Futbollisti i njohur, Eros Grezda aktualisht gjendet në Mekë.
Ai postoi fotografi nga ai me anë të së cilës bëri të ditur se e ka falur Xhumanë bashkë me imamin e njohur Ahmed Kalaja.
“Xhumaja në Mekë + bashkë me Ahmed Kalaja të shijon pafund”, ka shkruar Grezda.
Kosova debuton në sezonin e ri të UEFA Nations League në shtëpi ndaj Rumanisë. Ndeshja zhvillohet sonte nga ora 20:45 dhe mund të ndiqet live në RTK, Klan Kosova, si dhe Super Sport Albania.
Ekipi i drejtuar nga Franco Foda, trajneri gjerman që do të debutojë në ndeshje zyrtare në stolin e kombëtares të premten, ka zhvilluar seanca stërvitore të përditshme që prej grumbullimit të hënën.
Seancën e fundit stërvitore para duelit të së premtes, ‘Dardanët’ e zhvilluan të enjten.
Në anën tjetër, edhe përfaqësuesja rumune ka zbarkuar në Prishtinë të mërkurën, dy ditë para ndeshjes.
“Trikolorët” rumunë udhëhiqen nga trajneri i mirënjohur Mircea Lucescu, i cili debuton po ashtu të premten në rikthimin e tij te drejtimi i kombëtares rumune.
Kosova ka një bilanc negativ në duelet e drejtpërdrejta ndaj Rumanisë.
Të dy skuadrat janë takuar vetëm dy herë, vitin e kaluar, në fushatën kualifikuese për Kampionatin Evropian 2024. Ndeshja në Prishtinë përfundoi me rezultat 0-0, ndërsa në Bukuresht, rumunët fituan 2-0 në një duel të tensionuar, vëmendjen e të cilit e morën më shumë ngjarjet e turpshme në tribuna ku u shfaqën thirrje raciste ndaj Kosovës.
Në fillim të kësaj jave, selektori i Kosovës, Franco Foda ka thënë se në ndeshjen e parë kundër Rumanisë, Kosova do të futet në fushë vetëm për fitore.
Ai ka theksuar se forma e mirë e sulmuesve si Muriqi, Zhegrova e Albion Rrahamani e bënë edhe më të lehtë që Kosova të synojë fitore dhe se përzgjedhja për formacionin më të mirë kësaj radhe do të jetë më e vështirë.
Grupi i plotë i futbollistëve për duelet ndaj Rumanisë dhe Qipros:
Endrit Thaçi, djali i ish-presidentit të Kosovës, Hashim Thaçit e ka uruar futbollistin Granit Xhaka që është nominuar për Topin e Artë.
Ai këtë urim e ka bërë përmes një InstaStory, duke publikuar një fotografi të Xhakës me ish-presidentin Thaçi, përcjell Klankosova.tv.
“Një shqiptar i nominuar me çmimin prestigjioz Ballon d’Or. I pari shqiptar, lider i Kombëtares së Zvicrës, me një arritje të jashtëzakonshme në futbollin botëror. Urime”, ka shkruar Endrit Thaçi.
Futbollisti Mirlind Daku sot ka marr një lajm të dhimbshëm.
Kurti thotë se s’do të merrja notë kaluese po të isha nxënës
Lajmin e ka bërë të ditur vetë Daku përmes një postimi në Facebook.
”Faleminderit qe na rrite me shume dashni. Deri ne momentin e fundit nuk u ndale duke me perkrahur. Ishalla sado pak te kam bo krenar. , prehu ne paqe daja jem. Te kam dasht dhe do te dua gjithmone.”, ka shkruar Daku.
Mesfushori i Elfsborgut, Besfort Zeneli të martën për mediumet suedeze ka pranuar se ka refuzuar ftesën e Kosovës dhe po e pret atë të Suedisë.
21-vjeçari, i cili është vëllai I vogël I Arbër Zenelit ishte në planet e selektorit të Kosovës, Franco Foda për grumbullimin e këtij muaj por ai nuk iu përgjigj pozitivisht ftesës.
