Publikohet formacioni i Kosovës ndaj Zvicrës
Formacioni i Kosovës sonte ndaj Zvicrës
Muric, Gallapeni, Aliti, Rrahmani, Dellova, Vojvoda, Hodza, Rexhbeçaj, Muslija, Asllani, Muriqi.
3 ndryshime nga formacioni që startoi ndaj Sllovenisë 🇸🇮
Konfirmohet rivali i parë i mundshëm i Kosovës në play-off
Skenari i kualifikimit direkt të Kosovës në Kupën e Botës është pothuajse i pamundur.
Për të arritur këtë, Dardanët duhet të mposhtin Zvicrën me më shumë se pesë gola, në duelin e së hënës në mbrëmje.
Kësisoj, me vendin e dytë të sigurt në grup dhe kalimin në fazën play-off, të dielën është zyrtarizuar rivali i parë i mundshëm i Kosovës në play-off. Ky rival është Çekia, e cila zyrtarisht do të jetë në vazon e dytë të ekipeve në play-off, derisa Kosova do të jetë në vazon e tretë.
Për çekët nuk ekziston mundësia që të ngjiten një vazo më sipër, por as që t’i bashkohen Kosovës në vazon e tretë.
Megjithatë, sot janë disa skenarë që mund të ndryshojnë situatën përvazon e dytë (kundërshtarët e tjerë të mundshëm të Kosovës) për Sllovakinë, Skocinë dhe Irlandën që provizorisht plotësojnë vazon e dytë.
Skenarët e mundshëm për vazon e dytë (ndeshjet e sotme)
Uells – Maqedoni e Veriut
Fitorja e Uellsit, e vendos në vazon e dytë si kundërshtar të mundshëm për Kosovën. Në të kundërt, Uellsi do të pozicionohet në vazon e katërt. Fitorja e Uellsit do sillte zyrtarisht rënien e Irlandës në vazon e tretë, duke mos qenë rival i mundshëm për Kosovën në “play off”.
Austri – Bosnjë Hercegovinë
Fitorja e Bosnjës ndryshon vazon e dytë dhe rivalët e mundshëm të Shqipërisë. Me fitore ose barazim, Austria do të vendosej në vazon e parë.
Skoci – Danimarkë
Fitorja e Skocisë do të vendoste Danimarkën në vazon e parë të shortit të “play off”. Në të kundërt, me çdo rezultat tjetër, Skocia mbetet si kundërshtar i mundshëm në vazon e dytë.
Në pritje të Kosovës dhe Shqipërisë: Këto janë 32 kombëtaret e kualifikuar deri më tani për Kupën e Botës
Nga 48 ekipe që do të marrin pjesë në Kupën e Botës verën e ardhshme, deri më tani janë shpallur 32 pjesëmarrëse.
Norvegjia ishte e fundit që iu bashkua listës si fituese e Grupit I. Më herët të dielën, edhe Portugalia mori vizën e saj për Kupën e Botës.
Kjo e çon numrin e skuadrave evropiane në pesë, pasi Franca, Anglia dhe Kroacia siguruan gjithashtu bileta për Kupën e Botës. Deri më tani, pjesëmarrësit më të njohur janë nga Afrika, nëntë skuadra, dhe nga Azia, tetë.
Vlen të përmendet se midis 32 pasagjerëve janë tre debutues, Uzbekistani, Jordania dhe Kepi i Gjelbër.
Shorti për grupet e Kupës së Botës do të mbahet më 5 dhjetor në Qendrën Kennedy në Uashington.
Lista përfundimtare e të gjithë pjesëmarrësve në Kupën e Botës nuk do të dihet deri në fund të marsit të vitit të ardhshëm, kur janë planifikuar ndeshje shtesë kualifikuese në Evropë për të nxjerrë katër pasagjerët e fundit.
Kosova dhe Shqipëria janë në play-off dhe do të luajnë në mars, për të luftuar për pjesëmarrje në Kupën e Botës.
DERI TANI KANË SIGURUAR NJË VEND NË KUPËN E BOTËS (32/48)
Pritës: SHBA, Meksikë, Kanada
Afrika: Algjeria, Kepi i Gjelbër, Egjipti, Gana, Bregu i Fildishtë, Maroku, Senegali, Afrika e Jugut, Tunizia
Azia: Australia, Irani, Japonia, Jordania, Katari, Arabia Saudite, Koreja e Jugut, Uzbekistani
Amerika e Jugut: Argjentinë, Brazil, Kolumbi, Ekuador, Paraguai, Uruguai
Evropa: Francë, Angli, Kroaci, Portugali, Norvegji
Oqeania: Zelanda e Re
A pritet përballja Kosovë–Shqipëri në play-off? Renditja jep sinjale të qarta
Kosova dhe Shqipëria tashmë zyrtarisht bëjnë pjesë në vazon e tretë të ‘playoff’-it të kualifikimeve të Kupës së Botës.
