Ky është i arrestuari që arriti të vjedhë revolen e policit brenda stacionit në Mitrovicë– e fshehu në brez dhe u transferua në stacionin tjetër pa u vënë re

Një ngjarje e rrallë dhe skandaloze ka ndodhur më 2 maj 2025 në Mitrovicë, që ka tronditur themelet e sigurisë institucionale. Një person i dyshuar për armëmbajtje pa leje, jo vetëm që nuk u neutralizua siç parashihet me protokoll, por arriti të vjedhë armën zyrtare të një polici brenda vetë stacionit dhe të dalë nga aty me të në brez – pa u vërejtur nga askush.

Burime të Gazetës Sinjali konfirmojnë se bëhet fjalë për Riad Tahirin, 25-vjeçar, i cili po intervistohej në Stacionin Policor të Mitrovicës së Jugut për rastin e armëmbajtjes pa leje. Gjatë kohës sa ndodhej në stacion, ai ka përfituar nga pakujdesia e zyrtarëve dhe ka marrë një revole Gllock me karikator dhe 15 fishekë, që ishte armë personale e një zyrtari policor.

Për më tepër, me armën e vjedhur të fshehur në brez, Tahiri është transferuar në Stacionin Policor në Mitrovicë të Veriut, pa u kontrolluar siç duhet. Vetëm pas mbërritjes në stacionin tjetër, gjatë kontrollit të plotë, arma është zbuluar në trupin e tij.

Prokurori i Shtetit ka urdhëruar ndalimin e tij për 48 orë dhe është iniciuar rasti për “Mbajtje në pronësi, kontroll ose posedim të paautorizuar të armëve” dhe “Vjedhje e rëndë”. I dyshuari është dërguar në mbajtje.

Ky rast ka ngritur alarmin për mangësitë serioze në zbatimin e protokolleve të sigurisë brenda stacioneve policore dhe pritet të pasohet me masa të brendshme disiplinore ndaj zyrtarëve përgjegjës.

Shkurte Gashi në zi, humb personin e afërt

Sot është një ditë e kobshme për familjen e këngëtares Shkurte Gashi.

Nga jeta është ndarë halla e saj.

Këngëtarja ndau lajmin e dhimbshëm përmes një postimi në Instagram, ku ndau fjalët lamtumirëse për hallën e saj.

‘Qofsh banore e xhennetit halla jem. U prehsh në paqe. Do të na mungosh pafund, por lutjet tona do të jenë gjithmonë me ty”, shkroi Shkurta në postimin e saj.

E trishtë: Ndërron jetë njëri nga tifozët më të flaktë të “Dardanëve”

Ka vdekur Korab Vllasa, njëri prej tifozëve më të zjarrtë i “Dardanëve”, pasi vuante nga një sëmundje e rëndë.

Lajmin për vdekjen e tij e bëri të ditur miku i tij, Lik Berisha.

“Korabi ishte gjithmonë me ne – në çdo aktivitet, në çdo organizim – pjesë e pandashme e familjes sonë. Ai do të mbetet përherë në zemrat tona dhe kujtimi i tij do të na shoqërojë deri në takimin tonë të radhës”, ka shkruar ai në faqen e tij në Facebook.

“Hec, hec, hec…” – Deputetët e VV-së të revoltuar me fjalimin e Igor Simiqit

Gjatë seancës së dhjetë të Kuvendit të Kosovës, tensionet u rritën kur deputeti i Listës Serbe, Igor Simiq, mbajti një fjalim që shkaktoi reagime të ashpra nga radhët e Vetëvendosjes

 

 

Deputetët e VV-së, të dukshëm të pakënaqur, e shoqëruan fjalimin e tij me reagime si “Hec, hec, hec…”, duke e konsideruar atë provokues dhe të papranueshëm në përmbajtje.

Kjo situatë pasqyroi edhe një herë përplasjet e vazhdueshme ndërmjet përfaqësuesve politikë në Kuvend.

Kuvendi në pritje, VV në pritje – Fitore Pacolli: Ja pse nuk i kemi votat

Nesër do të mbahet seanca e dhjetë radhazi për konstituimin e Kuvendit të Kosovës.

Por, kandidatja për kryetare të Kuvendit, Albulena Haxhiu do t’i ketë sërish 57 vota.

Kështu thotë deputetja e VV-së, Fitore Pacolli në emisionin “Info Nata” në Tëvë1.

Pacolli thotë se numrat do të jenë njësojë përderisa nuk ndryshohet mënyra e votimit.

“Nesër do t’i kemi numrat njësoj, përderisa nuk e ndërrojmë mënyrën e votimit do të kemi prapë numër të deputetëve aq sa e kemi pasur, pra 57. Nuk mundet me pas rënie se 57. Ne i kemi deputetët tonë, nuk ka ndryshime. Nuk do të ketë ndryshime. Ai numër i votave do të qëndrojë. S’mjafton, por është shumë me rëndësi që ne të bëjmë hapim e parë ta konstituojmë kuvendit, e pastaj flasim a kemi mundësinë a jo me kriju qeverinë”, tha ajo.

