Nipi i pamposhtur i Luan Krasniqit hip sonte në ring – këtu mund ta ndiqni meçin

Këtë të shtunë do të hip në ring nipi i Luan Krasniqit, Ardiani, i cili po synon brezin WBO Intercontinental.

Ai do të përballet me boksierin nga Uganda, Saul Ivan Male, teksa data e meçit, për Ardian Krasniqin, e ka një kuptim.

“Përgatitjet kanë qenë intensive, ka qenë një kamp i gjatë, 12 javë jam përgatitur për këtë meç, 28 shtatori është një datë e rëndësishme për mua, është dita kur xhaxhai Luan Krasniqi ka luftuar për titullin e botës”, është shprehur Krasniqi.

Krasniqi deri më tani në karrierën profesioniste ka nëntë meçe të zhvilluara, e të gjitha të fituara me nokaut.

Ardian Krasniqi nuk do të jetë boksieri i vetëm shqiptar që do të ngjitet në ring.

Pasi për ta bërë më atraktive këtë mbrëmje në ring do të ngjiten edhe tre boksierë tjerë shqiptar: Altin Zogaj, Eris Bajra dhe Labinot Xhoxhaj.

Këto ndeshje do të zhvillohen të shtunën në MHP Arena në Ludëigsburg dhe do të transmetohen ekskluzivisht në Klan Kosova duke nisur nga ora 21:00.

Ish-mesfushori gjerman në një lidhje me ish të dashurën e djalit të tij të ndjerë?

Ish-mesfushori gjerman Mikael Balak duket se ka konfirmuar publikisht marrëdhënien e tij me modelen 23-vjeçare Sofia Shnajderhan.

LEXO EDHE:

• A e keni ditur se çfarë punon Tringa, reja e Mihrije Brahes?
• Fejohet vajza bukuroshe e Afërdita Demakut, publikohen pamjet

Sofia ka postuar një foto nga pushimet që po kalonin së bashku, ku një koment me zemër nga Balak lë pak vend për dyshime.

Lajmi nuk ka tërhequr vëmendjen për shkak të diferencës së madhe të moshës me 25 vite, Balak është 48 vjeç, ndërsa Sofia vetëm 23 vjeç.

Kjo marrëdhënie ka sjellë diskutime për historinë e tyre të kaluar, pasi Sofia raportohet nga mediat e huaja se ka qenë e dashura ose shoqja e Emilios, djalit të Balak, i cili humbi jetën në një aksident tragjik në vitin 2021, në moshën 18-vjeçare.

Mendohet se lidhja mes Balak dhe Sofia ka filluar pas vdekjes së Emilios, me thashetheme që sugjerojnë se ata kanë filluar të takohen që në vitin 2022.

Tani, me daljen publike, marrëdhënia e tyre duket se ka marrë një dimension të ri, duke nxitur debate të shumta në media dhe opinionin publik.

Armand Duka krenar, i përmend benefitet e Shqipërisë për organizimin e Europianit U-21 bashkë me Serbinë

Presidenti i Federatës Shqiptare të Futbollit, Armand Duka, ka dhënë një intervistë për Klan News.

LEXO EDHE:

• Organizimi i përbashkët i Evropianit mes Shqipërisë dhe Serbisë, Tifozat Kuq e Zi dalin me reagim
• Sulmuesi i Kosovës nuk po ndalet me gola në Rumani

I pari i FSHF-së foli edhe për organizimin e mbledhjes së Komitetit Ekzekutit të UEFA në Tiranë, si dhe komentoi edhe kandidimin për UEFA Euro U21 2027 së bashku me Federatën Serbe të Futbollit.

Ai theksoi se ky event sjell shumë të mira për vendin tonë dhe që të gjithë duhet të mos gjykojnë emocionalisht, pasi është vetëm një garë sportive.

Në fund, Presidenti Duka tha se pjesëmarrja e Shqipërisë në Kampionatin Europian ishte edhe momenti më emocionues i këtij viti futbollistik.

