E dhimbshme: Ndahet nga jeta nxënësi prishtinas

Nxënësi i shkollës fillore “Ismail Qemali” në Prishtinë, Mal Çavdarbasha, i cili ishte në shërim jashtë vendit, u nda nga jeta sot, raporton Gazeta Sinjali.

Lajmin e ka bërë të ditur familja dhe shkolla, ku shprehën dhimbjen dhe pikëllimin për lajmin e hidhur që morën.

“Të dashur familjarë dhe miq, me pikëllim të thellë njoftojmë se sot ndërroi jetë drita e shtepisë sonë Mal Çavdarbasha.

Varrimi behët nesër (25 tetor, e premtë) me ikindi në varrezat e qytetit në Prishtinë.

E pamja do të mbahet tre ditë në datat 26, 27, 28 Tetor (e shtunë, e dielë dhe e hënë) prej 09:00 deri ne 17:00 në Hotel Grand, Prishtinë.” – thuhet në njoftimin e familjes.

Nga shkolla kanë shkruar se Mali ishte në shërim jashtë Kosovë qe një kohë.

“E nderuara famije Çavdarbasha, të nderuar kolegë, nxënës e ju prindër të nderuar, me dhimbje e pikëllim të thellë morëm lajmin për vdekjen e nxënësit tonë Mal Çavdarbasha, i cili ishte në shërim jashtë vendit për një kohë!”

“Presidentja u zgjodh me ndihmën e Radoiçiqit” – Osmani iu përgjigjet akuzave të Pacollit

Presidentja Vjosa Osmani, ka thënë se vendi ndodhet në prag të zgjedhjeve të përgjithshme, prandaj edhe mund të dëgjohen lloj-lloj deklaratash.

Këto komente ajo i bëri kur u pyet nga gazetarët rreth akuzave të kreut të AKR-së, Begjet Pacolli, se ai ka komunikuar me Milan Radoiçiqin për të siguruar votat që do të mundësonin formimin e Qeverisë së re dhe zgjedhjen e presidentes.

Kjo kërkesë siç kishte thënë Pacolli kishte ardhur nga kryeministri Albin Kurti dhe presidentja Osmani. Por e para e shteti këtë e ka quajtur fushatë, duke u rekomanduar medieve që për çdo pyetje t’i drejtohen me shkrim.

“Është kohë zgjedhjesh, mund të dëgjoni lloj-lloj deklaratash kështu që iu kisha lutur për çka do që keni pyetje t’i drejtori në Presidencë”, u tha ajo gazetarëve.

Behgjet Pacolli, kryetari i AKR-së ka thënë se ka biseduar me Milan Radoiçiqin, ish-nënkryetarin e Listës Serbe – tash kryeterrorist për sulmin në Banjskë të Zveçanit.

Pacolli shtoi se biseda me Radoiçiqin ishte kërkuar nga kryeministri Albin Kurti dhe presidentja Vjosa Osmani për të siguruar votat që do të mundësonin formimin e qeverisë së re dhe zgjedhjen e presidentes.

“Qeveria miratoi 12 vendime të rëndësishme”

Qeveria e Kosovës ka mbajtur ditën e sotme mbledhjen e rradhës. Kjo ishte mbledhja e 226 e kësaj Qeverie.

Në këtë mbledhje janë marrë 12 vendime në kategori të ndryshme. Kështu e ka bërë të ditur kryeministri i Kosovës, Albin Kurti.

‘’E filluam me nismën për lidhjen e Marrëveshjes së Bashkëpunimit “Protokoll për Trajnimin dhe Bashkëpunimin në Fushën e Shëndetit Ushtarak” ndërmjet Ministrisë sonë të Mbrojtjes dhe Ministrisë së Mbrojtjes së Republikës së Turqisë. Me këtë marrëveshje kuota e trajtimeve mjekësore në dispozicion të ushtarakëve tanë rritet nga 50 në 75 në vit. Të gjitha këto trajtime janë falas dhe bëhen në spitale ushtarake’’, ka thënë Kurti.

Më tutje Kurti ka thënë se si Qeveri kanë miratuar dy projektligje shumë të rëndësishme.

‘’Miratuam dy projektligje me rëndësi:- Projektligjin për Agjencinë e Menaxhimit të Emergjencave;- Projektligjin për Inspektoratin Qendror të Mjedisit, Ujërave, Natyrës, Ndërtimit si dhe Mbrojtjen nga Rrezatimi dhe Siguria Bërthamore’’, ka thënë Kurti.

