Gjykata Supreme në Hagë merr vendim për Jakup Krasniqin

Gjykata Supreme, pjesë e Dhomave të Specializuara në Hagë, ia ka refuzuar Jakup Krasniqit lirimin me kusht.

Pavarësisht se procesi është në fund, dëshmitarë e as prova nuk ka, Supremja ka vendosur ta rrëzojë kërkesën e Krasniqit, njëjtë si të Kadri Veselit.

“Më 30 dhjetor 2025, Paneli i Gjykatës Supreme i përbërë nga gjykatësit Ekaterina Trendafilova (Kryegjykatëse), Kristinë van den Vajngart dhe Daniel Fransen, hodhi poshtë kërkesën e Jakup Krasniqit për mbrojtje të ligjshmërisë, e paraqitur në nëntor 2025. Kërkesa kishte të bënte me një vendim të Panelit të Gjykatës së Apelit të 13 gushtit 2025, i cili konfirmoi rrëzimin nga Trupi Gjykues të kërkesës së Krasniqit për lirim të përkohshëm”, thuhet në njoftim.

Ditë më parë, vendimi i njëjtë u dha edhe për Kadri Veselin.

Por, si e arsyetoi kjo Gjykatë vendimin?

Sipas vendimit të Supremes ku në panel është edhe kryetarja e Gjykatës Speciale, nuk është konstatuar asnjë shkelje në vendimet e mëparshme me të cilat Kadri Veselit i refuzohej lirimi.

“Paneli vëren se Z. Veseli nuk tregon për një shkelje thelbësore të një procedure specifike në Ligj ose në Rregullore. Siç është theksuar tashmë në Pikën 1, një kërkesë për mbrojtjen e ligjshmërisë duhet të pretendojë një shkelje thelbësore të procedurave të përcaktuara në Nenin 48(7)(b) të Ligjit. Megjithatë, dhe duke pasur parasysh se Mbrojtja argumenton konkretisht se Paneli i Apelit nuk i rivlerësoi siç duhet rreziqet sipas Nenit 41(6)(b) të Ligjit dhe në vend të kësaj u mbështet në gjetjet e mëparshme pa shqyrtuar nëse ato mbeten të mjaftueshme në këtë fazë të procedurës”, thuhet në vendimin e Supremes, raporton nacionale.

Sipas vendimeve të mëparshme, Kadri Veseli ka rrezik të ndërhyrjes në procedura dhe të tentojë të ndikojë në dëshmitarë. Dhe këtë, e ka thënë edhe Gjykata Supreme.

“Ndërsa Paneli pranon dhe pajtohet me Panelin e Apelit se një bazë specifike, siç është rreziku i pengimit, mund të zvogëlohet me kalimin e kohës, kjo nuk është automatike dhe varet nga rrethanat e çështjes. Nuk është e nevojshme, siç sugjeron Z. Veseli, që diçka e jashtëzakonshme të jetë e nevojshme për të treguar se rreziku nuk është zvogëluar. Ajo që është e nevojshme është që arsyet e vazhdueshme të justifikojnë paraburgimin e vazhdueshëm”, thuhet në këtë vendim.

Edhe gjyqtarët e Supremes, aludojnë në zbulimin e informatave konfidenciale nga Veseli, pavarësisht se gjykimi tashmë është në fund.

“Trupi kujton se Apeli iu referua sjelljes së mbështetur më parë si treguese të ekzistencës së rrezikut të pengimit, duke përfshirë zbulimin e supozuar të informacionit konfidencial. Duke vepruar kështu, Trupi i Apelit konsideroi se kjo sjellje ilustron gatishmërinë dhe aftësinë “e mundshme” të Z. Veseli për të përhapur informacion konfidencial, dhe vuri në dukje se kjo kishte rezultuar në mbikëqyrje shtesë në Njësinë e Paraburgimit. Trupi i Apelit e konsideroi këtë të rëndësishme për vlerësimin e vazhdueshëm të rrezikut të pengimit dhe kujtoi se standardi i zbatueshëm kishte të bënte me mundësinë, në vend të pashmangshmërisë së një ngjarjeje në të ardhmen”, thuhet në këtë vendim.

“Në dritën e sa më sipër, Trupi i Supremes konstaton se Trupi i Apelit nuk e ka keqzbatuar standardin përkatës në rrethanat e çështjes në përputhje me Nenin 41(6)(b) të Ligjit. Nuk ka asgjë në shqyrtimin e paraburgimit që sugjeron se procesi është ndërmarrë në një mënyrë kuazi-automatike. Ai vlerësoi siç duhet ekzistencën e vazhdueshme të rreziqeve përkatëse në kohën e shqyrtimit dhe ofroi arsye të mjaftueshme për të justifikuar vazhdimin e paraburgimit të z. Veseli”, thekson vendimi i Supremes.

