Gjesti dhe Egli Tako e nisën romancën e tyre brenda mureve të shtëpisë së ‘Big Brother VIP Albania’ ku mes momenteve të afërta e të ndjera, nuk munguan as premtimet ndaj njëri-tjetrit.
Megjithatë, që pas përfundimit të reality show-t, çifti nuk është parë më bashkë në publik, shkruan “Kosovarja”.
Edhe në daljet e tyre mediatike, të dy janë treguar shumë të rezervuar kur janë pyetur për raportin e tyre.
Një numër i madh ndjekësish janë kureshtarë dhe presin sqarime nga të dy lidhur me statusin aktual të marrëdhënies së tyre, por deri tani, as Gjesti dhe as Egli nuk kanë vendosur të japin një përgjigje të qartë.
Se sa do të zgjasë kjo heshtje, mbetet ta dinë vetëm ata.