“Të tregojmë ne bijtë e kujt jemi, të mbysim këtu”, Miri dhe Rogert kërcënojnë Shëndritin pas ofendimit të rëndë

Një debat i fortë ka trazuar mbrëmjen e djeshme në shtëpinë e Big Brother VIP Albania 5, duke sjellë tensione të larta mes banorëve dhe një situatë që për pak sa nuk doli jashtë kontrollit.

Protagonistë të përplasjes kanë qenë Shëndriti, Miri dhe Roberti, ku gjithçka nisi nga një batutë e keqkuptuar.

Shëndriti përdori shprehjen spanjolle “Hijo de puta”, për të cilën sqaroi se ishte thjesht një shaka dhe një referencë ndaj një personazhi humoristik nga seriali “Tevides”, që e përdor shpesh këtë frazë në episodet e tij. Megjithatë, konteksti nuk u interpretua si humor nga djemtë e tjerë, të cilët e morën si fyerje të rëndë.

Roberti reagoi menjëherë me tone të ashpra, duke e quajtur Shëndritin “budalla” dhe duke e paralajmëruar me fjalët: “Luj tamon, në qoftë se s’don me lujt taman ta kallxojmë ne bijtë e kujt jemi.” Situata u tensionua edhe më shumë kur Miri iu afrua fizikisht Shëndritit në mënyrë kërcënuese dhe i kërkoi llogari ballë për ballë duke i thënë: “Ma thuaj edhe një herë”.

Gjatë gjithë përplasjes, Shëndriti u përpoq vazhdimisht të ulte tensionet dhe të sqaronte se shprehja nuk kishte qenë ofendim personal, por një referencë humoristike e shkëputur nga konteksti. Pavarësisht insistimit të tij, banorët nuk u bindën nga shpjegimi dhe situata mbeti e nxehtë për disa minuta.

Ngjarja ka ngjallur reagime edhe te publiku në rrjetet sociale, ndërsa mbetet për t’u parë nëse produksioni do të ndërhyjë me ndonjë masë disiplinore pas këtij episodi të tensionuar brenda shtëpisë.

Reagojnë familjarët e Benitës ashpër: Kjo është marri, kishim informacione të sigurta që Klodi …

Pas eliminimit të mbrëmshëm nga Big Brother VIP Kosova, nuk ka munguar një reagim i menjëhershëm nga familja e Benita Zena, e cila menaxhon edhe llogarinë e saj në rrjete sociale, duke ngritur dyshime dhe akuza të drejtpërdrejta ndaj produksionit.

Fillimisht, pak para se të shpalleshin finalistët, në InstaStory u publikua një mesazh ku shkruhej: “Çdo votë e kemi faktike”, duke lënë të kuptohej se ata kishin bindjen se mbështetja e publikut ishte në anën e Benitës.

 Foto: Benita Zena/InstaStory

Mirëpo, pasi në finale u shpall Hygerta Sako ndërsa Benita mbeti jashtë garës, reagimi u ashpërsua. Në një tjetër story u publikua deklarata: “Këtë story e kemi bërë rreth 40 minuta më herët që me iu tregu që votat i kemi faktike pavarësisht që kemi marr informacione të sigurta që Benita ose Klodi do të djegën për Hygertën! Por produksioni prapë vazhdojmë me dëshirën e vet që ishte Hygerta”, një mesazh që u interpretua si akuzë për manipulim rezultatesh.

 Foto: Benita Zena/InstaStory

Reagimet nuk përfunduan me kaq. Familjarët publikuan edhe një postim në profilin e saj, ku shkruhej: “Falemindetit Big Brother VIP Kosova, mbani premtimet, por votat dhe faktet i kemi! Definitivisht është marri”, duke e bërë të qartë pakënaqësinë e tyre për rezultatin final të gjysmëfinales.

Alaudin Hamiti reagon për sulmin ndaj tij

Moderatori Alaudin Hamiti ka adresuar sulmin fizik që ndodhi ndaj tij sot në rrugë.

Ai tha se u gjet i papërgatitur por refuzoi t’i japë më shumë vëmendje.

“U gjeta i papërgatitur se nuk ka asnjë arsye për të pritur një agresion në rrugë”, ka thënë Hamiti sot në PRIME.

“Por unë jam mirë, siç po e shihni. Sonte jemi këtu për spektakël, andaj le të fokusohemi që ajo na bashkon të gjithëve…Big Brother VIP Kosova”.

Pamje ekskluzive: Alaudin Hamiti sulmohet fizikisht nga një person në Prishtinë

Pamje ekskluzive: Alaudin Hamiti sulmohet fizikisht nga një person në Prishtinë

Një incident ka ndodhur sot në lagjen ‘Bregu i diellit’ në Prishtinë, ku moderatori i njohur Alaudin Hamiti është sulmuar fizikisht nga një person.

Sipas pamjeve ekskluzive të siguruara nga Indeksonline, në video shihet momenti kur një person i afrohet moderatorit dhe e godet atë.

Motivet e sulmit ende nuk janë bërë të ditura.

Zarf i Zi në shtëpinë e Big Brother – përjashtohet përfundimisht nga gara ky banor

Kristi Lamaj është përjashtuar nga gara e Big Brother Albania VIP5.

