Vdekje e papritur në Podujevë – familjarët kërkojnë obduksion për zbardhjen e rastit

Një rast i vdekjes së papritur është raportuar në Podujevë, ku një grua ka ndërruar jetë pasi është dërguar në Urgjencën e Qytetit, mëson Sinjali.

Ngjarja ka ndodhur më 2 maj 2026 rreth orës 16:00, kur një person i gjinisë femër është sjellë në gjendje të rëndë në urgjencë, ku sipas mjekut kujdestar, është konstatuar vdekja e saj.

Bëhet fjalë për E.H (44-vjeçare) nga fshati Repë.

Sipas vlerësimeve fillestare mjekësore, dyshohet se viktima mund të ketë pësuar një sulm, megjithatë familjarët kanë kërkuar që të kryhet obduksioni, me qëllim të sqarimit të plotë të shkaqeve të vdekjes.

Në vendngjarje kanë dalë njësitë policore dhe hetimore, ndërsa në konsultim me Prokurorin kujdestar të Departamentit për Krime të Rënda, rasti është iniciuar si “Hetim mbi vdekjen”.

Trupi i pajetë është marrë nga mjekësia ligjore për procedurat e mëtejshme.

Hetimet janë në vazhdim.