Qeveria jep detaje për takimin e Kurtit me Sarrazin

Kryeministri i Republikës së Kosovës, Albin Kurti, i shoqëruar nga Ministrja e Industrisë, Ndërmarrësisë dhe Tregtisë, Rozeta Hajdari, priti në takim Përfaqësuesin e Posaçëm të Gjermanisë për Ballkanin Perëndimor, Manuel Sarrazin të shoqëruar nga Ambasadori i Gjermanisë në Kosovë, Jörn Rohde.

Kryeministri i Republikës së Kosovës, Albin Kurti, i shoqëruar nga Ministrja e Industrisë, Ndërmarrësisë dhe Tregtisë, Rozeta Hajdari, priti në takim Përfaqësuesin e Posaçëm të Gjermanisë për Ballkanin Perëndimor, Manuel Sarrazin të shoqëruar nga Ambasadori i Gjermanisë në Kosovë, Jörn Rohde.

Në takim u bisedua për progresin në zbatimin e marrëveshjeve të mobilitetit në Procesin e Berlinit, bashkëpunimin rajonal dhe pritjet nga samiti i radhës që në 10-vjetorin e tij do të mbahet në Berlin.

Kryeministri theksoi që në kohën kur në rajon shtyheshin platforma të tjera paralele, Kosova është angazhuar plotësisht në Procesin e Berlinit duke kërkuar ri-energjizimin dhe fuqizimin e tij si një platformë që ofron barazi dhe përshpejton procesin e anëtarësimit në Bashkimin Evropian për vendet që duan të anëtarësohen.

Është e rëndësishme që para samitit të radhës të arrijmë jo vetëm marrëveshje të reja por edhe të sigurojmë zbatimin e marrëveshjeve që tashmë kemi nënshkruar, tha Kryeministri dhe e falënderoi z. Sarrazin për kontributin dhe rolin e tij në forcimin e marrëdhënieve ndërmjet Republikës së Kosovës dhe Gjermanisë, si dhe në avancimin e bashkëpunimit rajonal.

Aksidenti me fatalitet në Gjilan, ky është këmbësori që u godit për vdekje nga vetura

Një ngjarje e rëndë ka ndodhur pasditen e sotme në Veleknicë të Gjilanit, ku si pasojë e një aksidenti mes një veture dhe këmbësori, një person ka humbur jetën, raporton Gazeta Sinjali

Viktima dyshohet se është goditur nga një veturë teksa po kalonte rrugën, teksa mjeku kujdestar ka konstatuar vdekjen e tij pas ndihmës së ofruar nga Emergjenca rajonale në Gjilan, ku i njëjti nuk kishte arritur t’iu mbijetojë plagëve.

 

Sinjali mëson se personi që mbeti i vdekur nga ky aksident është Ridvan Xhemaili, 37-vjeçar.

 

Lidhur me rastin Policia dha detaje shtesë, ku është bërë e ditur se drejtuesi i veturës tashmë është ndaluar për 48 orë.

“Shkaqet se si ka ardhur deri te ky rast i rëndë po hetohet nga Policia e Kosovës njësia e hetimeve të trafikut rajonal në Gjilan”, u tha në njoftim nga Policia

Haziri: Qeveria Kurti do të mbahet mend për depresion të madh politik dhe ekonomik , 350 eurot barazi në varfëri

Haradinaj – Kurtit: Mos mashtro, ASK të ka tregu që mbi 211 mijë qytetarë e kanë braktisë Kosovën

Kreu i Aleancës për Ardhmërinë e Kosovës, Ramush Haradinaj, ka akuzuar Qeverinë Kurti se po mashtron me shifrat për zhvillim ekonomik dhe punësim, referuar deklaratës së Kryeministrit Albin Kurti i cili tha sot ka pasur  rritje të buxhetit të shtetit dhe tha se kjo është përkthyer në punësim të shtuar.

Haradinaj ka pyetur Kryeministrin Albin Kurti se meqë ka rritje të buxhetit për 35 përqind, pse s’po i rrit pagat e pensionet për 25 përqind. Sipas tij, një rritje e tillë mund të bëhet pa asnjë problem qysh sot.

Ai i ka përmendur Kurtit edhe shifrat e emigrimit gjatë mandatit qeverisës.

