Qeveria mban mbledhje elektronike, merr këto vendime

Qeveria e Republikës së Kosovës ka mbajtur mbledhje elektronike, e 224-ta me radhë, në të cilën ka miratuar:

-Rritjen e shumës së përfitimit të skemave Pensionale të financuara nga shteti duke filluar nga muaji tetor 2024, për skemat dhe nën-programet si në vijim:

1.1. Pensionet bazike – sociale, nga shuma aktuale prej njëqind euro (100.00€) në shumën prej njëqind e njëzetë euro (120.00€).

1.2. Pensioni kontributdhënës I – nga shuma aktuale prej njëqind e tetëdhjetë e dy euro (182.00€) në shumën prej dyqind e tetëmbëdhjetë euro e dyzetë cent (218.40€).

1.3. Pensioni kontributdhënës II – nga shuma aktuale prej njëqind e nëntëdhjetë e tetë euro (198.00€) në shumën prej dyqind e tridhjetë e shtatë euro e gjashtëdhjetë cent (237.60€).

1.4. Pensioni kontributdhënës III – nga shuma aktuale prej dyqind e katërmbëdhjetë euro (214.00€) në shumën prej dyqind e pesëdhjetë e gjashtë euro e tetëdhjetë cent (256.80€).

1.5. Pensioni kontributdhënës IV – nga shuma aktuale prej dyqind e gjashtëdhjetë e pesë euro (265€) në shumën prej treqind e tetëmbëdhjetë euro (318€).

1.6. Skema e fëmijëve me aftësi të kufizuar 1-18 – nga shuma aktuale prej njëqind euro (100€) në shumën prej njëqind e njëzetë euro (120€).

1.7. Pensionet e aftësisë së kufizuar – nga shuma aktuale prej njëqind euro (100€) në shumën prej njëqind e njëzetë euro (120€).

1.8. Pensioni për personat e verbër I – nga shuma aktuale prej njëqind e njëzetë e pesë plus njëqind e njëzetë e pesë euro (125+125€) në shumën prej njëqind e pesëdhjetë plus njëqind e pesëdhjetë euro (150+150€).

1.9. Pensioni për personat e verbër II – nga shuma aktuale prej njëqind e njëzetë e pesë euro (125€) në shumën prej njëqind e pesëdhjetë euro (150€).

1.10. Pensioni për personat paraplegjikë dhe tetraplegjikë I – nga shuma aktuale prej njëqind e pesëdhjetë plus njëqind e pesëdhjetë euro (150+150€) në shumën prej njëqind e tetëdhjetë plus njëqind e tetëdhjetë euro (180+180€).

1.11. Pensioni për personat paraplegjikë dhe tetraplegjikë II – nga shuma aktuale prej njëqind e pesëdhjetë euro (150€) në shumën prej njëqind e tetëdhjetë euro (180€).

1.12. Pensioni familjar – nga shuma aktuale prej njëqind euro (100€) në shumën prej njëqind e njëzetë euro (120€);

1.13. Pensioni invalidor i punës – nga shuma aktuale prej njëqind euro (100€) në shumën prej njëqind e njëzetë euro (120€).

1.14. Pensioni i parakohshëm për Trepçën – nga shuma aktuale prej njëqind e njëzetë e gjashtë euro (126€) në shumën prej njëqind e pesëdhjetë e një euro e njëzetë cent (151.20€).

– Emëruar Komisionin Ad hoc për Vlerësimin Profesional për Pranim për Pozitën e Lartë të Kategorisë Drejtuese: Sekretar i Përgjithshëm në Ministrinë e Ekonomisë, në këtë përbërje:

Ish-Kryeministri Boris Johnson në librin e ri përmend Thaçin: Kosova në periudhë të vështirë, ai u detyrua…

Ish-kryeministri i Britanisë së Madhe, Boris Johnson, ditë më parë ka botuar një libër me memoaret e karrierës së tij si kryeministër britanik. Në librin që mban titullin “Unleashed”, Johnson ka përmendur shumë burrështetas botërorë.

Johnson aty shkruan edhe për marrëdhëniet e tij shumë të mira me ish-presidentin e Kosovës, Hashim Thaçin.

Ai shkruan se me presidentin Thaçi ruan kujtime shumë të mirë në takimet e shumta që kanë zhvilluar.

“Unë pata një pritje shumë të ngrohtë nga presidenti Hashim Thaçi dhe kam mbajtur gjithmonë marrëdhëniet më miqësore me të”, shkruan ish-kryeministri britanik në librin e tij.

Në librin “Unleashed” që ka dalë në shitje në fillim të kësaj jave, Johnson flet për një periudhë shumë të vështirë që gjendet Kosova, pasi Thaçi u detyrua që të jepte dorëheqje si President i Kosovës.

Ish-presidenti Hashim Thaçi kishte zhvilluar shumë takime me ish-kryeministrin britanik Johnson në Londër, New York dhe në vende të tjera të botës.

 

 

Qeveria miraton një Projektligj të rëndësishëm

Në mbledhjen e sotme të qeverisë është miratuar Projektligji për shërbimet e pagesave.