Veseli ishte ankuar se nuk kishte asnjë provë e dëshmi, që atij t’i vazhdohej paraburgimi.

“Paneli vëren se parashtrimet e Z. Veseli, në lidhje me nëse provat që favorizojnë lirimin janë shqyrtuar mjaftueshëm, janë tërësisht të natyrës faktike. Për shembull, Z. Veseli argumenton se nuk është paraqitur asnjë provë. Megjithatë, Paneli i Apelit shqyrtoi sa vijon: (i) përfshirjen e mundshme të Z. Veseli në zbulimin e paautorizuar të provave; (ii) aftësinë e tij për të marrë informacion konfidencial duke pasur parasysh pozicionin e tij në Kosovë, (iii) dhe njohuritë e tij të shtuara për informacionin konfidencial në lidhje me dëshmitarët. Për më tepër, argumentet e tij përbëjnë një mospajtim me vlerësimin diskrecionar të fakteve nga Paneli i Apelit, i cili nuk mund të merret në konsideratë brenda procedurës për mbrojtjen e ligjshmërisë”, thuhet në vendim më tutje.

“Paneli vëren që në fillim se Z. Veseli nuk tregon për një shkelje të konsiderueshme të një procedure specifike në Ligj ose në Rregullore në parashtrimet e tij. 138 Sipas Nenit 48(7)(b) të Ligjit, një palë që kërkon mbrojtje të ligjshmërisë duhet të identifikojë një shkelje të konsiderueshme të procedurave të përcaktuara në këtë Ligj dhe në Rregullore”, thuhet aty.

Një foshnje dërgohet e vdekur në Emergjencën e Mitrovicës

Një foshnje e gjinisë mashkullore është dërguar pa shenja jete në Emergjencën e Mitrovicës së Jugut, ka bërë të ditur Policia e Kosovës.

Vdekjen e tij e ka konstatuar ekipi mjekësor, ndërsa policia e ka cilësuar rastin si “vdekje e dyshuar”.

“Rr. Adem Voca, Mitrovicë Jugu 02.01.2026 – 05:55. Raportohet se në Emergjence është dërguar pa shenja jete viktima foshnja mashkull”.

“Vdekjen e foshnjës e ka konstatuar ekipi mjekësor. Me vendim të prokurorit trupi i pajetë është dërguar në IML për obduksion”, njofton Policia.

Ngrihen tarifat e ujit, nga janari faturat më të shtrenjta

Nga janari qytetarët do të paguajnë më shtrenjtë faturat e ujit. Kjo pasi Autoriteti Rregullator i Shërbimeve të Ujit pas kërkesave të kompanive rajonale të ujësjellësit, ka marrë vendim për ngritjen e tarifave.

Në Prishtinë për konsumatorët shtëpiak për metër kub tarifa ka qenë 44 cent, derisa nga janari tarifa është ngritur në rreth 63 cent, në Prizren tarifa ishte 38 cent, tani e tutje do të jetë 56 cent, në Pejë nga 25 cent konsumatorët do të paguajnë 39 cent, në Mitrovicë nga 36 cent tarifa është ngritur në 53 cent, në Gjakovë nga 37 cent tarifa u ngrit në 52 cent, në Ferizaj nga 37 cent në 53 cent, ndërsa në Gjilan nga 35 cent në 54 cent.

Për këtë ngritje të çmimeve një pjesë e qytetarëve kanë thënë se nuk janë të informuar. Nga Autoriteti Rregullator për Shërbimet e Ujit këtë ngritje të çmimeve e kanë arsyetuar me rritjen e çmimit të energjisë elektrike si dhe zgjerimin e rrjetit.

“Tarifat për shërbimet e ujit dhe ujërave të ndotura, të miratuara në kuadër të procesit tarifor 2026-2028, janë ndikuar kryesisht nga rritja enorme e çmimit të energjisë elektrike, si dhe nga rritja e kostove të tjera operative dhe investive, përfshirë mirëmbajtjen dhe zgjerimin e rrjetit. Miratimi i tyre është bërë duke pasur për qëllim mbulueshmërinë e kostove dhe përmirësimin e vazhdueshëm të cilësisë së shërbimeve të ujit dhe kanalizimeve”, kanë thënë për RTK-në nga ky autoritet.

