Prokuroria Speciale e Republikës së Kosovës ka ngritur aktakuzë ndaj Fatmir Shehollit për spiunazh te Agjencia e Sigurisë dhe Informacionit të Serbisë (BIA) në dëmtim të interesave të shtetit të Kosovës, dhe në një rast tjetër për shantazh, raporton Klan Kosova.
Dosja prej 80 faqesh e ngarkon Shehollin me këto dy vepra penale, bazuar në veprimet e tij inkriminuese që Specialja i ka mbështetur në provat materiale.
Nëse Sheholli shpallet fajtor për spiunazh, ai mund të dënohet me jo më pak se 5 vjet burg.
“3. Kushdo që hyn në shërbimin informativ të huaj, mbledh të dhëna për të apo në ndonjë mënyrë tjetër e ndihmon punën e shërbimit të tillë, dënohet me jo më pak se pesë (5) vjet burgim.”
Ndërsa për veprën tjetër të shantazhit, Kodi parasheh gjobë dhe burgim deri në 10 vjet.
“2. Nëse vepra penale nga paragrafi 1. i këtij neni kryhet nga kryesi i cili vepron si anëtar i grupit apo kryhet me përdorim të armës apo mjetit të rrezikshëm ose vepra penale rezulton me dobi pasurore të kundërligjshme në shumën që tejkalon dhjetëmijë (10.000) Euro, kryesi dënohet me gjobë dhe me burgim prej një (1) deri në dhjetë (10) vjet.”
Ish-shefi i Misionit Verifikues të OSBE-së në Kosovë, ambasadori në pension William G. Walker, u është drejtuar me një letër liderëve të partive politike të përfaqësuara në Kuvendin e Kosovës, duke propozuar Faton Bislimin si kandidat për President të Kosovës, raporton Ekonomia Online.
Lidhur me këtë propozim, Faton Bislimi është pyetur nga Ekonomia Online, por i njëjti nuk ka dashur të flasë.
“Me kënaqësinë më të madhe, por duhet me iu bashkangjit Joseph-it dhe Shirley, herën tjetër”, ka thënë shkurt ai.
Në letërn e tij, Ëalker shpreh shqetësimin e tij për, siç e cilëson, bllokadën e tejzgjatur të procesit kushtetues për zgjedhjen e presidentit të ri.
“Si mik i Kosovës, jam thellësisht i shqetësuar, ashtu siç jam i bindur se jeni edhe ju dhe qytetarët e Kosovës, për bllokadën e tejzgjatur të procesit kushtetues për zgjedhjen e Presidentit të ri”, thuhet në letrën e Ëalkerit.
“Kam dëgjuar emrat e disa kandidatëve të mundshëm. Të gjithë meritojnë të merren në konsideratë, por, sipas vlerësimit tim, asnjëri prej tyre nuk i përmbush në tërësi aftësitë, përvojën dhe profilin personal që kërkon posti i Presidentit. Prandaj, më lejoni të propozoj një emër”, thuhet ëm tutje në letrën e tij.
Kjo është letra e plotë:
Nga: Ambasadori (në pension) William G. Walker
Lënda: Propozim për kandidaturë për President të Kosovës
Si mik i Kosovës, jam thellësisht i shqetësuar, ashtu siç jam i bindur se jeni edhe ju dhe qytetarët e Kosovës, për bllokadën e tejzgjatur të procesit kushtetues për zgjedhjen e Presidentit të ri. Nuk besoj se zgjedhje të tjera do të sillnin qartësi apo zgjidhje për këtë situatë, e aq më pak ta rikthenin Kosovën në rrugën e një qeverisjeje efektive.
Në mënyrë që institucioni i Presidencës ta ushtrojë me sukses rolin e tij, Kosovës i nevojitet një person me aftësi të veçanta dhe me përkushtim të fuqishëm për ta avancuar vendin drejt pozitës që i takon në botë.
Kam dëgjuar emrat e disa kandidatëve të mundshëm. Të gjithë meritojnë të merren në konsideratë, por, sipas vlerësimit tim, asnjëri prej tyre nuk i përmbush në tërësi aftësitë, përvojën dhe profilin personal që kërkon posti i Presidentit. Prandaj, më lejoni të propozoj një emër.