“Ne kemi aplikuar për të organizuar Kampionatin Europian U-21 në Shqipëri për vitin 2027, si fillim vetëm, më pas kemi bashkuar konkurrimin tonë bashkë me Serbinë. Në fakt nga dita që kemi aplikuar e deri më sot është bërë shumë punë, janë përgatitur shumë dokumente për të përgatitur dosjen për të qenë pjesë e kësaj gare. Me këtë rast falënderoj të gjithë ata që kanë punuar për t’i përgatitur, pasi është një volum shumë i madh, që nuk përfshin vetëm Federatën e Futbollit, por edhe qeverinë shqiptare, bashkitë, përfshin gjithë infrastrukturën që duhet, hotelerinë, aeroportin që është shumë i rëndësishëm. Mendoj se kemi përgatitur dokumentacionin e duhur për të qenë organizatorë të kësaj gare, që për mua e çdokënd ka vetëm benefite sportive për Shqipërinë. I pari benefit sportiv është që Shqipëria merr pjesë në ato finale pa kualifikuese. Është një shans që deri më sot nuk ka ndodhur që U21-shi jonë të jetë në një Kampionat Europian, gjë që do t’i ndihmonte futbollistët tanë dhe ekipet shqiptare në përgjithësi. Ndihmon ndryshimin e infrastrukturës sportive në Shqipëri. Ndihmon edhe kampionati i 17-vjeçarëve në 2025-ën, sepse për ta bërë atë ne toerikisht kemi aplikuar që do të bëjmë kaq fusha, kaq stadiume etj, etj. Tani ne do t’i bëjmë, pasi nëse nuk i bëjmë nuk realizohet kampionati. Pra përfiton infrastruktura akoma më shumë në 2027-ën me U-21. Në fund të fundit ne do të luajmë në Shqipëri dhe Serbia në Serbi, por bashkëkandidimi është një faktor i rëndësishëm. Ne vetëm nuk kemi mundësi ta organizojmë. Gjithsesi kjo edhe ka ngjallur diskutime, ka edhe në një lloj mënyre kundërshtime. Unë mendoj që nuk duhet të gjykojmë emocionalisht, duhet të gjykojmë akoma më shumë. Padyshim nuk kam një pozicion kritik për ata që gjykojnë emocionalisht, por i ftoj që të gjykojmë ndryshe. Pa harruar të shkuarën ne duhet të ndërtojmë të ardhmen dhe kush më mirë se futbolli mund t’i japë këto mesazhe bashkëpunimi, solidariteti. Në fund të fundit ne nuk kemi vetëm një bashkëpunim me Serbinë, atë përmes futbollit, kemi edhe bashkëpunime në fusha të tjera, bashkëpunime politike, tregtare, pavarësisht se jemi kritik në shumë gjëra. Ne duhet të ndërtojmë të ardhmen pa e harruar të shkuarën. Vërtetë mbase periudha nuk është shumë e gjatë nga ajo çfarë ka ndodhur mes popullit tonë dhe atij serb, apo ushtarëve serb dhe popullit tonë. Ka shumë historira të tjera popujsh ashtu sikurse ne. Futbolli ka ndikuar aq sa mund të ndikojë pozitivisht. Në fund të fundit ne do të bëjmë një kampionat sportiv, ky është një aktivitet sportiv. Në këndvështrimin tonë, qëllimi jonë është thjesht benefite sportive. Ne do të luajmë në Shqipëri, grupi tjetër në Serbi”, tha Duka.

Kujtojmë se ky kampionat ka bërë zhurmë të madhë në mbarë opinion sportiv si në Kosovë ashtu edhe në Shqipëri./Gazeta Express

Po shkëlqen me Milanin: Gjiganti anglez pritet të transferojë Pulisic për 70 milionë euro

Oferta tunduese ka arritur, Christian Pulisic largohet nga Milani.

Christian Pulisic, është protagonisti kryesorë te Milani këtë sezon, duke realizuar 5 gola dhe dy asistime në 7 ndeshje të luajtura.

Sulmuesi amerikan u transferua te Milani në verën e vitit 2023 për 20 milionë euro dhe falë paraqitjeve mbreslënëse ka përfunduar në shënjestrën e gjigantëve europian.

Calciomercato, ka lëshuar një lajm bombastik duke raportuar se Liverpooli synon transferimin e Pulisic verën e ardhshme.

The Reds e kanë piketuar 26-vjeçarin si zëvendësuesin ideal të Mohamed Salah dhe janë të gatshëm të ofrojnë 70 milionë euro për kartonin e tij.

Sulmuesi i Kosovës nuk po ndalet me gola në Rumani

Sulmuesi i Kosovës, Astrit Selmani ka shënuar sërish gol në elitën e futbollit rumun. Selmani realizoi gol në barazimin 2:2 të Dinamo Bukureshtit ndaj Botosanit.