Kjo i bie që të dy kombëtaret nuk do të përballen ndërmjet vete në fazën e ‘play-off’.
Fitorja e Ukrainës ndaj Islandës dhe humbja ndaj Anglisë e ka nxjerrë Shqipërinë nga vazo e dytë, që do të thotë se nuk ka shanse për një derbi vëllazëror në play-off.
Humbja e Hungarisë i dha shpresë kuqezinjve që të qëndrojnë në vazon e dytë dhe të jenë mikpritës në gjysmëfinale, por fitorja e Ukrainës ndryshoi matematikat.
Të mërkurën pritet të hidhet shorti për playoff të kualifikimeve të Kupës së Botës.
Kosova dhe Shqipëria pritet të startojnë ndeshjen e parë të ‘playoff’-it si mysafirë.
Shqipëri-Angli, ky është rezultati pas pjesës së parë
Ka përfunduar pjesa e parë e ndeshjes Shqipëri – Angli, e cila po luhet në kuadër të xhiros përmbyllëse të kualifikimeve për Botërorin e vitit 2026.
Pas 45-minutëshit të parë, nuk pati asnjë gol, me pjesën e parë që u mbyll 0-0.
Anglia i pati disa raste të mira shënimi, por që Thomas Strakosha ishte në krye të detyrës.
Në anën tjetër, Shqipëria po ashtu rrezikoi, por me disa gjysmëraste.
Anglia është e para në grup me shtatë fitore nga shtatë ndeshje, pa e llogaritur ndeshjen e sotme, duke siguruar kualifikimin direkt për Botëror.
Ndërsa, Shqipëria është e dyta në grup, pas sigurimit të “play-offit” me fitoren ndaj Andorrës.
Formacionet zyrtare: Shqipëri – Angli, disa ndryshime interesante nga Sylvinho
Kombëtarja e Shqipërisë sonte luan ndaj Anglisë, ndeshjen e vlefshme për kualifikim në Kupën e Botës 2026.
Trajneri Sylvinho dhe Thomas Tuchel kanë zbuluar formacionet zyrtare për ndeshjen që nis nga ora 18:00, shkruan Indeksonline
Të dy trajnerët kanë bërë ndryshime në formacion, nga ndeshja e tyre e fundit.
Kosova në play-off, këta janë kundërshtarët e mundshëm
Shqipëria do të luajë në plejof për kualifikim në Botërorin 2026, ndërsa paraqitjen në plejof e ka të garantuar edhe Kosova.
Por Kosova me fitore 6:0 të martën ndaj Zvicrës, kualifikohet direkt. Kjo ka fare pak gjasa të ndodhë, kështu që edhe te Kosova pritet të bëhen gati për plejof. Nëse vazhdon në plejof, është e sigurt që Kosova do të jetë në vazon e tretë. Dhe rrjedhimisht do të luajë me një përfaqësuese të vazos së dytë në gjysmëfinale të plejofit, kurse do të jetë mysafire.
Sipas pozitave aktuale në grupe, në vazon e tretë për short do të jenë edhe Shqipëria, Maqedonia e Veriut dhe Bosnjë-Hercegovina. Por edhe Maqedonia e Veriut dhe Bosnjë-Hercegovina, njëjtë si Kosova, janë në garë për kualifikim direkt. Rrjedhimisht shumë gjëra mund të ndryshojnë deri të martën mbrëma, kur përfundojnë kualifikimet e rregullta evropiane për Botërorin 2026.
Prej vazos së tretë, sipas gjendjes aktuale, në vazon e dytë mund të lëvizë Shqipëria. Kjo varet nga rezultati i ndeshjes me Anglinë, por edhe nga rezultatet e disa përfaqësueseve të tjera.
Në vazon e dytë, pra rivale potenciale të Kosovës, aktualisht janë Hungaria, Skocia, Sllovakia dhe Çekia. Renditja nëpër vazo bëhet në bazë të ranglistës së FIFA-s.
Shorti për plejof tërhiqet të enjten, ndërsa të mërkurën publikohet ranglista e FIFA-s, në bazë të cilës ndahen përfaqësueset në vazo.
Në vazon e parë pritet të jenë Italia, Turqia, Ukraina e Polonia. Në të katërtn do të jenë fituese të grupeve në Ligën e Kombeve, që nuk përfundojnë në dy pozitat e para në kualifikimet e rregullta. Në vazon e katërt do të jenë Uellsi, Suedia, Rumania dhe Irlanda e Veriut.