Faton “Tony” Bislimin e njoh prej shumë vitesh. Kemi diskutuar shpesh për politikën e Kosovës, si në planin e brendshëm, ashtu edhe për vendin e këtij shteti të ri në Evropë dhe në botë. Nuk kam asnjë dyshim për pavarësinë e tij në mendim dhe për aftësinë e tij për t’i artikuluar dhe mbrojtur qartë qëndrimet e veta për çfarëdo çështjeje.
Sipas mendimit tim, ndër emrat që mund të merren në konsideratë, Fatoni i posedon të gjitha aftësitë e nevojshme, si dhe profilin personal që kërkohet për të qenë një President i suksesshëm.
Më lejoni t’i rendis disa prej cilësive që, sipas meje, janë thelbësore për ushtrimin me sukses të detyrës së Presidentit:
1. Njohja e botës përtej Kosovës
Fatoni ka jetuar, udhëtuar dhe studiuar në vende të ndryshme të Evropës dhe Amerikës së Veriut. Njohuritë dhe përvoja e tij ndërkombëtare janë të jashtëzakonshme.
2. Formim i shkëlqyer akademik
Studimet e Fatonit në Kosovë, Shtetet e Bashkuara të Amerikës dhe Kanada kanë qenë të nivelit më të lartë. Po ashtu, aftësitë e tij si edukator dhe ligjërues janë dëshmuar gjerësisht.
3. Aftësitë komunikuese.
Fatoni zotëron në mënyrë të plotë shqipen dhe anglishten, ndërsa, me sa di, edhe frëngjishten.
4. Njohje e thellë e procesit të shtetformimit të Kosovës
Fatoni ka njohuri dhe kuptim të jashtëzakonshëm për rrugëtimin e Kosovës para, gjatë dhe pas luftës së viteve ’90, si dhe për proceset komplekse dhe personalitetet që kanë qenë pjesë e këtij rrugëtimi. Ai ka pasur gjithashtu kontakte personale me shumë prej akterëve të përfshirë.
5. Personaliteti
Fatoni i posedon të gjitha aftësitë e nevojshme sociale. Di të jetë i afërt dhe serioz kur situata e kërkon, por edhe të sjellë lehtësi dhe humor kur është e nevojshme. Janë të paktë ata që largohen nga një bisedë me Fatonin të zemëruar apo të pakënaqur, pavarësisht dallimeve në argumente apo pikëpamje. Pikërisht ky është lloji i personalitetit që kërkohet për një Presidencë të suksesshme.
6. Kandidat i konsensusit
Kosova ka nevojë të madhe për një President që perceptohet si përfaqësues i vendit në tërësi, jo i një partie, i një individi apo i një qëndrimi të ngurtë politik për çdo çështje. Fatoni nuk përfaqëson interesa partiake. Ai përfaqëson bindjet e veta dhe përkushtimin për një Kosovë më të mirë.
Me një fjalë, sipas mendimit tim, Fatoni i posedon të gjitha cilësitë e nevojshme për të qenë një President i suksesshëm i Kosovës.
Kërkoj vetëm që emri dhe kualifikimet e tija të merren në konsideratë gjatë diskutimeve tuaja.
Deputetja e PDK-së, Blerta Deliu, ka reaguar përmes një postimi lidhur me 16 shtatorin, ditën kur në Hagë pritet të shpallet aktgjykimi ndaj Hashim Thaçit, Kadri Veselit, Rexhep Selimit dhe Jakup Krasniqit.
Deliu ka thënë se kjo datë po afrohet me një peshë të madhe, duke theksuar se procesi gjyqësor prej vitesh ka rënduar mbi familjet e ish-krerëve të UÇK-së, por edhe mbi bashkëluftëtarët, PDK-në dhe Kosovën.
Përmes një postimi në Facebook, ajo ka vlerësuar se Kosova po e pret këtë moment në një situatë të ndjeshme politike, pa institucione të konsoliduara dhe me Kuvendin jofunksional.
“Nuk e dimë çfarë do të sjellë ajo ditë, por e dimë se pas saj shumëçka nuk do të jetë njësoj. Kosova po shkon drejt një momenti kaq të ndjeshëm pa institucione të konsoliduara, me Kuvend jofunksional dhe me një krizë politike që po vazhdon”.
“Në ditë të tilla, shteti duhet të jetë aty. Duhet të ketë institucione që funksionojnë, përgjegjësi, maturi dhe një zë që e përfaqëson Kosovën me dinjitet”, ka shkruar Deliu, transmeton Klankosova.tv.
