Haxhiu ‘godet’ opozitën: Janë në të njëjtën linjë me Listën Serbe

Ish ministrja e Drejtësisë tashmë nënkryetare e Kuvendit, Albulena Haxhiu është e ftuar sonte në “Politiko” me Kushtrim Sadikun.

Nënkryetarja Albulena Haxhiu tha se gjithmonë do vazhdojë të thotë se opozita në Kosovë është në të njejtën linjë me Listen Serbe për shkak se ata nuk kanë votë kundër dhe abstenuan në Komisionin Zgjedhor te Zgjedhjeve.

“Unë edhe sot dhe jo vetëm do vazhdoj ta them se opozita në Kosovë është në linjë me Listen Serbe, për shkak se ata nuk kanë votë kundër dhe abstenuan në Komisionin Zgjedhor te Zgjedhjeve”.
Haxhiu tha se ata abstenuan dhe nuk votuan kundër çertifikimit të Listës Serbe kur ishte diskutimi për këtë, por vetëm abstenuan për secilin deputet të Listës Serbe.

Albulena u shpreh se ishte e habitshme për të për faktin se sipas saj, jo rralllëherë i kemi parë në të njejtën linjë opozitën me Listën Serbe edhe ne raport me votën në Kuvendin e Kosovës,

“Për sa kohë opozita jonë voton kundër Albulena Haxhiut, Donika Gërvallës, Hekuran Muratit, Arbërie Nagavcit, nuk votojnë kësisoj edhe për deputetët e Listës Serbe, Ata kanë vetëm votë abstenuese për ta”, tha Haxhiu per raportin mes tyre dhe opozites.

Arsyeja edhe më e madhe se pse ajo i paraqet në të njejtën linjë Listën Serbe me opozitën është sepse nuk i kishte dëgjuar asnjërin prej tyre të thoshte se Lista Serbe nuk duhet të çertifikohet dhe të reagojnë rreth ngjarjeve në Banjskë.

“Kurrë nuk i kam degjuar teksa ata thonë se kryeterroristi Millan Radojçiq, kryetari formal i Listës Serbe duhet të sillet në Republikën e Kosovës, së pari të përballet me përgjgjesi penale dhe të dënohet për sulmin terrorist në Banjskë”./Gazeta10

Vdekja tragjike e 35-vjeçarit, arrestohen dy persona, Policia jep detaje

Dy persona janë arrestuar dhe dërguar në mbajtje pas vdekjes se një punëtori në vendin e punës, ditën e djeshme në Suharekë.

Siç bën të ditur policia e Kosovës, rasti është iniciuar si “asgjësim dëmtim ose heqje e pajisjeve mbrojtëse dhe rrezikim i sigurisë në vendin e punës”.

Viktima ka pësuar lëndime që kanë qenë vdekjeprurëse në rrethane ane të paqarta, thotë policia.

“ASGJËSIM, DËMTIM OSE HEQJE E PAJISJEVE MBROJTËSE DHE RREZIKIM I SIGURISË NË VENDIN E PUNËS

Suharekë 01.09.2025-14:30. Raportohet se në emergjencën e Suharekës është dërguar pa shenja jete viktima mashkull kosovar. Dyshohet se viktima në vendin e punës në rrethana ende të pa njohura ka pësuar lëndime trupore. Të gjitha njësitë përkatëse kanë dal në vendin e ngjarjes. Me vendim të prokurorit , dy të dyshuar meshkuj kosovarë janë arrestuar dhe pas intervistimit janë dërguar ne mbajtje, ndërsa trupi i pa jetë është dërguar në IML për obduksion”, thuhet në raportin 24 orësh të Policisë së Kosovës.

Ndërkohë, siç u raportua ditën e djeshme, 35 vjeçari me inicialet P.O, dyshohet se është goditur nga një vinç në kokë derisa po punonte.

Vdes një grua në QKUK

Gazeta Sinjali mëson ekskluzivisht se ka ndërruar jetë këmbësorja që ishte përfshirë në një aksident trafiku më 20 gusht 2025, në fshatin Vragoli, në rrugën nacionale Pejë–Prishtinë.

Viktima është identifikuar si Shkurte Zeka, 44-vjeçare e cila pas aksidentit ishte dërguar në QKUK dhe po trajtohej në kujdesin intensiv.

Burime të Sinjalit bëjnë të ditur se rreth orës 01:00 të mëngjesit, familja Zeka është njoftuar se ajo nuk kishte arritur t’u mbijetonte plagëve të marra.

Me urdhër të Prokurorit, trupi i pajetë është dërguar në Institutin e Mjekësisë Ligjore për obduksion.