Qytetarët kanë kundërshtuar çdo ngritje të tarifave. “Nuk është veç uji, por tek të gjitha, te rryma, tek ngrohja, te mbeturinat, të gjitha kanë filluar të ngriten 100%. Sa munden qytetarët t’i përballojnë këto. Nuk e di a i mendon dikush këto, a mundemi me ia dalë a jo”, tha një qytetar.

“Shtrenjtimi i ujit ndikon negativisht jo vetëm te unë, por te e gjithë familja. Shtrenjtimet nuk janë vetëm te faturat e ujit. Sikur të ishin veç te uji, do të ishte më lehtë”, tha një tjetër qytetar.

E sipas njohësve të ekonomisë ngritja e këtyre tarifave nuk arsyetohet në situatën aktuale.

“Kur i analizon pasqyrat financiare që ato paraqesin apo investimet kapitale nuk arsyetohet ngrija e çmimit. Këtu një lloji faji e kanë edhe institucionet e Kosovës, të cilat duhet të fokusohen pak më shumë në mbikëqyrjen e autoritetit rregullativ, për faktin se qytetarët e Kosovës e kanë të pamundur t’i paguajnë këto tarifa”, tha Lulzim Beqiri.

Ish-kandidati i VV-së konvertohet në katolik – e ndërron emrin nga Zymer në Zef

Ish-kandidati i Lëvizjes Vetëvendosje për Asamblenë Komunale në Rahovec, Zymer Hoti, është konvertuar në fenë katolike.

Pas konvertimit, ai ka ndryshuar edhe emrin, duke u prezantuar tashmë me emrin Zef.

Konvertimi i tij është bërë i ditur përmes një postimi publik.

Numërohen 45% të votave në përfaqësitë diplomatike: VV merr mbi 85%

Komisioni Qendror i Zgjedhjeve ka përditësuar të dhënat për numërimin e votave nga përfaqësitë diplomatike, ku deri më tani janë procesuar 18 nga 40 vendvotime, apo 45.00 për qind e tyre.

Sipas rezultateve të publikuara më 2 janar 2026, në ora 19:55, prin Lëvizja Vetëvendosje me 85.11 për qind të votave, përkatësisht 3,554 vota.

Në vendin e dytë renditet Partia Demokratike e Kosovës (PDK) me 6.18 për qind apo 258 vota, pasuar nga Lidhja Demokratike e Kosovës (LDK) me 5.70 për qind, që përfaqësojnë 238 vota.

Ndërkaq, Aleanca për Ardhmërinë e Kosovës (AAK) ka siguruar 1.56 për qind të votave, ose 65 vota.

“Njeriu i rekordeve”, Albin Kurti thyen edhe një rekord zgjedhor

Kreu i Lëvizjes Vetëvendosje, njëherit kryeministër në detyrë, Albin Kurti, e ka thyer rekordin e tij që e kishte vendosur në zgjedhjet e 9 shkurtit, si lideri më i votuar.

Nga numërimi i 96. 17 përqind të votave për deputetë, Kurti ka marrë 338 mijë 731 vota.

Në zgjedhjet e rregullta të 9 shkurtit, Kurti fitoi 337.791 vota, duke thyer rekordin e deriatëhershëm të presidentes Vjosa Osmani (300.756 vota).

Nga zgjedhjet e 28 dhjetorit, ende s’janë numëruar votat e diasporës, ato me kusht dhe ato të personave me nevoja të veçanta.

Këta pritet të jenë deputetët e Lëvizjes Vetëvendosje

Në Qendrën e Numërimit dhe Rezultateve ka filluar numërimi i fletëvotimeve që i takojnë votimit jashtë Kosovës, respektivisht numërimi i fletëvotimeve që i takojnë votimit në përfaqësi diplomatike.

Sipas të dhënave paraprake, LVV-ja do t’i ketë 56 ulëse në Kuvend, pasuar nga PDK-ja me 23, LDK-ja me 15, Lista Serbe 9 dhe AAK-ja 6.

Ajo që dihet deri tash është se për ulësen e deputetit në listën e LVV-së, nuk ka nevojë të hyjë në konsideratë 30% që u takon femrave, pasi ato në shumicën e herëve kanë marrë vota më shumë se kandidatët tjerë për deputet.

