Ka ndërruar jetë polici i aksidentuar ditë më parë në Malishevë, Altin Kryeziu. Ai u aksidentua në krye të detyrës ditë më parë. Kryeziu ishte në gjendje të rëndë shëndëtësore tash e disa ditë.
Lajmi është bërë i ditur nga familjarët e të ndjerit.
Pas deklaratës së Nasim Haradniajt se nëse dënonhen isb krerët e UÇK’së në Hagë, do të kallet shqiptaria, i ka reaguar veprimtari Halil Gexi. Ai ka qenë mjaft i ashpër me Haradinajn. “Nëse s’mund t’ia vësh fIakën Kosovës, thirre edhe Radoiçiqin”, e ka porositur Geci.
Postimi i plotë:
NJË KËSHILLË PËR NASIMIN:
NËSE S’MUNDESH TA VËSH FLAKË KOSOVËS I VETËM, THIRRE EDHE RADOJÇIQIN!
“Skënder Begu” i Dukagjinit, alias Nasim Haradinaj, po kërcënon se “do të digjet flakë Kosova” nëse ia dënojnë Polarin.
Mos u ngut, Skënderbeg! Nëse mendon se nuk mund ta bësh i vetëm, thirre edhe Radojçiqin, se ai mezi pret ta kallë e ta destabilizojë Kosovën. E kur t’i bashkoni flakët, Radojçiqi e Skënderbegu dalin edhe më të kuqërremtë.
Me siguri, nëse Skënderbegu e djeg Kosovën, pa dyshim se Polarin do ta shpëtojë nga përgjegjësia.
Ngase Kosova ka mbetur çakmak në xhepin e Skënderbegut.
Një rast i dhunës mes të miturave ka ndodhur mbrëmjen e djeshme në afërsi të parkut të qytetit në Mitrovicë.
“Mitropol” raporton se një vajzë 12-vjeçare është rrahur nga një 18-vjeçare, gjersa ngjarja është xhiruar nga një e mitur tjetër e pranishme e cila më parë ka pasur incidente të ngjashme të trajtuara nga policia.
Pamjet filmike dyshohet se më pas iu dërguan edhe një nxënëseje tjetër të së njëjtës shkollë, shoqëruar me kërcënime për sulm të ngjashëm.
Për shkak të ndjeshmërisë së rastit, Insajderi nuk do ta publikojë videon ku viktima e mitur dëgjohet duke qarë me dënesë, ndërkaq sulmuesja dëgjohet duke i përsëritur fjalët: A shan ma me nanë?
Organizata e Veteranëve të Luftës së UÇK-së ka shpreh mbështetje për propozimin e ish-komandantit të UÇK-së dhe ish-kryeministrit Ramush Haradinaj, që Hashim Thaçi të rimarrë mandatin nga Kuvendi i Kosovës dhe të zgjidhet President me t’u kthyer në Kosovë.
OVL e UÇK-së thekson se propozimi mbart peshë kombëtare dhe institucionale dhe i shërben frymës unifikuese në vend.
“Roli i Hashim Thaçit në shërbim të luftës çlirimtare dhe më pas përgjegjësitë institucionale nëpër të gjitha proceset shtetformuese dhe shtetndërtuese janë garanci dhe siguri për ecjen përpara të Kosovës në krah me aleatët tanë strategjikë.
Kthimi i tij duhet pritur me dinjitet institucional dhe me zgjidhje të ligjshme, që nuk lejon që vakuumi i tanishëm institucional dhe rrethanat degraduese ta mbajnë Kosovën peng dhe ta shpien në drejtim të gabuar”, thuhet në komunikatë.
OVL e UÇK-së thekson më tej se institucionet relevante dhe forcat politike të Kosovës duhet ta shqyrtojnë seriozisht këtë propozim, përtej ndasive partiake.
“Sot Kosova ka nevojë më shumë se kurrë që të mbizotërojë interesi kombëtar, dinjiteti dhe siguria e shtetit, duke mos anashkaluar asnjëherë nderimin dhe respektin për ata që luftuan, sakrifikuan dhe fituan lirinë dhe shtetësinë e Kosovës”, thuhet në fund të komunikatës.
Ish-kryetari i Aleancës, Ramush Haradinaj, ka kritikuar ashpër situatën aktuale institucionale në vend, duke e akuzuar kryeministrin në detyrë, Albin Kurti, se po e bllokon funksionimin e Kuvendit dhe po e mban Kosovën në krizë politike.
Haradinaj tha se ditët po kalojnë ndërsa Kuvendi mbetet i pakonstituuar, duke e cilësuar këtë si “djegie të mandatit” të deputetëve të zgjedhur.