Në mesin e vendimeve që u morrën ishin edhe:

– miratimi i Katalogut të Vendeve të Punës për Shërbimin Civil, i cili përmban mbi 1500 pozita si dhe klasat, grupet dhe fushat e kërkuara të arsimit për këto pozita të kategorisë profesionale;

– shpronësimi përfundimtar i pronave të prekura nga realizimi i projektit të Kompleksit Memorial “Masakra e Reçakut”;

– aprovimi i Programit të Zyrës për Çështje të Komuniteteve, që përmes granteve dhe subvencioneve parasheh avancimin e të drejtave të komuniteteve joshumicë, integrimin e plotë dhe zhvillimin e barabartë.

Qeveria mban mbledhje, miratohet ky projektligj

Qeveria e Kosovës ka miratuar Projektligjin për Agjencinë e Menaxhimit të Emergjencave. Përmes këtij projektligji u tha se do të bëhet përgatitja më e mirë e strukturave për menaxhimin e emergjencave.

Ekzekutivi i dha dritën e gjelbër edhe nismës për lidhjen e marrëveshjes për bashkëpunim me Turqinë, për “shëndetin ushtarak”.

Krahas këtyre, qeveria mori vendim edhe për themelimin e komitetit drejtues për mbikëqyrjen e zbatimit të projektit “Skema e profesionistëve të rinj” në kuadër të programeve IPA 2018.

Pamje emocionuese e ditëve të para të lirisë kur Kadri Veseli çmallej më fëmijët

Kadri Veseli , ishte njëri nga figurat kryesore të Ushtrisë Çlirimtare të Kosovës ku dhe në të njëjtën kohë, ai ka mbështetur në mënyrë aktive procesin e paqes në Rambuje, transmeton Gazeta Imazhi.

Teksa ai po gjykohet lidhur me luftën e Ushtrisë Çlirimtare të Kosovës nga Gjykata Speciale në rrjet po çarkullon një video ku shihet se si ish-kreu i UÇK-së, Kadri Veseli po çmallej me një fëmijë në ditët e para të lirisë.

Në video ish-kryetari i PDK-së shihej duke e përkëdhelur fëmijën dhe shumë i emocionuar.

Kjo video u publikua nga Esat Shala.

E hëna tragjike për familjet Parallangaj dhe Parallaga: Këta janë dy të rinjtë që humbën jetën në aksidentin në Prizren

Një aksident i rëndë me fatalitet ka ndodh mbrëmë në autostradën “Ibrahim Rugova”, raporton Gazeta Sinjali.

Aksidentin me të vdekur e konfirmoi edhe Policia.

“Me datë 21.10.2024 rreth orës 18:40 në autostradën “Dr. Ibrahim Rugova” në Prizren Veri-Prizren Jug; km-13 është shkaktuar një aksident trafiku me fatalitet ku janë të përfshira: Një automjet me targa të huaja, një kamion dhe një automjet me targa vendore”.

Gazeta Imazhi raportoi se nga aksidenti kanë mbetur të vdekur dy persona të cilët janë: Flurim Parallangaj, 29 vjeçar dhe Ardit Parallaga, 21 vjeçar nga Lugishta e Hasit.

Fotografitë e dy të rinjëve i ka publikuar Adem Morina, drejtori i Kulturës në komunën e Prizrenit. Ai u ka shprehur ngushëllime familjeve për rastin e rëndë.

Viktimat siç mësohet  janë gjetur në një veturë me targa të Bosnjës.

Nga aksidenti kanë mbetur edhe tre persona të lënduar. Te vetura me targa vendore kanë mbetur dy të lënduar, ndërsa te kamioni edhe një person tjetër.

E rëndë: Ky është njëri nga viktimat që vdiq sonte pas aksidentit në autostradën “Ibrahim Rugova”

Dy persona kanë vdekur si pasojë e një aksidenti që ka ndodhur sonte në autostradën “Ibrahim Rugova”.

I riu Ardit Pallanangaj është njëri nga viktimat që humbi jetën nga aksidenti tragjik, shkruan Gazeta Imazhi.

Rastin e ka konfirmuar edhe ushtruesi i detyrës së kryeprokurorit të Prizrenit, Petrit Kryeziu.

“Dy persona kanë vdekur në vendin e ngjarjes. Po ashtu ka edhe persona të lënduar të cilët janë rrezikut për jetë. Në aksident kanë qenë të përfshirë dy vetura dhe një kamion. Në vendin e ngjarjes ka dal edhe prokurori kujdestar dhe po zhvillohen hetimet lidhur me rastin”, tha ai për media.

Këta janë dy të rinjtë që vdiqën sonte në aksidentin në autostradën “Ibrahim Rugova”

E dhimbshme: Ky është i riu që vdiq nga aksidenti tragjik

Në orët e para të mëngjesit të sotëm, rreth orës 06:40, një aksident me i rëndë në Gjilan, mes një kamioni dhe një veture, la të vdekur të riun 33-vjeçar, drejtues i veturës, teksa drejtuesi i kamionetës dhe një pasagjer sipas mjekut kujdestar janë jashtë rrezikut për jetë shkruan Gazeta Imazhi.