Sipas saj, pas 16 shtatorit, shumëçka do të ndryshojë.
“Pas 16 shtatorit, as Kosova dhe as PDK-ja nuk do të jenë krejt të njëjta”, ka deklaruar Deliu.
Ajo e ka përmbyllur postimin me thirrje për funksionalizimin e institucioneve të vendit: “Prandaj kemi nevojë për institucione. Jo nesër. Sot”.
Ish-shefi i Misionit Verifikues të OSBE-së në Kosovë, ambasadori në pension William G. Walker, u është drejtuar me një letër liderëve të partive politike të përfaqësuara në Kuvendin e Kosovës, duke propozuar Faton “Tony” Bislimin si kandidat për President të Kosovës, shkruan Telegrafi.
Telegrafi ka siguruar letrën e ambasadorit Walker, në të cilën diplomati amerikan shpreh shqetësimin e tij për, siç e cilëson, bllokadën e tejzgjatur të procesit kushtetues për zgjedhjen e presidentit të ri.
Letra është konfirmuar për Telegrafin, nga persona afër ambasadorit amerikan Wollker.
“Si mik i Kosovës, jam thellësisht i shqetësuar, ashtu siç jam i bindur se jeni edhe ju dhe qytetarët e Kosovës, për bllokadën e tejzgjatur të procesit kushtetues për zgjedhjen e Presidentit të ri”, thuhet në letrën e Walkerit.
“Kam dëgjuar emrat e disa kandidatëve të mundshëm. Të gjithë meritojnë të merren në konsideratë, por, sipas vlerësimit tim, asnjëri prej tyre nuk i përmbush në tërësi aftësitë, përvojën dhe profilin personal që kërkon posti i Presidentit. Prandaj, më lejoni të propozoj një emër.
Për më shumë lexo letrën e plotë:
Nga: Ambasadori (në pension) William G. Walker
Lënda: Propozim për kandidaturë për President të Kosovës
Si mik i Kosovës, jam thellësisht i shqetësuar, ashtu siç jam i bindur se jeni edhe ju dhe qytetarët e Kosovës, për bllokadën e tejzgjatur të procesit kushtetues për zgjedhjen e Presidentit të ri. Nuk besoj se zgjedhje të tjera do të sillnin qartësi apo zgjidhje për këtë situatë, e aq më pak ta rikthenin Kosovën në rrugën e një qeverisjeje efektive.
Në mënyrë që institucioni i Presidencës ta ushtrojë me sukses rolin e tij, Kosovës i nevojitet një person me aftësi të veçanta dhe me përkushtim të fuqishëm për ta avancuar vendin drejt pozitës që i takon në botë.
Kam dëgjuar emrat e disa kandidatëve të mundshëm. Të gjithë meritojnë të merren në konsideratë, por, sipas vlerësimit tim, asnjëri prej tyre nuk i përmbush në tërësi aftësitë, përvojën dhe profilin personal që kërkon posti i Presidentit. Prandaj, më lejoni të propozoj një emër.
Faton “Tony” Bislimin e njoh prej shumë vitesh. Kemi diskutuar shpesh për politikën e Kosovës, si në planin e brendshëm, ashtu edhe për vendin e këtij shteti të ri në Evropë dhe në botë. Nuk kam asnjë dyshim për pavarësinë e tij në mendim dhe për aftësinë e tij për t’i artikuluar dhe mbrojtur qartë qëndrimet e veta për çfarëdo çështjeje.
Sipas mendimit tim, ndër emrat që mund të merren në konsideratë, Fatoni i posedon të gjitha aftësitë e nevojshme, si dhe profilin personal që kërkohet për të qenë një President i suksesshëm.
1. Njohja e botës përtej Kosovës
Fatoni ka jetuar, udhëtuar dhe studiuar në vende të ndryshme të Evropës dhe Amerikës së Veriut. Njohuritë dhe përvoja e tij ndërkombëtare janë të jashtëzakonshme.
2. Formim i shkëlqyer akademik
Studimet e Fatonit në Kosovë, Shtetet e Bashkuara të Amerikës dhe Kanada kanë qenë të nivelit më të lartë. Po ashtu, aftësitë e tij si edukator dhe ligjërues janë dëshmuar gjerësisht.
