Befason Federata Serbe e Futbollit thotë se ndeshja me Shqipërinë shumë e rrezikshme: Nuk do të…!
Në prag të ndeshjes midis Serbisë dhe Shqipërisë që zhvillohet më 11 tetor në Leskovac, Federata Serbe e Futbollit ka vendosur të mos shesë bileta për tifozët, duke vendosur sigurinë përpara gjithçkaje, edhe pse stadiumi mund të presë rreth 6,000 persona.
Ky vendim vjen edhe për shkak të një denimi me kusht që ekipi serb ka marrë.
Federata Serbe e Futbollit njofton se pjesëmarrja në tribuna do të sigurohet përmes shpërndarjes së biletave për komunitetin e futbollit, përmes zyrave rajonale të federatës tek klubet, studentët e shkollave të futbollit dhe prindërit e tyre, organizatat profesionale, sponsorët zyrtarë, të ftuarit e FSS-së, përfaqësuesit e akredituar të medias dhe grupet e tjera të nevojshme për zhvillimin e ndeshjes.
Hyrja në stadium do të bëhet vetëm me bileta të personalizuara dhe me dokument identifikimi (kartë identiteti ose pasaportë), si dhe me kontrolle të rrepta sigurie, sipas standardeve më të larta. Federata kujton se në tetor 2014, ndeshja në Beograd u ndërpre, duke çuar në pasoja të rënda për kombëtaren serbe, përfshirë humbjen e kualifikimit në Kampionatin Evropian 2016.
“Për këtë arsye, Federata e Futbollit e Serbisë, së bashku me UEFA-n, FIFA-n dhe institucionet kompetente, ndërmerr të gjitha masat për të siguruar zhvillimin e rregullt të ndeshjes dhe sigurinë maksimale,” thuhet në njoftim.
FIFA do të dërgojë deri në dy oficerë sigurie në Leskovac, ndërsa nuk do të ketë tifozë miq në tribuna, sipas udhëzimeve të sigurisë, për të ruajtur rendin dhe sigurinë e të gjithë pjesëmarrësve.
Federata bën thirrje që të gjithë pjesëmarrësit të kontribuojnë me sjelljen e tyre për një mjedis të drejtë dhe sportiv, “në mënyrë që kombëtarja serbe të ketë kushtet për të arritur rezultatin më të mirë të mundshëm në fushë.”
Serbi-Shqipëri ndeshje me rrezikshmëri të lartë, FIFA ndëmerr këtë veprim
Ndeshja e ardhshme kualifikuese e Kupës së Botës midis ekipeve kombëtare të Serbisë dhe Shqipërisë në stadiumin Dubocica në Leskovac është shpallur një ndeshje me rrezikun më të lartë të sigurisë nga të gjitha institucionet përkatëse, FIFA, Ministria e Punëve të Brendshme e Republikës së Serbisë dhe Federata e Futbollit të Serbisë. Për të siguruar sigurinë maksimale për të gjithë pjesëmarrësit dhe spektatorët, FIFA ka vendosur të dërgojë dy oficerë sigurie në Leskovac posaçërisht për këtë rast.
Prania e tyre konfirmon qartë rëndësinë dhe seriozitetin e kësaj ndeshjeje për sa i përket sigurisë, por gjithashtu thekson më tej detyrimin e të gjithë palëve të interesuara për të vënë sportin në vend të parë.
Publiku i futbollit ende kujton se ndeshja e mëparshme midis këtyre ekipeve kombëtare në Beograd, në tetor 2014, u ndërpre për shkak të incidenteve të rënda, të cilat lanë pasoja të thella për ekipin kombëtar dhe futbollin serb – si në aspektin e rezultateve ashtu edhe në aspektin financiar.
Kjo është arsyeja pse kemi një përgjegjësi të veçantë për të siguruar që ky skenar të mos përsëritet, por për të treguar se Serbia mund dhe duhet të presë një ngjarje të madhe sportive në përputhje me standardet më të larta ndërkombëtare.
