Rrëmbimi i qytetarit nga xhandarmëria serbe, reagon edhe Presidentja Osmani

Presidentja e Kosovës, Vjosa Osmani ka reaguar pas plagosjes dhe rrëmbimit të qytetarit serb me shtetësi kosovare brenda territorit të Kosovës që ndodhi të shtunën.

Në një postim në ‘Facebook’, Osmani tha se “kjo është edhe një dëshmi shtesë e qasjes së saj hegjemoniste, ku çdo qytetar që guxon të flasë të vërtetën rreth regjimit autokratik të Vuçiqit, sulmohet dhe torturohet në mënyrën më barbare të mundshme.”

“Bota demokratike duhet të reagojë e të ndalë këto sulme të Serbisë që kanë për qëllim rrezikimin e paqes e stabilitetit në rajonin tonë. Ndërkaq skena politike në Kosovë duhet të veprojë e flasë në një zë në mbrojtjen e Kosovës nga tendenca të tilla.”, tha tutje ajo.

Kurti në Procesin e Berlinit: Kam vendosur njëanshëm ta lejojë lëvizjen e lirë për qytetarët e Bosnjës nga 1 janari

Kryeministri Albin Kurti tha në samitin e Procesit të Berlinit se Kosova do ta lejojë njëanshëm lëvizjen e lirë për qytetarët e Bosnjë e Hercegovinës.

Kurti tha se Procesi i Berlinit për dhjetë vjet ka shënuar “progres domethënës”, por sipas tij “nevojiten më shumë veptime”.

“Një paradoks u paraqit në janar të këtij viti, kur shtetasit e Kosovës mund udhëtojnë pa vizë në BE, por ende u mungonte liria e lëvizjes në Bosnjë dhe Hercegovinë”, tha Kurti.

“Përderisa entiteti i Republikës Serbe refuzon ratifikimin e marrëveshjes së mobilitetit për lëvizjen e lirë me letërnjoftime, të cilën vendi im ishte i pari në rajon që e ratifikoi në parlament, unë kam vendosur t’i jap fund pritjes. Duke filluar nga janari i vitit të ardhshëm, Republika e Kosovës, do të lejojë në mënyrë të njëanshme lëvizjen e lirë me letërnjoftime të qytetarëve të Bosnjës dhe Hercegovinës”, shtoi ai.

Kurti foli për Tregun e Përbashkët Rajonal (CRM), për të cilin tha se “është një nga të arriturat më të mëdha të këtij procesi”, ndërsa përmendi CEFTA-n.

“Një momentum i ri është fituar pas kapërcimit të ngërçit brenda CEFTA-s. Tash mund të përparojmë me një ritëm të ndryshëm, me barazi në qendër dhe qytetarët si përfituesit e fundit”, tha ai.

Kurti tha se zbatimi i Agjendës së miratuar të Reformave në kuadër të Planit të Rritjes të BE-së “duhet të ndjekë qasjen e ‘garës për në majë’”.

Këto vende do të mbesin pa rrymë të enjten

Kompania për Distribuimin e Energjisë Elektrike në Kosovë (KEDS) njofton se të enjten, më 03.10.2024 do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtinë

Punime të domosdoshme për siguri të sistemit

1.

Nga NS 220/35/10 [kV] Podujeva do të ndërprehet:

NS 10/0.4kV TS Sibovc i Ulët (Riadi) (kodi: 14000010218) nga ora 10:00 deri 14:00

Vendet: Ndërprerje për siguri, demontim i shtyllave 04kV.

Arsyeja:  Sibovc i Poshtëm.

* * *

Punime në projekte investive

1.

Nga TS 35/10kV Prishtina II do të ndërprehet:

LP 10kV J17 Lesna (kodi: 10010006) nga ora 09:00 deri 17:00

Vendet: rruga Dervish Hima (një pjesë e lagjes Kalabria – banesat e Arabëve)

Arsyeja: Montimin e lidhëseve te kabllove XHE 10(20)kV dhe bartjen e linjave Lesna, Veterniku 2 nga NS PR II 35/10 kV në NS PR 1 110/10(20)kV.

2.