Kjo është lista:

Albin Kurti 334,332 Vota

GLAUK KONJUFCA 258,683 Vota

HEKURAN MURATI 136,157 Vota

ALBULENA HAXHIU 136,006 Vota

DONIKA GËRVALLA- SCHËARZ 121,270 VotaXHELAL SVEÇLA 107,938 Vota

HAJRULLA ÇEKO 97,213 Vota

AVNI DEHARI 89,262 Vota

MIMOZA KUSARI LILA 79,400 Vota

EJUP MAQEDONCI 76,144 Vota

SHQIPE MEHMETI SELIMI 62,564 Vota

ANDIN HOTI 54,238 Vota

ARBEN VITIA 51,422 Vota

SARANDA BOGUJEVCI 40,096 Vota

ALBAN BAJRAMI 38,099 Vota

EDONA LLALLOSHI 33,248 Vota

RUFKI SUMA 33,121 Vota

MEFAIL BAJQINOVCI 32,188 Vota

JETA STATOVCI 30,922 Vota

NEZIR KRAKI 30,442 Vota ARDIAN GOLA 29,579 Vota

ADRIANA MATOSHI 29,086 Vota

ARMEND MUJA 27,910 Vota

HAXHI AVDYLI 27,323 Vota

ADELINA GRAINCA 26,559 Vota

ALBENA RESHITAJ 23,743 Vota

BLERIM GASHI 23,089 Vota

AGIM BAHTIRI 22,409 VotA

ARBËR REXHAJ 22,347 Vota

ARTANE RIZVANOLLI BERISHA 22,226 Vota

HYSEN DURMISHI 22,069 Vota

DIMAL BASHA 22,046 Vota

FITORE PACOLLI DALIPI 22,028 Vota

ARJETA FEJZA 21,922 Vota

TAULANT KELMENDI 21,840 Vota FATOS GECI 21,661 Vota

ARTAN ABRASHI 21,646 Vota

LABINOTË DEMI MURTEZI 21,303 Vota

ENVER HALITI 21,055 Vota

ARBËRIE NAGAVCI 20,938 Vota

ARBËRESHË KRYEZIU HYSENI 20,783 Vota

VALON RAMADANI 20,191 Vota

ADNAN RRUSTEMI 18,974 Vota

LIZA GASHI 18,337 Vota

JETON RAKA 18,330 Vota

ARSIM ADEMI 17,883 Vota

DRITA PAJAZITI 17,853 Vota

FITIM HAZIRI 17,734 Vota

FATMIRE KOLLÇAKU 17,502 Vota

FJOLLA UJKANI 17,133 Vota SYLEJMAN MEHOLLI 17,027 Vota

VALON HOTI 16,768 Vota

ROZETA HAJDARI 16,649 Vota

SALIH ZYBA 16,537 Vota

NAIM BARDIQI 16,405 Vota

VIGAN QORROLLI 16,262 Vota

Personi më i votuar në Kosovë është Albin Kurti, i cili në zgjedhjet e rregullta të 9 shkurtit i fitoi 334.332 vota, duke thyer rekordin e deriatëhershëm të presidentes Vjosa Osmani (300.756 vota).

Vetëvendosje kryeson bindshëm në votat nga përfaqësitë diplomatike

Komisioni Qendror i Zgjedhjeve ka nisur numërimin e votave nga përfaqësitë diplomatike. Deri më tani, nga gjithsej 40 vendvotime, janë numëruar 17 prej tyre.

Sipas rezultateve të deritanishme, Lëvizja Vetëvendosje ka marrë 85.11 për qind të votave, përkatësisht 3,554 vota.

Partia Demokratike e Kosovës ka siguruar 6.18 për qind, apo 258 vota.

Ndërkaq, Lidhja Demokratike e Kosovës ka marrë 5.70 për qind, përkatësisht 238 vota.

Aleanca për Ardhmërinë e Kosovës deri tani ka marrë 1.56 për qind të votave, apo 65 vota.

“Ka kënduar për mua”, Egli kujton momentet me Gjestin në BBVA

Mbrëmjen e djeshme, ekrani i Top Channel u ndez nga atmosfera festive e emisionit “E Diell”, i cili mblodhi emra të njohur të artit dhe ekranit për të festuar fundvitin.

Mes të ftuarve spikatën zërat e dashur të muzikës popullore, ku padyshim vëmendjen e mori këngëtarja e mirënjohur Remzie Osmani.