Federata e Futbollit e Serbisë, në bashkëpunim me Ministrinë e Punëve të Brendshme, UEFA-n, FIFA-n dhe të gjitha autoritetet e tjera kompetente, po merr të gjitha masat e nevojshme për të siguruar që ndeshja të zhvillohet në një atmosferë të ndershme, pa incidente dhe në frymën e sportivitetit.
Vdes ish-futbollisti i njohur kosovar
Ka ndërruar jetë sot në moshën 79-vjeçare ish-futbollisti i njohur kosovar, Jakup Kuqi, një nga figurat më të respektuara të futbollit në Kosovë gjatë gjeneratës së artë.
I lindur më 12 qershor 1946, Kuqi ka lënë gjurmë të thella në sportin kosovar me paraqitjet e tij për skuadrat legjendare të Vllaznimit dhe Trepçës.
Me talentin dhe përkushtimin e tij në fushën e blertë, ai u bë një simbol i pasionit për lojën dhe i shpirtit sportiv.
Jakup Kuqi ndërroi jetë në qytetin e tij të dashur, Gjakovë, ku edhe kishte kaluar një pjesë të madhe të jetës dhe karrierës.
Lajmi për ndarjen e tij nga jeta ka prekur thellë komunitetin sportiv dhe më gjerë, ndërsa shumë miq, bashkëlojtarë dhe dashamirë të futbollit po e kujtojnë me respekt dhe mall.
Varrimi i të ndjerit do të bëhet nesër në varrezat e qytetit në Gjakovë në orën 15:0.
Pushofsh në paqe, legjendë!
Ish-futbollisti i njohur nga Kosova, dënohet me 8 vjet burg
Gjykata Themelore në Helsinki e ka dënuar ish-futbollistin nga Kosova, Albert Kuqi, me tetë vjet burgim për tri vepra penale që lidhen me narkotikë.
Kuqi, bashkë me dy persona të tjerë, akuzohej se kishte dërguar rreth 14 kilogramë kokainë në Finlandë në tri raste të ndara në vitet 2024 dhe 2025. Nëntë kilogramë e gjysmë veçse kishin përfunduar në treg, ka shkruar “iltalehti.fi”.
33-vjeçari akuzohej se siguroi banesën për grupin që çonte kokainën në Finlandë e se po ashtu siguroi klientët dhe ndihmoi në mbledhjen e parave nga tregtia.
Kuqi megjithatë, sipas vendimit gjyqësor, ka pasur rol më të zbehtë në krahasim me dy shqiptarë të tjerë, Lulzim Gërxhaliun e Ergi Tushën, që u dënuan me nga dhjetë vjet e dy muaj burgim. Ata konsiderohen përgjegjës për organizimin e tregtisë.
Sipas prokurorisë, ata kishin kryer veprat si pjesë të aktiviteteve të një grupi kriminal.
Po ashtu ata detyrohen t’ia dorëzojnë shtetit rreth 360 mijë euro, që dyshohet se përfituan nga krimet.
Në këtë grup akuzoheshin 13 persona. Dhjetë prej tyre u dënuan e tre u liruan menjëherë.
Vendimi gjyqësor s’është i formës së prerë dhe mund të apelohet.
Kuqi ka luajtur në nivelin më të lartë të futbollit në Finlandë dhe në rangje më të ulëta. U pensionua në vitin 2018.
Serbia “goditet” para përballjes me Shqipërinë, konfirmohet edhe mungesa e tretë
Problemet ishin të mëdha edhe përpara këtij lajmi.
Gjithsesi, Serbia duket se po merr goditje njërën pas tjetrës sepse nga Gjermania njoftohet për dëmtimin e një tjetër lojtari të kombëtares së këtij vendi.
Ky është Kosta Nedeljkoviç, mbrojtës i rëndësishëm ekipit, i cili pësoi lëndim gjatë stërvitjes me Leipzigun dhe sipas revistës “Kiker” do të mungojë disa javë.
Koha duket tepër e shkurtër për riaftësim siç e thekson edhe media serbe “Sport Arena”.
Ndeshja Serbi – Shqipëri luhet në 11 tetor, pra mbeten edhe vetëm 16 ditë, që do të thotë pak më shumë se dy javë.
Trajneri Dragan Stojkoviç kishte që më parë dy mungesa të sigurta, dhe kjo për shkak kartonësh, shkruan abcnews.
