Në Beograd del lajmi se shqiptari nga Kosova ka marrë furnizimin e projektit gjigant Belgrade Waterfront!

Në Serbi po qarkullojnë lajme të forta se një biznesmen shqiptar nga Kosova është bërë një nga furnizuesit kryesor të xhamave për projektin e madh Belgrade Waterfront, përmes bashkëpunimit me kompaninë ndërkombëtare të njohur AGC Glass Europe. Ky zhvillim është parë me interes të madh, duke treguar ndikimin në rritje të bizneseve shqiptare në projekte ndërkombëtare dhe veçanërisht në sektorin e ndërtimit.

Belgrade Waterfront, një projekt monumental me një vlerë prej miliarda eurosh, ka për qëllim të transformojë përgjithmonë fytyrën e Beogradit, duke përfshirë ndërtesa rezidenciale luksoze, hapësira komerciale, qendra argëtimi dhe ambiente publike moderne. Ky projekt ambicioz kërkon furnizim të materialeve ndërtimore të cilësisë më të lartë, dhe pikërisht këtu roli i kompanisë AGC, një nga prodhuesit më të mëdhenj të xhamit në botë, është i domosdoshëm.

Bledian Ramadani, biznesmeni shqiptar nga Kosova dhe pronari i kompanisë Gitor Shpk, është ai që përflitet të jetë në qendër të këtij bashkëpunimi, duke përdorur lidhjet e tij me AGC Glass Europe për të siguruar furnizimin e xhamave për këtë projekt të përmasave të mëdha. Ramadani është një figurë e njohur në industrinë e xhamit, dhe më parë ka arritur të largojë konkurrentët e tij në Ballkan përmes lëvizjeve të zgjuara në treg, duke kontrolluar pjesë të rëndësishme të importit të xhamit në rajon.

Kjo marrëveshje e përfolur ka shkaktuar reagime të ndryshme në Serbi, ku disa media dhe analistë po shohin me habi ndikimin e një shqiptari nga Kosova në një projekt kaq të madh dhe simbolik për Beogradin. Megjithatë, cilësia dhe përvoja e AGC në prodhimin e xhamave, e kombinuar me ndikimin e Ramadanit në rajon, e bëjnë këtë bashkëpunim të natyrshëm.

Belgrade Waterfront përfaqëson një nga investimet më të mëdha urbanistike në Ballkan, dhe përfshirja e kompanisë AGC, në të cilën Ramadani ka ndikuar përmes lidhjeve të tij të fuqishme, është një tregues i rritjes së ndikimit të bizneseve shqiptare jashtë kufijve të Kosovës.

Ky bashkëpunim i ri mund të shërbejë si një shembull për zhvillime të tjera në të ardhmen, ku biznesmenët shqiptarë do të kenë një rol më të madh në tregjet rajonale dhe globale.

Haradinaj: Nëse Kurti i mbërrin 25% të votave, i lumi ai për veti

Kryetari i AAK-së, Ramush Haradinaj, është shprehur i bindur se kryeministri i Kosovës, Albin Kurti, dhe Lëvizja Vetëvendosje nuk do t’i marrin 25 për qind të votave në zgjedhjet e 9 shkurtit të vitit 2025.

“Nuk e shoh Kurtin që i kalon ndonjëherë 30 për qind në zgjedhje. Edhe 25 kur e mbërrin, i lumi ai për veti. Nuk po them se do të jetë partia e parë”, ka thënë Haradinaj.

Sipas tij, këtë do t’ia pamundësojë keqqeverisja e tij në katër vjetët e fundit.

“Sepse filluan që të gjithë t’ia kuptojnë mashtrimin… I dolën dy deputetë, një degë në Drenas. Ne jemi në proces të rritjes sonë, mundemi edhe ne të jemi fitues. Por nuk besoj se Kurti do t’i fitojë zgjedhjet. E shihni sa me gëzim po thonë ata po luftojnë për vend të dytë”, ka thënë ai në Paradoks.

Vendet që do të mbesin pa rrymë të premten

Kompania për Distribuimin e Energjisë Elektrike në Kosovë (KEDS) njofton se të premten, më 04.10.2024 do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtinë 

Punime të domosdoshme për siguri të sistemit

1.

Në TS 220/35/10(20)kV Podujeva

Nga dalja 10 kV Fshatrat 1 do të ndërprehet:

TS 10/04kV Gllamnik Arbanashet (kodi: 14000009082) prej orës 10:00 deri në ora 14:00

Vendet: Një pjesë e fsh.Gllavnikë.

