Pas ndarjes nga Kaderi, Lumbardhi në lidhje dashurie me një banore tjetër të ‘Big Brother’?

Burime të Prive Klan Kosova kanë siguruar diçka. Mes Erjola Doçit dhe Lumbardh Salihut ka flutura në mes, takime romantike dhe flirtime të vazhdueshme.

Prezantuesja dhe Lumi duket se po kalojnë kohë romantike mes tyre, duke u munduar që lidhjen ta mbajnë larg syrit mediatik e paparacit.

Ata madje do të merrnin pjesë po ashtu në një projekt të përbashkët, në një film që aktualisht është duke u xhiruar.

Por Lumbardhi hoqi dorë në momente të fundit nga projekti, dhe shkak për këtë u bënë mosmarrëveshjet për shkak të pagesës.

Do mbetët të shihet nëse “distanca” që projekti ua krijoi do ndikojë në lidhjen e tyre, por çka mund të themi me siguri është që Erjola e Lumi po ziejnë bashkë diçka që si “Theme” e mbajnë dashurinë.

Ish-banorja e Big Brother i del në prit me revòle opinionistit – çfarë ndodhi?

Ish-opinionisti i BBVK, Olti Curri, ishte i ftuar në një event ku në të ishin shumë figura publike.

Nuk munguan të qeshurat pafund nga të gjithë të pranishmit.

Blerta Deliu-Kodra nis pushimet, ky është destinacioni i përzgjedhur

Deputetja nga radhët e PDK-së, Blerta Deliu-Kodra ka vendosur që pushimet t’i kalojë jashtë vendit, duke zgjedhur Kroacinë si destinacion.

Ajo ka ndarë me ndjekësit një fotografi nga kryeqyteti kroat, Zagrebi, ku shihet e buzëqeshur dhe në shoqërinë e bashkëshortit të saj.

Polici rrah gruan dhe e bën për spital, arrestohet dhe suspendohet nga puna

Inspektorati Policor i Kosovës (IPK) ka arrestuar një zyrtar policor në Gjilan, i dyshuar për kryerjen e veprës penale “dhunë në familje”.

Sipas njoftimit të IPK-së, incidenti ka ndodhur në orët e hershme të mëngjesit të 10 majit 2025.

Pas pranimit të informacionit nga Policia e Kosovës lidhur me ngjarjen, hetuesit e IPK-së kanë ndërmarrë veprimet e nevojshme hetimore dhe kanë vizituar vendin e ngjarjes.

 

 

Viktima e dhunës është dërguar për tretman mjekësor dhe ndodhet jashtë rrezikut për jetë. Pas veprimeve fillestare hetimore, është konsultuar edhe prokurori kompetent, i cili ka vendosur që të caktojë masën e ndalimit për 48 orë ndaj zyrtarit policor.

“Si pjesë e procedurës hetimore dhe administrative, zyrtari është suspenduar nga Policia e Kosovës me rekomandim të IPK-së. Hetuesit, në koordinim me Prokurorinë Themelore në Gjilan, do të vazhdojnë hetimet për ndriçimin e të gjitha rrethanave të ngjarjes dhe për marrjen e masave të mëtejshme”, thuhet në njoftim.

Njoftimi i i IPK-së:

 

 

Komunikatë për media

IPK arreston një zyrtar policor të dyshuar për dhunë në familje

 

 

Prishtinë/Gjilan, 10 maj 2025

Inspektorati Policor i Kosovës (IPK) respektivisht hetuesit e Departamentit të Hetimeve të IPK-së kanë arrestuar sot një zyrtar policor me dyshimin se i njëjtit ka kryer veprën penale “dhunë në familje”.

 

 

IPK kishte pranuar informacione nga Policia e Kosovës lidhur me dyshimin së një zyrtar policor në Gjilan ka kryer veprën penale dhunë në familje përderisa incidenti raportohet të ketë ndodhur sot në orët e hershme të mëngjesit në Gjilan.

Pas pranimit të informacionit hetuesit e IPK-së kanë dalë në vendin e ngjarjes dhe kanë ndërmarrë veprimet e nevojshme hetimore kurse viktima në këtë rast është dërguar për tretman mjekësor.

