E trishtë: Ky është i riu që vdiq sot në Komoran

Gentrit Hajdini është i riu që vdiq sot në aksidentin në Komaran, raporton GazetaDemos. 

Lajmi u bë i ditur nga familjarët e të ndjerit.

Ndryshe lajmin e ka konfirmuar Flora Ahmeti, zëdhënëse e policisë për rajonin e Prishtinës.

Ahmeti tha motoçiklisti nuk ka mundur të i përballoj plagët dhe ka ndërruar jetë.

“Sot rreth orës 13:30 kemi pranuar informatën se në rrugën “Nazmi Gashi ” në Komoran, ka ndodhur një aksident trafiku me pasoja fatale. Në këtë aksident, kanë qenë të përfshira, një motoçikletë dhe dy automjete në lëvizje. Si pasojë e aksidentit, lëndime të rënda trupore ka pësuar motoçiklisti, i cili nuk ka arritë të përballojë plagët dhe i njëjti ka ndërruar jetë .Vdekjen e tij e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë quar deri te ky aksident trafiku”, tha Ahmeti

Njoftimi i plotë:

Sot ka ndërruar jetë djali i mikut Gentrit(Brahim)Hajdini pas nje aksidenti tragjik!

Per ceremonine e varrimit do te njoftoheni me kohe!

Loredana feston ditëlindjen, partneri futbollist e uron në gjuhën shqipe!

Reperja e njohur shqiptare, Loredana Zefi, feston sot ditëlindjen.

Në këtë ditë të veçantë për këngëtaren, nuk ka munguar urimi edhe nga Karim Adeyemi, futbollisti i Borussia Dortmund me të cilin ajo është në lidhje dashurie.

I njëjti bëri një sërë postimesh në Instagram, duke uruar këngëtaren në këtë ditë speciale.

Krahas urimit që i bëri në gjuhën angleze, Adeyemi publikoi një fotografi ku i bëri një dedikim edhe në gjuhën shqipe.

“Urime ditëlindjen për ‘nusen’ dhe shoqen time më të mirë. Të dua më së shumti në botë. I meriton të gjitha”, shkroi futbollisti në një sërë postimesh në Instagram.

“Kurti dha urdhër për t’i konfrontuar serbët menjëherë pas vizitës së Macronit në Serbi“

Kryeministri i Serbisë, Millosh Vuçeviq, duke vazhduar narrativën propaganduese se në Kosovë po persekutohen serbët, tha se kryeministri Albin Kurti dha urdhër për t’i konfrontuar serbët menjëherë pas përfundimit të vizitës së presidentit të Francës, Emmanuel Macron, në Serbi.

“Është indikativë se Albin Kurti urdhëroi përballjen e fundit me serbët menjëherë pas përfundimit të vizitës dyditore në Serbi të presidentit francez Emmanuel Macron”, ka thënë ai, siç raporton KoSSev.

“Për përshkallëzimin e dhunës në Kosovë fajin e ka vetëm njëra palë – regjimi i Albin Kurtit dhe këtë e tregoi sërish sot. Serbët jetojnë nën terrorin e tij dhe kjo duhet të ndalet urgjentisht”, tha Vuçeviq.

“Gjatë gjithë kësaj kohe, që kur regjimi i Albin Kurtit sulmon serbët me tuba të gjatë, ka pasur reagime të ndryshme përveç heshtjes dhe injorimit të dhunës dhe kriminalizimit të veriut të Kosovës nga Albin Kurti, ndoshta sot ata nuk do të shikonin fotot e kësaj dhune të tmerrshme”.

Vuçeviq vazhdoi propagandën se Kurti me këto veprime e ka synim “shfarosjen e serbëve”.

Ai pretendoi se Serbia “ka dërguar një mesazh të qartë se qëndron fuqishëm për paqen dhe stabilitetin në rajon”, por thotë se vendi i tij “nuk do të lejojë dhunë dhe masakër kundër popullit të saj”.

Kurti: Telekomi i Kosovës i është kthyer qytetarëve

Lajçaku i kërkoi takim, Osmani e refuzoi – ky është arsyetimi i Presidencës

Presidentja Vjosa Osmani nuk u takua me emisarin e Bashkimit Europian për dialogun Kosovë-Serbi, Miroslav Lajçak gjatë qëndrimit në Çeki.

