Ekskluzive | Përleshje në Komunën e Prishtinës, përfundon në spital një zyrtar

Një incident i rëndë ka ndodhur sot brenda objektit të Komunës së Prishtinës, ku një përplasje fizike ka degjeneruar në dhunë, mëson ekskluzivisht Gazeta Sinjali.

Sipas burimeve, pas seancës së Kuvendit Komunal ka shpërthyer një konflikt, ku Sami Salihu, djali i Fehim Saliut, ka goditur me shishe në kokë zyrtarin Fehmi Kupina, duke i shkaktuar lëndime të rënda. Për pasojë, Kupina ka përfunduar në spital.

Ngjarja ka ndodhur para pak minutash dhe ka shkaktuar tensione të mëdha brenda Komunës. Policia është njoftuar dhe pritet të ndërmarrë veprimet e nevojshme ligjore.

I riu shqiptar rrahet brutalisht nga disa persona me shufra

Aksioni i madh i Policisë, arrestohen babë e bir – zbulohet arsyeja

Policia e Kosovës po zhvillon një aksion të madh në disa lokacione në vend.

Raportohet se janë bastisur disa lokacione të ndryshme, ndërsa në terren ndodhen njësi të shumta të policisë, përfshirë njësitë speciale dhe të hetuesinë.

Indeksonline mëson se bëhet fjalë për një aksioni të madh kundër heroinës ku janë  arrestuar babë e bir në Pejë.

Bëhet fjalë për Kel Bajramin dhe Erald Bajramin.

 

 

Ata dyshohet se janë pjesë e një rrjeti te shitblerjes së heroinës në tregun vendor dhe nderkombetar.

E rëndë: Ky është veterani i UÇK-së që vdiq në aksidentin në Kaçanik

Një aksident trafiku ka ndodhur sot, rreth orës 15:20 në fshatin Begrac të Kaçanikut, ku janë përfshirë dy vetura, duke shkaktuar lëndime trupore tek tre persona.

Njëri nga të lënduarit, një 77-vjeçar, pasi ka marrë ndihmën e parë mjekësore në Qendrën Emergjente në Ferizaj, është dërguar për trajtim të mëtutjeshëm në QKUK – Prishtinë.

Rreth orës 22:00, policia njoftoi se ky person fatkeqësisht ka ndërruar jetë si pasojë e lëndimeve të marra.

E viktima është Selman Luzha, ish-ushtar i UÇK-së, lajmi u bë i ditur nga fshati Begracë.

Njoftimi i plotë pa ndërhyrje:

Lajm i hidhur 😢💔

Me dhimbje të madhe është pranuar lajmi për ndarjen nga jeta të Selman Luzhës, veteran i UÇK-së nga fshati Begracë i Kaçanikut, i cili humbi jetën pas një aksidenti tragjik.

Selman Luzha ishte i njohur për kontributin e tij në luftën për liri dhe për respektin që gëzonte mes bashkëfshatarëve, miqve dhe të gjithë atyre që e njihnin.

Ngushëllime më të sinqerta familjes Luzha, bashkëluftëtarëve, shokëve dhe të gjithë qytetarëve që e njohën dhe e vlerësuan.

🕊️🇽🇰 Lavdi jetës dhe veprës së tij!

E rëndë: Ky është veterani i UÇK-së që vdiq në aksidentin në Kaçanik

Pamje nga aksidenti i rëndë ku mbeti i vdekur veterani i UÇK-së

Një aksident me fatalitet ka ndodhur ditën e djeshme në fshatin Begracë të Kaçanikut.

E rëndë: Ky është veterani i UÇK-së që vdiq në aksidentin në Kaçanik

Faqja lokale e kësaj komune, “Sje kaçanikli, nëse” raporton se i vdekur ka mbetur një veteran i Ushtrisë Çlirimtare të Kosovës.

Bëhet fjalë për Selman Luzhën. Më poshtë, pamjet nga aksidenti i rëndë:

 

 

Vdekja e Enver Petrovcit, vjen reagimi nga teatri i Beogradit dhe i Novi-Pazarit

Aktori Enver Petrovci ka ndërruar jetë në moshën 72-vjeçare. Mes shumë telegrameve ngushëlluese nga artistë, politikanë dhe figura të shquara vendore, ka ardhur reagimi edhe nga dy shtëpi artistike të njohura në Serbi.

Teatri rajonal i Novi-Pazarit dhe teatri i Beogradit Atelje 212 kanë reaguar për vdekjen e aktorit kosovar.