Pas disa veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit i është caktuar masa e ndalimit për 48 orë.

Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar nga Policia e Kosovës me rekomandim të IPK-së.

Hetuesit e IPK-së në koordinim të plotë me Prokurorinë Themelore në Gjilan do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast.

Gjesti dhe Egli: Zbulohet e vërteta misterioze mes tyre?

Pas përfundimit të “Big Brother VIP Albania”, dyshja Egli Tako dhe Gjesti kishin tërhequr vëmendjen e fansave, duke u përfolur si një çift i mundshëm, pas afrimitetit të tyre brenda shtëpisë. Por, ndërkohë që fansat prisnin zhvillime jashtë, situata ka marrë një tjetër rrjedhë, shkruan Gazeta Sinjali.

Pak ditë më parë, rrjeti shpërtheu pas një deklarate të bujshme nga një gazetar kosovar, i cili pretendoi se motra e Gjestit ka një shoqëri të ngushtë me ish të dashurën e tij, Diellzën.

Sipas gazetarit, kjo miqësi ka ndikuar që Egli të mos pritej ngrohtësisht nga familjarët e Gjestit pas përfundimit të spektaklit. Madje, ai shtoi se Gjesti është takuar sërish me Diellzën dhe i ka dhuruar një zinxhir — një veprim që ka ndezur dyshime për një rikthim të mundshëm ose, të paktën, një afrim të diskutueshëm mes tyre.

Thuhet se Egli nuk ka qenë në dijeni të këtij takimi, gjë që mund të ketë qenë edhe “pika që derdhi kupën”, duke e shtyrë atë të distancohet përfundimisht nga Gjesti dhe rrethi i tij familjar.

Në ditëlindjen e Gjestit, ndodhi diçka tjetër interesante: festë, miq, urime publike nga figura të njohura, por… asnjë shenjë nga Egli. Ajo mungoi totalisht në festë, dhe po ashtu edhe në rrjetet sociale. Asnjë urim. Asnjë “like”. Asnjë shenjë virtuale.

Trump ka paralajmëruar një “njoftim të rëndësishëm” – a mund të jetë kjo një shenjë se…

Arabia Saudite do të presë në mesin e majit një samit të rëndësishëm mes vendeve të Gjirit dhe Shteteve të Bashkuara, i cili përkon me vizitën e parë të presidentit amerikan Donald Trump në këtë vend gjatë mandatit të tij të dytë presidencial. Ky zhvillim pason samitin e mëparshëm të mbajtur më 21 maj 2017, gjithashtu në Riad, gjatë mandatit të parë të Trump, shkruan Gazeta Sinjali.

Samiti vjen pas deklarimeve të presidentit amerikan, i cili më 6 maj, gjatë një takimi në Shtëpinë e Bardhë me kryeministrin kanadez Mark Carney, paralajmëroi një “njoftim shumë të rëndësishëm”, pa dhënë më shumë detaje. Ky paralajmërim ka rritur pritshmëritë në lidhje me një shpallje të mundshme që lidhet me politikën e jashtme amerikane në Lindjen e Mesme.

Burime diplomatike të Gjirit, që kanë kërkuar të mbeten anonime, kanë pohuar se “presidenti Donald Trump do të lëshojë një deklaratë në lidhje me shtetin e Palestinës dhe njohjen e tij”. Sipas tyre, një deklaratë e tillë “do të jetë deklarata më e rëndësishme që do të ndryshojë ekuilibrin e fuqisë në Lindjen e Mesme dhe më shumë vende do t’i bashkohen Marrëveshjes së Abrahamit”.

Pjesë e axhendës së samitit do të jenë edhe marrëveshjet në fushat e sigurisë, mbrojtjes, teknologjisë dhe inteligjencës artificiale. Në takim pritet të marrin pjesë të gjithë liderët e Këshillit të Bashkëpunimit të Gjirit, me përjashtim të mbretit saudit Salman bin Abdulaziz, i cili për shkak të gjendjes së tij shëndetësore nuk ka marrë pjesë në aktivitete publike kohët e fundit.