3. Aftësitë komunikuese.
Fatoni zotëron në mënyrë të plotë shqipen dhe anglishten, ndërsa, me sa di, edhe frëngjishten.
4. Njohje e thellë e procesit të shtetformimit të Kosovës
Fatoni ka njohuri dhe kuptim të jashtëzakonshëm për rrugëtimin e Kosovës para, gjatë dhe pas luftës së viteve ’90, si dhe për proceset komplekse dhe personalitetet që kanë qenë pjesë e këtij rrugëtimi. Ai ka pasur gjithashtu kontakte personale me shumë prej akterëve të përfshirë.
5. Personaliteti
Fatoni i posedon të gjitha aftësitë e nevojshme sociale. Di të jetë i afërt dhe serioz kur situata e kërkon, por edhe të sjellë lehtësi dhe humor kur është e nevojshme. Janë të paktë ata që largohen nga një bisedë me Fatonin të zemëruar apo të pakënaqur, pavarësisht dallimeve në argumente apo pikëpamje. Pikërisht ky është lloji i personalitetit që kërkohet për një Presidencë të suksesshme.
6. Kandidat i konsensusit
Me një fjalë, sipas mendimit tim, Fatoni i posedon të gjitha cilësitë e nevojshme për të qenë një President i suksesshëm i Kosovës.
Kërkoj vetëm që emri dhe kualifikimet e tija të merren në konsideratë gjatë diskutimeve tuaja.
Me respekt dhe me urimet më të mira,
Amb. William G. Walker
Shënim: Kjo letër u është dërguar të gjithë liderëve të partive politike të përfaqësuara në Kuvendin e Kosovës, në ndërkohë deri në publikimin e letrës nuk është konfirmuar nga LVV, PDK, LDK e AAK që e njëjta ka arritur në adresën e tyre.
Një ngjarje e rëndë ka ndodhur në Prizren, ku një grua 80-vjeçare është gjetur pa shenja jete në shtëpinë e saj, ndërsa bashkëshorti i saj 81-vjeçar është arrestuar nën dyshimin për “Vrasje të rëndë”.
Rasti ka ndodhur mëngjesin e 26 gushtit, rreth orës 01:30, ndërsa pas ekzaminimit të vendit të ngjarjes, policia ka ngritur dyshimet se lëndimet në trupin e viktimës mund të jenë shkaktuar nga forca duarthatë.
Lajmin për Sinjalin e ka konfirmuar Zyra për Informim dhe Marrëdhënie me Publikun e Drejtorisë Rajonale të Policisë në Prizren.
Sipas policisë, në vendngjarje kanë dalë patrullat policore dhe ekipi i urgjencës mjekësore, të cilët kanë konstatuar vdekjen e viktimës.
Në shtëpi është gjetur edhe bashkëshorti i saj, i cili është shoqëruar në stacionin policor.
Trupi i pajetë është dërguar në Institutin e Mjekësisë Ligjore në Prishtinë për ekzaminim mjekoligjor.
Ndërkohë, 81-vjeçari është intervistuar në prani të avokatit mbrojtës dhe, me vendim të Prokurorit të Shtetit, është ndaluar për 48 orë.
Sipas evidencave të policisë, çifti nuk ka pasur raste të mëhershme të dhunës të raportuara dhe në momentin e incidentit kanë qenë vetëm në shtëpinë e tyre.
Një person është sulmuar fizikisht nga dy djemtë e tij të mitur, pas një mosmarrëveshjeje mes tyre.
Sipas raportit të Policisë së Kosovës, rasti ka ndodhur më 25 gusht, rreth orës 02:00, në Obiliq.
Policia ka bërë të ditur se viktima, mashkull kosovar, dyshohet se është sulmuar fizikisht nga dy djemtë e tij të mitur.
Me vendim të prokurorit, rasti është proceduar në procedurë të rregullt.
“Obiliq / 25.08.2026 – 02:00. Dyshohet se vktima m/k pas një mosmarrëveshje është sulmuar fizikisht nga dy djemtë e tij të mitur m/k. Me vendim të prokurorit rasti procedohet në procedurë të rregullt”.
BIA serbe provoi t’i jepte ngjyrime ndëretnike rastit të rrahjes së një të moshuare në Shtëpinë e Pleqve në Pejë katër vjet më parë.