“Agjencioni i Statistikave që është pjesë e zyrës së Kryeminstrit të ka tregu që 211, 749 qytetarë e kanë braktisë Kosovën për 4 vite sa ti ke qeverisë. Nëse flet me të rinj, shumë prej tyre janë duke aplikuar dhe duke u përpjekur që të ikin dikah. Nuk ke asnjë ide asnjë koncept me ndihmu vendin përveç populizmit, fjalëve të bukura dhe veprimeve boshe. Mos abuzo me statistika e mos mashtro. Kërkah s’është drejtimi që i ke dhënë Kosovës. Me trendet që i ke nuk besoj që të duhet fitorja në zgjedhje. Nuk përfiton Kosova e jam i sigurt që as ti, sepse “zullumi këputet për së trashi” thotë populli”, ka shkruar Haradinaj.

Ndryshe, Kryeministri Albin Kurti ka thënë sot se ka pasë rritje të bruto produktit vendor e buxhetit të shtetit dhe tha se kjo është përkthyer në punësim të shtuar.

Sipas Kurtit, krahasuar me vitin 2021 punësimi në Kosovë është rritur me 20%, raporton Gazeta Express.

“Krahasuar me vitin 2021, tash që po flasim më 2024, bruto produkti vendor është për 1/3 më i lartë, ndërkaq buxheti shtetëror vjetor është për 35% më i lartë. Sigurisht që kjo është përkthyer edhe në punësim të shtuar. Krahasuar me para tri viteve, punësimi në Kosovë është rritur me 20%, përfshirë këtu dyfishimin e të rinjve të punësuar e padyshim që kjo ka ndikuar edhe në rritjen e fitimit dhe zgjerimin e aktivitetit të sektorit privat”.

Këto deklarata Kurti i bëri në ceremoninë e nënshkrimit të kontratave me përfituesit nga Programi për Zhvillim Rajonal të Balancuar.

Ai aty është zotuar se do të mbështesë sektorin privat të cilin e ka cilësuar si faktor të rëndësishëm të punësimit dhe rritjes ekonomike. Po ashtu, Kurti ka thënë se mbështetja e bizneseve ka qenë e vazhdueshme dhe e lartë.

Bajrami i reagon Kurtit: Papunësia është ulur, sepse fuqia punëtore ka ikur nga Kosova

Deputetja e LDK’së, Hykmete Bajrami, i është kundërpërgjigjur ministrit Murati për shifrat që dha Kurti sot për punësimin.

Bajrami tha se e vërteta e vetme është se vende punë të qëndrueshme që për 12 muaj kanë paguar kontribur në Trust janë: në vitin 2020 10,179, në vitin 2021 16,877, në vitin 2022 15,833 dhe në vitin 2023 12,551.

Sipas Bajramit këto janë të dhënat e sakta dhe të tjerat janë mashtrime.

Ajo ia ka shtruar pyetjet që në një postim tjetër ia shtroi kryeministrit Kurti:

“E nëse bash je  i sigurt minister në atë se çka po thu pse s’po përgjigjesh në pyetjet që ja parashtrova Kryeministrit?

Qysh krijohen vende shumë pune kur rritjen ekonomike e keni vetëm 4.3% (20222); 3.3% (2023) dhe pret me pasë rritje max 3.9 (2024)?

Qysh ka mundësi me lulëzu punësimi kur eksporti në vitin 2023 ka qënë vetëm 819 milionë euro ndërsa importi ka qënë 5.7 milardë euro, dmth. deficit tregtar 4 miliardë e 947 milionë euro?

Qysh po u krijojkan vende punë kur investimet kapitale gjatë mandatit janë vetëm 11% buxhetit dhe investimet private  i ke në rënie?

Sa qytetarë kanë ikë nga Kosova nga viti 2021?”

Bajrami ka thënë se tabela që e ka përdorur Murati e demanton vetë atë.

“Përndryshe tabela që ke përdorë po të demanton ty sepse po thotë se  i ke 853 mijë llogari aktive, andaj sipas interpretimit tënd po i bie që në Kosovë janë 853 mijë të punësuar, por une, ti edhe secili qytetar e dimë që 853 mijë të punësuar në vend nuk i kemi.”

Bajrami ka shtuar se llogari të reja mund të ketë por këtu hyjnë edhe ata që kanë paguar kontribut vetëm një herë gjatë këtij viti.