Mediat gjithashtu raportojnë se “marrëveshjet ekonomike me siguri do të jenë të pranishme, por shumë prej tyre tashmë janë shpallur dhe mund të jemi dëshmitarë të përjashtimit të vendeve të Gjirit nga tarifat”.

Ndërkohë, bëhet e ditur se presidenti egjiptian Abdel Fattah el-Sisi dhe mbreti Abdullah II i Jordanisë nuk janë ftuar në këtë samit, çka është interpretuar si një sinjal për ndryshimet në prioritetet diplomatike të këtij takimi.

Zanfina Ismaili feston ditëlindjen

Olta Gixhari: Kam shumë qejf ta zvogëloj gjoksin…

Aktorja e njohur, Olta Gixhari, ka shuar së fundmi një kureshtje shumë të madhe të fansave me një “ask me questions.”

Ajo është pyetur nga një fans nëse e ka gjoksin e ka të saj origjinal apo ka bërë ndërhyrje? Olta e mirëpriti pyetjen duke dhënë një përgjigje mjaft të sinqertë.

“Po, nuk kam asgjë të bërë. Kam shumë qejf ta zvogëloj se po më kthehet në lodhje të shpinës e të qafës, por do pres se kam besim që do zvogëlohet vetë. Zeo ka vetëm 4 muaj e pak që e ka lënë gjirin dhe ende nuk jam stabilizuar në trup,” u shpreh aktorja.

Xheneta shfaqet ‘e pakontrollueshme’, thumbon Gjestin?

Ish-finalistja e edicionit të tretë të Big Brother VIP Kosova, Xheneta Fetahu, ka tërhequr vëmendjen me një paraqitje të re në rrjetet sociale, shkruan Gazeta Sinjali.

E veshur me një fustan të shkurtër dhe elegant në ngjyrë të zezë, Xheneta ka vënë në pah linjat e saj trupore, duke marrë komente të shumta nga ndjekësit.

Megjithatë, ajo që ka tërhequr më së shumti vëmendje është mbishkrimi që ka vendosur në fotografinë e publikuar, a mos vallë ishte ky një mesazh për Gjestin?

“Prezenca ime është alarm, jo thjesht prani!”, ka shkruar ajo.

Kosova përballë një vale të re çmimesh – institucionet në gjumë

Rritja prej gjashtëmbëdhjetë pikë një për qind (16.1%) e çmimit të energjisë elektrike në Kosovë ka shkaktuar një valë të re të inflacionit, duke shkaktuar ngritje të çmimeve për produktet bazike të vendit dhe ato të importuara. Kështu shtrenjtimi i rrymës nga Zyra e Rregullatorit për Energji (ZRRE) ka rritur ndjeshëm koston e jetesës për qytetarët, të cilët tashmë ndihen të frustruar përballë çmimeve në rritje. Për këtë shqetësim, ekspertët e ekonomisë kërkojnë ndërhyrje urgjente nga institucionet, raporton KosovaPress.

Kryetari i Odës Ekonomike të Kosovës, Lulzim Rafuna ka shprehur shqetësimin e tij se ky shtrenjtim po godet qytetarët në dy drejtime – nga njëra anë po humbet vlera e parasë për shkak të inflacionit, dhe nga ana tjetër po ulet standardi jetësor.

Ai bën thirrje për ndërhyrje urgjente nga institucionet shtetërore përmes politikave fiskale dhe monetare që synojnë të zbusin efektet e krizës.

“Qytetarët po dëmtohen dy herë, në kuptimin që po humb vlera e parasë dhe po ulet standardi jetësor. E para është përmes rritjes së çmimit të energjisë elektrike në ekonominë familjare, dhe rritjes së çmimit në produktet tona vendore, duke përfshirë edhe ato që importohen për shkak të tendencës së rritjes së inflacionit, jo vetëm në tregun e Kosovës, por edhe në atë të BE-së…Institucionet e vendit ish dashtë me urgjencë të reagojnë nëpërmjet politikave fiskale, politikave monetare, edhe pse ne nuk prodhojmë valutë, por me pa se çka mund të subvencionojë interesat e kredisë për prodhuesit tanë, por edhe për eksport që janë. Po ashtu mepa mundësinë se ku ka hapësirë të subvencionoj, qoftë biznesin apo qytetarin e Republikës së Kosovës që të mos e vërejë këtë rritje, ose këtë tendencë të rritjes së çmimeve”,thotë Rafuna.

