Vdes në një ndeshje bamirësie ish portieri i njohur

Firos Mohamed, ish-portieri i njohur i Penang FC, ndërroi jetë tragjikisht gjatë një ndeshjeje bamirësie në Malajzi, shkruan Gazeta Sinjali.

Ngjarja ndodhi në stadiumin e Këshillit Bashkiak Manjung, në shtetin e Perakut, ku 53-vjeçari u rrëzua papritur në fushë. Pavarësisht ndërhyrjes së shpejtë të stafit mjekësor, përpjekjet për ta shpëtuar nuk dhanë rezultat.

Mohamed, i njohur për paraqitjet e tij të qëndrueshme gjatë viteve 1990, ka lënë një boshllëk të madh në futbollin malajzian.

Klubi i Penang shprehu ngushëllimet e sinqerta për familjen dhe komunitetin sportiv, duke kujtuar atë si një sportist të përkushtuar dhe njeri me shpirt të madh.

 

 

Ja cila është arsyeja pse Cristiano Ronaldo nuk mori pjesë në funeralin e Diogo Jotës

Kapiteni i Portugalisë, Cristiano Ronaldo, nuk mori pjesë në funeralin e shokut të tij të kombëtares, Diogo Jota, dhe të vëllait të tij Andre Silva, që ndërruan jetë në një aksident tragjik me makinë në Spanjë, shkruan Gazeta Sinjali.

Funerali u zhvillua në qytetin e vogël Gondomar pranë Portos, ku shumë futbollistë nga Portugalia dhe klubet e Jotës ishin të pranishëm për të nderuar memorien e tyre.

Sipas mediumit britanik The Mirror, arsyeja e mungesës së Ronaldos ishte dëshira e tij që prania e tij të mos krijonte trazira ose shqetësime në komunitetin e vogël, duke respektuar kështu familjen dhe qytetarët e zonës.

Ky vendim i kapitenit portugez tronditi dhe habiti botën e futbollit, duke treguar një dimension të tij më të ndjeshëm dhe respektues ndaj situatave të vështira personale të miqve të tij.

Portuguese physiotherapist recounts meeting with Diogo Jota before leaving by car

Respiratory physiotherapist Miguel Gonçalves has revealed new details from the final hours of Diogo Jota, who lost his life on Thursday morning along with his brother André Silva, in a tragic accident in Spain.

BBC nxjerr një fakt prekës: Jota udhëtoi me veturë pasi mjeku i kishte thënë…

Futbolli botëror ndodhet në zi pas vdekjes tragjike të Diogo Jotës, ndërsa po dalin detaje të reja rreth udhëtimit të tij fatal

Sipas “BBC Sport”, sulmuesi portugez kishte kryer një ndërhyrje kirurgjikale të lehtë dhe mjekët i kishin rekomanduar të mos udhëtonte me avion.

Për këtë arsye, ai kishte zgjedhur një rrugë tjetër për t’u kthyer në Angli, drejt Liverpoolit, për të nisur përgatitjet parasezonale që priteshin të fillonin të hënën.

Jota kishte planifikuar të udhëtonte me veturë nga Porto drejt qytetit Santander në veri të Spanjës, prej nga do të merrte tragetin për në Mbretërinë e Bashkuar. Gjatë kësaj rruge ndodhet edhe qyteti Zamora, afër kufirit spanjollo-portugez, aty ku ndodhi aksidenti fatal.

Sipas BBC, ai e kishte bërë të njëjtën rrugë, por në drejtim të kundërt disa ditë më parë për të udhëtuar drejt Porto-s me rastin e dasmës së tij, një moment i veçantë që fatkeqësisht do të mbetet i lidhur me një fund të dhimbshëm.

Kishin nënshkruar së bashku me Porton, ky është vëllai i Jotas që ndërroi jetë bashkë me të

Futbollisti i Liverpoolit, Diogo Jota ka ndërruar jetë në moshën 28-vjeçare, së bashku me të ishte edhe vëllai i tij.