“Ditët po kalojnë, seanca, Kuvendi është inekzistent. E vërtetë që është djegie e mandatit të atyre që janë zgjedhur, djegie e mundësisë dhe kjo po ndodh nga regjimi i Kurtit”.
Sipas tij, mos-thirrja e seancës me arsyetimin se mungesa e një marrëveshjeje mund të shkaktojë tensione apo dhunë në Kuvend është vetëm një arsyetim.
“Ai e ka instaluar veten mbi Kushtetutën, institucionet dhe mbi çdo obligim kushtetues dhe ligjor. Mos-thirrja e seancës me arsyetimin se nëse s’ka marrëveshje ndodh dhunë në seancë, është vetëm alibi”.
Haradinaj ka folur edhe për çështjen e zgjedhjes së presidentit, duke e cilësuar edhe këtë si një “alibi” për zvarritjen e procesit.
Ai ka propozuar një zgjidhje që lidhet drejtpërdrejt me ish-presidentin Hashim Thaçi, duke thënë se vazhdimi i mandatit të tij do të ishte një mundësi për të shmangur mbajtjen peng të vendit.
“Çështja e marrëveshjes për president edhe kjo është alibi që ndodh qëllimshëm.”
“Është nder edhe i kësaj legjislature që t’ia vazhdojmë mandatit presidentit Thaçi, atij i është marrë mandati, dhe me kthimin e tij, është në nderin tonë si shqiptarë, si komb, për shkak të një kundërpërgjigjeje armiqve të Kosovës, që t’ua vazhdojmë mandatin”, u shpreh ai.
Ka dështuar të mbahet takimi i paralajmëruar i kryeministrit në detyrë, Albin Kurti, me komandantin e KFOR-it, gjeneralmajorin Ozgan Ulutash.
Sipas një njoftimi për media nga KFOR-i, takimi nuk u zhvillua për shkak “të rrethanave të paparashikuara”.
“Për shkak të rrethanave të paparashikuara, takimi i sotëm midis komandantit të KFOR-it, gjeneraljamorit Ulutash dhe z. Kurtit nuk u zhvillua. Komandanti i KFOR-it mbetet në kontakt të ngushtë me të gjithë partnerët, përfshirë përfaqësuesit e institucioneve në Kosovë”, thuhet në njoftim.
Më herët gjatë ditës, Kurti në konferencë për shtyp tek tha se është e pakuptimtë që Ura e Ibrit të mbetet e mbyllur, pas njoftimit të NATO-s për reduktim të pranisë së KFOR-it në të.
Ai paralajmëroi takim me Ulutashin për ta diskutuar edhe këtë çështje.
Në mesin e emrave të propozuar për presidentin e ardhshëm të Kosovës, është hedhur edhe emri i ish-ministrit Skënder Hyseni.
Propozimi është bërë nga Mustafë Abazi, kryetar i Rrjetit të Bizneseve për Diasporën në Gjermani, i cili e ka vlerësuar Hysenin si një figurë me përvojë të gjatë institucionale, diplomatike dhe me integritet.
Abazi ka theksuar se Hyseni ka pasur një rol të rëndësishëm gjatë periudhës së presidentit Ibrahim Rugova, fillimisht si këshilltar dhe zëdhënës i tij, ku sipas tij ka fituar përvojë të drejtpërdrejtë në përfaqësimin dhe diplomacinë e Kosovës.
Ai ka përmendur gjithashtu angazhimin e Hysenit në proceset shtetformuese të Kosovës, duke theksuar se ai është një nga nënshkruesit e Deklaratës së Pavarësisë së 17 shkurtit 2008.
Hyseni më pas ka mbajtur edhe poste të larta shtetërore, përfshirë atë të Ministrit të Punëve të Jashtme dhe Ministrit të Punëve të Brendshme.
Sipas Abazit, përvoja e Hysenit shtrihet në disa prej periudhave më të rëndësishme të zhvillimit politik dhe institucional të Kosovës, nga epoka e presidentit Rugova e deri te shpallja e Pavarësisë dhe konsolidimi i institucioneve.
Propozimi për Hysenin është paraqitur si një alternativë që synon konsensusin politik dhe unitetin institucional në vend.
Në një postim në Facebook, Tahiri ka thënë se deklarata e tij e një dite më parë, se Thaçi është presidenti që i duhet Kosovës, është mbështetur edhe nga ish-kryeministri Ramush Haradinaj.
Sipas Tahirit, pas përfundimit të procesit më 16 shtator, Thaçi duhet të rikthehet në Zyrën e Presidentit.