“Teatri rajonal i Novi-Pazarit pati një nder dhe privilegj të veçantë të bashkëpunonte me të. Si profesor dhe mentor, ai transmetoi me vetëmohim njohuri, përvojë dhe dashuri për artin te aktorët tanë, duke formuar breza që do ta çojnë përpara trashëgiminë e tij. Do ta kujtojmë për karizmën, gjerësinë e shpirtit dhe përkushtimin e vërtetë ndaj artit. Enver Petrovci do të mbetet përgjithmonë pjesë e familjes sonë teatrale”, thuhet në njoftimin e Teatrit të Novi-Pazarit.

“Aktori, profesori, regjisori dhe dramaturgu i përmendur i teatrit, filmit dhe televizionit ishte pjesë e ansamblit artistik të Atelje 212 në fund të viteve shtatëdhjetë dhe fillim të viteve tetëdhjetë, në skenën e të cilit ai interpretoi role të rëndësishme dhe të paharrueshme në shfaqjet “Kurora e Kosançiqit 7”, “Kontrolluesit pinë çaj”, “Korešpodencija”, “Gjuetia”. mbi rosa të egra”, “Dekameron 81”, “Ambasador” dhe “As peshk as mish. Ndajmë respektin dhe mirënjohjen për të” thuhet në reagiin e Atelje 212 të Beogradit.

Aksion i fuqishëm i Policisë, mësohen detaje të reja

Dy aksione policore janë zhvilluar mëngjesin e sotëm në dy rajone të Kosovës, të udhëhequra nga Prokuroria Speciale, raporton Sinjali.

Operacioni ka fokus luftën kundër trafikimit të narkotikëve, krimit të organizuar dhe pastrimit të parave.

Aksioni nisi të mërkurën në mëngjes dhe po zhvillohet në disa lokacione të vendit, tha Prokuroria Speciale.

“Nën udhëheqjen e Prokurorisë Speciale, bazuar në urdhrin e Gjykatës Themelore në Prishtinë, Policia e Kosovës po zhvillon një operacion në disa lokacione. Operacioni lidhet me dyshimet për trafikim me substanca narkotike dhe veprat penale: pjesëmarrja ose organizimi i grupit kriminal të organizuar; blerja, posedimi, shpërndarja dhe shitja e paautorizuar e narkotikëve; si dhe pastrimi i parave. Për detaje të tjera, publiku do të njoftohet pas përfundimit të operacionit policor.”, tha për Sinjalin, zëdhënësja e Prokurorisë Speciale, Nora Luta.

Për aksionin ka folur edhe zëdhënësi i Policisë së Kosovës, Baki Kelani, i cili konfirmoi se operacionet po realizohen mbi dyshimet për përfshirje në veprimtari të ndryshme kriminale të personave të dyshuar.

“Policia e Kosovës me njësitë e saja relevante, me autorizim të prokurorisë kompetente është duke i realizuar dy operacione policore, të cilat përfshijnë disa lokacione në dy rajone të ndara. Operacionet policore janë duke u realizuar mbi dyshimet për përfshirje në veprimtari të ndryshme kriminale të personave të dyshuar.”, tha Kelani.

E dhimbshme: Sot i jepet lamtumira e fundit të riut që vdiq tragjikisht

Një aksident i rëndë trafiku me fatalitet është regjistruar në orët e para të mëngjesit të djeshëm në rrugën Pejë–Prishtinë, në fshatin Zajm të Klinës, raporton Gazeta Sinjali.

Si pasojë e aksidentit kanë humbur jetën dy persona, bëhet fjalë për Veton Kastratin dhe Përparim Dushkollin. Lamtumira e fundit për Dushkollin do t’i jepet sot në ora 17:00, në varrezat e Korroticës së Nalt – Drenas.

Sipas raportimeve të Sinjalit, rreth orës 05:00 një veturë Audi A6 ngjyrë hiri, e drejtuar nga 33-vjeçari Veton Kastrati, duke lëvizur nga Peja drejt Prishtinës, ka humbur kontrollin dhe për shkak të mos përshtatjes së shpejtësisë ka kaluar në shiritin e majtë të rrugës.

Si pasojë, Audi është përplasur me një minibus Mercedes që po vinte nga drejtimi i kundërt, e më pas është shtyrë dhe goditur nga një kamion transportues mallrash Man.

Nga përplasja e fuqishme, të dy kanë vdekur në vendin e ngjarjes, ndërkohë, dy persona të tjerë, A. B. dhe F. M. kanë pësuar lëndime trupore.

Aksion i madh i Policisë, zbulohet arsyeja

Aktualisht po zhvillohet një aksion i madh i Policisë së Kosovës në disa lokacione në vend.

Sinjali bënë të ditur se janë duke u bastisur disa lokacione të ndryshme, ndërsa në terren ndodhen njësi të shumta të policisë, përfshirë njësitë speciale dhe hetuesinë.