Një person tenton ta hapë derën e aeroplanit në fluturimin Zvicër – Prishtinë, ndërhyn policia

Një person ka tentuar të hapë derën e aeroplanit në fluturimin Zvicër – Prishtinë.

Sipas pamjeve, pasagjerët kanë mbajtur personin që tentoi të hapë derën, deri kur ka ndërhyrë policia.

I njëtji më pas është marrë nga ta, derisa dëgjohet edhe një përleshje verbale me një person tjetër.

Video e plotë e siguruar nga Nacionale:

VIDEO:

Zbulohet Diellza e Gjestit, dyshja janë takuar pas daljes së banorit nga Big Brother VIP Albania

Në emisionin Kosova Today është diskutuar emri i Diellzës, e cila është përmendur shpesh nga banori i Big Brother VIP Kosova, Gjesti.

Sipas diskutimit në studio, Diellza ka qenë në një lidhje pesëvjeçare me Gjestin dhe ka pasur një ndikim të rëndësishëm në jetën e tij, veçanërisht në kohët e vështira financiare.

Gjesti ka treguar se ajo jo vetëm e ka ndihmuar atë, por edhe miqtë e tij.

Gazetari në studio zbuloi se së fundmi Gjesti dhe Diellza janë takuar dhe ai i ka dhuruar një zinxhir si simbol.

Po ashtu, ai shtoi se motra e Gjestit, Blerina, është shoqe e ngushtë me Diellzën, me të cilën kanë punuar për më shumë se dy vjet në një qendër tregtare në Prishtinë.

Sipas gazetarit, kjo mund të jetë arsyeja pse Blerina nuk tregon interes për Eglin dhe nuk e ndjek atë në rrjete sociale.

Gjithashtu, u përmend se Diellza është larguar nga rrjetet sociale pasi Gjesti fitoi famë dhe është zhvendosur në Gjermani, ku ka familjarë.

Gazetari solli një detaj interesant nga vizita e Blerinës në Big Brother ku kishte thënë: “Kam qenë në Gjermani veç për ty”, që sipas gazetarit mund të jetë një sinjal që marrëdhënia me Diellzën mund të rifillojë pas daljes së Gjestit.

Në fund ai u shpreh se lidhja mes Gjesti dhe Egli mund të jetë thjesht një strategji marketingu

Në Prishtinë rreziku nuk vjen nga trafiku, por nga vrimat që s’i mbyll askush

Një person është lënduar pasi ra me skuter në një pusetë e cila ishte pa kapak.

Ngjarja ka ndodhur tek lagja Bregu i Diellit në Prishtinë.

Sipas lexuesve të Gazetës Express, puseta ishte pa kapak, dhe vozitësi i skuterit gjatë ngasjes ka rënë në të.

Nesër mbyllet përkohësisht kjo rrugë në Prishtinë

Komuna e Prishtinës ka njoftuar se nesër, rruga “Agim Ramadani” do të jetë e mbyllur për qarkullim gjatë gjithë ditës për shkak të punimeve finale në shtresën përfundimtare të asfaltit, raporton Gazeta Sinjali.

Mbyllja do të vazhdojë deri në përfundimin e plotë të punimeve, dhe nëse paraqitet nevoja, mund të vazhdojë edhe gjatë ditës së diel, më 4 maj.

“Pas përfundimit të asfaltimit, do të ndalohet qarkullimi i mjeteve të rënda për 48 orë, me qëllim të stabilizimit të shtresës së re dhe shmangies së dëmtimeve të mundshme.

Kërkojmë nga qytetarët dhe pjesëmarrësit në trafik që të planifikojnë lëvizjet e tyre në kohë, duke pasur parasysh këtë ndërprerje të përkohshme”.

Kryetari i Kuvendit gati të zgjidhet? Haradinaj jep shenjën e pajtimit!

Kryetari i Aleancës për Ardhmërinë e Kosovës (AAK), Ramush Haradinaj, ka deklaruar se nëse Lëvizja Vetëvendosje, në seancën e së shtunës për konstituimin e Kuvendit, do të propozojë një kandidat apo kandidate tjetër për pozitën e kryetarit të Kuvendit, do ta kenë votën e kësaj partie.

Ai po ashtu ka thënë se nëse propozimi do të ishte Glauk Konjufca, do ta votonin.

“Ne jemi në pritje që Vetëvendosje të reflektojë në kandidaturë, pra të gjejë një kandidaturë që na bashkon, dhe shpresojmë që deri nesër ta kemi ndonjë lajm të mirë, që Vetëvendosje ta nxjerrë një kandidaturë unifikuese. Nëse e bën këtë, nesër do ta kemi kryetarin apo kryetaren e Kuvendit. Nuk kemi biseduar për Glaukun, por nuk është problem, besoj që po”, deklaroi Haradinaj pas organizimit solemn në shënimin e 25-vjetorit të Aleancës për Ardhmërinë e Kosovës (AAK).

Ndërsa për Fatmir Limajn, Haradinaj ka shprehur pasiguri nëse do ta votonte atë, duke thënë “Nuk e di. Nuk kemi qëndrim ende, por duhet diskutuar”.