OVL e UÇK-së paralajmëron protestën e radhës për ish-drejtuesit e UÇK-së, në një nga kryeqendrat evropiane

Organizatat e Veteranëve të Luftës do të vazhdojnë me organizimin e protestave në mbështetje të ish-drejtuesve të UÇK-së që po gjykohen tash e pesë vjet në Hagë.

Nënkryetari i OVL të UÇK-së, Gazmend Syla, ka thënë për IndeksOnlinen se nga mesi i muajit nëntor do të organizohet protesta e radhës.

Ai ka thënë se data e saktë ende nuk është vendosur, por ajo që dihet është se protesta do të mbahet në një nga kryeqendrat evropiane.

Syla thotë se protestat nuk do të ndalen deri në shpalljen e aktgjykimit për Hashim Thaçin, Kadri Veselin, Jakup Krasniqin dhe Rexhep Selimin.

Ai ka falënderuar qytetarët që po i përgjigjen pozitivisht protestave.

Protesta e fundit u mbajt javën e kaluar në Tiranë, paraprakisht protesta janë zhvilluar dy herë në Prishtinë dhe dy herë në Hagë.

Kujtojmë se më 4 nëntor bëhen 5 vjet kur ish-drejtuesit e institucioneve të Kosovës u arrestuan dhe u dërguan në paraburgim në Hagë.

Në pranverën e hershme është paralajmëruar shpallja e aktgjykimit për Thaçin, Veselin, Krasniqin e Selimin.

E rëndë: Ky është 23-vjeçari, Arianit Kurti që mbeti i vrarë

Redaksia Syri siguron foton e Arianit Kurtit, njërit prej dy të vrarëve në orët e para të mëngjesit e sotëm në një lokal  pranë një karburanti në Durrës.

Sipas informacionit të policisë 23 vjeçari banues në Manëz dyshohet se është vrarë nga Flori Paluçi 33 vjeç, dhe ky i fundit më pas është vrarë nga Daniel Pepa i shpallur në kërkim

Si ndodhi vrasja

Ngjarja ka ndodhur në një lokal në Manëz rreth orës 01:45, ku njëri prej viktimave ka kërkuar kafe, por nuk i është shërbyer për shkak të ekspresit të fikur.

Sipas burimeve nga gazetari Elton Qyno, ngjarja ka nisur kur shtetasi Daniel Pepa është konfliktuar me kamarierin e lokalit, duke këmbëngulur që t’i përgatitej një kafe. Kamarieri i ka thënë se nuk mund të shërbente më, pasi ekspresi ishte fikur dhe lokali ishte në mbyllje.

Në debat e sipër ka ndërhyrë një tjetër klient i lokalit, shtetasi Flori Paluçi, i cili i ka kërkuar Daniel Pepës të ulte zërin dhe të mos konfliktohej me kamarierin. Përplasja verbale mes tyre ka vijuar brenda lokalit, ndërsa më pas palët kanë dalë jashtë, ku konflikti ka degjeneruar në përdorim të armëve të zjarrit. Nga hetimet paraprake dhe pamjet filmike të siguruara nga grupi hetimor, rezulton se:

Daniel Pepa ka qëlluar me armë dhe ka vrarë shtetasin Flori Paluçi.

Ndërkohë, në shkëmbimin e zjarrit, është përfshirë edhe shtetasi Aranit Kurti, i cili dyshohet se është vrarë nga Flori Paluçi, pak çaste përpara se ky i fundit të mbetej i vrarë nga Daniel Pepa.

“I thashë s’ka kafe në këtë orë, ai donte patjetër dhe këtu nisi debati”, kamarieri tregon se si ndodhi ngjarja ku mbetën dy veta të vrarë

“I thashë s’ka kafe në këtë orë, ai donte patjetër dhe këtu nisi debati”, kamarieri tregon se si ndodhi ngjarja ku mbetën dy veta të vrarë

Një ngjarje e rëndë me pasojë dy viktima ka ndodhur mëngjesin sotëm ( 22 tetor) në Manëz, pranë një karburanti.

Sipas informacionit paraprak të Policisë, pas një konflikti që dyshohet për motive të dobta, kanë mbetur të vrarë me armë zjarri shtetasit Aranit Kurti 23 vjeç, dhe Flori Paluçi 33 vjeç, të dy banues në Manëz.

Nga veprimet e para hetimore, dyshohet se 33 vjeçari Paluçi është vrarë nga shtetasi D. P., 21 vjeç, gjithashtu banues në Manëz, ndërsa Aranit Kurti dyshohet se është qëlluar për vdekje nga Flori Paluçi gjatë konfliktit.

Se si ka ndodhur konflikti ka treguar kamarieri që ishte në këtë lokal. Ai tha se konflikti nisi pas kërkesës për kafe.

“Daniel Pepa dhe Araniti kanë ardhur në lokal rreth orës 1-1.30 dhe ka kërkuar kafe. I thashë që s’ka kafe se ekspresi është fikur. Ai më tha se donte kafe patjetër, po i thashë që është fikur e s’bëhet në këtë orë.

