Bëhet e gjallë Brikena dhe mesazhi i saj s’mund të ishte më i qartë se kaq

Gjërat mes Brikenës dhe Mateos duket se janë larg të qenit fushë me lule, dhe thashethemet për një ndarje po marrin dhenë çdo ditë e më shumë. Pas ditësh të tëra heshtjeje absolute, Brikena më në fund ka vendosur të bëjë një lëvizje dhe të rishfaqet në rrjetet sociale, duke na dhënë të gjithëve material për të folur. Ajo është parë duke vozitur e qetë rrugëve të Prishtinës nën shoqërinë e një mikeshe, duke shijuar mbrëmjen. Por, sytë e shqiponjës së ndjekësve nuk mund të mos e vinin re një detaj thelbësor në videon e ndarë. Në gishtat e saj mungonte gjithçka! Nuk kishte asnjë gjurmë të unazës së saj të përditshme apo asaj familjare që ajo e mbante pothuajse kudo me vete. Kjo mungesë nuk ngjan aspak si një harresë e momentit.

Sikur të mos mjaftonte kjo, situata bëhet akoma më pikante kur i kushtojmë vëmendje kolonës zanore që ajo ka zgjedhur të dëgjojë. Në sfond dëgjohet kënga “Solo” nga Tayna, dhe vargjet godasin fiks në shenjë: “Ai qe mu m’len e as aj qe m’harron / Rri vet so lo lo lo / Skam koh so lo lo lo / Ma mir sesa me to so lo lo lo”.

Mes të gjitha lajmeve dhe thashethemeve që flasin për fundin e romancës së tyre, ky reagim i Brikenës duket si një përgjigje indirekte, por jashtëzakonisht e qartë. Zgjedhja e këtij refreni është gjithçka përveçse një rastësi. Ajo po dëshmon se po ecën përpara, e pashqetësuar, e pavarur dhe pa asnjë minutë kohë për drama shtesë. Tani të gjithë sytë janë kthyer nga Mateo për të parë nëse do të ketë një kundërpërgjigje, apo nëse do ta lërë Brikenën të shijojë jetën e saj “solo”. /Prive By Liberta Spahiu

Granit Plava thërret live në emision nga burgu, moderatorja ia ndalon fjalën

I dënuari me burgim të përjetshëm për vrasjen e Liridona Ademajt, Granit Plava është lidhur direkt në një emision në vend përmes një telefonate nga burgu.

Ai u shpreh se nuk qëndron mirë, pasi u shpreh i munduar nga dënimi me burgim të përjetshëm.

Telefonatën moderatorja e mbylli duke ngritur pikëpyetje se si i njëjti ka gjetur hapësirë të telefonojë.

Pjesë nga biseda:

-Përshendetje, kush na telefonon?

Plava- Përshendetje, jam Granit Plava.

-Si je?

Palava- Mirë me thanë. S’jam edhe aq mirë. Jam i dënuar me burgim të përjetshëm.

-Ah, okej. Ne nuk lejojmë telefonata të tilla. Na vjen keq. Nuk e di nëse është i dënuar me burgim të përjetshëm, si kanë të drejtë me telefonu!

Gjesti: Kam filluar të falem, namazi më jep qetësi

Këngëtari Gjesti ka folur në një intervistë të fundit për mediat në Shqipëri, ku ka treguar se ka nisur të praktikojë namazin.

Ai tha se pavarësisht vështirësive që ka kaluar, për të besimi dhe falja janë bërë një mbështetje e rëndësishme në jetën e tij.

“Kam pas shumë situata, por kurrë s’jam dorëzu… Falu se krejt kryhen, falu. E para është me u fal. Unë edhe më herët jam fal, por jo tamam. Tash po e shoh që s’po muj me hjek dhimtën. Ankthin s’e kam përjetu, tash po e përjetoj, po më shkap nga bota. Ama veç me u fal duhet, nuk shoh tjetër zgjidhje…”, u shpreh ai, transmeton Klankosova.tv

Gjesti shtoi se përmes faljes ndjen qetësi shpirtërore dhe stabilitet më të madh emocional.

Martohet motra e Gjestit?

Blerina, motra e Gjestit, ka tërhequr gjithë vëmendjen e ndjekësve në rrjetet sociale me postimet e saj më të fundit.

Përmes disa imazheve dhe videove të ndara në llogarinë e saj në Snapchat, ajo është shfaqur e veshur me një fustan të mrekullueshëm nuseje. Këto pamje bënë xhiron e rrjetit në kohë rekord, duke nxitur menjëherë thashetheme dhe dyshime të shumta se ajo mund të jetë martuar në privatësi.

Megjithatë, pas zhurmës së madhe dhe urimeve që filluan të qarkullonin, ka reaguar vetë Blerina për të sqaruar të vërtetën. Përmes një tjetër postimi në profilin e saj, ajo ka treguar se nuk është martuar ende, por thjesht po provon fustanet e nusërisë.

“O s’jom martu hala jo veq prova”, ka shkruar ajo krahas fotos, duke shuar kureshtjen e ndjekësve, por njëkohësisht duke lënë të nënkuptohet se dita e madhe dhe martesa janë shumë afër.