Lajmin e ka bërë të ditur ministri i Financave, Hekuran Murati, i cili tha se përmes miratimit të këtij projektligji do të hapet rruga e integrimit në zonën SEPA, shkruan IndeksOnline.

“Me integrim në SEPA, bizneset dhe qytetarët tanë parashihet të kursejnë rreth 50 milionë euro në vit nga tarifat e transfereve” tha mes të tjerash Murati, në njoftimin e tij.

Ky është njoftimi i plotë i ministrit:

Sot në Qeveri miratuam Projektligjin për Shërbimet e Pagesave përmes të të cilit do të hapet rruga e integrimit të sistemit tonë financiar me zonën SEPA (Single Euro Payments Area).

Me integrim në SEPA, bizneset dhe qytetarët tanë parashihet të kursejnë rreth 50 milionë euro në vit nga tarifat e transfereve.

Çdo ditë me punë drejt lehtësimit e përmirësimit të jetës së qytetarëve.

Qeveria për të gjithë!

“Mbështetja për pensionistët nuk përfundon këtu”, çfarë po paralajmëron Kurti

Kryeministri i Kosovës, Albin Kurti, ka folur sërish për rritjen e pensioneve prej 20 për qind që u bë në fillim të javës.

Në mbledhjen e 223 të Qeverisë, ai ka theksuar se rritja fillon të zbatohet qysh nga ky muaj, ndërsa nga janari 2025 pritet të rriten pensionet e përcaktuara me Ligjin për Kategoritë e Luftës.

 “Kjo javë nisi me një lajm të mirë për pensionistët. Duke filluar nga ky muaj do të zbatohet rritja prej 20 për qind për pensionin bazik të moshës, atë kontributpagues, të plotë dhe parcial, pensionin e aftësisë së kufizuar për fëmijë dhe të rritur, për të verbër, për punëtorët e Trepçës. Ndërsa nga janari 2025 do të rriten edhe pensionet të përcaktuara me Ligjin për kategoritë e luftës, familjet e dëshmorëve, invalidëve, dëshmorëve, veteranëve, pjesëtarëve të UÇK-së, viktimave të dhunës seksuale, civile dhe familjeve të tyre”, ka thënë Kurti.

Ai ka sqaruar edhe rritjen për këtë kategori se si funksionon.

“Ata që kanë më shumë se një familjar dëshmorë apo të zhdukur do të ndryshojë formula e llogaritjes për anëtarët e tjerë. Nga 20 për qind sa është, shtesa do të llogaritet si 50 për qind e bazës për secilin anëtar tjetër dëshmorë apo të zhdukur”, është shprehur kreu i Qeverisë.

Kurti po ashtu ka bërë të ditur se mbështetja ndaj pensionistëve nuk do të përfundojë me kaq.

“Puna jonë për rritjen e mbështetjes së pensionistëve nuk përfundon me kaq, vazhdon edhe më tej. Me punën tonë drejt finalizimit drejt reformës pensionale, e cila do të sigurojë se ata që kontribuan më shumë për këtë vend të kenë edhe trajtimin përkatës e të dinjitetshëm. Kur kemi hyrë në 6 mujorit e fundit, pensionet, ai bazik është rritur nga 90 në 120, në anën tjetër, katër herë kemi pasur mbështetje financiare nga 100 euro”.

“Prandaj të gjitha këto rritje janë bërë për të zbatuar programin tonë, që ata të cilët kanë nevojë t’ju ndihmojmë më shumë, dhe gjithashtu nuk paraqet reformën pensionale ende të cilën do ta bëjmë në një të ardhme të afërt”, ka potencuar ai.

Tre të arrestuarit për sulmin terrorist në Banjskë deklarohen të pafajshëm

Asnjëri nga tre të akuzuarit për sulmin terrorist në Banjskë të Zveçanit një vit më parë, nuk ka pranuar fajësinë.

Blagoje Spasojeviq, Vladimir Toliq dhe Dushan Maksimoviq kanë refuzuar të pranojnë se janë të fajshëm për akuzat ndaj tyre.

Me kaq ka përfunduar shqyrtimi fillestar dhe ka përfunduar seanca.

Blagoje Spasojeviq, Vladimir Toliq dhe Dushan Maksimoviq janë vetëm tre nga 45 personat që akuzohen për sulmin terrorist në Banjskë.

Jakup Krasniqi do të vijë në Kosovë, kjo është arsyeja

Jakup Krasniqit i është dhënë leja nga Gjykata Speciale për dy ditë në Kosovë.

Burime të Indeksonline bëjnë të ditur se Krasniqi do të qëndrojë në Kosovë nga 10 deri me 12 tetor.

Arsyeja e vizitës së ish-kryeparlamentarit është vizita në familje pas vdekjes së vëllaut, Azemit.

Vizitën dy ditëshe në Kosovë, Krasniqi do ta zhvillojë nën masa të rrepta sigurie.

Policia zbarkon në Ministrinë e Liburn Aliut

Policia e Kosovës ka zbarkuar mëngjesin e sotëm në Ministrinë Mjedisit, Planifikimit Hapësinor dhe Infrastrukturës, raporton Gazeta Sinjali.