Nga TS 35/10kV Prishtina II do të ndërprehet:

LP 10kV J09 Exluzivi (Veterniku 2) (kodi: 10010009) nga ora 09:00 deri 17:00

Vendet: Valoni petroll,  banesat Marigona, Shtypshkronja Rezniqi, Furra Kobake, Merkom Pezho, Panorama, Internation helth center, Lagjja Logreta, Albert Rudari, Bt Luli, Betonjerka Renulual Betoni dhe Auto Sherreti.

Arsyeja: Montimin e lidhëseve te kabllove XHE 10(20)kV dhe bartjen e linjave Lesna, Veterniku 2 nga NS PR II 35/10 kV në NS PR 1 110/10(20)kV.

3.

Në TS 110/10(20)kV Prishtina 2

Nga dalja 10 kV J27 Blloku I do të ndërprehen TS-at:

TS 10/04kV Blloku i parë  (kodi: 11000002005) prej orës 10:00 deri në ora 15:30

TS 10/04kV Blloku i parë  (kodi: 11000002111) prej orës 10:00 deri në ora 15:30

Vendet: rr.Hakif Mehmet Ersoy dhe rr. Lidhja e Lezhës

Arsyeja: Ndërprerje për siguri,  vendosja e shtyllave të tensionit të ulët- rr. Ali Hadri.

Pejë

Punime të domosdoshme për siguri të sistemit

1.

Nga TS 110/10kV Deçani do të ndërprehet:

LP 10kV J22 Juniku (kodi: 53000007) prej orës 10:30 deri në ora 15:00

Vendet: Lloqan, Dranoc, Sllup, Voksh, Polana, Poberxh, Prilep, Rastavic, Baballoq, LA Ramadani, Junik, Jasiq dhe Gjocaj.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

2.

Nga 35/10 kV Gurakovci do të ndërprehet:

Dalja 10kV Onix (kodi: 50052006) prej orës 11:30 deri në ora 14:30

Vendet: Banjë, Dobrushë, Baicë, Lubovë, Kaliqan, Cerollukë, Orroberdë, Banja e Pejës, Banjë Kom.Ban K/5 Nr.2,si dhe BRRE Onix Solar.

Arsyeja: Ndërprerje për siguri, kontrollimi i ndarësit të kthinës J02 në stabilimentin shpërndarës “TS Rina Comerc Banjë.

3.

Nga TS 110/10kV Deçani do të ndërprehet:

Dalja 10kV Lumbardhi (kodi: 53000005) prej orës 10:00 deri në ora 12:00

Vendet: Lluka e Epërme, Lluke Gecaj, Pozhari, Gllogjan, Shaptej, Lumbardh, Irzniq, Ratishe, Gramaqel dhe Maznik.

Arsyeja: Ndërprerje për siguri, ndërrim i shtyllës se thyer.

Prizren

Punime të domosdoshme për siguri të sistemit

1.

Nga NS 110/35/10[kV] Theranda do të ndërprehet:

Dalja 10kV  Shpenadia (kodi: 32000023)  nga ora 10:30 deri 15:00

Vendet:  fshatrat: Caparc, Novak, Serbica e Epërme, Shpenadi, Smaç, Trepetincë dhe Velezhë.

Arsyeja: Mirëmbajtje preventive, mirëmbajtje preventive e daljes 10 [kV] (shtrëngimi i përçuesve, ndërrim i shtyllave/izolatorëve të dëmtuar), pastrimi i trasesë.

2.

Nga TS 35/10kV Dragash do të ndërprehet:

LP 10kV J07 Rapqa (kodi: 30036009) nga ora 10:00 deri 14:00

Vendet: Rapqa e ulet, Rapqa e epërme, Fabrika Meka, Brezne, Krsteci ult, Krsteci nalt, Rrenci,Ferma  TS- Berham Jonuzi,TS- Qendra Petroll,Buqe, Pllavë, TS-Ujsjellsi Brezne

Arsyeja: Mirëmbajtje preventive, mirëmbajtje preventive e daljes 10 [kV] (shtrëngimi i përçuesve, ndërrim i shtyllave/izolatorëve të dëmtuar), pastrimi i trasesë.