Sipas burimeve, arsyeja e aksionit është lufta kundër trafikut të heroinës.

Dy vite nga sulmi në Banjskë, ku mbeti i vrarë Afrim Bunjaku

Më 24 shtator bëhen 2 vite nga sulmi i armatosur i terroristëve serbë në Banjskë të Zveçanit.

Pasi e vranë rreshterin Afrim Bunjaku, terroristët serbë u patën strehuar brenda Manastirit.

Prokuroria Speciale ka ngritur aktakuzë ndaj 45 personave lidhur me sulmin e 24 shtatorit të vitit 2023, në mesin e tyre edhe Milan Radojçiq.

Sulmi në Banjskë ishte një sulm i armatosur i terroristëve serbë kundër njësive speciale të Kosovës që ndodhi në fshatin Banjskë në veri të Kosovës më 24 shtator 2023. Në këtë sulm mbeti i vrarë rreshteri i policisë së Kosovës Afrim Bunjaku dhe për rrjedhojë edhe disa terroristë serbë.

Sulmi ndaj Policisë së Kosovës u cilësua si sulm terrorist nga Kosova, Shqipëria dhe Bashkimi Evropian dhe u dënua nga Shtetet e Bashkuara të Amerikës.

Incidenti ndodhi gjatë një periudhe tensionesh të shtuara pas vendosjes me forcë të katër kryetarëve të komunave në komunat me shumicë serbe në maj të vitit 2023 pas bojkotimit të zgjedhjeve nga serbët e Kosovës dhe dështimit të bisedimeve për marrëveshjen e sponsorizuar nga Bashkimi Evropian ndërmjet Kosovës dhe Serbisë.

Zona e prekur afër Mitrovicës është një qendër kryesore për pakicën etnike serbe të Kosovës, me banim kryesisht në katër komuna.

Në periudhën 23-24 shtator 2023, dy kamionë pa targa janë vendosur në një urë në hyrje të fshatit Banjskë, duke bllokuar rrugën. Sipas presidentit serb Aleksandar Vuçiq, grupi që vendosi bllokadën përbëhej nga serbët e Kosovës të cilët “nuk donin të duronin më terrorin e (kryeministrit kosovar) Kurti”.[28]

Bllokada u raportua në polici dhe në orët e para të mëngjesit të datës 24 shtator. Rreth orës 02:30 në vendngjarje kanë mbërritur 3 njësi policore, me ç’rast janë sulmuar nga drejtime të ndryshme nga një grup i armatosur prej rreth 30 personash, me armë të ndryshme, përfshirë granata.[29] Në të shtënat fillestare, forcat policore kosovare arritën të zmbrapsnin sulmin fillestar.[30][31] Tre policë kosovarë u plagosën dhe u transportuan në spitalin rajonal në Mitrovicën e Jugut, njëri prej tyre vdiq me të mbërritur.

Pas pritës, grupi i terroristëve të armatosur hynë në Manastirin e Banjskës dhe u barrikaduan brenda para se të rrethoheshin nga njësitet speciale të policisë. Një grup pelegrinësh nga Novi Sadi ishin në manastir në kohën e sulmit. Manastiri është pjesë e eparkisë së Kishës Ortodokse Serbe të Rashkës-Prizrenit. Në orën 17:27, njësitet speciale të Kosovës hynë dhe pushtuan manastirin, duke i dhënë fund rrethimit.

Xhelal Sveçla, ministri i Punëve të Brendshme të Kosovës deklaroi se fshati është vënë nën kontroll pas “disa betejave të njëpasnjëshme” gjatë ditës.

Autoritetet kosovare arrestuan dy persona të armatosur dhe katër serbë të tjerë, të cilëve u gjetën pajisje komunikimi afër vendit të ngjarjes dhe i hetuan për terrorizëm. Ata konfiskuan gjithashtu automjete të përdorura nga sulmuesit që përmbanin një arsenal armësh, eksplozivi, municione dhe mjete të tjera logjistike për të mbështetur qindra njerëz.

EULEX, misioni i BE-së që vepron si reaguesi i dytë i sigurisë në Kosovë ishin gjithashtu në vendin e ngjarjes.

Zyrtarisht, 3 militantë serbë u konfirmuan se kishin vdekur në përleshje. Xhelal Sveçla, Ministri i Brendshëm i Republikës së Kosovës, ka deklaruar se së paku 3 militantë serbë janë vrarë dhe se ka shumë mundësi që të vriten edhe më shumë militantë serbë. Nga militantët serbë u vra rreshteri i policisë Afrim Bunjaku. Është nderuar pas vdekjes me Urdhrin Hero i Kosovës.