Komentatori politik Halil Matoshi në emisionin “Politiko” me Kushtrim Sadikun në Kanal10, ka thënë se sovraniteti dhe integriteti i Kosovës është konfirmuar me 10 qershor të vitit 199 nga NATO-ja.
Matoshi ka thënë se si rrjedhojë e kësaj kufijtë e Kosovës në veri i ruan KFOR-i.
“NATO e ka çliruar Kosovës pas kryengritjes UÇK-së dhe sot e kësaj dite KFOR-i amerikan është në veri dhe forcat britanike janë në kufi në veri”, ka thënë Matoshi.
Pas kësaj, ka ndërhy analisti Nexhmedin Spahiu, duke thënë se kufijtë e Kosovës i ruan edhe Policia e Kosovës.
Por, Matoshi i është përgjigjur menjëherë Spahiut duke thënë se “mos të ishte NATO, Policia e Kosovës nuk do të kishte emër sot”.
“ Në anën tjetër sovraniteti i Kosovës është konfirmuar me 17 shkurt 2008 në krejt territorin e vet dhe atë Kushtetuta dhe ato ligje në veri janë pranuar, sepse përfaqësuesit politik të serbëve të Kosovës kanë marrë pjesë në Kuvendin e Kosovës, por e kanë të drejtën e vetos për çështjet të cilat i prekin interesat e tyre vitale”, është shprehur Matoshi.