Dortmundi ‘shokon’ Realin, shënon përsëri

Katër minuta – dy gola!

Borussia Dortmund ka shënuar edhe golin e dytë ndaj Real Madridit.

Ndeshja e vlefshme për Ligë të Kampionëve po zhvillohet në “Santiago Bernabeu”, shkruan IndeksOnline.

Golashenuesi i parë, Malen, asistoi për Jamie Gittens, i cili shënoi për 0:2 në minutën e 34-të.

Paraprakisht, me një asist të lehtë të Serhou Guirassyt, Donyell Malen shënoi për verdhezinjtë në minutën e 30-të.

Rezultati aktual: Real Madrid 0 : 2 Borussia Dortmund.

Rikthehet Championsi, këto janë ndeshjet e sotme

Liga e Kampionëve do të rikthehet sonte pas pushimit prej dy javësh shkaku i angazhimeve të Kombëtareve.

Gjigantët e futbollit evropian llogarisin në fitore në duelet përkatëse të xhiros së tretë të fazës së ligës.

Pa dyshim, dueli kryesor i natës do të jetë ai mes Real Madridit dhe Borussia Dortmudit, shkruan “Gazeta Express”.

Gjermanët janë në formë të lartë në këtë edicion në këtë garë dhe prijnë në tabelë me dy fitore.

Sidoqoftë, sonte ata i pret një punë mjaft e vështirë në “Santiago Bernabeu”.

Madrilenët janë në kërkim të fitores së dytë pasi deri tash e kanë një fitore e një humbje.

Trupa e Carlo Ancelottit synon t’i mbajë pikët në shtëpi dhe kështu t’i afrohet kreut të tabelës.

Kjo do të jetë një finale e përsëritur e edicionit paraprak të kësaj gare.

Paraprakisht, Milani do ta kërkojë fitoren e parë të Championsit në formatin e ri në formë lige.

“Rossoneri” i kanë pësuar dy humbje dhe gjenden poshtë në tabelë.

Ata do të kenë punë me Club Brugge, i cili qëndron më mirë në tabelë me një fitore e një humbje.

Kuqezinjtë do të futen sonte në lojë “all-in” pasi s’kanë çka humbin.

E gjiganti tjetër italian, Juventus synon ta regjistrojë fitoren e tretë në këtë edicion të Ligës së Kampionëve.

“Bianconeri” e kanë nisur mirë sezonin në garën elitare të futbollit evropian, ndërsa sonte do t’i bëjnë konak Stuttgartit.

Gjermanët nuk e kanë shijuar ende fitoren duke e regjistruar një barazim e një humbje në dy duelet e para.

Sonte në fushën e blertë do të zbresë edhe Arsenali, i cili do ta presë Shakhtar Donetskut.

“Topçinjtë” e duan fitoren e dytë, kurse Shakhtari të parën.

Dy ndeshje do të nisin në orën 18:45 e shtatë të tjera nga ora 21:00. /Gazeta Express/

Ish-imami bëhet kryetar i klubit të Vushtrrisë: Çdo të premte pas jacisë luaj futboll

Një rast i rrallë ka ndodhur futbollin kosovar.

Befasia erdhi dje nga qyteti i Vushtrrisë.

Ish-kryetari i BIK-ut Shemsi Rrahimi, është zgjedhur kryetari i klubit të futbollit që mban emrin e këtij qyteti.

Vet Rrahimi në emisionin Sports Show në Klan Kosova, ka treguar se si erdhi deri tek kjo ide.

Ai shpjegoi se është merakli i madh i futbollit.

“Ne imamët çdo të premte pas namazit të jacisë luajmë futboll. Imamët mes vete dhe largojmë stresin javor, për të pushuar në vikend dhe për të vazhduar prapë të hënën”, tha Rrahimi në Klan Kosova.

Tutje ish-kreu i Bashkësisë Islame në Vushtrri shpjegoi se ky vendim ishte pritur goxha mirë nga opinioni publik.

Mahnit Mario Mitaj, kalon gjysmën e skuadres dhe shënon

Mbrojtësi i Shqipërisë, Mario Mitaj e ka shënuar golin e parë në fanellën e klubit nga Arabia Saudite Al-Ittihad.

Mitaj shënoi gol në fitoren 3:0 të Al-Ittihadit ndaj Al-Qadisiyait. Ndeshja i takoi xhiros së shtatë të kampionatit arab.

Zhegrova kthehet në aksion me Lille’n, gati për magjinë ndaj Monacos

Pas dy ndeshjeve me Kosovën, Edon Zhegrova është gati për të vazhduar spektaklin në Ligue 1.

Lille, ekipi ku luan Zhegrova zhvillon ndeshjen e javës së tetë në elitën e futbollit francez sonte.

Përballë Zhegrovës me shokë do të jetë skuadra e papërshtatshme e Monacos, me ndeshjen që nis nga ora 20:45.

Edon Zhegrova sipas të gjitha gjasave do të jetë titullar në këtë ndeshje mjaft të vështirë.

Momentalisht, Lille gjendet në vendin e pestë me 13 pikë gjithsej, kurse Monaco prin në renditje me 19 pikë, dy më shumë se PSG që është i dyti.