Menjëherë pas përfundimit të procesit më 16 shtator, Presidenti Thaçi duhet të rikthehet në Zyrën e Presidentit”, ka shkruar ai.
Tahiri ka thënë se një rikthim i tillë do të përbënte, sipas tij, një korrigjim të vonuar të asaj që e ka cilësuar si “padrejtësi të zgjatur”.
Ai gjithashtu ka përmendur edhe ish-krerët e tjerë të UÇK-së që po gjykohen në Hagë, duke shprehur shpresën për lirimin e tyre pas përfundimit të procesit.
Pas 16 shtatorit, ata duhet të lirohen dhe të fillojë numërimi përpara i Kosovës”, ka deklaruar Tahiri.
Më 21.08.2026, në orën 16:15, në Gostivar, nëpunës policorë e kanë privuar nga liria V.A.(30) nga Tetova, pasi kishte sulmuar fizikisht vjehrrën e saj. Ajo është mbajtur në stacion policor dhe pas dokumentimit të plotë të rastit, kundër saj do të parashtrohet kallëzim përkatës.
Pronari i Hotel & Restaurant “Liqeni i Dukagjinit” në Radoniq ka reaguar pas deklaratave publike të ministres në detyrë të Mjedisit, Fitore Pacolli, lidhur me mbylljen e këtij biznesi.
“Deri në këtë moment, kompanisë sonë nuk i është dorëzuar apo komunikuar zyrtarisht asnjë vendim për mbylljen e aktivitetit”, thuhet në reagim.
Ai ka mohuar gjithashtu se biznesi ka pranuar ndonjë vërejtje apo konstatim zyrtar se aktiviteti i tij ka shkaktuar ndotje apo dëmtim të cilësisë së ujit.
Reagimi i plotë:
“Si Drejtor i kompanisë Liqeni Dukagjin Sh.P.K., ndihem thellësisht i shqetësuar dhe i prekur nga deklarata publike e Ministres në detyrë të Mjedisit, znj. Fitore Pacolli, lidhur me mbylljen e Hotel & Restaurant Liqeni i Dukagjinit.
Dua t’i njoftoj klientët tanë, bashkëpunëtorët dhe opinionin publik se Hotel & Restaurant Liqeni i Dukagjinit është i hapur dhe vazhdon aktivitetin e tij normalisht.
Deri në këtë moment, kompanisë sonë nuk i është dorëzuar apo komunikuar zyrtarisht asnjë vendim për mbylljen e aktivitetit.
Gjithashtu, dua të theksoj qartë se ne nuk kemi pranuar asnjë vërejtje apo konstatim zyrtar se veprimtaria jonë ka shkaktuar ndotje, dëmtim apo prishje të cilësisë së ujit, ashtu siç është lënë të kuptohet në deklaratat publike.
Liqeni Dukagjin Sh.P.K. posedon dokumentacionin përkatës për ushtrimin e veprimtarisë së saj, dhe jemi plotësisht të gatshëm që çdo çështje ta sqarojmë dhe ta trajtojmë përpara institucioneve kompetente. Ne i respektojmë institucionet e Republikës së Kosovës dhe do t’i përgjigjemi çdo procedure institucionale dhe ligjore me transparencë të plotë.
Ajo që na ka prekur veçanërisht është fakti se një deklaratë e tillë publike prek jo vetëm emrin dhe reputacionin e kompanisë, por edhe mbi 60 punëtorë të punësuar në biznesin tonë. Pas secilit prej tyre qëndron një familje që mbahet nga paga dhe puna e ndershme që realizohet çdo ditë në këtë kompani.
Prandaj, jemi thellësisht të prekur nga deklarata e dhënë, sepse publikimi i lajmit për mbylljen e biznesit, pa na u dorëzuar paraprakisht një vendim zyrtar, ka shkaktuar shqetësim te klientët, partnerët, punëtorët dhe familjet e tyre, si dhe dëm serioz në imazhin e kompanisë sonë.
Ne nuk kërkojmë asgjë më shumë se respektimin e procedurave ligjore, transparencë dhe trajtim të drejtë institucional.
Nëse ekziston ndonjë pretendim ndaj kompanisë sonë, jemi të gatshëm të përballemi me të përmes institucioneve përkatëse dhe të paraqesim çdo dokument që kërkohet.
Deri atëherë, i sigurojmë të gjithë klientët dhe bashkëpunëtorët tanë se:
HOTEL & RESTAURANT LIQENI DUKAGJIN VAZHDON TË JETË I HAPUR DHE NË SHËRBIM TË KLIENTËVE TË TIJ.”
