Vdes ish-ushtari i UÇK-së, i cili shërbeu për vendin edhe në TMK e FSK

Ka vedkur ish-ushtari i UÇK-së, Driton Hajrizi, i cili pas luftës në Kosovë shërbeu edhe në TMK e në FSK.

Lajmin për vdekjen e tij e ka bërë të ditur kreu i OVL-UÇK-së, Hysni Gucati.

“Me dhimbje të madhe mora lajmin për ndarjen nga jeta të bashkëluftëtarit dhe mikut tim, Driton Hajrizi. Dritoni ishte pjesë e Ushtrisë Çlirimtare të Kosovës, më pas shërbeu me nder në TMK dhe FSK. Gjatë gjithë jetës së tij, ai u dallua për vlerat e larta njerëzore, përkushtimin dhe atdhedashurinë.

Humbja e tij na ka prekur të gjithëve thellë.

Pusho i qetë, Driton. Do të të kujtojmë gjithmonë me respekt e mall.

Ngushëllime familjes Hajrizi dhe të gjithë atyre që patën fatin ta njohin Dritonin!”, ka shkruar ai.