Në gjysmëfinale, përfaqësueset e vazos së parë takohen me ato të vazos së katërt.
Përfaqësueset e vazos së parë janë vendase.
Për finale të plejofit, vendasi do të përcaktohet me short. Prej 16 përfaqësueseve në plejof, katër do të kualifikohen në Botëror. Gjysmëfinalet e plejofit janë më 26 mars, ndërsa finalet më 31 mars.
Fitorja e Kosovës ndaj Sllovenisë: Ky ishte urimi i veçantë i Elvis Naçit
Kosova shkëlqeu në duelin ndaj Sllovenisë, me një fitore 2-0 dhe vulosi kualifikimin në Play-Off, duke e kthyer entuziazmin kombëtar në një natë të paharrueshme për futbollin tonë.
Këtë fitore të madhe të Kosovës e uruan shumë aktere publike, njëri ndër ta që shkroi ishte dhe Teologu shqiptar, Elvis Naçi.
Më poshtë postimi i Hoxhës Elvis Naçi:
Krenare per djemte tane qe bene Historine❤️ Urime fitoren Kosova jone e dashur, lusim Zotin t’ju shikojme ne Boteror se bashku me Shqiperine
Përzgjedhësi i Sllovenisë uron Kosovën: Edhe na rrahën edhe na mposhtën, plotësisht e merituar
Përzgjedhësi i Sllovenisë Matjaz Kek e ka uruar Kosovën për fitoren dhe kualifikimin në play-offin e Kampionatit Botëror 2026.
Kosova e dominoi Slloveninë për të shënuar fitore 0-2, sfidë që ishin më të mirë nga fillimi i ndeshjes.
Plotësisht me rezultatin është pajtuar edhe Kek, që vlerësoi lartë Kosovën për paraqitjen e bërë.
“Së pari, ta urojmë kundërshtarin tonë Kosovën, e merituan plotësisht fitoren. Bëmë disa gabime, karton të kuq e pastaj autogol, por ata ishin më të shpejtë, fituan topat e dytë dhe nuk po futeshim në lojë”.
“E ndryshuam formacionin, pastaj kur ke papërgjegjësi, luan jo mirë në këtë nivel duhet ta paguash. Me vetëm 10 lojtarë luajtëm me guxim, por duhet ndoshta të bënim kështu nga fillimi”.
“Nëse e dominuam këtë ndeshje në Prishtinë para një muaji, atëherë sot na dominuan. Të gjithë topat ishin nga ata. Fituan edhe na rrahën, në aspektin sportiv. Absolutisht na dominuan edhe në tribuna të stadiumit”, deklaroi ai.
Kujtojmë, Kosova rikthehet në “aksion” të martën e ardhshme përballë Zvicrës në “Fadil Vokrri”.
Skenari që e dërgon Kosovën direkt në Kupën e Botës
Përfaqësuesja e Kosovës në fuboll ka shkruar historinë, pasi ka siguruar për herë të parë play-offin e Kupës së Botës.
”Dardanët” mbrëmë shënuan fitore 2-0 në udhëtim ndaj Sllovenisë, duke blinduar së paku vendin e dytë në Grupin B, me 10 pikë të grumbulluara, tre më pak se Zvicra.
Të marten djelmoshat e Franco Fodas e luajnë ndeshjen e fundit kualifikuese për Kupën e Botës, ku në stadiumin ”Fadil Vokrri” do të jenë nikoqirë të kombëtares helvetike.
Duket e vështirë por jo e pamundur, Kosova mund të përfundoj e para në grup dhe të siguroj direkt biletën për SHBA, Meksikë dhe Kanada.
Aktualisht Zvicra renditet e para në Grupin B, me 13 pikë, tre më shumë se Kosova, por në rast fitore të ”Dardanëve”, do të barazoheshin pikët.
Problemi qëndron te goldallimi, pasi helvetikët kanë shënuar 13 gola dhe kanë pranuar vetëm një gol në këto kualifikuese, derisa Kosova ka shënuar pesë gola e ka pësuar katër.
Të martën në Prishtinë, ku stadiumi ”Fadil Vokrri” do të jetë i stërmbushur, Kosova do të duhej të fitonte me rezultat të thellë 6-0, apo çfarëdo rezultati tjetër me gjashtë gola epërsi, për të përfunduar si e para në grup.
Në këtë rast goldallimi i Kosovës do të shkonte në +7, apo 11-4, derisa i Zvicrës +6.