Lajçak, i cili e ka cilësuar të rëndësishëm takimin me presidentin serb Aleksandar Vuçiq, ka kërkuar ta takojë edhe Vjosa Osmanin atje, por presidentja e Kosovës ka refuzuar.

Këshilltari për media nga Zyra e Presidencës, Bekim Kupina ka thënë se për shkak të agjendës së ngjeshur të presidentes Osmani ka qenë e pamundur të realizohet takimi.

“Për shkak të agjendës së ngjeshur të Presidentes gjatë vizitës njëditore në Prage, ka qenë e pamundur të realizohet takimi këtë herë”, tha Kupina.

Ndërkaq, Lajçak shkroi sot për angazhimet e tij në konferencën e sigurisë, Globsec, duke treguar se është takuar me të angazhuarin e ri të SHBA-së për Ballkanin Perëndimor, Alexander Kasanof dhe Vuçiqin.

Takimin me të parin e konsideroi si “moment kryesor” dhe “konfirmim të partneritetit”, ndërsa me presidentin serb tha se foli “për hapat e ardhshëm në Dialog dhe pritshmëritë nga periudha e ardhshme”.

Ndërmjetësi europian paralajmëroi se do ta vizitojë Kosovën pasi të ndalet shkurtimisht në Bruksel dhe pasi të marrë pjesë nē Forumin Strategjik të Bledit.

Në Prishtinë, ai tha se do të vijë “për ta përgatitur takimin e ardhshëm të kryenegociatorëve në Bruksel”.

Ky është i riu që vdiq sot, u godit nga një veturë

Një burrë 39 vjeçar është goditur nga një veturë derisa ishte në lëvizje me biçikletën e tij, raporton Gazeta Sinjali.

Rasti ka ndodh dje rreth orës 18:30, në Lipjan dhe si pasojë e plagëve të marra, viktima ka ndërruar jetë sot.

mëson se bëhet fjalë për Besian Hoxha, i cili që nga dje ishte duke u trajtuar në Qendrën Klinike Universitare të Kosovës.

 

 

Ndërsa, Policia e ka arrestuar shoferin e veturës, i cili dyshohet se nga pakujdesia e ka shkaktuar aksidentin duke goditur një burrin 39 vjeçar.

Pas intervistimit, i dyshuari me vendim të prokurorit është dërguar në mbajtje.

Rizvanolli thotë se po vazhdojnë investimet në modernizim të rrjetit në gjithë Kosovën

Ministrja e Ekonomisë, Artane Rizvanolli, ka thënë se edhe Besiana është bërë me 5g pas Rajonit të Prishtinës, Mitrovicës Veriore e Therandës.

Në këtë mënyrë ajo ka lavdëruar Telekomin pjesë e sëcilit është Vala.

“Edhe Besiana, Rajoni i Prishtinës, Mitrovica Veriore e Theranda me 5g! Vala po vazhdon investimet në modernizim të rrjetit në të gjithë Kosovë”, ka shkruar Rizvanolli.

Grupe nacionaliste serbe organizohen për t’i bllokuar pikat kufitare me Kosovën

Një grup në rrejtin social “Telegram”, me mbi 6400 anëtarë nacionalisë serbë, po paralajmrojnë dhe organizojnë bllokimin e të gjitha pikave kufitare me Kosovën. Aksionin sipas njoftimit të shpërndarë në grupin në Telegram, parashihet të nisë të premten e ardhshme, më 6 shtator. Paralajmërimi vjen vetëm pak ditë pas mbylljes së pesë komunave ilegale serbe në Veri nga Policia e Kosovës.

Ky paralajmërim u dha në grupin me emrin “Korridor”, i cili ka mbi 6400 anëtarë në rrjetin social Telegram. Aty po u bëhet thirrje qytetarëve serb që të organizohen dhe nga data 6 shtator të fillojnë me bllokimin e të gjitha pikave kufitare me Serbinë.

Sipas njoftimit, pikat kufitare që këta nacionalistë serbë po planifikojnë t’i bllokojnë janë: Bërnjaku, Jarinja, Merdarja, Dheu i Bardhë dhe e Kullës.

