Për vdekjen tragjike të 27-vjeçarit, Triumf Islamit në Ferizaj, ka shkruar deputeti i betuar i PDK-së, Rashit Qalaj.
Përmes një postimi në Facebook, Qalaj thotë se pavarësisht pse nipi i tij Triumfi iku shpejt, ai do mbetet gjithmonë në zemra e tyre, transmeton Klankosova.tv.
“Edhe pse ike shumë shpejt, kujtimi yt do të jetojë gjithmonë në zemrat tona. Qofsh i parajsës, Triumf. U prehtë në paqe shpirti yt, nipi im i dashur”, ka shkruar Qalaj.
Ndryshe, Triumf Islami vdiq si pasojë e lëndimeve që mori në vendin e punës të shtunën në Ferizaj.
Policia e Kosovës në raportin 24-orësh ka dhënë detaje për vdekjen e tij.
Sipas njoftimit, dy persona derisa ishin duke punuar kur është rrezuar mjeti i punës, (autovinçi) dhe si pasojë të dy kanë pësuar lëndime, por njëri prej tyre nuk ka mundur t’iu mbijetojë plagëve.
”Ferizaj / 26.07.2025 – 11:45. Raportohet se dy viktimat m/k derisa kanë qenë duke punuar, është rrëzuar mjeti i punës (autovinçi) dhe si pasojë të dy kanë pësuar lëndime trupore. Të njëjtit janë dërguar për trajtim mjekësor ku njëri prej tyre ka ndërruar jetë. Me vendim të prokurorit pas inicimit të rastit trupi i pajetë i viktimës u është liruar familjarëve. Rasti në hetime”, thuhet në raportin e plotë.