Publikohen pamjet: “Përleshje” ndërmjet PDK-së dhe VV-së

Mbledhja e Asociacionit të Komunave të Kosovës është ndërprerë pas një tensioni midis disa kryetarëve të komunave që drejton Lëvizja Vetëvendosje dhe atyre të PDK-së.

Në videon e publikuar kryetari i Komunës së Mitrovicës Veriore, Erden Atiq, ai i Kamenicës, Kadri Rrahimaj dhe Qemajl Aliu i Shtimes shihen në një tollovi bashkë me disa kryetarë të tjerë.

Lidhur me incidentin ka bërë reagim kreu i Kamenicës, Kadri Rrahmiaj, duke pretenduar se në kuvend u tentua t’i mohohej e drejta e VV-së për të pasur anëtar bordi në AKK dhe mosanëtarësimi i komunave Veriore të Kosovës në AKK.