Në këtë grup shkruhet se për të gjithë të interesuarit për të marrë pjesë për t’i bllokuar pikat kufitare me Kosovën do të organizohet transporti nga Beogradi, Novi Sadi, Smedereva, Kragujevaci, Nishi, Krushevci, Vranja dhe Rashka.

Ky grup paralajmëron se veprimet do të ndërmerren deri në siç thuhet në thirrjen e tyre për “largimin përfundimtar të terroristëve të Kurtit nga pjesa veriore e Kosovës në pjesën jugore përtej Ibrit”.

Grupi “Korridor” në Telegram ka kohë që funksionon, transmeton Reporteri.net. Aty përveç që shpërndahen materiale propaganduese dhe nacionaliste serbe kundër Kosovës, jepen edhe njoftime rreth zhvillimeve në veri të Kosovës, me qasje dezinformuese dhe nxitëse.

Kujtojmë se të premten në orët e pasdites Policia e Kosovës zhvilloi një aksion policor në veri të vendit ku mbylli pesë objekte të komunave ilegale. Policia e Kosovës ka njoftuar se aksioni është realizuar bazuar në kërkesën e Ministrisë së Administrimit dhe Pushtetit Lokal, në bashkëpunim dhe koordinim me institucionet përkatëse të Kosovës dhe organeve të drejtësisë.

Imami Maliqi inkurajon vajzat që të shkojnë në shkollë me shami

Në prag të fillimit të vitit të ri shkollor, imami i njohur, Labinot Maliqi i ka inkurajuar vajzat që e kanë vendosur shaminë rishtazi, me vullnetin dhe bindjen e tyre të lirë, ta mbajnë me krenar edhe në shkollë nga dita e nesërme, dhe të mos kenë frikë, sepse, ai shkruan se askush nuk mund t’i privoj nga e drejta e tyre njerëzore e kushtetuese për tu shkolluar, si dhe e drejta për të praktikuar hapur besimin e tyre.

I ftoj prindërit të më kontaktojnë, nëse eventualisht ndokujt prej vajzave të tyre nesër apo gjatë ditëve në vijim ju shfaqet ndonjë shqetësim nga stafi i shkollës për shkak të bartjes së shamisë”, ka shkruar ndër të tjera ai.

Postimi i plotë:

Shtrëngimet në gjoks, ja çfarë nënkuptojnë për shëndetin tuaj dhe kur duhet të shkoni te mjeku

Shtrëngimi në gjoks nuk tregon domosdoshmërisht një problem me zemrën. Mund të jetë për shkak të mosfunksionimit të sistemit gastrointestinal, mushkërive, muskulore etj.

Shtrëngimi dhe dhimbja në gjoks janë ndër arsyet më të zakonshme të vizitave në Urgjencë. Mendimi i parë kur përjetojmë këtë simptomë është se do të kemi një atak në zemër, por nuk është gjithmonë kështu.

Shihni të gjitha shkaqet e mundshme të shqetësimit.

Shkaqet kardiovaskulare

– infarkti

– angina (shqetësim për shkak të bllokimit të një ene gjaku që çon në zemër)

– perikarditi (inflamacion i membranës që rrethon zemrën)

– miokarditi (inflamacion i muskujve të zemrës)

– kardiomiopati (çrregullim i muskujve të zemrës)

– aortik diseksion (gjendje e rrallë në të cilën arteria kryesore e zemrës çahet)

Shkaqet gastrointestinale

– refluks gastroezofageal/urth

– probleme me gëlltitjen për shkak të çrregullimit të ezofagut

– gurë në tëmth

– inflamacion i fshikëzës së tëmthit

– inflamacion i pankreasit

Për shkak të funksionit të dëmtuar të mushkërive

– pneumoni

– bronkit viral

– pneumotoraks (rrjedhje e ajrit nga mushkëritë në gjoks)

Probleme me muskujt ose kockat

– Lëndimi i brinjëve

– tendosje muskulore ose sindroma e dhimbjes kronike

– frakturë e shtypjes (shtrohet presion në një nerv ngjitur)

Shkaqe të tjera

– herpes

– sulm paniku

Në çdo rast, duhet të konsultoheni me një mjek.