Rasti që tronditi opinionin publik në Kosovë në nëntorin e vitit 2022, lidhej me një sulm fizik të kryer nga një infermiere e Shtëpisë së Pleqve ndaj një gruaje të moshuar. Të dy protagonistet e ngjarjes i përkisnin kombësisë shqiptare.
Shërbimi inteligjent serb kishte plan tjetër.
Me synim që të nxiste tensione dhe përçarje ndëretnike, Shërbimi Inteligjent i Serbisë (BIA) dyshohet se shtyu publikimin e një lajmi të rrejshëm në mediat serbe në të cilin e moshuara e keqtrajtuar paraqitej si pjesëtare e komunitetit serb në Kosovë, ndërsa sulmuesja me komnësi shqiptare, sipas dosjes së Prokurorisë Speciale.
Pretendimi bazohet në disa komunikime të Fatmir Shehollit, të cilat janë siguruar si prova në aktakuzën ndaj tij për spiunazh dhe shantazh.
Artikulli i rrejshëm ishte publikuar në tabloidin serb, Alo.rs.
“Nga analizimi i dëshmisë Z#4, përkatësisht telefonit celular Apple iPhone, të sekuestruar nga i pandehuri Fatmir Sheholli, janë evidentuar komunikime të vazhdueshme ndërmjet tij dhe personit Afrim Gjonbalaj, si dhe kontakte me persona të tjerë të lidhur me BIA”, thuhet në një pjesë të dosjes.
“Nga përmbajtja e këtyre komunikimeve rezulton se janë diskutuar informacione të sigurisë, janë organizuar takime me persona të caktuar në rajon dhe janë shkëmbyer informacione lidhur me çështje që ndërlidhen me KFOR-in. Këto komunikime dëshmojnë vazhdimësinë e kontakteve të të pandehurit Fatmir Sheholli me persona të lidhur me BIA-në dhe natyrën e informacioneve të shkëmbyera në kuadër të këtyre kontakteve”.
Një nga komunikimet mes Fatmir Shehollit dhe Afrim Gjonbalajt, ku flitet për artikullin e publikuar në Alo.rs:
Më poshtë transkripta e bisedës:
Afrim Gjonbalaj: Kush o mas ksaj
Fatmir Sheholli: BIA
Fatmir Sheholli: Bojan Dimic sef operative BiA
Afrim Gjonbalaj: Jevi sigurt
Fatmir Sheholli: lajmin e mora nga nje mikesh e imja që punon në BIA
Komunikimi mes tyre zhvillohet më 2 nëntor të vitit 2022. Sheholli dhe Gjonbalaj diskutojnë lidhur me luftën hibride dhe rolin e mediave, me ç’rast Sheholli ia përcjell Gjonbalajt artikullin e publikuar në mediumin serb “Alo.rs”.
Sheholli i thotë Gjonbalajt se prapa këtij artikulli, lajm i rrejshëm, qëndron BIA serbe dhe zyrtari i saj, Bojan Dimiq.
“Artikulli përmbante pretendime dhe materiale vizuale lidhur me keqtrajtimin e një gruaje të moshuar në Pejë, duke e paraqitur atë si pjesëtare të komunitetit serb, me ç’rast publikimi kishte përmbajtje të përshtatshme për nxitjen e tensioneve dhe përçarjeve ndëretnike në Kosovë dhe ishte publikuar në një medium e afërt me qeverin Serbe ‘Alo’, fakt i vërtetuar edhe nga komunkimi i të pandehurit me disa persona tjerë”, thuhet në dosjen e Prokurorisë. /Paparaci.com
Anëtari i PDK-së, Xhavit Haliti, ka komentuar situatën politike në vend dhe ngërçin institucional, duke thënë se procesi për konstituimin e institucioneve mund të shtyhet deri në mesin e shtatorit.
Haliti ka deklaruar se Kuvendi, sipas tij, gjatë muajit gusht është në pushim vjetor dhe se seancat e rregullta plenare nisin në shtator, pa një datë të përcaktuar paraprakisht për fillimin e tyre.