Arsyeja: Ndërprerje për siguri, demontim i shtyllave 04kV.

2.

Nga TS 35/10kV Drenasi do të ndërprehet:

Dalja 10kV Trasing (kodi: 16100010) prej orës 10:30 deri në ora 15:00

Vendet: Sllatinë e Vogël EU-BETON SH.P.K  Përparim Thaqi dhe YLLI MINERAL  SH.P.K  Edmond Shala, Fatmir Zymberi “Scan Color-JYSK” shpk, Korroticë e Epërme, fshati Koroticë e Naltë te Kroi i Mbretit, Sankofc, Krivovë dhe Sllatinë e Madhe.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë

3.

Nga TS 220/10kV Drenasi do të ndërprehet:

Dalja 10kV Baica (kodi: 16100008) prej orës 09:00 deri në ora 14:00

Vendet: Baincë, Korreticë e Ulët, Abri, Tërdevc, Drenas një pjesë dhe Çikatovë e Re.

Arsyeja: Mirëmbajtje preventive.

4.

Nga NS 110/20(10)kV Prishtina 7

TS 20/0.4 kV Çagllavica 3  (kodi: 19000036033) nga ora 10:00 deri 14:00

Vendet: Një pjesë e Çagllavicës.

Arsyeja: Ndërprerje për siguri, premontimi i shtyllave 0.4 kV .

Pejë 

Punime të domosdoshme për siguri të sistemit

1.

Nga TS 10kV Klina do të ndërprehet:

Dalja 10kV Jagoda (kodi: 52000105) prej orës 10:30 deri në ora 15:00

Vendet: fshati Jagodë, Budisallcë, Stublla, Lutogllava dhe Terstenik.

Arsyeja: Mirëmbajtje preventive, pastrimi i trasesë.

2.

Nga TS 110/35/10 kV Peja 1 do të ndërprehet:

Dalja 10kV Fusha e Pejës (kodi: 50000009) prej orës 08:30 deri në ora 12:30

Vendet: Bajraktarët, Kulla e Ministrit, Treboviq, Qunguri, Elsa, Nabergjan, Lluga, Llabjan dhe Bllagaj.

Arsyeja: Mirëmbajtje preventive, pastrim traseje shtrëngim i përçuesve.

3.

Nga TS 35/10kV Isniqi do të ndërprehet:

Dalja 10kV Zukaj (kodi: 53057001) prej orës 10:00 deri në ora 14:00

Vendet: Gani Imeraj, “Lika Trade” Sali Likaj, Isniq- Zukaj dhe Januzaj dhe Farika e pompave.

Arsyeja: Mirëmbajtje preventive, pastrim traseje dhe kontrollimi i rrjetit.

4.

NS 110/35/10 kV Peja 1 do të ndërprehet:

Dalja 10 [kV] Radavci (kodi: 50000004) nga ora 11:30 deri 13:00

Vendet: Vitomiricë, Brestovik, një pjesë e Novosellës, Jabllanicë e Vogël, Jabllanicë e Madhe. dhe BRRE-Hidrocentrali Radavci.

Arsyeja: Ndërprerje për siguri, instalimi i mikroswitch-it ne ndërprerës për sinjalin e sustës së kurdisjes në daljen J05-“Radavci.

Vërejtje! Dalja ka BRRE.

5.

Nga TS 110/35/10 kV Peja 1 do të ndërprehet:

Dalja 10kV Fusha e Pejës (kodi: 50000009) nga ora 11:30 deri 14:30

Vendet: Bajraktarët, Kulla e Ministrit, Treboviq, Qunguri, Elsa, Nabergjan, Lluga, Llabjan dhe  Bllagaj.

Arsyeja: Ndërprerje për siguri, ndërrimi i ndërprerësit dhe testimi  kthinës në stabilimentin shpërndares- Bllagaj”.

Prizren

Punime të domosdoshme për siguri të sistemit

1.

Nga TS 110/35/10 kV Theranda do të ndërprehet:

Dalja 10kV Gjinovci (kodi: 32000003) prej orës 10:00 deri në ora 14:00

Vendet: Topliqan, Gjinoci, Sallagrazhda, Grejkoci, Gelaca. bizneset:N.T.S Leshan, Mishtorja BENI Shirokë, Geni Com OIL, NB Petroll, “Graniti”Bajram Lumi, Mermer Hasan Muharremi, Iseferi, Tafaj Elektrik, Pishina Dafina, Spahia Petroll, Mermeri-Sallagrazhdë dhe Selim Muharremi.