Edhe njohësi tjetër i ekonomisë, Mustafë Kadrijaj thotë se me vendimin e ZRRE-së për shtrenjtimin të energjisë, jeta e qytetarëve do të rëndohet me rritje të çmimeve në përgjithësi.

“Me vendimin e ZRRE-së do të ketë efekt zingjiror në ekonomi. Jemi para një akti të kryer, pasi si pjesa e gastronomisë, po ashtu edhe buka çdo ditë e më shumë po kemi ngritje të çmimeve. Shteti në vend se të marrë hapa në lehtësimin e jetes së qytetarit, shteti me vendimet e veta po rëndon çdo ditë e më shumë jetën e qytetarit”, thotë Kadrijaj.

Ndërkohë, qytetarët shprehen të zhgënjyer nga rritja e çmimeve. Ata thonë se çmimet po i godasin rëndë, veçanërisht ata me të ardhura fikse si pensionistët. Fahredin Halimi thekson se çmimet në Kosovë asnjë herë më të shtrenjta nuk kanë qenë.

“Çmimet në Kosovë kurrë më keq nuk kanë qenë, asnjë pagë nuk i paguan ato, le më ne pensionerët po heqim më së shumti. Në vend se t’i zbresin po i rrisin…Veç për barna çka po shkojnë boll, e lë më tjera rrallë…Shteti ish dashtë prej klasës që ka pagat më të ulta t’i rrisë dhe t’i zbresë çmimet sepse janë rrit për së tepërmi”, thotë Halimi.

Edhe Rexhep Hajdari, një tjetër qytetar, shprehet i shqetësuar ngritjen e çmimeve, derisa kërkon ndërhyrjen e shtetit në këtë drejtim.

“Çmimet të larta janë…Rroga e dobët, dikush nuk ka hiq, të larta janë çmimet…Ish dashtë (të ndërhyjë shteti)…Lartëështë buka, dikush nuk ka kushte”, thotë Hajdari.

Qytetarja Merihban Dula thotë se nuk po arrin t’i përballoj çmimet e larta, dhe pa ndihmën e fëmijëve nuk mund të jeton.

“Shumë shtrenjtë janë për të jetuar, për pensionet s’ka ku të shkoj për çdo gjë. Ushqimi është shumë shtrenjtë…Mos mem ndihmu djemtë, nuk mund të jetojë me pension. 100 euro veç barna i blej…Buka e të gjitha, si t’i qël sytë nëmëngjes është shumë shtrenjtë”, thotë Dula.

KosovaPress ditë më parë kishte raportuar se shtrenjtimi i rrymës për gjashtëmbëdhjetë pikë një për qind, ka ndikuar në ngritjen e çmimeve për disa produkte esenciale, përfshirë produktet e bukës dhe kafesë deri në pesëdhjetë përqind (50 %)

Ekipi i KosovaPress ka vizituar disa furra dhe dyqane. Shihet se mantia është shtrenjtuarpesëdhjetë përqind (50 %). Një manti deri dje ka kushtuar zero pikë pesëmbëdhjetë centë (0.15), sot në disa furra të Prishtinës çmimi i saj ka arrit zero pikë njëzet centë.

Bureku është shtrenjtuar njëzetepesë për qond (25%). Një burek në Prishtinë në shumicën e furrave është shtrenjtua nga një euro e njëzet euro në një eurp e pesëdhjetë euro, kurse në disa qytete tjera të Dukagjinit, si në Gjakovë, çmimi i burekut ka arrit deri një euro e shtatëdhjetë centë.

Buka është shtrenjtuar deri njëzet përqind. Një bukë gjysmë kilogramë deri dje ishte pesëdhjetë centë, ndërsa sot në Prishtinë ky çmim ka arrit në gjashtëdhjetë centë.