Ferizaj 

Punime të domosdoshme për siguri të sistemit

1.

Nga TS 35/10kV Ferizaj III do të ndërprehet:

LP 10kV J05 Varoshi (kodi: 40042005) prej orës 10:30 deri në ora 15:00

Vendet: Varoshi, Gërlica, Komogllava, Rakaj dhe bizniset private

Arsyeja: Mirëmbajtje preventive,  pastrimi i trasesë.

2.

Nga TS 110/35/10[kV] Lipjani do të ndërprehet:

LP 10kV J21 “Gadime” (kodi: 41000013) prej orës 09:30 deri në ora 14:30

Vendet: Babushi i Muhaxherëve, Gadime e Ulët, Gadime e Lartë, Vrella dhe  Plitkoviqi.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

3.

Nga TS 35/10 KV Magure do të ndërprehet:

LP 10kV J05 Fshatrat Magure   (kodi: 41048002) nga ora 10:00 deri në orën 13:00

Vendet: Magure, Medvevc, Dobrajë, Rreze, Blinaje, Qylagë, Poturovc, Torinë, Poturovc, dhe Gllanicë.

Arsyeja: Ndërprerje për siguri, rregullimi i transformatorit i cili rrjedh vaj, TS Dobraj e Madhe III (Ajnunët) 41048002038.

Mitrovicë

Punime të domosdoshme për siguri të sistemit

1.

Nga NS 110/10(20) kV Skenderaj do të ndërprehet:

LP 10kV Likovci me (kodi: 74000001)nga ora 10:30 deri 14:30

Vendet: fshatrat: Arbëri e Epërme, Arbëri e Poshtme, Likovcë, Makërmal, Morinë, Plluzhinë, Pozhullë, Murg, Obri e Ulët, Obri e Epërme, Rrezallë, Shtuticë, Ticë, Tushillë dhe një pjesë e Skenderajt.

Arsyeja: Mirëmbajtje preventive, pastrimi i trasesë dhe kontrollimi i ndarësve dhe linjës – kontrollimi  i transformatorit etj.

2.

Në TS 35/10 kV Shupkovci

Nga dalja 10 kV Sitnica do të ndërprehen Ts-at:

TS 10/04kV Azbesti 1 (kodi: 70000103001) prej orës 11:00 deri në ora 15:30

TS 10/04kV Azbesti 2 (kodi: 70000103004) prej orës 11:00 deri në ora 15:30

Vendet: rr.Kemajl Ataturku dhe Sheshi Adem Jashari.

Arsyeja: Ndërprerje për siguri- rritja e fuqisë të transformatorit nga 630 kVA në 1000 kVA TS Azbesti.

Gjakovë

Punime të domosdoshme për siguri të sistemit

1.

Nga TS 110/10(20)kV Gjakova 2 do të ndërprehet:

LP 10kV J30 Ura e Terzive (kodi: 81000004) prej orës 10:30 deri në ora 15:00

Vendet: fshatrat: Damjan (një pjesë), Fshaj Kushavec, Muhader, Pnish, Rogovë, Smaq dhe Ujëz.

Arsyeja: Mirëmbajtje preventive dhe pastrimi i trasesë.

* * *

Punime në projekte investive

1.

Nga  TS 110/35/10kV Rahoveci (H05) do të ndërprehet:

NS 35/10kV Malisheva (H07) dhe pa tension mbesin të gjitha daljet 10kV prej orës 09:00  deri në ora 17:00.