Arsyeja: Mirëmbajtje preventive, mirëmbajtje preventive e daljes 10 [kV] (shtrëngimi i përçuesve, ndërrim i shtyllave/izolatorëve të dëmtuar) dhe pastrimi i trasesë.

2.

Nga TS 110/35/10 kV Theranda do të ndërprehet:

Dalja 10kV Gelanca (kodi: 32000021) prej orës 10:00 deri në ora 12:00

Vendet: Shirokë, Leshan, Gjinoc, Gelancë dhe Greikoc.

Arsyeja: Ndërprerje për siguri- Riparimi I kabllos nga transformatori ne ormanin e TS Gelanca 1

Ferizaj

Punime të domosdoshme për siguri të sistemit

1.

Nga TS 110/35/10kV Lipjani do të ndërprehet:

Dalja 10kV Sllovia (kodi: 41000003) prej orës 10:30 deri në ora 15:00

Vendet: Dobratin, Gushtericë e Poshtme, Livagjë,Sllovi, Smallush, Çollapek, Gllavicë dhe Marevc.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë

2.

Nga TS 35/10kV Ferizaj III do të ndërprehet:

Dalja 10kV Jezerci (kodi: 40042003) prej orës 09:30 deri në ora 14:30

Vendet: Manastirc, Nerodime e Ulët dhe e Epërme, Balaj, Jezerc dhe bizniset private.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë.

Mitrovicë 

Punime të domosdoshme për siguri të sistemit

1.

Nga TS 110/10(20) kV Skenderaj do të ndërprehet:

Dalja 20kV Runiku (kodi: 74000005) prej orës 10:30 deri në ora 15:00

Vendet: Klinë e Epërme, L.Mecini dhe Berani, Qubrel, Kotorri, Vitaku, Kastriot, Runik, Banjë, Surigan, Qitakët, Leqini dhe Tërnova.

Arsyeja: Mirëmbajtje preventive, pastrimi i trasesë.

Gjakovë 

Punime të domosdoshme për siguri të sistemit

1.

Nga TS 35/10 kV Xërxa do të ndërprehet:

Dalja 10kV Denji (kodi: 82081007) prej orës 10:30 deri në ora 15:00

Vendet: fshatrat: Çifllak, Denjë, Dobidol, Guri Kuq, Kaznik, Kramovik, Polluzhë, Rakovinë, Ratkoc (një pjesë).

Arsyeja: Mirëmbajtje preventive,  ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Gjilan

Punime të domosdoshme për siguri të sistemit

1.

Nga TS 35/10 kV Lladovë do të ndërprehet:

Dalja 10kV Zhegra (kodi: 61066006) prej orës 10:30 deri në ora 15:00

Vendet: Zhegera, Lladova, Llashtica (nje pjese), Shurdhan, Pidiqi, Selishta, Qeliku, Haxhtë, Isufaj, Terziaj dhe Demirët.

Arsyeja: Mirëmbajtje preventive, ndërrimi i shtyllave/izolatorëve të dëmtuar dhe shtrëngimi i përçuesve.

Kurti në Poloni, flet për marrëdhëniet me Serbinë

Në ditën e tretë të qëndrimit në Poloni, Kryeministri i Republikës së Kosovës, Albin Kurti, u takua me opinionbërës, personalitete të jetës publike dhe zyrtarë polakë: nga politika, media dhe rrethet e studiuesve. E pranishme e veçantë ishte edhe Zëvendësministrja e Punëve të Jashtme të Polonisë, zj. Henryka Mościcki-Dendys, që përcjellë më së afërmi Kosovën.

Në këtë bashkëbisedim, kryeministri i njohu pjesëmarrësit me rrugëtimin historik të lirisë dhe pavarësisë së Kosovës, etapat shtetndërtuese, sfidat e shumta me të cilat vendi është përballur përgjatë viteve të para dhe pas luftës, për të mbërritur deri tek aktualiteti dhe progresi ekonomik e demokratik që po njeh vendi.

Ai diskutoi dhe rreth marrëdhënieve me Serbinë, sulmin dhe aktin e tyre të agresionit të Banjskës, mosgatishmërinë e Serbisë për ecjen tutje në rrugën drejt normalizimit të marrëdhënieve, eskalimet e kërcënimet e tyre të vazhdueshme në terren e mbështetja e kriminelëve e terroristëve si Millan Radoiçiq.