Kapiteni Milenkovic mori karton të kuq në duelin e humbur me shifrat 5-0 në Beograd ndaj Anglisë, pra nuk mund të luajë, dhe po ashtu i pezulluar është mesfushori që luan në Premierligën angleze me Nottinghamin, Sasha Lukiç.
Sërish Muriqi, i shënon edhe Atletico’s në minutat e fundit
Vedat Muriqi ka shënuar golin e barazimit në ndeshjen Mallorca-Atletico Madrid në kuadër të La Ligës.
Goli i Muriqit erdhi në minutën e 85′, falë asistit të ish-lojtarit të Barcelonës Jan Virgili, shkruan Insajderi.
Prizrenasi u gjet mjaft mirë në 16-metërsh, ku realizoi me kokë para Oblak.
Të parët që shënuan ishin Atletico Madrid, duke kaluar në epërsi falë golit të Gallagher. /Insajderi.org/
20 euro për të parë një ndeshje të Drenicës në Superligën e Kosovës?!
Skuadra e Drenicës të dielen më 21 shtator luan ndeshjen ndaj Dukagjinit, e vlefshme për Superligën e Kosovës.
Në stadiumin “Bajram Aliu” kjo ndeshje pritet të fillojë nga ora 15:00 dhe tashmë biletat kanë dalë në shitje, shkruan Indeksonline
Befasi e madhe është çmim i biletave. Madje ka edhe çmim që shkon deri në 20 euro!?
20 euro është çmimi i biletës VIP, kurse Lindje: 2 euro, Perëndim: 3 euro.
Klubi i Drenicës gjithasthu njofton se, për secilën biletë të shitur, nga 1 euro shkon donacion te Klubi i Volejbollit për Femra në Skënderaj.
Kosova regjistron pozitën më të lartë ndonjëherë në FIFA
Përfaqësuesja e Kosovës ka arritur renditjen më të lartë ndonjëherë në historinë e saj në renditjen e re të FIFA-s, që u përditësua të enjten (18 shtator 2025).
Pas fitores ndaj Suedisë në “Fadil Vokrri” dhe humbjes nga Zvicra në Basel, ndeshje që i zhvilloi këtë muaj për kualifikuese në Botërorin 2026, Kosova është renditur në pozitën e 91, duke u ngjitur tri vende më lartë sesa ishte në ranglistën e fundit (94). “Dardanët” kanë 1262 pikë.
Në grupin ku bën pjesën Kosova, pas dy ndeshjeve, Zvicra ka gjashtë pikë, ndërsa Kosova është e dyta me tri. Suedia e Sllovenia kanë nga një pikë.
Më 10 tetor, Kosova pret Slloveninë në Prishtinë, ndërsa “Fadil Vokrri” pritet të jetë i mbushur pasi për pak orë u shitën të gjitha biletat. Pas tri ditëve, Kosova udhëton në Suedi.
FFK-ja i nxjerrë në shitje biletat për ndeshjen ndaj Sllovenisë, këto janë çmimet
Federata e Futbollit e Kosovës i ka nxjerrë në shitje biletat për ndeshjen ndaj Sllovenisë, që e zhvillon në Prishtinë, më saktësisht në stadiumin “Fadil Vokrri”.
Kombëtarja e Kosovës do të përballet me Slloveninë muajin e ardhshëm, më 10 tetor, me ndeshjen që i përket kualifikimeve për Botërorin e vitit 2026.
FFK-ja i ka nxjerrë në shitje biletat gjatë ditës së sotme, teksa janë mësuar edhe çmimet.
Biletat për pjesën perëndimore të stadiumit do të kushtojnë 30 euro, në lindje do të jenë 20 euro, teksa në jug e veri do të jenë nga 10 euro. Në VIP, biletat do të shkojnë deri në 100 euro.
Kombëtarja e Kosovës ka zhvilluar deri më tani dy ndeshje në këto kualifikime, duke grumbulluar tri pikë.
“Dardanët” kanë pësuar një humbje nga Zvicra me shifrat prej 4-0, teksa Suedinë e mposhti në Prishtinë me shifrat prej 2-0.