“Duhet me dalë me protestua që spo krijohen institucionet, por ajo që kasha me theksu e që se ka prezantu e ska marr vendim actual kryetarja e Parlamentit, është se Parlamenti me Kushtetutë shkon në pushim vjetor e ka gushtin deri në fillimin e shtatorit pa e përcaktuar datën se kur cila është data e fillimit të seancave, pra shtatori është muaji ku fillojnë seancat e rregullta plenare. Injorimin që po e bënë Albini është metodë e tij e punës, kjo është forma më demokratike që po bënë PDK-ja në protest, Albini nuk i beson askujt për me ia dhënë pozitën e presidentit për faktin se është deklaruar edhe vetë, një besim që i është dhënë Vjosës e ka konsideruar si besprim… Unë besoj që kjo situatë do të shtyhet kështu deri në mesin e shtatorit dhe pastaj mund të zgjedhet me marrëveshje kryetari i Kuvendit, dhe pastaj shohim a do të ketë kandidat për president”, ka deklaruar Haliti në emisionin “Ditari” në tëvë1.
Ai ka kritikuar edhe qasjen e kryeministrit në detyrë, Albin Kurti, duke e cilësuar “injorimin” si një metodë të tij të punës.
Sipas Halitit, nëse nuk arrihet një marrëveshje për zgjedhjen e kryetarit të Kuvendit, situata mund të vazhdojë edhe gjatë javëve të ardhshme.
“Unë besoj që kjo situatë do të shtyhet kështu deri në mesin e shtatorit dhe pastaj mund të zgjidhet me marrëveshje kryetari i Kuvendit, dhe pastaj shohim a do të ketë kandidat për president”, është shprehur ai.
Kurse sa i përket një oferte për bashkëqeverisje mes LVV dhe PDK-së, ky i fundit ka mohuar ka se PDK-ja ka marrë ndonjë ofertë konkrete nga Kurti për bashkëqeverisje.
“Kurti s’ka pasur ofertë për PDK-në, ai ka kërkuar emra për president, mendim dhe në fund ka thënë në rregull e bëjmë, u japim nënshkrimet për secilin dhe i fusim në vota me hy në zgjedhje për me zgjedh dikë tjetër”, ka deklaruar Haliti.
Ai ka thënë se përderisa nuk ka dakordim për një emër konkret për president, nuk mund të flitet për një marrëveshje politike.
Sipas tij, gatishmëria për bashkëqeverisje mungon nga ana e pozitës, ndërsa Kurti mund të ketë interes që vendi të shkojë në zgjedhje të reja.
“Gadishmëria për bashkëqeverisje po i mungon pozitës. Këtë rast Kurtit i konvenon me e dërgua vendin në zgjedhje, mund të fitojë më shumë vota”, ka thënë ai.
Haliti ka theksuar se PDK-ja nuk e sheh veten si “parti të kryetarit” dhe se pa një ofertë të pranueshme nuk ka arsye ta pranojë një marrëveshje.
“Ne s’kemi pasur ofertë, s’jemi parti e kryetarit. Përderisa s’ke ofertë të pranueshme, s’ki pse me pranu”, është shprehur ai.
Ai ka paralajmëruar se PDK-ja duhet të përgatitet për një opozitarizëm të fuqishëm dhe në rast të zgjedhjeve të reja, të rrisë angazhimin politik edhe në Kosovë edhe në diasporë.
Duke folur për çështjen e presidentit, Haliti ka përmendur edhe ish-presidentin Hashim Thaçi.
“Propozimin për president për Hashim Thaçin duhet me e bë Albin Kurti, sepse ai e ka shumicën”, ka deklaruar Haliti./teve1.info/
Këngëtarja e njohur, Ganimete Jashanica, po kalon momente të vështira zie pasi ka humbur vëllain e saj të dashur, Mehdi Mehmeti.
Lajmin e pikëllueshëm e ka bërë të ditur vetë artistja përmes një postimi në rrjete sociale.
Në njoftimin e publikuar pranë fotografisë së të ndjerit, Ganimetja ka bërë të ditura detajet për mbajtjen e të pames në kryeqytet:
“Të nderuar familjarë, miq dhe dashamirë, ju njoftojmë se pamja për vëllain tonë të dashur, Mehdi Mehmeti, do të mbahet më 26 dhe 27 gusht 2026, nga ora 09:00 deri në 17:00, në Hotel Grand, Prishtinë. Me respekt dhe mirënjohje për të gjithë ata që do të jenë pranë nesh në këto momente të vështira — Familja Mehmeti.”
Pas publikimit të njoftimit, të shumtë kanë qenë ndjekësit, miqtë dhe kolegët e skenës që i kanë shprehur ngushëllimet më të sinqerta këngëtares dhe familjes së saj për këtë humbje të madhe.