“Për sqarim: llogari të reja mund të ketë, por këtu hyjnë edhe ata që kanë paguar kontribut vetëm njëherë gjatë këtij viti ose atyre që me skema Hekurani jau paguan 260 euro për 6 muaj edhe kur nuk shkojnë fare në punë, POR të punësuar të vërtetë brenda një viti janë ata që paguajnë Trust rregullisht, sipas të dhënave me lart.”

Ajo i ka thënë Muratit “mjaft manipulove ministër”.

PDK: Kurti po e mashtron publikun

Koordinatori për financa në kuadër të Kabinetit për Qeverisje të Mirë të PDK-së, Arben Mustafa, ka kundërshtuar deklaratën e kryeministrit Albin Kurti se Kosova ka shënuar rritje enorme të punësimit gjatë këtyre katër viteve.

Mustafa në një postim në Facebook, ka shkruar se kjo nuk është gjë tjetër përveç se një tendencë për mashtrim të publikut.

“Se çka mund të ketë ndodhë me punësimin gjatë këtyre viteve, më së miri tregon figura e mëposhtme e cila shpërfaqë stagnimin e ekonomisë. Me rritjen ekonomike nën 4%, investimet private në rënie të vazhdueshme,  investimet publike më të ulëtat dhe  deficitin tregtar më të lartin në histori nuk mund të ketë lulëzim të ekonomisë e as të punësimit”, ka shkruar Mustafa.

Ai ka shtuar se punësimet e përkohshme nga 6 muaj me para të shtetit nuk flasin për punësim, po vetëm për një mekanizëm të transferit të përkohshëm të një shume të parave te qytetarët.

“Nuk ka rritje të punësimit me këtë aktivitet të ulët ekonomik!”, ka shkruar Mustafa.

Kurti kërkon hapjen e arkivave në Serbi

Kryeministri Kurti, në një tryezë diskutimi për personat e zhdukur, ka thënë se strategjia e Serbisë për fshehjen e krimeve po vazhdon të zbatohet edhe sot nga trashëgimtarët politikë të Millosheviqit.

“Sivjet janë bërë 25 vite nga përfundimi i luftës në Kosovë me epilog clirimin e vendit dhe popullit tonë nga Serbia pushtuese. Gjatë viteve 1998-1999 forcat policore dhe ushtarake të Serbisë, të urdhëruara nga shteti i Serbisë, kryen qindra masakra dhe mijëra zhdukje me dhunë mbi shqiptarët e Kosovës në kuadër të projektit gjenocidal për shfarosjen e popullit tonë. ‘Nuk ka kufomë, nuk ka krim’, ishte strategjia e shtetit të Serbisë për fshehjen e krimeve të kryera mbi shqiptarët në Kosovë. Kjo strategji vazhdon të zbatohet edhe sot nga trashëgimtarët politikë të Millosheviqit në Beograd”.

Ai përmendi marrëveshjen e nënshkruar më 2 maj të vitit 2023 për të zhdukurit, dhe ka shtuar se Serbia nuk po i ndan të dhënat nga arkivat e tyre për gërmimin në lokacionin Gozhle.

Kurti bëri thirrje që të hapen arkivat në Serbi.

“Këtë javë pas shumë përpjekjesh e angazhimesh nga komisioni ynë qeveritar, kanë filluar përgatitjet përgatitjen për gërmime në lokacionin Gozhle mes Novi Pazarit dhe Tutinit në Serbi dhe shpresojmë që kjo nuk është një përpjeke e re e shtetit serb për të evituar nga agjenda e gërmimeve lokacionet e tjera të shenjuara nëpër Serbi. Deri më tani shteti serb nuk ka ndarë të dhëna nga arkivat e tyre për këtë lokacion andaj ne edhe sot e përsërisim kërkesën tonë për hapjen e arkivave në Serbi. Në bazë të marrëveshjes sonë në Bruksel më 2 maj të vitit 2023, tashmë kemi dërguar disa kërkesa zyrtare për hapjen e arkivës të Brigadës 37 të motorizuar të ushtrisë jugosllave përgjegjëse për shumë masakra në Kosovë e sidomos në rajonin e Drenicës”.

Kurti tha se 1 mijë e 585 persona janë zhdukur gjatë luftës.

“Kemi nevojë për drejtësi që ekzekutorët e urdhërdhënësit të vendosen prapa grilave. Kemi nevojë edhe për mbështetja ndërkombëtare por edhe për mobilizimi kombëtar. Kriminelët e luftës duhet të përballen me drejtësi sepse këto krime sikurse që nuk vjetrohen, as nuk falen”.

