Kurti niset për vizitë në ShBA

Kryeministri në detyrë, Albin Kurti, është nisur për vizitë në Shtetet e Bashkuara të Amerikës.

Kështu bëri të ditur autori i emisionit Rubikon në Klan Kosova, Adriatik Kelmendi i cili tha se “Kurti është në rrugë e sipër për të shkuar në Shtetet e Bashkuara të Amerikës”.

Kritik ishte analisti Ilir Deda, i cili tha se nuk duhet të shkojnë presidentja e vendit, Vjosa Osmani dhe kryeministri në detyrë Albin Kurti në të njëjtën kohë në vizitë jashtë shteti.

“Ne kemi bërë kritika edhe në të kaluarën. Nuk shkon presidentja dhe kryeministri në të njëjtën, nuk shkohet ashtu jashtë vendit”, tha ai.

“500 euro për çdo lindje”, premtimi i madh i kandidatit për kryetar komune

Kandidati i Partisë Demokratike të Kosovës (PDK) për kryetar të Komunës së Shtimes, Dr. Përparim Ramusa, ka shpallur një nga zotimet e tij më të mëdha gjatë fushatës zgjedhore: ndarjen e 500 eurove për çdo lindje të re në familjet shtimjane, pa dallim nëse bëhet fjalë për fëmijën e parë apo për lindjet e tjera pasuese.

Sipas Ramusës, ky zotim ka për qëllim të mbështesë familjet shtimjane dhe të nxisë rritjen e natalitetit në komunë.

“Çdo lindje në Shtime është një gëzim për familjen dhe për gjithë qytetin tonë. Komuna do të jetë pranë prindërve me një mbështetje konkrete prej 500 eurosh për çdo fëmijë që lind,” ka deklaruar ai.

Ky premtim ka zgjuar interes të madh tek qytetarët shtimjanë. Për shumë familje, një politikë e tillë shihet si ndihmesë e drejtpërdrejtë në kohën e sfidave ekonomike, ndërsa kritikët e shohin si një barrë të mundshme për buxhetin komunal.

Kalon limitet, i dashuri e poston këngëtaren pa rroba

I dashuri i ri i këngëtares Ellie Goulding, Beau Minniear, ndau një foto të saj, përpara se romanca e tyre të konfirmohej zyrtarisht.

Këngëtarja u pa për herë të parë në publik me aktorin në fillim të këtij muaji gjatë një shëtitjeje së bashku në Londër, transmeton Indeksonline.

Çifti duket se është në lidhje prej të paktën dy muajsh dhe fansat vunë re se Beau postoi një foto të Ellie-t lakuriq në shtrat në korrik.

Në postimin e tij, Beau ndau disa foto, përfshirë një grua që, bazuar në tatuazhet e dukshme, duket të jetë Ellie./Indeksonline/

Përvjetori i sulmit në Banjskë, vajza e Afrim Bunjakut: Ah, sa vështirë pa ty, babë

E rënde: Gjendet i pajetë një 51-vjeçar, dyshohet për vrasje

Një ngjarje e rëndë është regjistruar mbrëmjen e së mërkurës në lagjen nr. 12 të qytetit të Durrësit, ku një person është gjetur i pajetë brenda banesës së tij.

Sipas të dhënave paraprake, dyshohet se është goditur me thikë, ndërsa është identifikuar si Valbon Beqiraj, 51 vjeç.

Policia mbërriti menjëherë në vendngjarje pas njoftimit të marrë dhe ka rrethuar zonën ku po kryen veprimet e para hetimore. Grupi hetimor po punon për zbardhjen e rrethanave të ngjarjes.

Dimal Basha: Kam kërkuar dhe është miratuar tërheqja e punimit tim nga publikimi i mëhershëm

Kryetar i Kuvendit, Dimal Basha ka deklaruar se i është miratuar tërheqja e punimit të tij nga publikimi i mëhershëm ku më 2012 pretendonte se Ushtria Çlirimtare e Kosovës u financua nga trafikantë të drogës dhe mafia shqiptare.

“Të nderuar qytetarë,

Dua t’ju informoj se me t’u vënë në dijeni që një punim i imi nga studimet para 13 viteve ishte përfshirë si kapitull i veçantë në kuadër të një publikimi më të gjerë, në të cilin gabimisht isha listuar si bashkë-autor, unë kam bërë kërkesë tek Revista në fjalë që pjesa që kam kontribuar unë, pra Kapitulli 3, të hiqet tërësisht nga ai publikim!