Gjatë diskutimit, u trajtuan edhe tema të tjera si prioritetet e presidencës polake të Këshillit të BE-së në gjysmën e parë të vitit të ardhshëm, perspektiva e gjashtë vendeve të Ballkanit Perëndimor drejt procesit të integrimit në BE, efektet në rajonin tonë e veçanërisht në Kosovë që derivojnë nga agresioni i pajustifikuar rus kundër Ukrainës dhe lidhjet e ngushta ndërmjet Rusisë dhe Serbisë.

Në Zveçan vendosen tabela në shqip, serbisht e anglisht

Komuna e Zveçanit që drejtohet nga Ilir Peci, ka vendosur shenja në rrugë në tri gjuhë, në gjuhën shqipe, serbe dhe angleze.

Një nga tabelat me përshkrimin “Mirë se vini” është vendosur në rrugën Zveçan-Mitrovicë.

Më herët kur ishin vendosur shenja në Veri të Kosovës ka pasur diskutimet rreth mënyrës se si duhej të shkruheshin. Komisioneri për gjuhët, Slavisha Mlladenoviq, në mars të këtij viti kishte thënë se zëvendësimi i tabelave duhet të bëhet në frymën e multietnicitetit dhe përbërjes etnike të popullsisë në veri të Kosovës, duke sugjeruar vendosjen e gjuhës serbe si të parë.

Foto: Kosovo-Online

 

Përfundon dëshminë dëshmitari i 95-të në rastin e ish-krerëve të UÇK-së

Në Dhomat e Specializuara të Kosovës (DhSK) në Hagë, të enjten ka filluar dëshminë dëshmitari i 95-të i Zyrës së Prokurorit të Specializuar (ZPS), në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Ky dëshmitar, i cili mban kodin W01158, është duke dëshmuar në seancë të mbyullur dhe pritet që si e tillë të përfundojë, raporton “Betimi për Drejtësi“.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit  të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

Ja kur pritet të përfundojë gjykimi ndaj ish-krerëve të UÇK, flasin nga Specialja

 

LDK-ja prezanton një aderim, gruan që punon në zyrën e kryeministrit

Visar Azemi ka njoftuar aderimin e Ibadete Mehmetit në LDK. Në njoftim bëhet e ditur se zonja punën si zyrtare e lartë për planifkim strategjik në kryeministri.

“Ibadetja është e lindur dhe e rritur në Ferizaj. Ka mbaruar studimet ne Fakultetin Ekonomik, në Universitetin e Prishtinës, ku ka diplomuar gjithashtu edhe në Fakultetin Juridik. Po aty, aktualisht është duke vazhduar studimet postdiplomike në të Drejtën Komerciale dhe Kontrata.
Krahas zhvillimit akademik e intelektual, ajo ka një angazhim e përvojë të gjatë pune në media, institucione financiare e shtetërore. Nga viti 2000 deri në vitin 2003, ka punuar si gazetare në “Radio Ferizaj”, gazetën lokale “Fer Pres” dhe në “Radio Tema”. Pastaj, si studente në vitin 2003, është punësuar në “Kasa Bank”, tashmë “NLB Bank”, në Ferizaj. Karrierën në sistemin bankar nga viti 2008 e ka vazhduar në bankën TEB në Ferizaj, për t’u transferuar tutje nga viti 2013 në Prishtinë. Pas afro 14 vjetësh eksperiencë në institucionet financiare, në vitin 2016, Ibadetja punësohet në zyrën e kryeministrit, ku aktualisht shërben si zyrtare e lartë për planifkim strategjik.
Profili i saj si juriste dhe ekonomiste dhe përgatitja profesionale e përvoja e bujshme, janë jashtëzakonisht të dobishme për lidhjen tonë. LDK-ja është derë e hapur për kuadrot si Ibadetja dhe angazhimi i përbashkët në këtë kohë është kontribut që u duhet vendit dhe të ardhmes së tij.
Ibadete Mehmeti është e martuar dhe është nënë e dy vajzave dhe një djali.
Suksese në rrugëtimin e përbashkët, Ibadete! Na priftë e mbara”, thuhet në njoftimin e Azemit.

 

ARTIKUJ TË NGJASHËM:

I mungoj LDK-së disa vite, ish-kryetari i Prishtinës propozohet për deputet

 

“Merkato e bujshme” nga Limaj, stomatologu i njohur aderon në NISMA

Vazhdon gjykimi ndaj ish-krerëve të UÇK-së në Hagë

Në Dhomat e Specializuara të Kosovës në Hagë sot vazhdon procesi gjyqësor ndaj ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi.