LEXO EDHE:

• Gjashtë ndeshjet që FIFA e UEFA s’i lejojnë të luhen, pjesë e listës edhe Kosova
• “Java e Shqiptarëve” – Rashica shënon gol të bukur

Ndeshja u zhvillua të premten mbrëma dhe i takoi xhiros së 11-të.

Selmani e realizoi golin e parë për Bukureshtin në minutën e 28-të. Dy minuta më pas, Selmani u ndëshkua me karton të verdhë. Ai luajti vetëm në pjesën e parë.

Te Botosani e kompletoi ndeshjen Rijad Sadiku.

Për Selmanin këtë edicion ishte goli i gjashtë i realizuar në të gjitha garat. Ka kontribuar edhe me katër asistime.

Gjashtë ndeshjet që FIFA e UEFA s’i lejojnë të luhen, pjesë e listës edhe Kosova

FIFA dhe UEFA i kanë ndaluar gjashtë ndeshjet që mos të luhen, ndër to është e përfshirë edhe kombëtarja e Kosovës.

LEXO EDHE:

• Mbrojtësi shqiptar debuton me fanellën e Arsenalit
• Risia, Serbia dhe Shqipëria, bashkë për finalet e Europianit

Rivalitetet e futbollit ndërkombëtar zakonisht janë më të komplikuara se ato të klubeve.

Në futbollin e klubeve mund të mos ta pëlqesh rivalin tënd sepse ai ka më shumë trofe ose është nga i njëjti qytet.

Në futbollin ndërkombëtar, rivalitetet mund të rezultojnë më shumë shkaku i problemeve politike ose i “traumave historike”.

Për këtë shkak, FIFA dhe UEFA i kanë ndaluar gjashtë ndeshje, për mos të shkaktuar trazira të mundshme.

Natyrisht, pas problemeve të fundit, Ukraina dhe Rusia nuk mund të përballen në një ndeshje futbolli. Kjo për shkak të pushtimit të një pjese të Ukrainës, ilegalisht nga Rusia. Rusia e Vladimir Putinit e kishte aneksuar Krimenë para 10 vitesh, duke shkaktuar telashe mes dy shteteve që nga ajo kohë.

Më tutje, lufta në Kosovë më 1998-1999 ka rezultuar në tri ndeshje futbollit që s’do të luhen.

Lufta në Kosovë ishte shkatërruese për popullin shqiptar, derisa u desh intervenimi i NATO-s që Serbia të tërhiqet.

Andaj, arsyeja e luftës së ndodhur, ndeshja Kosovë – Serbi nuk do të ndodhë, teksa edhe Bosnja dhe Hercegovina nuk mund të luajë ndaj Kosovës.

Kjo përshkak të Republika Srpska që llogaritet si një strukturë e veçantë brenda shtetit boshnjak, i cili po ashtu s’e njeh pavarësinë e shtetit të Kosovës.

Rusia, si aleate e afërt e Serbisë – qe e refuzon pavarësinë e Kosovës – nuk mund të luajë ndaj Kosovës.

Përfundimisht, Gjibraltari s’mund të luajë ndaj Spanjës.

Gjibraltari është një territor i jashtëm i Mbretërisë së Bashkuar, por me një nivel të lartë autonomie.

Mirëpo, ky ishull është një “ëndërr” e kahmotshme për Spanjën, e cila e do si të veten.

Në muajin qershor, në festën e kombëtares spanjolle pas triumfit në “EURO 2024”, ylli i Manchester City, Rodri ishte dënuar nga UEFA, pasi kishte kënduar “Gjibraltari është Spanjë”.

Organizimi i përbashkët i Evropianit mes Shqipërisë dhe Serbisë, Tifozat Kuq e Zi dalin me reagim

Tifozat Kuq e Zi kanë dalë me reagim pas publikimit të lajmit se organizimi i Evropianit për grumposhën U21 pritet të jetësohet.

LEXO EDHE

• Organizimi i përbashkët mes Shqipërisë dhe Serbisë në Evropian, FSHF bën veprimin e papritur
• Risia, Serbia dhe Shqipëria, bashkë për finalet e Europianit

Në reagim thuhet se organizimi i Evropianit U21 me Serbinë, është akti më i turpshëm që bëhet në emër të tifozëve shqiptar nga Federata Shqiptare e Futbollit. Shqipëria e Serbia janë kandidatët e vetëm për ta organizuar Evropianin e vitit 2027.