Lojtari i Kombëtares së Portugalisë ndërroi jetë së bashku me vëllain e tij, Andre Silva – pas një aksidenti me makinë në zonën Zamora në Spanjë.

Silva është vetëm 25-vjeçar dhe kjo dyshe së bashku kishin shkuar për të nënshkruar me Porton B para disa vjetëve.

Ai ishte ende aktiv në futboll, duke luajtur për skuadrën portugeze, Penafiel, ku kishte kontratë deri në vitin 2026.

Silva dhe Jota do të mbahen mend gjatë, kjo dyshe ndërruan jetë pas një aksidenti me makinë në zonën Zamora të Spanjës.

Mësohen detaje tragjike nga vdekja e Jotas dhe vëllait të tij

Sulmuesi i Liverpoolit, Diogo Jota, ka humbur jetën në një aksident trafiku përgjatë së enjtes.

Lajmin e kanë bërë të ditur mediat spanjolle, ku kanë njoftuar se bashkë me Jotan ka ndërruar jetë në vendngjarje edhe vëllai i tij, po ashtu futbollist profesionist.

“Futbollisti portugez i Liverpoolit, Diogo Jota, vdiq në një aksident trafiku herët këtë mëngjes në moshën 28-vjeçare. “Aksidenti ndodhi në kilometrin e 65-të të autostradës A-52, në provincën e Zamorës, pranë qytetit Palacios de Sanabria“, thuhet në raportim.

Sipas këtyre raportimeve, ai po udhëtonte me vëllanë e tij André, 26 vjeç, gjithashtu futbollist profesionist për Peñafiel, i cili gjithashtu vdiq.

Vetura me të cilën po udhëtonin u përfshi nga flakët pas aksidentit.

Tragjike: Vdes sulmuesi i Liverpoolit

Futbollisti i Liverpoolit, Diogo Jota, ka vdekur në moshën 28-vjeçare.

Lajmin e ka bërë të ditur gazeta e famshme spanjolle, Marca.

Lojtari portugez ka pësuar një aksident trafiku, ku ka ndërruar jetë.

“Futbollisti i Liverpoolit, Diogo Jota, vdes në një aksident trafiku në provincën e Zamorës Aksidenti ndodhi në kilometrin e 65-të të autostradës A-52, pranë komunës së Palacios de Sanabria“, thuhet në raportim.

E rëndë: Humb jetën futbollisti shqiptar

Një klub futbolli është tronditur thellë pas ndarjes nga jeta të një lojtarit shqiptar, Mario Bacaj, 28 vjeçar, i cili ra nga kati i tetë i një bari në qendër të qytetit të Adelaides në Australi.

Bacaj, i cili ishte pjesë e Adelaide Eagles Soccer Club, kishte njoftuar në grupin e skuadrës në orën 10:15 të mëngjesit të 15 qershorit se ndihej i sëmurë dhe nuk do të mund të luante në ndeshjen e planifikuar atë ditë. Pak orë më vonë, shokët e skuadrës morën lajmin e hidhur se ai kishte ndërruar jetë pas rënies nga kati i tetë i një restoranti në zonën qendrore të qytetit.

“Është një tronditje për të gjithë ne”, tha një person i lidhur me klubin. “Ai ishte shqiptar, rritur në Itali. E donte futbollin dhe ishte një djalë i lumtur dhe i bukur – si më i miri në komunitetin tonë. Luanim me të çdo fundjavë.”, raporton TCH.

Mario Bacaj kishte jetuar në Adelaide për disa vite, ku punonte dhe studionte, dhe ishte në prag të marrjes së licencës për ndërtim.

Të hënën, shokët e tij të skuadrës u mblodhën pranë barit ku ndodhi ngjarja për të vendosur lule të bardha dhe për t’i dhënë lamtumirën e fundit. Një kartolinë shprehte ngushëllimet në gjuhën shqipe: “Pushafsh në Paqe Mario.”