Kujtojmë që ky zhvillim nuk është krejtësisht i papritur. Vetëm pak javë më parë, Prive By Liberta Spahiu raportoi ekskluzivisht se motra e Gjestit është fejuar zyrtarisht, duke i dhënë kështu fund beqarisë.

Nisja e provave të vellos vetëm sa konfirmon se përgatitjet për dasmën kanë hyrë në fazën e tyre finale.

Elijona reagon, tregon se a u aksidentu me Klodin

Elijona dhe Klodi kanë qenë të përfshirë në një aksident të lehtë automobilistik në Prishtinë.

Sipas raportimeve të Prive Klan Kosova, ngjarja dyshohet të ketë ndodhur teksa ata po udhëtonin së bashku me makinë, ndërsa fatmirësisht nuk ka pasur lëndime serioze dhe situata ka kaluar pa pasoja të rënda.

Mirëpo Elijona e demantoi këtë lajm, duke treguar se një gjë e tillë nuk ka ndodhur kurr.

FOTO:

Gjesti shfaqet krah dhëndrit, ja çfarë thotë për të (VIDEO)

“Shpirt i ëmbël e starboy”, Elijona uron Klodin për ditëlindje

Ish-banorja e Big Brother Kosova 4, Elijona i ka uruar ditëlindjen Klodit, duke e quajtur “Drama” dhe duke i shprehur dëshirën për lumturi, sukses dhe më pak stres këtë vit.

Ajo ka theksuar edhe shpresën që ai të gjejë pak qetësi dhe e ka përshkruar si “starboy” me një shpirt të ëmbël.

Fotoja tregon çiftin duke pozuar së bashku në ambient natyror, ndërsa festimi duket të ketë ndodhur në Turqi.

“Gëzuar ditëlindjen Klodi, i njohur edhe si Drama. Një vit më i madh dhe ende duke sjellë dramë kudo që shkon. Por sinqerisht… si je ende kaq i qetë pas gjithë këtyre viteve? Shpresoj që ky vit të të sjellë lumturi, sukses, më pak stres dhe ndoshta pak qetësi. Qëndro gjithmonë shpirt i ëmbël dhe starboy që je, të duam shumë”, shkroi Elijona, transmeton Klankosova.tv

Adrian Gaxha bëhet baba për herë të parë

Këngëtari i njohur Adrian Gaxha dhe partnerja e tij, Sidorela Dauti, janë bërë prindër për herë të parë.

Artisti, i cili prej kohësh ka zgjedhur ta mbajë jetën private larg vëmendjes publike, e ndau lajmin e bukur me ndjekësit përmes një postimi në Instagram. Ai publikoi një fotografi të ëmbël, ku shihet dora e të porsalindurit duke shtrënguar lehtë dorën e prindërve.

“Mirë se vjen”, shkroi Adriani krahas postimit, duke konfirmuar kështu ardhjen në jetë të fëmijës së tij.

Klodi dhe Elijona nuk fshihen më? Pamjet nga avioni zbulojnë romancen e tyre

Klodit dhe Elijonës po u shtohen gjithnjë e më shumë aludimet për një lidhje jashtë kamerave të “Big Brother”. Dy ish-banorët kanë rikthyer vëmendjen e ndjekësve, pasi duket se kanë zgjedhur të udhëtojnë bashkë drejt Turqisë

Në rrjetet sociale, të dy kanë publikuar foto dhe video nga i njëjti fluturim, ndërsa destinacioni që shfaqet në postimet e tyre është Stambolli. Kjo ka bërë që fansat të nisin menjëherë komentet për raportin mes tyre.

Një tjetër moment që mori vëmendje ishte një audio e ndarë nga Elijona, ku dëgjohet zëri i Klodit duke thënë në turqisht: “Merhaba, günaydın!”.

Pa zbuluar drejtpërdrejt se kush e shoqëronte, ajo ka luajtur me ndjekësit duke shkruar: “Po hajde, gjejeni tani me kë jam!”

Edhe pse asnjëri prej tyre nuk ka reaguar publikisht për thashethemet që po qarkullojnë, lëvizjet e fundit dhe postimet nga i njëjti udhëtim kanë mjaftuar që rrjeti të shpërthejë me dyshime për një romancë të mundshme mes tyre.

Sot është varrosur vëllai i Egzona Muçiqit, dhimbje e madhe në familje!

Rexhë Brahimaj, i cili humbi jetën në Gjakovë, ishte vëllai i Egzona Muçiqit, bashkëshortes së këngëtarit Albatrit Muçiqi.

Ngjarja ka prekur familjen dhe rrethin e tyre të afërt.

I ndjeri është varrosur sot, në një ceremoni ku kanë marrë pjesë familjarë, miq dhe të njohur. Atmosfera ka qenë e rënduar nga dhimbja për humbjen e tij të parakohshme.

Sipas informacioneve, ai është përcjellë për në banesën e fundit me shumë pikëllim, ndërsa familja po përballet me një humbje të madhe./Kosovarja/