Rritje e manganit në liqenin e Badocit – këto janë zonat në Prishtinë e Graçanicë ku ndalohet pirja e ujit

Qytetarët që jetojnë në disa zona të Prishtinës dhe Graçanicës janë udhëzuar të mos e përdorin ujin për pije, pas rritjes së përqendrimit të manganit në rrjetin shpërndarës që furnizohet nga liqeni akumulues i Badocit.

Zonat e prekura përfshijnë: Graçanicën dhe fshatrat përreth, Hajvalinë, Veternikun, Lagjen 038, Lagjen Qëndresa, Qëndresa Home, Swiss Village, fshatin Preoc, Çagllavicën, rrugët Behar Begolli, Richard Holbrooke, Shkupi, Holger Petersen, Malush Kosova, Lagjen Qershia, Lagjen NIC, Matiçanin (drejtimi nga Pallati i Drejtësisë), fshatin ndërkombëtar, rrugën Muharrem Fejza, Enver Maloku, Lagjen Kodrina, objektet Tregtia, Iliria Building, Standardi, dhe zona të tjera si Bregu i Diellit (qendra dhe rreth Albi Mall), shkolla Ismail Qemali, rrugët Mehmet Gradica, Hyzri Talla, Qamil Bala, dhe pjesa “te Xhambazët”.

Sipas komunikatës së përbashkët nga IKSHPK dhe KRU “Prishtina”, analizat e fundit laboratorike kanë treguar rritje të nivelit të manganit në ujin e liqenit Badoc dhe në rrjetin e furnizimit.

Edhe pse kjo tejkalon kufijtë teknikë të cilësisë së ujit për konsum, deri tani niveli nuk ka arritur në pragun e rrezikshëm për shëndetin.

Megjithatë, si masë parandaluese, qytetarët këshillohen që të mos e pijnë ujin deri në njoftimin e radhës.

IKSHPK thekson se vlimi i ujit nuk e eliminon manganin, pasi bëhet fjalë për ndotje kimike.

Uji mund të përdoret vetëm për pastrim dhe mirëmbajtjen e higjienës personale e ambientale. /Telegrafi

Dyshohet për gjuajtje me armë zjarri tek “Rruga B”

Të shtëna me armë zjarri dyshohet të ketë pasur tek “Rruga B”, para pak çastesh.

Sipas pamjeve që ka siguruar “Demos” nga vendi i ngjarjes policia shihet në vendngjarje.

Lidhur me rastin GAZETADEMOS do të iu mbaj të informuar.

“Krah Thaçit e Limajt, ishte dimër i ashpër”, Buja flet për kujtimet përmes fotografive nga lufta

Ish komandanti i Ushtrisë Çlirimtare të Kosovës, Shukri Buja komenton me emocion disa fotografi të shkrepura gjatë kohës së luftës në Kosovë.

Ai përshkraun një fotografi me krerët e UÇK’së Hashim Thaçin e Fatmir Limaj.

“Kjo është bërë në malet e Berishës, jam me Fatmir Limaj dhe Hashim Thaçin, udheheqesin e Drejtorive Politike. Ka qenë një dimër i ashpër në atë kohë. ka mbetë një kujtim i jashtëzakonshëm në atë kohë”, tha Buja, kandidati i PDK’së për kryetar të Lipjanit.

Telegrami i dyshimtë për familjen: ‘‘Mos e kërkoni është i vdękur…”, gjendet i pajetë 30-vjeçari

Miklovan Danaj, 30 vjeç, nga Shkodra u gjet i vdekur në bregun e Marbellës pasi u zhduk në maj. Mediat spanjolle shkruajnë se të afërmit e tij morën një telegram që konfirmonte vrasjen e tij dhe i paralajmëronte të mos e kërkonin.

“Është vrarë, mos e kërkoni”, familjarët marrin mesazh tronditës për shqiptarin që u zhduk në Spanjë

Danaj ishte i përfshirë në trafikun e kokainës dhe klanet ndërkombëtare. Zhdukja e tij u raportua në Spanjë dhe Shqipëri, dhe vendndodhja e tij nuk dihet.

Guardia Civil ka nisur një hetim në Marbella. Nuk ka pasur arrestime dhe autoritetet nuk kanë zbuluar informacion mbi rrethanat aktuale të gjetjes.

 

 

Bashkëpunimi me autoritetet shqiptare është i vazhdueshëm për të sqaruar situatën. Hetimi është duke vazhduar dhe autoritetet paralajmërojnë publikun të mos përhapë mesazhe ose informacione të pabazuara në lidhje me rastin.