Policia dhe shërbimet emergjente mbyllën zonën për disa orë për hetime, ndërsa vdekja e tij nuk po trajtohet si e dyshimtë.

Drita, Prishtina dhe Malisheva në garat evropiane – kundërshtarët e mundshëm të tyre

Kampionia e Kosovës, Drita sot do të mësojë kundërshtarin në fazën e parë të kualifikimeve për Ligën e Kampionëve.

Shorti nis nga ora 14:00 dhe Drita e Gjilanit në short është skuadër bartëse, ndërsa për kundërshtare do ta ketë njërën prej këtyre pesë skuadrave: Inter Club d’Escaldes nga Andorra, Differdange nga Luksemburgu, Vikingur nga Ishujt Faroe, Shelbourne nga Irlanda dhe Egnatian e Shqipërisë.

Të marten nga ora 15:00 hidhet shorti për fazën e parë kualifikuese të Europa ligës, aty ku do të marrë pjesë Prishtina si fituese e Kupës së Kosovës.

Prishtina në short nuk është bartëse, ndërsa përballë do të ketë një skuadër të nivelit serioz evropian. Shakhtar Donetsku i Ukrainës, Sheriff Tiraspoli i Moldavisë, Celje e Sllovenisë dhe Spartak Trnava e Sllovakisë janë kundërshtar të mundshëm të Prishtinës.

Prej orës 16:00 është shorti për raundin e parë kualifikues në Ligën e Konferencës. Kundërshtarin e mëson Malisheva.

Vikinguri i Islandës, Partizani i Tiranës, Floriana e Maltës dhe St. Joseph’s nga Gjibraltari janë kundërshtarët e mundshëm të Malishevës.

Dita e Mirlind Dakut/ Sulmuesi pritet të prezantohet sot në klubin e madh

E ka treguar me vepra se meriton shumë.

Mirlind Daku jo më kot ishte ylli kryesor I Premier Ligës ruse për kontributin për gola sezonin e kaluar, ndërsa kjo e diel pritet si dita e tij e madhe.

Pas dy sezoneve të shkëlqyer tek Rubini, sulmuesi I kombëtares shqiptare parashikohet të prezantohet sot në klubin më të madh të Rusisë, Zenit të Shën Peterburgut.

Pas mbylljes së detyrimeve me kombëtaren shqiptare e ndonjë ditë pushimi, Daku do të paraqitet në kryeqytetin e dytë të carëve, të themeluar nga Pjetri I Madh, ndërsa tifozët kanë shpresa të mëdha.

Kontrata e tij besohet se do të jetë 4-vjeçare.

Mediat ruse shkruajnë se trajneri Semak e ka marrë futbollistin 27-vjeçar sepse ai I garanton lojën në sulm edhe nëse nuk ka shokë pranë.

Siç shkruan e përditshmja kryesore sportive në Moskë, “Sport Ekspres”, Daku është nga ata që e bën repartin ofensiv I vetëm, diçka që në kampionatin ruse e arrin vetëm Xhon Kordoba.

Ndërkaq, “Biznes Onlajn” nga Kazani shkruan se Rubin ka marrë deri tani 8.5 milionë euro nga Zeniti, por kjo shifër mund të ngjitet në 10 milionë bashkë me shpërblimet e parashikuara në klauzolat e kontratës.

Për pagën vjetore të Dakut lajmet janë që arrin në 3.5 milionë euro në sezon, ndonëse nuk ka konfirmim zyrtar nga klubi, siç edhe është normale.

“Sport Ekspres”, ndërkaq, ka vetëm dy dyshime për sulmuesin kuqezi, së pari që nuk ka luajtur më parë me ndonjë skuadër të madhe, dhe me lojtarë të rëndësishëm, dhe sepse është tepër gjaknxehtë, gjë që e ka bërë të marë në Rusi tri herë karton të kuq.