Gjatë rrjedhës së emisionit, një moment mjaft emocional u krijua kur Egli Tako u afrua pranë këngëtares për të shprehur vlerësimin e saj të lartë. Egli nuk i kursye fjalët, duke e cilësuar Remzien si një person mjaft të veçantë në jetën e saj, jo vetëm si artiste, por edhe për kujtimet që ato ndajnë

“Remzia është shumë e veçantë për mua dhe besoj se të gjithë e dimë arsyen. Ajo ka kënduar në një moment shumë të rëndësishëm për mua,” u shpreh Egli, duke sjellë në vëmendjen e publikut një nga ngjarjet më të përfolura vitin që lamë pas.

Ajo i referohej ‘dasmës’ së saj me Gjestin brenda shtëpisë së Big Brother VIP, ku Remzie Osmani ishte e ftuara speciale që performoi gjatë ceremonisë.

Ky gjest dhe këto fjalë rikthyen tek ndjekësit emocionet e asaj nate, duke treguar mirënjohjen që Egli vazhdon të ketë për këngëtaren.

Aktivistja nga Mitrovica e afërt me PDK’në me mesazh për mërgimtarët: Mos u kthe tash, rri dhe shijo frutet e farës që e mbolle

Aktivistja e afërt me PDK-në nga Mitrovica, Hanife Osmani, ia ka bërë një thirrje mërgimtarëve që kanë votuar për Lëvizjes Vetëvendosje në zgjedhjet e së dielës, duke theksuar se duhet të rrinë që të përballen me gjendjen faktike të cilës po  iu jepin legjitimitet dhe po e jetësojnë.

Ajo ju ka thënë mërgimtareve që duhet të mos kthehen për ti lënë pas sipas saj ata që i morën në qafë.

“Rri dhe zgjohu çdo mëngjes: shikoje atë plakun që s’mundet t’i blejë ilaçet; rri dhe shikoje ushtarin duke rrezikuar jetën në skela të ndërtimtarisë, në punën e dytë për mbijetesë; rri dhe shikoje policin duke dorëzuar uniformën pa kushte; rri dhe shikoje mësuesin duke u menduar si t’ia dalë të paguajë shkollimin për më shumë se një fëmijë student. Vizitoje mjekun dhe shikoje duke aplikuar për punë jashtë vendit. Rri me salduesin nga Pakistani, me mekanikun nga Bangladeshi…”, ka shkruar Osman

Tutje ajo ka kërkuar nga ata që të mos na lënë ta paguajmë këtë çmim vetëm ne

“Andaj, mërgimtar, jeni të mirëpritur. Jeni gjithmonë në zemrën dhe mendjen e secilit prej nesh, ju kemi xhan, jeni familja jonë. Por mos na e lini këtë çmim ta paguajmë vetëm ne. Qëndroni dhe përballuni me realitetin e bukur të krijuar për ju, por të hidhur për shumicën e të tjerëve. Rri dhe festo para daulleve për katër vjet të tjera, të lutem”, ka përfunduar ajo

Postimi i plotë:

I dashur mërgimtar,

Mos u kthe tash, rri dhe shijo frutet e farës që e mbolle. Rri dhe përballu me gjendjen faktike, të cilës po i jep legjitimitet dhe po e jetëson.

Rri dhe zgjohu çdo mëngjes: shikoje atë plakun që s’mundet t’i blejë ilaçet; rri dhe shikoje ushtarin duke rrezikuar jetën në skela të ndërtimtarisë, në punën e dytë për mbijetesë; rri dhe shikoje policin duke dorëzuar uniformën pa kushte; rri dhe shikoje mësuesin duke u menduar si t’ia dalë të paguajë shkollimin për më shumë se një fëmijë student. Vizitoje mjekun dhe shikoje duke aplikuar për punë jashtë vendit.

Rri me salduesin nga Pakistani, me mekanikun nga Bangladeshi…

Rri dhe shikoje Kosovën duke u zbrazur si pasojë e zgjedhjes sate në kutitë e votimit, rri me “babën”.

Rri, sepse në ’99 u larguat, kur zemra e këtij vendi kërkonte të qëndronit më shumë se kurrë.
Sot, 26 vjet pas luftës dhe 18 pas pavarësisë, po ndodh diçka tjetër: me zgjedhjen tuaj, po na detyroni neve të ikim.

Sot, me zgjedhjen tuaj, barra bie mbi ne.

Andaj, mërgimtar, jeni të mirëpritur. Jeni gjithmonë në zemrën dhe mendjen e secilit prej nesh, ju kemi xhan, jeni familja jonë. Por mos na e lini këtë çmim ta paguajmë vetëm ne. Qëndroni dhe përballuni me realitetin e bukur të krijuar për ju, por të hidhur për shumicën e të tjerëve.

Rri dhe festo para daulleve për katër vjet të tjera, të lutem.