Gazeta Imazhi ka mësuar se viktima e këtij aksident të rëndë është Osman Sopi, teksa për humbjen e tij tashmë janë deklaruar edhe familjarët.

“Të Allahut jemi dhe te Ai do të kthehemi. Sot me datë 21.10.2024 ndërroi jetë më i dashuri jonë Osman Sopi. E lusim Allahun e Madhëruar ta mëshirojë shpirtin e tij fisnik dhe ta shpërblejë me Xhenetin Firdeus! Ma thave krahun vlla”, thuhet në njoftimin e familjarëve.

Lajmin e ka konfirmuar zëdhënësi i Policisë për Rajonin e Gjilanit, Ismet Hashani, i cili tha se në aksident janë përfshirë një kamionetë dhe një veturë.

“Ju njoftojmë se sot më 21.10.2024 rreth ores 06:40 është  raportuar për një aksident trafiku me lëndime në rrugën e Kamenicë afër pompës së karburanteve ” Hib Petrolit”. Njesia e Trafikut Rajonal dhe Ndihma e parë menjëherë kanë dalë në vend të ngjarjes. Edhe për kundër ndihmës së ofruar nga ekipi i Qendrës Emergjente jemi njoftuar  se rreth orës  07:38 vozitësi i veturës i moshës rreth 33 vjeçar ka ndërruar jetë. Drejtuesi i kamionetës dhe një pasagjer sipas mjekut janë jashtë rrezikut për jetë. Prokurori i shtetit është njoftuar për rastin dhe i njëjti ka dalë në vendin e ngjarjes.”

Prokuroria Speciale nis hetimet ndaj ministrit të Qeverisë Kurti, dyshohet se e dëmtoi buxhetin e shtetit për miliona euro

Prokuroria Speciale ka marrë aktvendim për zgjerimin e hetimeve në çështjen e ambalazhuesve të ujit. I pandehuri rezulton të jetë Ministri i Mjedisit Planifikimit Hapësinor dhe Infrastrukturës Liburn Aliu.

Ministri Aliu dyshohet se gjatë periudhës kohore, prej vitit 2021-2024 në cilësinë e personit zyrtar, pra si ministër, me qëllim të përfitimit të kundërligjshëm të dobisë pasurore për vete apo të tjerët dhe për t’i shkaktuar dëme buxhetit të Republikës së Kosovës, ka keqpërdorur pozitën zyrtare.

Ai dyshohet se ka qenë në dijeni se zyrtarët e kësaj ministrie të pandehurit Izedin Bytyqi dhe Naser Hafizi vepruan në kundërshtim të plotë me rregullat, procedurat e ligjet në lidhje me llogaritjen e borxheve, sipas dokumentit të siguruar nga Nacionale.

Ministri Liburn Aliu dyshohet se ka lejuar, me qëllim përfitimi e për t’i shkaktuar dëm buxhetit të shtetit, që operatorëve ekonomik t’u zvogëlohen borxhet.

Më këtë sipas aktvendimit për zgjerimin e hetimeve, ministri Aliu i ka shkaktuar dëme buxhetit të Kosovës miliona euro.

E rëndë: Aksident me fatalitet, vdes një i ri

Një person ka vdekur dhe dy janë lënduar si pasojë e një aksidenti në rrugën e Kamenicës mëngjesin e së hënës.

Lajmin për Gazetën Insajderi e ka bërë të ditur zëdhënësi i Policisë për rajonin e Gjilanit, Ismet Hashani. Ai ka bërë të ditur se përkundër ndihmës së ofruar në emergjencë, viktima e moshës 33-vjeçare vdiq si pasojë e plagëve të marra.

“Ju njoftojmë se sot më 21.10.2024 rreth ores 06:40 është  raportuar për një aksident trafiku me lëndime në rrugën e Kamenicë afër pompës së karburanteve ” Hib Petrollit”. Njesia e Trafikut Rajonal dhe Ndihma e parë menjëher kanë dalë në vendë të ngjarjes. Edhe për kundër ndihmës së ofruar nga ekipi i Qendres Emergjente jemi njoftuar  se rreth orës  07:38 vozitësi i veturës i moshës rreth 33 vjeçar ka ndrruar jetë”, ka bërë të ditur Hashani.

I njëjti ka bërë të ditur se në aksident kanë qenë të përfshirë një kamionetë, ku drejtuesi i saj dhe një pasagjer janë jashtë rrezikut për jetë.

Njësitet e trafikut rajonal janë duke i hetuar rrethanat se si ka ardhur deri tek aksidenti i rëndë.