Komiteti i Publikimeve i Revistës në fjalë sot më ka njoftuar që ka miratuar kërkesën time për tërheqjen e Kapitullit 3 nga publikimi, dhe gjithashtu ka hequr edhe emrin tim nga autorësia, meqenëse unë nuk kam autorësi në pjesën tjetër të publikimit, përveç Kapitullit 3 i cili tashmë është tërhequr.

Ju falënderoj për mirëkuptimin!”, tha Basha.

Vuçiq në OKB: Kosova është pjesë e pandashme e Serbisë

Presidenti i Serbisë, Aleksandar Vuçiq, gjatë fjalimit të tij në Asamblenë e Përgjithshme të Kombeve të Bashkuara tha se Kosova është “pjesë e pandashme e Serbisë” dhe “shtylla kryesore e identitetit, kulturës dhe trashëgimisë shpirtërore” të Serbisë.

“Për ne, serbët, ajo nuk është thjesht një copë toke, por djep i shpirtit tonë dhe e ekzistencës sonë në këtë tokë”, tha Vuçiq.

Sipas tij, serbët në Kosovë po jetojnë në “kushte dramatike”.

“Atyre po u mohohen të drejtat themelore njerëzore: e drejta për jetë, për lëvizje, për arsim dhe për përkujdesje shëndetësore. Atyre u mohohet qasja në vendin e punës dhe në pronë”, pretendoi udhëheqësi serb.

Që nga viti fillimi i vitit, Kosova ka nisur mbylljen e institucioneve të Serbisë në Kosovë, të cilat i konsideron paralele dhe të jashtëligjshme.

Këto veprime të autoriteteve kosovare kanë hasur në kundërshtim të komunitetit serb dhe janë përballur me kritika nga bashkësia ndërkombëtare, e cila i ka cilësuar si veprime të pakoordinuara.

Gjatë fjalimit në Asamblenë e Përgjithshme të OKB-së, Vuçiq i bëri thirrje që komuniteti ndërkombëtar të “marrë hapa konkretë dhe të vendosur” për të ndalur, siç tha ai, dhunën në Kosovë.

Gjithashtu, udhëheqësi serb deklaroi se “Serbia beson në dialogun” që ndërmjetësohet nga Bashkimi Evropian.

Kosova ka shpallur pavarësinë më 2008, të cilën Serbia refuzon që ta njohë. Mbi 100 shtete e kanë njohur pavarësinë e Kosovës përfshirë 22 nga 27 shtete të Bashkimit Evropian, ku Kosova dhe Serbia synojnë të anëtarësohen.

Dy shtetet zhvillojnë dialog për normalizimin e raporteve që nga viti 2011. Procesi, që lehtësohet nga BE-ja, ka prodhuar disa marrëveshje, por jo të gjitha janë zbatuar në terren.

Tensionet mes Kosovës dhe Serbisë janë rritur viteve të fundit dhe që nga shtatori i vitit 2023, palët nuk kanë zhvilluar asnjë rund të dialogut në nivel politik, por vetëm runde në nivele të kryenegociatorëve.

Rundi i fundit i dialogut në nivel politik u mbajt disa ditë para sulmit të armatosur të 24 shtatorit në Banjskë të Zveçanit.

Një grup i serbëve të armatosur sulmuan Policinë e Kosovës, duke vrarë një rreshter. Përgjegjësinë për sulmin e mori Millan Radoiçiq, ish-nënkryetar i Listës Serbe, partisë kryesore të serbëve në Kosovë që gëzon mbështetjen e Beogradit.

Në përvjetorin e dytë të sulmit, për të cilin Prishtina e fajëson Beogradin, autoritetet në Kosovë kërkuan ekstradimin e Radoiçiqit dhe të përfshirëve të tjerë në Banjskë.

Vitin e kaluar, Kosova ngriti aktakuzë kundër 45 të dyshuarve për sulmin në Banjskë, ndërsa vetëm tre nga këta të akuzuar janë duke u gjykuar në Prishtinë, pasi të tjerët janë të paarritshëm për autoritetet kosovare. Që të tre i mohojnë akuzat.

