Spektakli i mbrëmshëm në “Ferma VIP” solli një nga momentet më të diskutuara të këtij edicioni. Pas një televotimi ku Adioni la shtëpinë përballë Mimozës, situata u tensionua. Ola, e revoltuar nga ky zhvillim, i është kthyer ashpër moderatores Arbana Osmani, duke përdorur një fjalor ofendues drejtpërdrejt në transmetim. “Po kçkë. Po kçkë, të dëgjojmë! Është fjalë e bukur, jua them,” ishin fjalët e saj që surprizuan banorët e tjerë, teksa ajo nuk shfaqi shenja pendese për gjuhën e përdorur.

​Gjatë debatit, Ola vendosi të përmendte edhe figura jashtë formatit televiziv. “Kam menduar se nuk e keni Monika Kryemadhin që të gjuani me këpucë, keni thënë se do bëni diçka ndryshe” u shpreh ajo me tone të ashpra, duke theksuar më pas se “Nuk e kam lëndimin nga Adi”.

Përballë kësaj situate, Arbana zgjodhi të reagonte me qetësi. Moderatorja e kaloi këtë moment pa e ngritur zërin: “E di pse nuk mërzitem? Se e kuptoj që flet nga lëndimi,” iu përgjigj ajo.

​Duke e ftuar të reflektojë, Arbana i dha një mesazh të matur konkurrentes: “Keni kohë këto dy muaj secili prej jush të vazhdojë të tregojë veten e vet. Unë besoj që ti mund të bësh shumë më tepër se kaq. Dhe më vjen keq. Më ke trishtuar sonte.”

Në mbyllje, moderatorja ndau një mesazh për të gjithë publikun dhe banorët: “Dhe mos harroni. Nuk ka rëndësi se çfarë ju thonë, e rëndësishme është se si reagoni pasi jua thonë.” Ky ballafaqim po qarkullon gjerësisht në rrjet, duke ngjallur reagime të shumta. /Prive By Liberta Spahiu