Flet mjeku që e trajtoi 35-vjeçarin: Nuk dha shenja jete, kishte gjakderdhje masive

Një 35-vjeçar në fshatin Mushtisht të Suharekës, ka humbur jetën në vendin e ngjarjes, pasi i njëjti dyshohet se është goditur në kokë nga vinçi.

Klan Kosova kanë intervistuar Blend Morinën, mjekun që e ka pranuar këtë rast në Qendrën  Emergjente në Suharekë, i cili tha se pacienti është sjellur pa shenja jete.

Ai bëri të ditur se është vërejtur një lëndim i kokës, derisa u shpreh se kishte gjakderdhje masive.

 

 

“Fillimisht pacienti është sjellur nga punëtorët që kanë qenë në vendin e ngjarjes. Pacienti është sjellur në urgjencë pa shenja jete, si pasojë e lëndimi të punës. Në ekzaminimin objektiv është vërejtur një lëndim i kokës, i hapur, i cili ka pasur gjakderdhje masive, poashtu gjakderdhja ka qenë edhe nga pjesa e hundës dhe veshëve”.

“Fillimisht kemi filluar me marrë lirimin e rrugëve të frymëmarrjes, por për shkak të sasisë së bollshme të gjakut në rrugët e frymëmarrjes, nuk kemi mundur ta bëjmë intubimin, pastaj kemi filluar me adrenalinë intravenoze, poashtu reanimacion, sipas protokollit. Bebëzat kanë qenë të zgjeruara, mirëpo nuk kemi arritur ta bëjmë stabilizimin e gjendjes, për shkak se nuk kemi marrë asnjë reagim pozitiv nga ana e pacientit që është sjellur në emergjencë”, u shpreh tutje

Katastrofë e madhe: Ky shtet goditet nga tërmeti vdekjeprurës me mbi 800 viktima

Më shumë se 800 persona janë vrarë – dhe gati 3,000 të tjerë janë plagosur – pas një tërmeti me magnitudë gjashtë ballë që goditi Afganistanin lindor pak para mesnatës të dielën, tha agjencia humanitare e Kombeve të Bashkuara.

Shumica e vdekjeve janë në provincën Kunar, thonë zyrtarët, duke paralajmëruar se numri i të vdekurve mund të rritet ndjeshëm pasi fshatra të tëra janë shkatërruar nga tërmeti, ka raportuar BBC.

Epiqendra është në një zonë të largët malore, duke e bërë të vështirë kryerjen e operacioneve të shpëtimit. “Shkalla e shkatërrimit është e paimagjinueshme”, tha një zyrtar taleban.

Fatkeqësia vjen ndërsa Afganistani po përballet me një thatësirë ​​të rëndë, shkurtime të ndihmës dhe atë që Programi Botëror i Ushqimit e përshkruan si një krizë të paprecedentë urie.

Tërmeti goditi të dielën në orën 23:47 (19:47 GMT), rreth 27 km (17 milje) në lindje të Jalalabadit – qyteti i pestë më i madh i vendit, në provincën lindore Nangarhar.

Ekskluzive: Ky është zyrtari i lartë i arrestuar për marrje rryshfeti

Gazeta Sinjali mëson ekskluzivisht identitetin e zyrtarit që sot është arrestuar në Komunën e Gjakovës, nën dyshimin për veprën penale “Marrje e ryshfetit”.

Burimet tona bëjnë të ditur se bëhet fjalë për Kelmend Vula, 61-vjeçar, zyrtar në zyrën për regjistrimin e bizneseve në ARBK – Komuna e Gjakovës.

Ai dyshohet se ka kërkuar dhe marrë para nga një qytetar, për të rregulluar dokumentacionin dhe plotësuar formularin e aplikimit për hapjen e biznesit.

Rasti u zbulua pas një hetimi të zhvilluar nga Njësia Rajonale për Hetimin e Krimeve Ekonomike dhe Korrupsionit (NJRHKEK) në Gjakovë, e cila me urdhër të Gjykatës Themelore aplikoi masën e fshehtë “dhënia dhe marrja e simuluar e ryshfetit”.

Mëngjesin e së hënës, rreth orës 09:30, gjatë kontrollit pranë zyrës së tij, tek i dyshuari u gjetën dhe sekuestruan paratë që paraprakisht i kishte marrë nga i dëmtuari E. H.

 

 

Vula është shoqëruar në stacion policor, ku në prani të avokatit mbrojtës ka zgjedhur të mbrohet në heshtje.

Me aktvendim të Prokurorit të Shtetit, atij i është caktuar masa e ndalimit prej 48 orësh.