“Ky organizim assesi nuk mund të quhet i Shqipërisë, pasi FSHF-ja nuk ka kompentecën të flasë në emër të shqiptarëve dhe Shqipërisë, por vetëm në emër të vetin si organizatë, e që pas këtij akti do gjej mbështetje vetëm tek punonjësit e vet që u jep pagë. Nuk mjaftuan me mijëra reagime, shkrime, emisione e analiza unanimisht kundër për këtë nismë, por që FSHF-ja me saktë kreu i saj me hiri ose pahiri mori mbi supet e veta të drejtën e vendosjes kokë më vete për një nismë me kaq shumë kundërshtime. Nuk mjaftuan as qindra mijëra viktima shqiptare, gjenocidi e masakra nga ana e shkijeve. Gjithashtu nuk mjaftoi as nata e 14 tetorit kur Kombëtarja Shqiptare u gjend në një ambient terrori, e ku u bë thirrje ‘vrisni shqiptarët’, e ku lojtarët shqiptarë u rrahën e u fyen, madje edhe ju rrezikua jeta e tyre”, shkruan ndër të tjera në reagim.

Organizimi i përbashkët mes Shqipërisë dhe Serbisë në Evropian, FSHF bën veprimin e papritur

Serbia dhe Shqipëria janë afër marrjes së besimit nga UEFA për ta bashkëorganizuar Kampionatin evropian të futbollit për grupmoshën U21 në vitin 2027.

LEXO EDHE:

• Risia, Serbia dhe Shqipëria, bashkë për finalet e Europianit
• Për t’u duartrokitur: Edon Zhegrova bën këtë gjest fantastikë, vajza nuk mund ti ndal lotët

Sipas “Associated Press”, UEFA ka njoftuar se vetëm oferta e përbashkët e këtyre dy vendeve e ka plotësuar afatin për të paraqitur planet e detajuara për organizimin e turneut.

Belgjika dhe Turqia kishin shprehur interes më herët dhe vendimi final të merret në mbledhjen e Komitetit Ekzekutiv të UEFA-s më 16 dhjetor.

 

 

E lidhur me këtë lajm, kanë nisur reagimet nga më të ndryshmet, duke e kritikuar FSHF-në dhe kryetarin e saj, Armand Duka.

FSHF duket se nuk e ka duruar presionin, pasi tashmë ka bllokuar komentet në postimet e saj në rrjetet sociale.

Risia, Serbia dhe Shqipëria, bashkë për finalet e Europianit

Risia, Serbia dhe Shqipëria, bashkë për finalet e Europianit

Serbia dhe Shqipëria janë afër marrjes së besimit nga UEFA për ta bashkëorganizuar Kampionatin evropian të futbollit për grupmoshën U21 në vitin 2027.

LEXO EDHE 

• Mbrojtësi shqiptar debuton me fanellën e Arsenalit
• E bujshme: Etrit Berisha në Barcelonë?

Sipas “Associated Press”, UEFA ka njoftuar se vetëm oferta e përbashkët e këtyre dy vendeve e ka plotësuar afatin për të paraqitur planet e detajuara për organizimin e turneut.

Belgjika dhe Turqia kishin shprehur interes më herët dhevendimi final të merret në mbledhjen e Komitetit Ekzekutiv të UEFA-s më 16 dhjetor.

 

 

Federatat e futbollit e Serbisë dhe ajo e Shqipërisë e kishin nisur bashkëpunimin në maj, duke hartuar një plan për organizimin e turneut që përfshin gjashtëmbëdhjetë ekipe dhe kërkon tetë stadiume për të pritur gjithsej tridhjetë e një ndeshje.

Ideja e organizimit të kampionatit bashkarisht nga Shqipëria dhe Serbia nuk ishte pritur mirë nga një numër tifo-grupesh në Kosovë po edhe në Shqipëri.

Mbrojtësi shqiptar debuton me fanellën e Arsenalit

Arsenal është duke luajtur ndeshjen e Carabao Cup ndaj Boltonit, ku momentalisht është duke triumfuar me rezultat 5-1.

Pjesë e këtij suksesi është edhe futbollisti shqiptar, Maldin Kacurri, shkruan Gazeta Express.

Ai është 18-vjeçar dhe luan në pozitën e qendërmbrojtësit.

Ky futbollist bëri debutimin e tij sonte me ekipin e parë të “Topçinjve”, ku u inkuadrua në lojë në minutën e 70-të, në vend të mbrojtësit italian Riccardo Calafiori.