Ish-futbollisti i Realit bën tautazh emrin e vajzës, ish-partnerja tregon testin e ADN-së: Nuk je ti babai!

Për nder të lindjes së saj, ish-futbollisti i Realit bëri tatuazh në krahun e tij “Maite, të dua”. Por influencuesja Ingrid zbuloi se ata ishin ndarë disa kohë përpara lindjes së vajzës.

Ajo konfirmoi me anë të një testi ADN-je që Tobias, nuk ishte babai biologjik i fëmijës.

Në postimin e Ingridit në rrjetet sociale thuhet: “Erdha për të dhënë një deklaratë për diçka që po bezdiset dhe që për fat të keq, do të më duhej të dal publikisht për t’ju dhënë një shpjegim. Unë dhe Vinicius nuk jemi bashkë prej kohësh, gjatë asaj kohe unë kam qenë në një lidhje me dikë e po ashtu edhe ai. Ne të dy vazhduam jetën tonë, ndërkohë erdhi Maite. Ne vendosëm të bëjmë një test të ADN-së dhe Maite nuk është vajza e Viniciusit”.

Tobias nuk ka komentuar ende rezultatin e testit të ADN-së.

Forma fantastike e Zhegrovës, UEFA zbulon një statistikë që po prinë Edoni

Edon Zhegrova futbollisti me më së shumëti driblime në Champions League

Faqja e UEFA Champions League në facebook i ka publikuar emrat e “magjistarëve”.

Në mesin e tyre është edhe një futbollist magjik nga Kosova.

Në fakt Edon Zhegrova, deri më tani po del të jetë i pari.

Deri më tani në garën më prestigjioze të futbollit evropian për klube, ai i ka hiç më pak se 17 sosh, duke i lënë para emrat si: Jeremy Doku, Jamal Musiala, Xavi Simos.

Aktualisht 25 vjeçari po kalon formë fantastike në fanellën e Lille dhe të Kosovës.

“Aksident i momentit”, FFK del me komunikatë për ndeshjen Kosovë-Qipro

Federata e Futbollit e Kosovës normalisht që është e informuar për rastin aksidental e të momentit që ka ndodhur pas ndeshjes së fundit ndërmjet Kombëtares sonë dhe Qipros, në stadiumin “Fadil Vokrri”.

Federata e ka përcjellë me shqetësim rastin në fjalë dhe në parim gjithnjë qendron në anën e futbollistëve të ekipit kombëtar, duke shfaqur mbështetjen dhe duke kërkuar respekt për ta.

Konsiderojmë që kërkimfalja që ka ndodhur ndaj kapitenit dhe futbollistëve shënon mbylljen e një rasti aksidental të momentit dhe shpresojmë se do të shërbejë si rast që do të lidhë edhe më fuqishëm ekipin dhe përkrahësit para sfidave të reja të kombëtares sonë.

Përtej kësaj Federata, çmon shumë dhe shpreh falënderimin e vet për të gjithë tifozët dhe shikuesit që e përcjellin dhe e përkrahin ekipin kombëtar, por kërkon nga ta që të shfaqin respektin fillimisht për futbollistët e ekipit tonë kombëtar, mirëpo edhe për të gjithë akterët tjerë të ndeshjes, përfshirë edhe ekipin kundërshtar.

Ne dhe futbollistët e ekipit kombëtar e kuptojmë saktë dhe drejt reagimin e tifozëve, por në të njëjtën kohë nuk do të lejojmë që reagimet të cenojnë respektin për asnjë prej anëtarëve të ekipit kombëtar.

Në të njëjtën kohë, FFK-ja kërkon nga të gjithë anëtarët e saj, përfshirë edhe futbollistët e ekipit kombëtar, që të shfaqin respektin e duhur për të gjithë tifozët dhe shikuesit që vijnë për të përkrahur kombëtaren pa kushtëzim, në numër maksimal sa lejon kapiciteti i stadiumit, sepse janë ata që i japin emocion lojës së futbollit.

Ekipi kombëtar është i të gjithë Kosovës, prandaj ta duam dhe ta përkrahim secili duke dhënë kontributin nga këndi i vet.

Faqja e Ligës së Kombeve e rikthen golin e Zhegrovës ndaj Lituanisë

Spektakël i vërtetë, shiten të gjitha biletat e ndeshjes Shqipëri-Çeki

Kombëtarja e Shqipërisë ndeshjet e radhës në UEFA Nations League i zhvillon gjatë muajit nëntor dhe si kundërshtarë do ta ketë Republikën e Çekisë dhe Ukrainën.

Të dy ndeshjet zhvillohen në stadiumin “Air Albania”, shkruan Indeksonline

Në takimin e parë ndaj Kombëtares çeke, janë shitur të gjitha biletat dhe pritet të jetë një spektakël i vërtetë. Sidomos pasi në Pragë u paraqiten disa banera kundër shqiptarëve.

Ndeshja ndaj Çekisë zhvillohet, më 16 nëntor nga ora 20:45, kurse ajo ndaj Ukrainës, më 19 nëntor.

Kujtojmë se ekipi i Sylvinhos ende ka gjasa për ta zënë pozitën e parë në tabelë, pasi ka vetëm një pikë (6) më pak se lideri Çekia (7) në Grupin 1, të Ligës B.