Vendet: rrugët: 603 Adem Jashari (një pjesë), 605 Rilindja Kombëtare (1 konsumator), 606 Pavarësia (1 konsumator), 610 Hisni Mazreku (1 konsumator), 603 Adem Jashari (1 konsumator), Imer Krasniqi (7 konsumatorë), 605 Hamdi Berisha (1 konsumator), 606 Pavarësia (1 konsumator), Spitali i Qytetit në rrugën 608 Hamdi Berisha, 535 Prof.Hamdi Berisha, 554 Uiliam Uoker, 601 Sheshi i Dëshmorëve, 602 Gjergj Kastrioti – Skendërbeu, 603 Adem Jashari, 604 Imer Krasniqi, 605 Rilindja Kombëtare, 606 Pavarësia, 608 Hamdi Berisha, 610 Hizri Mazreku, 611 Jahir Mazreku. 612 Uiliam Uoker; fshatrat: Burim, Carallukë (një pjesë), Dardania, Gërmiz, Lubizhdë (1 konsumator) dhe Senik (1 konsumator), 605 Rilindja Kombëtare (1 konsumator), 608 Hamdi Berisha (1 konsumator), 605 Rilindja Kombëtare (3 konsumatorë), 608 Hamdi Berisha (1 konsumator), 557 Bedri Berisha (1 konsumator); fshatrat: Carallukë, Dragobil, Drenoc, Panorc, Shkarashnikë, Tërpezë e Poshtme, Vërmicë dhe Vërmicë e Malishevës, Bubël, Burim, Carallukë (3 konsumatorë), Damanek, Gurbardhë, Llapçevë, Lubizhdë, Lubizhdë e Malishevës, Lumnishtë, Mirushë, Mrasor, Panorc (një pjesë) dhe Turjakë, Balincë, Bardhë, Bellanicë, Javor, Lladroc, Lladroviç, Lubizhdë, Lluzhnic, Ngucat, Senik dhe Temeqinë, Astrazub, Dragobil, Drenoc, Guriq, Janqishtë, Kërvasari, Marali, Maxharrë, Pagarushë dhe Shkozë, Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçicë, Polluzhë dhe Stapanicë, Banjë, Bellanicë dhe Gajrak.

Arsyeja: Projekte investive, instalimi i përçuesit ACCC në linjën 35 kV Rahovec – Malishevë si dhe ndërrimi i izolatorëve 35kV.

* * *

Punime nga pala e tretë

1.

Nga TS 35/10kV Gjakova I do të ndërprehet:

LP 10kV J14 Beci (kodi: 80080010)  nga ora 10:00 deri 12:00

Vendet: fshatrat: Bec, Janosh, Lugbunar, Rr.Mark Malota, Novosellë e Epërme, Novosellë e Poshtme, Osek Pashë, Palabardhë, Qerim, Sopot dhe Trakaniq.

Arsyeja: Punët që duhet të kryhen sipas pëlqimit elektro-energjetik dhe projektit të aprovuar.

Bajrami i reagon Sveçlës për kontratën 15 milionëshe: Ministri nënshkroi, ia dha 5 milionë euro më shumë një kompanie

Nënkryetarja e Lidhjes Demokratike të Kosovës, Hykmete Bajrami tha se Qeveria nuk po mundet ta fsheh “korrupsionin me tenderët sekret”, duke marrë shkas nga një deklaratë e fundit e ministrit të Punëve të Brendshme, Xhelal Sveçla se nuk di detaje për tender 15 milionë euro në dikasterin që ai udhëheq.

Bajrami thotë se MPB-ja negocioi vetë me kompaninë ‘Infosoft Systems’, të cilës ia dha 5 milionë euro më shumë sesa shuma që diskutohej në procedurë të hapur.

“As Rusia as Serbia, e as bombat atomike nuk mjaftojnë për ta fshehur korrupsionin me tenderët sekret të kësaj Qeverie”, shkroi Bajrami në një postim në Facebook. “Vetëm në një tender në Ministrinë e Punëve të Brendshme ndërrimi nga procedura e hapur në atë sekrete i kushtoj buxhetit të shtetit 4 milionë e 693 mijë e 266 Euro”.

“Kjo është historia e tenderit 15 milionësh në Ministrinë e Punëve të Brendshme për të cilin ministri mbrëmë tha “nuk i di detajet”. Ja detajet ministër”, shkroi ajo, duke përshkruar procedurën që tha se është ndjekur.

Në viti 2017, Bajrami tha se “blerja e licencave të Microsoft-it është bërë me procedurë të hapur, ashtu siç e kërkon Ligji i Prokurimit Publik, kontratë tri vjeçare, në atë kohë tenderin e kishte fituar operatori ekonomik/kompania vendore “Cacttus” që kishte ofruar çmimin me të ulët 9 milionë e 529 mijë e 174 euro”.