Njoftimin e dha vëllai i madh përmes një zarfi të zi, i cili mbërriti sot në mëngjes në shtëpi.

“Banorë, Vëllai i Madh ju njofton se Kristi Lamaj është përjashtuar përfundimisht nga gara. Televotimi aktual anulohet“-thuhej në Zarfin e Zi që u lexua nga Brikena

Ndërkohë televotimi aktual do të anulohet.

“Zoti na i faltë gjynahet”, Gjesti gati për Ramazan: Agjëroni o njerëz

Gjesti është gati për agjëruar Ramazanin.

Këtë e ka bërë të ditur vetë ai përmes një videoje të postuar në Instagram gjatë kohës së syfyrit.

Ai thotë se të gjithë duhet ta kryejnë këtë obligim për Zotin, njofton Klankosova.tv.

“U çova në syfyr, po e pres Sabahun me falë dhe me kismet me ndihmën e Zotit me e kry këtë muaj të shenjtë qysh duhet”, tha artisti.

Xheneta Fetahu pëson aksident me veturë, dalin pamje nga vendi i ngjarjes

Xheneta Fetahu, ka bërë të ditur se ka qenë e përfshirë në një aksident me veturën e saj.

Lajmin e ka konfirmuar vetë ajo përmes rrjeteve sociale, ku ka publikuar edhe një fotografi nga aksidenti, duke treguar gjendjen e makinës pas përplasjes.

Aktualisht nuk dihen detaje shtesë lidhur me rrethanat e aksidentit apo gjendjen e saj shëndetësore.

Labinot Rexha ofendon rëndë Leonora Jakupin, i referohet me…

Këngëtari Labinot Rexha duket se nuk po gjen qetësi as pas eliminimit nga shtëpia e Big Brother VIP Kosova, pasi së fundmi ka shpërthyer me akuza të forta në rrjetet sociale ndaj banorëve, ish-banorëve dhe produksionit të spektaklit.

Ai nuk i kurseu as opinionistet e këtij edicioni, duke përfshirë edhe aktoren Olta Gixhari dhe këngëtaren Leonora Jakupi.

Situata mori përmasa më të mëdha kur Labi publikoi një postim ku kritikonte ashpër qasjen e Leonorës ndaj banorëve. Në shkrimin e tij, ai përdori një term ofendues duke iu referuar asaj si “Leonora Jakupeski”, gjë që u konsiderua nga ndjekësit si fyerje e rëndë dhe e papranueshme.

Reagimet nuk vonuan të shpërthenin në rrjetet sociale, ku shumë përdorues e kritikuan ashpër për gjuhën e përdorur dhe tonin e ashpër. Përballë valës së komenteve negative dhe presionit publik, këngëtari e fshiu postimin brenda një kohe të shkurtër.

Megjithatë, edhe pse statusi u hoq, deklarata e tij tashmë kishte bërë xhiron e rrjetit, duke shkaktuar debat të gjerë mes fansave të spektaklit dhe publikut online, ndërsa mbetet për t’u parë nëse situata do të marrë reagime të tjera nga personat e përfshirë.

Konfirmohet çifti i ri i showbizit, Atilla Kardesh krah këngëtares së njohur

Këngëtarja shqiptare Eva Ndoja duket se ka konfirmuar lidhjen e saj më të re.

Ajo ka publikuar një foto në rrjetet sociale me Atilla Kardeshin, duke ngritur dyshimet se dyshja janë çifti më i ri i showbiz-it shqiptar.

Në postimin e shpërndarë në TikTok, Eva ka shkruar: “Urime Dita e Shën Valentinit, zemra ime”, një dedikim romantik që u interpretua menjëherë nga ndjekësit si konfirmim i lidhjes së tyre.

Deri tani, as Eva dhe as Atilla nuk kanë bërë një deklaratë tjetër publike, por postimi i fundit duket se flet vetë./Indeksonline/

Lyrical Son: Për mua hero nuk ishte Spidermani, por UÇK-ja

Festim Arifi rrëfen përvojën e tij të fëmijërisë ku tregon se babai i tij u arrestua kur ishte vetëm 5-6 vjeç dhe nuk e pa për dy vjet, duke përjetuar frikën dhe pasigurinë e asaj kohe.

“Më rrok edhe mu te qata njerëz, edhe unë e kam pa babën t’u ma arrestu, unë e kam çel derën, i kam pas 5-6 vjeç. Fati pshtoi qysh pshtoi. Unë jam kanë t’u lujt me kilikera. Ma kanë bo në gjuhën e tyre ‘ku e ke babën’, edhe s’e kam pa dy vjet”.

Ai shtoi se heronjtë për të nuk lidhen me personazhe si Spiderman apo Batman, por me përvojën e tij:

“S’u kanë për mu Spidermani, as Batmani, për mu është kanë UÇK-ja. Unë jam kanë në Prishtinë, na veç kena ditë që filani është në UÇK. Përndryshe, gjeneratat e reja është gjithmonë mirë me u informu. Secili profesor e njeri i edukum, e ka porosinë e njëjtë, është me u informu. Ma mirë me lexu libra, se komente”, tha Lyrical Son në Klan Kosova

Ndërkaq, Lyrical Son do të jetë një nga artistët që do të performojnë në marshin “Drejtësi, jo politikë”.