Plagoset një person, dyshohet se është nxënës

Një person është plagosur me armë zjarri pasditën e sotme në Kijevë të Malishevës.

Burime të Indeksonline bëjnë të ditur se i plagosuri është nxënës dhe se e gjithë ngjarja ka ndodhur në orët e pasditës, afër shkollës së fshatit.

Indeksonline ka kontaktuar policinë e Kosovës dhe është në pritje të një përgjigjje, lidhur me plagosjen në Kijevë./Indeksonline/

Xhelal Sveçla thotë se dronat e Serbisë kanë hyrë në territorin e Kosovës

Ministri në detyrë i Punëve të Brendshme, Xhelal Sveçla, ka deklaruar se Serbia kohët e fundit ka shkelur hapësirën ajrore të Kosovës përmes dronëve.

Lajm i cili gjatë ditës u raportua nga Gazeta Imazhi.

EKSKLUZIVE: Dyshohet për drona të dyshimtë në Veri, FSK në alarm – thërret ushtarët nëpër kazerma

Ai ka deklaruar: Në vazhdimësi ne kërcënohemi nga Serbia. Tash, kohën e fundit, po besoj që tashmë e dini se ka pasur lëvizje të paautorizuara dhe shkelje të hapësirës ajrore përmes dronëve, të cilët kohë pas kohe qarkullojnë ose shkelin hapësirën tonë ajrore.

Sveçla ka pohuar se autoritetet kosovare kanë identifikuar disa raste të dronëve serbë që janë parë mbi Kosovë, por ka shtuar se nuk ka arsye për shqetësim

“Nuk ka asgjë për t’u brengosur,” tha ai.

Kjo është deklarata e tij:

Ka ndodhur në disa raste. Ne jemi duke i hetuar në mënyrë profesionale në bashkëpunim edhe me KFOR por edhe me shërbimet partnere dhe  në momentin që kemi më shumë patjetër që do të ndajmë informatat. Tash për tash nuk ka ndonjë gjë për të cilën publiku i Kosovës duhet të brengoset, të gjitha institucionet e Kosovës janë në krye të detyrës.  Por e thash duke dashtë që të pasqyrojë natyrën e veprimit të institucioneve të Serbisë dhe  e përmenda edhe paradën ushtarake  e cila në vetvete është një kërcënim ndaj Republikës së Kosovës posaçërisht meqenëse shumica e vendeve që rrethojnë Serbinë janë anëtarë të aleancës ma të madhe ushtarake NATO-s, do të thotë Kroacia, Mali i Zi, Shqipëria por edhe Bullgaria e vendet e tjera fqinje nuk mund të jenë të cenueshme nga Serbia. Potencialisht janë dy vende të cilat Serbia do të mund t‘i cenonte, ato janë së pari Bosnjë e Hercegovina e cila është duke u ballafaquar me paqartësi politike por edhe situata të rrezikshme në vazhdimësi dhe Republika e Kosovës e cila përderisa për çdo ditë e më shumë po fuqizohet dhe po arrin suksese prapë ballafaqohet me këtë politikën e vjetër hegjemone të Serbisë e cila edhe siç ka deklaruar vet ndryshimin e rrethanave globale që potencialisht të cenojë prapë Kosovën.

Arsyetohet hoxha shqiptar që mori pjesë në paradën e ushtrisë serbe: S’kam qef me i ikë përgjegjësisë

Reisu-l-Ulema i Bashkësisë Islame të Serbisë, Nexhmedin Saqipi, ka folur për herë të parë lidhur me pjesëmarrjen e tij në paradën e ushtrisë Serbe të mbajtur në Beograd.

Për këtë ai u kritikua shumë ku e quajtën edhe tradhtar të shqiptarëve,.

Myftiu sqaroi në emisionin Kosova Live se praninë e tij në këtë ceremoni e bëri me ftesë të Ministrisë së Mbrojtjes së Serbisë, duke theksuar se përfaqësonte institucionin fetar që udhëheq dhe se qëllimi ishte përcjellja e një mesazhi për paqen, tolerancën dhe bashkëjetesën ndërfetare.

Saqipi, i njohur si myftiu nga Tërnoci, tha se Bashkësia Islame e Serbisë do të vazhdojë të jetë faktor i rëndësishëm në ndërtimin e paqes sociale dhe respektimit të diversitetit.