“Në vitin 2020 prapë për blerje të licensave të Micosoft-it përmes një procedure të hapur, tenderin e fiton kompania nga Shqipëria ‘Infosoft Systems’, por kësaj radhe jo çmimi me i ulët sepse në garë kanë qenë edhe dy operatorë me çmim më të ulët se operatori fitues ‘Infosoft Systems’, por sipas Ministrisë së Punëve të Brendshme ata nuk i kishin plotësuar të gjitha kërkesat e tenderit. Pra në vitin 2020 përmes procedurës së hapur ‘Infosoft Systems’ e furnizon Ministrinë e Punëve të Brendshme me licenca të Microsift-it për tri vite me çmim prej 10 milionë e 295 mijës e 243 euro”, shtoi Bajrami.

Në vitin 2023, Bajrami tha se Ministria e drejtuar nga Sveçla nuk shpalli më tender por e zgjodhi vetë një kompani për tenderin 15 milionësh.

“Çka ndodhë në vitin 2023 është se Ministria e Punëve të Brendshme nuk shpallë më tender, duke eliminuar kështu çdo garë mes operatorëve ekonomik dhe kontratën e negocion vetëm me kompaninë ‘Infosoft Systems’, të cilën veçse e kishte brenda nga viti 2020, por tash kjo kontratë për kohën e njëjtë, mallin e njëjtë i kushton buxhetit të Kosovës hiç me pak se 14 milionë e 988 mijë e 509 euro”, shkroi Bajrami.

Ajo tha se kompania e njëjtë fitoi rreth 5 milionë euro më shumë duke negociuar direkt me Ministrinë.

“VËMENDJE: E njëjta kompani me procedurë të hapur 10 milionë e 295 mijë e 243 euro, ndërsa me procedurë të mbyllur/kontratë sekrete 14 milionë e 988 mijë e 509 euro, dmth, dallimi është 4 milionë e 693 mijë e 266 Euro”.

“Ky është korrupsioni që po bëhet me kontrata sekrete. Kjo është arsyeja që LDK është kundër kontratave sekrete”, shkroi Bajrami.

Ajo thotë se Sveçla e ka nënshkruar këtë kontratë dhe se nuk është e vërtetë që ai s’i di detajet e saj.

“Ministri mbrëmë tha se ”nuk i di detajet” e tenderëve, kjo është e pavërtetë sepse ai e ka nënshkruar këtë kontratë, Ligji i Prokurimit Publik ia kërkon ministrit me nënshkru çdo kontratë që është në vlerë mbi 250 mijë euro, ndërsa si arsye për procedurën sekrete që i kushtoj buxhtit gati 5 milionë euro më shumë ai përmendi Rusinë, Serbinë dhe bombat atomike”, shkroi Bajrami.

Specialja merr vendim për Selimin dhe Krasniqin

Dhomat e Specializuara të Kosovës në Hagë, kanë marrë vendim për vazhdimin e masës së paraburgimit edhe për dy muaj ndaj Rexhep Selimit dhe Jakup Krasniqit.

Zëdhënësja e DHSK-së Angela Grip, tha se trupi gjykues ka konstatuar se për të dy të akuzuarit vazhdon të ekzistojë rreziku se ata do të pengojnë ecurinë e procesit dhe ose të kryejnë vepra penale të tjera kundër atyre që konsiderohen se janë kundër UÇK-së, përfshirë dëshmitarë të cilët kanë dhënë dëshmi në çështjen gjyqësore, ose pritet të paraqiten para Dhomave të Specializuara.

“Trupi Gjykues rikujtoi atmosferën e vazhdueshme të frikësimit të dëshmitarëve në Kosovë dhe theksoi se duket se Selimi nxori informacion të privilegjuar për palë të treta të paautorizuara. Trupi Gjykues përfundoi se komunikimet e të akuzuarve mund të kufizohen në një mënyrë që zvogëlon mjaftueshëm këto rreziqe vetëm me anë të zbatimit të kornizës për monitorimin e komunikimeve që përdoret në objektin e paraburgimit të Dhomave të Specializuara”, ka thënë zëdhënësja e DHSK-së Angela Grip.