Sipas informacioneve të para, raportohet se do të zhvillohen bastisje, me urdhër të Prokurorit të Shtetit.

Akoma nuk dihen dyshimet e ngritura dhe arsyeja e zhvillimit të aksionit brenda hapësirave të ministrisë.

Foto: ATV

Rritja e pensioneve nga Qeveria, kaq është shuma që do të marrin kategoria e luftës

Kryeministri i Kosovës, Albin Kurti, përmes një konference për media, ka njoftuar se është marrë vendimi për rritjen e pensioneve për 20 për qind.

Pensionet do të rriten nga muaji tetor, ndërsa për kategoritë e luftës do të fillojnë nga muaji janar i vitit 2025.

“Duke filluar nga muaji tetor 2024 do të rrisim për 20 për qind të gjitha pensionet si në vijim: pensioni bazik i moshës, pensioni kontributpagues i plotë dhe parcial, pensioni i aftësisë së kufizuar për fëmijë dhe për të rritur, pensioni për personat e verbër, pensioni për personat paraplegjikë dhe tetraplegjikë, pensioni familjar, pensioni invalidor i punës dhe pensioni i parakohshëm për punëtorët e Trepcës. Ndërkaq nga muaji janar i vitit 2025 do të rriten për 20 për qind pensionet e përcaktuara me ligjin për kategoritë e luftës, përkatësisht familjet e dëshmorëve, invalidëve, veteranëve, pjesëtarëve të UÇK’së, viktimat e dhunës seksuale të luftës, viktimave civile dhe familjeve të tyre”, tha Kurti.

E trishtë: Ky është 21 vjeçari që mbeti i vdekur në aksidentin tragjik në Badoc

Një aksident tragjik ka ndodhur mbrëmë rreth orës 23:00 në rrugën Gjilan – Prishtinë, ku një veturë ka rënë në Liqenin e Badocit, duke shkaktuar vdekjen e tre të rinjve. Sipas burimeve, viktimat janë identifikuar si Shpat Shehu, Rifat Pacolli dhe Ardit Gashi, të gjithë rreth 21 vjeç.

Gazeta Imazhi përmes burimeve të veta mëson se personi i tretë që mbeti i vdekur është edhe i riu, Shpat Shehu, mbiemri i të cilit nuk ishte konfirmuar më herët.

LEXO EDHE:

Pamje nga aksidenti tragjik në Badoc ku humbën jetën tre persona

Për vdekjen e Shehut kanë njoftuar familjarët dhe miqtë e tij të cilët janë tronditur nga rasti.

Aksidenti ndodhi pasi vetura e tyre humbi kontrollin dhe përfundoi në liqen, me dy nga trupat që u gjetën në ujë, ndërsa viktima e tretë u gjet e mbyllur në veturë. Shpejtësia e papërshtatur me kushtet e rrugës dyshohet të jetë shkaktari kryesor i kësaj tragjedie.

Ekipi mjekësor konstatoi vdekjen e të rinjve në vendin e ngjarjes, ndërsa policia ka nisur hetimet për të sqaruar rrethanat e plota të këtij aksidenti të rëndë.

Aksidenti me tre të vdekur te Badoci, mësohet shkaktari që çoi deri te rasti tragjik

Aksidenti me tre të vdekur te Badoci, mësohet shkaktari që çoi deri te rasti tragjik

Një ngjarje e rëndë ka ndodhur mbrëmë në rrugën Gjilan – Prishtinë, ku një veturë ka rënë në Liqenin e Badocit dhe si pasojë tre persona kanë humbur jetën, raporton Sinjali.

Sinjali mëson ekskluzivisht se tre të rinjtë të moshës rreth 21-vjeçare që humbën jetë nga ky aksident tragjik janë Rifat Pacolli, Ardit Gashi dhe Shpat. – mbiemri i të cilit akoma nuk është konfirmuar pasi nuk janë gjetur dokumente identifikuese.

Sinjali ka mësuar edhe detaje të reja nga ky aksident tragjik, që dyshohet se shkaktari i këtij aksidenti ishte mospërshtatja e shpejtësisë me kushtet e rrugës dhe se dy trupat e viktimave u gjetën në ujë, ndërsa tjetri u gjet i mbyllur në veturë.

Aksidenti ka ndodhur pasi vetura me të cilën udhëtonin tashmë viktimat, ka rënë në Liqenin e Badocit.

Vdekjen e viktimave e ka konstatuar ekipi mjekësor në vendin e ngjarjes, tha zëdhënësja e policisë Flora Ahmeti.

“Mbrëmë rreth orës 23:00 kemi pranuar informatën se në rrugën Gjilan – Prishtinë, ka ndodhur një aksident trafiku me pasoja fatale. Në këtë aksident, ka qenë i përfshirë, një automjet në lëvizje. Si pasojë e aksidentit kanë mbetur të vdekur tre persona. Vdekjen e viktimave e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë quar deri te ky aksident trafiku”, tha Ahmeti.