Ai u acarua dhe në këtë moment ndërhyri Flori, për të më dalë në krah dhe nisi debati mes tyre. Nga lokali dolën te dera e lokalit dhe Flori Paluçi qëlloi mbi Aranitin, shokun e Danielit dhe Danieli më pas ka marrë armën dhe ka qëlluar mbi Florin duke e lënë të vrarë”, tregon kamerieri./TCh/

Vetaksident me fatalitet, humb jetën një person

Një person ka humbur jetën pasi është vetaksidentuar në rrugën “Aziz Tolaj” në Prizren, raporton Policia e Kosovës.

Sipas policisë, viktima ishte duke ngarë biçikletën elektrike dhe është vetaksidentuar.

Trupi i pajetë është dërguar në IML për obduksion.

“Ka ndodhur një vet-aksident trafiku ku viktima mashkull kosovar deri sa ishte duke ngarë biçikletën elektrike, është vet-aksidentuar dhe si pasojë ka humbë jetën. Me vendim të prokurorit trupi i pajetë është dërguar në IML për obduksion. Rasti duke u hetuar”, thuhet në raportin 24 orësh të PK.

Shqipëria nuk gjen qetësi, lëkundje sizmike të njëpasnjëshme regjistrohen sot

Një seri tërmetesh janë regjistruar në vendin tonë. Sipas të dhënave, tërmeti i parë është regjistruar në Durrës, me magnitudë 3.9.

Ndërkohë në Konispol, rreth orës 06:49 janë ndjerë lëkundje tërmeti, të cilat kanë qenë me magnitudën 2.7.

Sakaq, në Miras të Korçës rreth orës 06:15 është ndjerë një tjetër lëkundje, me magnitudën 3.1. Ndërkohë më herët në Konispol janë regjistruar dy lëkundje, të dyja me magnitudën 3.2.

Duda Balje tregon nëse e ka kontaktuar Kurti për formimin e Qeverisë

Deputetja nga komuniteti boshnjak, Duda Balje, ka bërë të ditur se deri më tani nuk ka pasur asnjë komunikim me kryetarin e Lëvizjes Vetëvendosje, Albin Kurti, lidhur me formimin e Qeverisë së re të Kosovës.

Balje ka thënë se deri tash nuk ka pasur asnjë thirrje e as takim me Kurtin për këtë çështje.

“Asnjë thirrje, asnjë takim, asnjë bisedë deri tash jo… Ka ndodh disa sene të çuditshme ditëve të fundit, se Emilija Rexhepi ka dal dhe ka thënë se zoti Kurti nuk është kundër (krijimit të një komune me shumicë boshnjake). Për mua kjo ka qenë befasi…”, ka thënë Balje në RTV Dukagjini.

Policia e Kosovës arreston një serb të mitur

Policia ka njoftuar se një i mitur, shtetas i Serbisë, është arrestuar në fshatin Seqishtë të Hani i Elezit.

Ai po shoqëronte pesë shtetas kinezë, të cilët dyshohet se kishin kaluar në mënyrë ilegale kufirin nga Serbia në Kosovë.

Siç thotë policia, kjo për t’u drejtuar më pas në Maqedoninë e Veriut.

”Është arrestuar i dyshuari i mitur -shtetas i Serbisë, pasi i njëjti nga njësitet policore është ndaluar derisa ishte duke përcjellë pesë shtetas kinez në drejtim të RMV-së, të cilët dyshohet se kishin kaluar kundërligjshëm kufirin nga Serbia në territorin e Republikës së Kosovës, për të vazhduar në drejtim të RMV-së. Me vendim të prokurorit i dyshuari pas intervistimit është dërguar në mbajtje për 24-orë, ndërsa 5 shtetasit kinezë janë kthyer-depërtuar  në Serbi”.

“Pas një konflikti për …”, vriten me armë zjarri dy të rinj në Durrës

Dy persona raportohet se kanë mbetur të vrarë në Shqipëri.

Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobëta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.

Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.

Shërbimet e Policisë po vijojnë kontrollet intensive për kapjen e shtetasit D. P.

Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.

Siç raporton A2, konflikti ka nisur për një kafe dhe gjatë debatit F. P ka vrarë me armë zjarri viktimën A.K. Pas këtij veprimi 21-vjeçari D.P. ka vrarë me armë F.K.

Tragjedi në mesnatë: përplasje me armë zjarri , vriten dy të rinj

Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobëta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.

Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.

Shërbimet e Policisë po vijojnë kontrollet intensive për kapjen e shtetasit D. P, raporton A2Cnn.

Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.

Ish-komandanti i UÇK-së: Më pëlqeu shumë fjalimi i Donikës në KS të OKB – Bindshëm dhe përmbajtësor!

Ish-komandanti i Ushtrisë Çlirimtare të Kosovës, Hafir Hoxha, ka reaguar pas fjalimit të mbajtur nga ministrja e Punëve të Jashtme të Kosovës, Donika Gërvalla, në Këshillin e Sigurimit të Organizatës së Kombeve të Bashkuara

Përmes një reagimi të shkurtër, Hoxha ka shprehur vlerësimin e tij për mënyrën si Gërvalla e përfaqësoi Kosovën në këtë forum ndërkombëtar.

“Më pëlqeu shumë fjalimi i Donikës në KS të OKB. Bindshëm dhe përmbajtësor! 👏👏👏👍”, ka shkruar Hoxha.

Fjalimi i Gërvallës në Këshillin e Sigurimit u prit me vëmendje të madhe në opinionin publik, duke nxitur reagime të shumta pozitive nga figura të ndryshme politike e ushtarake në vend.