Këtë e konfirmoi edhe menaxheri i “Dardanëve”, Bajram Shala të hënën në konferencën e mbajtur për shyp në prag të duelit me Rumaninë në kuadër të Ligës së Kombeve.
“Jam ftuar të Kosova por e kam refuzuar. Tani duhet të fokusohem të luaj mirë dhe të pres ftesën nga Suedia në të ardhmen. Ndjehem mirë që e kam marrë këtë vendim. Suedia është e duhur për mua. Vëllau Arbëri dhe familja më kanë mbështetur plotësisht në këtë vendim. Nuk kam pasur absolutisht asnjë problem”, ka thënë Zeneli për të përditshmen suedeze “Sportbladet”.
Zeneli ka regjistruar 6 paraqitje me ekipin U21 të Kosovës dhe ka luajtur në kualifikimet për Evropianin e vitit të ardhshëm të kësaj grupmoshe.
Supergoli i Edon Zhegroves për Lille kundër PSG-së.
Skuadra e Lille ka gjetur golin e parë në duelin ndaj Paris Saint Germain. Golin e parë për Lille në këtë duel e ka shënuar Edon Zhegrova.
Zhegrova realizoi për të ngushtuar avantazhin e parisienëve pas 80 minutave lojë.
Këtu mund ta shikoni golin e bukur të Zhegrovës ndaj PSG-së.
Mbrojtësi i Kombëtares Kuq e Zi, Berat Xhemshiti po shfaqet gjithnjë e më i lumtur krahë gruas së tij, e cila është serbe.
Që në fillim, në vitin 2013, lidhja e tyre u pasqyrua në media, shpesh u dënua dhe u quajt “dashuri e ndaluar”, transmeton Indeksonline.
Mirëpo, siç duket Xhemshiti këto fjalë nuk i mori asnjëherë parasysh. Ai përmes fotorafive të postuara në rrjetin social Instagramit ka treguar se ‘’fjalët i merr era’’.
Berat Djimsiti, me origjinë nga Kosova dhe lindur në Zvicër, është takuar me Alisën teksa luante për Cyrihun, ata u martuan në vitin 2016 dhe tani janë prindër të dy fëmijëve, një djali dhe një vajze.
Everton ka bërë një sulm të vonuar për të nënshkruar me sulmuesin e Chelseat, Armando Broja.
Marrëveshja e propozuar është për një hua huazim me opsionin për ta blerë për 30 milionë euro.
Sipas mediave britanike, klubi ka bërë gati dokumentacionin, më saktë ka dorëzuar një fletëmarrëveshje përpara afatit të fundit, në orët në vijim pritet dhe zyrtarizimi.
Një interesim të gjatë kishte edhe Ipswich Town, por megjithatë, u tërhoq nga një marrëveshje pasi klubi refuzoi të pranojë kushtet e Chelsea duke pasur parasysh sasinë e kohës për të cilën Broja ka të ngjarë të jetë jashtë fushës.
Sulmuesi kuqezi pritet të mungojë deri në mes të tetorit për shkak të një dëmtimi në këmbë.
Broja ka pasur më parë tre huazime, te Vitesse, Southampton dhe Fulham. Kontrata e tij me Chelsea është deri në vitin 2028.
Dy alpinistë nga komuna e Suharekës, Mërgim Demiraj dhe Diar Selimi janë ngjitur në majën më të lartë në Evropën Perëndimore, e cila ka një lartësi prej 4.809 metrash, raporton Gazeta Sinjali.
E dyshja, nuk kanë harruar ta marrin me vete flamurin e Kosovës për ta valvitur në këtë maje aq të lartë.
Ata kanë dërguar disa pamje për redaksinë, në majen e quajtur “Mont Blanc”, e njohur si maja e bardhë.
Ndryshe, kjo shtrihet në mes të Francës dhe Italisë. Ky masiv malor tërheq aventurierë që shkojnë alpinizëm, ski dhe sporte të tjerë dimërorë.