“Qeveria është e përkushtuar në trajtimin e çdo informate që kontribuon në zgjidhjen e rasteve të personave të zhdukur. Sipas të dhënave të komisionit tonë qeveritar janë rreth 13 lokacione brenda territorit të Kosovës të adresuara në kuptim të gërmimit vlerësues”, tha ai.

Rritja e pagës minimale, Rukiqi: Vendim i vonshëm, e gjitha për përfitime elektorale

Anëtari i LDK-së, Berat Rukiqi, e ka publikuar një tabelë me çmimet esenciale dhe pagën minimale të vitit 2021 dhe atë vitit 2024, e cila është rritur nga qeveria dje në një vendim.

Në një postim në Facebook, ai ka theksuar se vendimi i ekzekutivit për pagën minimale është i vonshëm.

“Këto të dhëna janë treguesi më i saktë, për efektin real të vendimeve të Qeverisë në raport me pagën minimale, të cilat po kthehen në vendime pa efekt për mirëqenien e qytetarëve, pasi që janë të vonshme dhe bëhen shkel e shko, puro për përfitime elektorale të partisë në pushtet”, ka thënë Rukiqi.

Më poshtë e keni listën që e ka publikuar Rukiqi:

I përkasin fesë islame, lojtari shqiptar dhe ai francez nuk respektojnë birrën e Bayern Munchenit

Skuadra e Bayern Munchen ka publikuar foton e edicionit 2024/25 dhe si gjithmonë e pranishme është edhe sponsori gjeneral, birra “Paulaner”.

Ajo që bie në sytë e të gjithëve është mos respektimi i birrës nga dy lojtarët, Arijon Ibrahimovic dhe Sacha Boye, shkruan Indeksonline

Dy lojtarët i përkasin fesë islame, prandaj nuk pranuan të dalin me birrë në duar.

Kjo ka ndodhur edhe më parë te skuadra e Bayern Munchen. I fundit që e bëri një gjë të tillë ishte Sadio Mane, i cili poashtu është musliman.

“Mund t’i kryejnë të gjitha shërbimet”, Rizvanolli dhe Krasniqi në veri për hapjen e degës së Postës së Kosovës

Posta e Kosovës e ka hapur të enjten degën e saj të parë në Mitrovicë të Veriut.

Zyrtarë të lartë të Qeverisë së Kosovës, ministrja e Ekonomisë, Artane Rizvanolli, dhe ai i Administrimit të Pushteit Lokal, Elbert Krasniqi, kanë marrë pjesë në hapjen e kësaj dege, në orët e hershme të mëngjesit, siç raporton Radio Evropa e Lirë.

Disa aktivistë dhe përfaqësues të partisë politike, Demokracia Serbe, kanë protestuar kundër hapjes së kësaj dege.

Ministrja Rizvanolli ka thënë se Posta e Kosovës synon të ofrojë shërbime postare për të gjithë, në të gjitha anët e Kosovës, dhe se pika e hapur është e nënta që hapet në veri të vendit.

“Është shumë e rëndësishme që kjo zyrë është hapur sot këtu dhe qytetarët e Mitrovicës së Veriut tani kanë mundësinë të vizitojnë këtë degë dhe t’i kryejnë të gjitha shërbimet që ofron kjo degë. Ka shërbime postare dhe të Telekomit”, ka thënë ministri Krasniqi para mediave.

Hapja e kësaj dege vjen pas mbylljes së nëntë degëve të Postës së Serbisë në veri të Kosovës, pas informacionit të siguruar nga Autoriteti Rregullativ për Komunikime Elektronike dhe Postare (ARKEP) se ato degë kanë vepruar jashtëligjshëm në territorin e Kosovës.

Mbyllja e këtyre degëve të Postës së Serbisë është dënuar nga Shtetet e Bashkuara dhe Bashkimi Evropian, dhe është vlerësuar si hap i njëanshëm prej autoriteteve të Kosovës.

Në degët e kësaj Poste, qytetarët kanë marrë ndihmat që ndan shteti i Serbisë për ta – pensionet dhe shtesat për fëmijë – si dhe të kryejnë shërbime tjera postare.

Posta e Kosovës ka vepruar si njësi biznesi në kuadër të Telekomit të Kosovës deri më 2021, kur me vendim të Qeverisë së Kosovës është themeluar si ndërmarrje publike qendrore.