se deri më tani është mbështetur vetëm nga miqtë dhe shokët e tij, por sipas tij kjo nuk mund të vazhdojë pafundësisht, pa mbështetje institucionale.
“Një film aksion që s’kam dashur me e bo hiç, sepse jam shumë i dëshpëruar, jam shumë i mërzitur dhe, nëse nuk funksionon edhe pak, unë do iki jashtë dhe s’do të vij kurrë në Kosovë. Mbaje në mend, kurrë në jetë s’do të vij, as i gjallë as i vdekur, në Kosovë. Jam njeri që s’jam përkrahur kurrë. Mua më përkrahin miqtë e mi, por ata i kam lodhur, nuk shkon gjithmonë. Hajdeni, ndihmoni, hajde të sponsorizohemi. I kam lodhur njerëzit, është koha e shtetit”, tha Budakova.
Këngëtarja dhe ish-banorja e “BBVA”, Egli Tako, vazhdon të jetë aktive në rrjetet sociale, ku ndan herë pas here momente nga jeta e saj personale dhe profesionale.
Së fundmi, ajo ka publikuar një fotografi nga një dhomë hoteli, ku shfaqet në një pozë mjaft provokuese.
Në imazh, Egli pozon pranë xhamit, duke vënë në pah linjat trupore.
Fotografia është publikuar në Instastory dhe ka qenë pjesë e përmbajtjes së zakonshme që këngëtarja ndan me ndjekësit e saj.
Selvije Jao, bashkëshortja e artistit të ndjerë Shpat Kasapi, ka bërë sot një postim prekës në rrjetet sociale, teksa është nisur drejt Italisë e shoqëruar vetëm nga djali i tyre, Roeli.
Përmes një fotoje në “Instastory”, ku shfaqen biletat e avionit me destinacion Milanon për datën e sotme, 14 Dhjetor, ajo ka ndarë dhimbjen e mungesës së bashkëshortit.
“Sot do doja më shumë se gjithçka të kisha edhe biletën tënde në dorë”, shkruan Selvija, duke e shoqëruar imazhin me këngën e Shpatit, “Kujtime m’ke lan”.
Ky udhëtim mbart një peshë të rëndë emocionale për familjen.
Vetëm më pak se një muaj më parë, Shpat Kasapi ndërroi jetë tragjikisht pikërisht në Itali, aty ku dha dhe frymën e fundit.
Mësohet se çifti kishte udhëtuar drejt shtetit fqinj për një arsye madhore: kryerjen e vizitave dhe trajtimeve të specializuara për djalin e tyre, lidhur me problemet në të folur.
Nisja e sotme e Selvijes tregon se ajo ka zgjedhur të vazhdojë betejën për shëndetin e djalit, duke u rikthyer në vendin ku humbi bashkëshortin, për të çuar deri në fund misionin prindëror që kishin nisur së bashku. /Prive By Liberta Spahiu
Numërimi mbrapsht ka filluar! Tashmë gjithçka është gati për startin e madh të fenomenit televiziv që mban mbërthyer shqiptarët. Burime pranë produksionit konfirmojnë se Kiara Tito do të jetë zyrtarisht prezantuesja e re e “Big Brother Fan Club”, duke shënuar një rikthim të bujshëm në formatin që i ndryshoi jetën.
Për Kiarën, ky pozicion vjen si një kurorëzim i natyrshëm i një rrugëtimi televiziv mbresëlënës. Pas eksperiencës së saj brenda shtëpisë së famshme – ku ajo spikati si një nga banoret më të pëlqyera, më të dashura dhe më protagoniste – karriera e saj njohu vetëm ngjitje. Ajo periudhë, e cila shënoi një kthesë rrënjësore në jetën e saj, ia rihapi dyert e mëdha të televizionit.
Menjëherë pas daljes, Kiara u besua me drejtimin e “Dancing With The Stars Fan Club”, dhe më pas bëri hapin e madh drejt “Prime Time”. Ajo aktualisht shkëlqen çdo javë si prezantuese e spektaklit të humorit “Portokalli”, një rol që vazhdon ta mbajë me sukses, duke u konfirmuar si një nga figurat më të rëndësishme të Top Channel.
Fansat nuk do të presin më gjatë. Dritat e shtëpisë më të famshme në Shqipëri do të ndizen me datë 20 Dhjetor. Spektakli “Big Brother VIP Albania 5” premton të nisë fuqishëm që në natën e parë, me një kast personazhesh që pritet të bëjnë zhurmë.
Ndërkohë, analiza e lojës, debateve dhe dinamikave nën drejtimin e Kiarës do të nisë pak më vonë. Emisioni “Big Brother Fan Club” do të startojë transmetimin një javë pas nisjes së spektaklit, për të komentuar gjithçka që do të ketë ndodhur gjatë 7 ditëve të para të bashkëjetesës.
Me Kiarën në timon dhe një sezon që nis prag festash, ky edicion i pestë pritet të jetë zjarrtë.
Selvije Jao ka bërë një urim tejet emocional për Jehonën, motrën e Shpat Kasapit, e cila ka përfunduar me sukses Magjistraturën.
Me fjalë të mbushura me dashuri e mirënjohje, Selvija e ka konsideruar Jehonën si një motër të vërtetë që i ka qëndruar pranë në çdo hap.
“Edhe pse është motra e madhe e Shpatit, ti për mua ke qenë gjithmonë si motër e vërtetë… më ke dhënë dashuri pa kushte dhe më ke qëndruar afër në çdo hap,” shkruan Selvija në urimin e saj.
Ajo shtoi se beson me shpirt se i ndjeri Shpat Kasapit do të ishte i pafund krenar për qëndrueshmërinë, forcën dhe arritjet e Jehonës.
“Urime Magjistratura, zemra ime. Suksese në çdo rrugë që do ndjekësh. E di që Shpati sot buzëqesh për ty. Të dua shumë, Jehona,” përfundon urimi i Selvijes
Fatmir Limaj do të garojë i vetëm në zgjedhjet e 28 dhjetorit. Edhe pse u përfol gjatë për një rikthim të mundshëm në PDK – partinë nga e cila u nda në vitin 2014 – marrëveshja dështoi pasi PDK refuzoi ta përfshinte në listat e saj.
Tani, kreu i Nismës e ka të qartë situatën: duhet ta kalojë i vetëm pragun prej 5%, një sfidë jo e vogël duke parë rrethanat.
Por, nëse politika i mbylli derën, një mbështetje interesante i ka ardhur nga estrada. Këngëtarja Genta Ismajli ka publikuar një video ku bën thirrje hapur për mbështetjen e tij.
“Përshëndetje, unë jam Genta Ismajli. Kjo video shkon për z. Fatmir Limaj. Të uroj më të mirat për fushatën e re dhe shpresoj ta fitosh,” thotë Genta në mesazhin e saj.
Mbetet të shihet sa do të ndikojë ky suport i këngëtares në terren, tani që Nisma është e detyruar t’i matë forcat e vetme. /Prive By Liberta Spahiu