Gjatë së mërkurës dëshmitarja Stamena Jeliq ka dëshmuar përmes video-lidhjes. Sipas ZPS-së, në gusht të vitit 1999, pjesëtarë të UÇK-së e morën bashkëshortin e dëshmitares, Marko Jeliq, nga shtëpia e tyre në Rahovec i cili që prej atëherë është i zhdukur.

Dëshmitarja e 94-t e Zyrës së Prokurorit të Specializuar, kur u pyet për një deklaratë të dhënë kohë më parë për MUP-in serb, e mohoi ta ketë dhënë atë deklaratë.

Po ashtu këtë javë gjatë konferencës për ecurinë e çështjes në çështjen Thaçi dhe të tjerët, ZPS-ja njoftoi se janë edhe 65 dëshmitarë për t’u thirrur në gjykatë si dhe 54 dëshmi për t’u pranuar me shkrim, por ky numër mund të zvogëlohet në të ardhmen.

Duke iu përgjigjur kërkesës së trupit gjykues, ZPS-ja deklaroi se data e synuar e 1 prillit 2025 për përfundimin e çështjes së tyre është e arritshme. Ata gjithashtu deklaruan se përditësimi i tyre i radhës mbi numrin e dëshmitarëve do të bëhet deri më 1 nëntor të këtij viti.

ZPS-ja shprehu synimin e saj për të thjeshtëzuar dëshminë e të paktën 7 dëshmitarëve, duke i kthyer potencialisht disa prej tyre në deklarata me shkrim ose duke përjashtuar të tjerët fare.

Gjithashtu, palët biseduan për përshpejtimin e procedurave dhe diskutuan aspektet e ardhshme, siç janë mocionet sipas Rregullës 130 dhe kohëzgjatja e paraqitjes së provave prej Mbrojtësit të Viktimave dhe prej Mbrojtjes, në qoftë se kanë.

Trupi gjykues ka shpallur edhe orarin e modifikuar të seancës së planifikuar më 21 tetor, e cila do të zhvillohet nga ora 13:00 deri në 16:30.

Mbrëmë u sulmua prona e ish-kryetarit të Zubin Potokut

Një shpërthim ka ndodhur mbrëmë vonë në Zubin Potok, i cili dyshohet se ka shkaktuar edhe një zjarr në një ndërtesë të pabanuar.

Lajmin e konfirmuar zëvendësdrejtori i policisë për rajonin e veriut, Veton Elshani, i cili bëri të ditur se nga ky shpërthim nuk ka të lënduar.

“Në Zubin Potok është raportuar një shpërthim nga i cili dyshohet se ka shkaktuar edhe një zjarr në një ndërtesë të pabanuar e të papërfunduar”.

“Nuk ka të lënduar, ndërsa policia dhe zjarrfikësit janë në vendin e ngjarjes. Ende nuk dihet se nga ҫka është shkaktuar shpërthimi, por njësitet policore adekuate janë në vendin e ngjarjes”, thuhet tutje në konfirmim.

Rastin e ka dënuar Izmir Zeqiri, kryetari Zubin Potokut, i cili tha se mbrëmë është sulmuar prona e ish-kryetarit të kësaj komune.

“Dënoj fuqishëm sulmin e mbrëmshëm ndaj pronës së ish kryetarit të komunës së Zubin Potokut dhe apeloj te organet e rendit që sulmuesit t’i kapin dhe t’i qesin para drejtësisë”, ka shkruar Zeqiri në Facebook.

“Sulmet e ngjashme të cilat po ndodhin kudër jetës dhe pronave të qytetarëve janë të  papranueshme dhe nuk do të na ndalin në punën dhe angazhimet tona për rend dhe ligj”.

---

ARTIKUJ TË NGJASHËM:

Vjen paralajmërimi: Gjërat në Ballkan po nxehen sërish, Rusia dhe Serbia qëndrojnë prapa

 

LAJMI I FUNDIT: Shpërthim i fuqishëm në Veri, Policia në vendngjarje

Një shpërthim i fuqishëm është dëgjuar para disa minutash në Zubin Potok.

Dyshohet se bëhet fjalë për një mjet shpërthyes me fuqi të madhe, shkruan “Jepi zë”.

Mësohet se shpërthimi ka ndodhur tek në vend që njihet si “Mokra Gora”.

Policia ka dalë në vendin e ngjarjes dhe po merret me rastin.

 

Shpërthim i fuqishëm në Zveçan, Policia jep detaje

Vjen paralajmërimi: Gjërat në Ballkan po nxehen sërish, Rusia dhe Serbia qëndrojnë prapa

Ende nuk dihet për dëmet që mund të ketë shkaktuar shpërthimi.