Hamza deklarohet për mundësinë e një Jashari në krye të shtetit

Kryetari i Partisë Demokratike e Kosovës, Bedri Hamza, ka folur për zhvillimet e fundit politike që lidhen me mundësinë e një kandidature për president nga familja Jashari, duke theksuar se qëndrimi i partisë do të bëhet i ditur vetëm pasi një emër konkret të procedohet zyrtarisht në Kuvendin e Kosovës.

Hamza u shpreh se nuk dëshiron të paragjykojë apo të komentojë situata hipotetike pa u formalizuar procesi, duke nënvizuar respektin e veçantë që gëzon familja Jashari.

Sipas tij, deri në momentin kur një kandidaturë eventuale të dorëzohet zyrtarisht në Kuvend, me nënshkrimet e nevojshme, çdo diskutim mbetet në nivel hipotetik.

“Nuk dëshiroj, nuk kom fol as atëherë as sot, me fol pa ndodh ngjarja. Është familje me shumë kontribute. Të gjithë e dijmë. Flasim me respektin më të madh. Çkado që bëjmë nuk është ekuivalente me atë se çka kanë dhënë për vendin. Dhe gjithmonë për familjen Jashari flas me kujdes dhe nuk flas para kohe. Për shkak se kam respekt, e ruaj vlerësimin më të lartë, e ruaj dinjitetin e familjes, të gjitha çështjet që lidhen me familjen dhe është rast tjetër në raport me të gjitha rastet tjera.

Por, derisa të vjen zyrtarisht në Kuvend, me nënshkrime, çfarëdo kandidati apo kandidate na flasim në mënyrë hipotetike. Deri sot nuk kom pas ndonjë bised drejtpërdrejt dhe nuk di dhe nuk jam në informacion të saktë se cili është pozicioni i tyre në raport me këtë çështje”, deklaroi ai në “Debat Plus”.

I pyetur nëse PDK ka ndonjë preferencë për një emër të caktuar nga familja Jashari, kreu i PDK-së refuzoi të përfshihet në çështje që i konsideron të brendshme familjare, duke theksuar se respekton secilin anëtar të saj.

“Nuk hy në mes familjes, aty ka njerëz me vlera, i respektoj të gjithë, i njoh të gjithë personalisht dhe nuk lëshohem në emra të përveçëm. Nuk mundem une me thanë a do të jetë Bashkimi a Murati a Bekimi”, përfundoi Hamza.

Arrestohen dy veteranë në Serbi, planifikonin të vrisnin Vuçiqin, gruan dhe fëmijët e tij!

Policia serbe, në bashkëpunim me Agjencinë e Sigurisë dhe Informacionit (BIA), arrestoi mbrëmë dy burra nga Kraljeva, D.R. dhe M.R. nën dyshimin se po përgatitnin një ndryshim të dhunshëm të rendit kushtetues.

Siç ka mësuar Nova, këta janë dy veteranë të Brigadës së 63-të të Parashutistëve, të cilët kanë shoqëruar studentët gjatë të gjitha protestave dhe bllokadave gjatë vitit të kaluar.

“Ata dyshohet se, në periudhën nga dhjetori 2025 deri në shkurt 2026, kanë organizuar një ndryshim të dhunshëm të rendit kushtetues të Republikës së Serbisë dhe përmbysjen e organeve më të larta shtetërore. Për këtë qëllim, ata organizuan blerjen e armëve dhe një sulm ndaj jetës dhe trupit të Presidentit të Republikës së Serbisë, gruas dhe fëmijëve të tij me qëllim privimin e tyre nga jeta, si dhe një sulm ndaj anëtarëve të Ministrisë së Brendshme të Republikës së Serbisë me qëllim që t’u shkaktojnë dëmtime trupore”, tha Ministria e Brendshme në një deklaratë mbrëmë./Indeksonline/

Qeveria tregon kur do të paguhen shtesat për fëmijë

Ministria e Financave, Punës dhe Transfereve ua rikujton të gjithë përfituesit.

Pagesat e skemave do të ekzekutohen si në vijim:

Me datë 25 të çdo muaji do të ekzekutohen pagesat për lehonat e punësuara dhe të pa puna, si dhe shtesat për fëmijë;

Manxhuka “rritet në gradë”, Kurti i jep një post të rëndësishëm në qeveri!

Arlind Manxhuka është emëruar zëdhënës i Qeverisë së Kosovës, në vend të Përparim Kryeziut, i cili dje është emëruar zv/ministër i Arsimit.

Manxhuka, i cili njëkohësisht është edhe këshilltar politik në zyrën e kryeministrit, do të kryejë detyrat dhe përgjegjësitë që parashihen me Ligjin për Qeverinë e Republikës së Kosovës, si dhe detyra shtesë të caktuara nga kryeministri.

“Kryeministri i Republikës së Kosovës, në mbështetje të nenit 94 të Kushtetutës së Republikës së Kosovës, duke u bazuar në nenin 9 (1.3), nenin 13 (2 dhe 5) dhe nenin 17 (2) të Ligjit Nr. 08/L-117 për Qeverinë e Republikës së Kosovës, si dhe nenin 24 (1) të Rregullores (QRK) Nr.04/2026 për Fushat e përgjegjësisë administrative të ministrive, nxjerr: Z. Arlind Manxhuka emërohet zëdhënës i qeverisë, i cili njëkohësisht është këshilltar politik i kryeministrit”, thuhet në vendimin e qeverisë.

Ish-zëdhënësi i qeverisë merr post të lartë në “Kurti 3”

Kryeministri i Republikës së Kosovës, Albin Kurti, ka emëruar Përparim Kryeziun në pozitën e zëvendësministrit të parë të Arsimit dhe Shkencës.

Gjatë mandatit të kaluar, Përparim Kryeziu ka mbajtur pozitën e zëdhënësit të Qeverisë.

Kryeministri Kurti e uroi Kryeziu për detyrën e re dhe i dëshiroi suksese në përmbushjen e përgjegjësive të reja.

Ndërron jetë zyrtari policor Mehdi Ibrahimi

Ka ndërruar jetë zyrtari policor nga Mitrovica, Mehdi Ibrahimi.

Lajmin për vdekjen e tij e kanë bërë të ditur Sindikata e Policisë e Kosovës.

Me këtë rast, Sindikata e Policisë e Kosovës i shpreh ngushëllime, familjes, miqve dhe gjithë pjesëtarëve të policisë

QKUK vendos tarifë të re: Familjarët duhet të paguajnë 3 euro për çdo 24 orë qëndrimi

Qendra Klinike Universitare e Kosovës ka zyrtarizuar listën e bashkëpagesave për shërbime shëndetësirë të nivelit tretësor, ku ndër pikat që po ngjall më së shumti reagime është ajo për persona shoqërues të pacientëve, shkruan Insajderi.

Sipas një vendimi, saktësisht pika 5 e shtojcës 4 – përcaktohet se dita e qëndrimit në spital për personin shoqërues të pacientit më të vjetër se 15 vjec kushton 3 euro

Kjo tarifë aplikohet për tërë kohën e qëndrimin në spital, pa ndonjë kufizim kohor.

Ndahet nga jeta ish-ushtari i UÇK-së

Ka ndërruar jetë luftëtari dhe invalidi i UÇK-së, Rifat Shala.

I ndjeri gjatë luftës shërbeu në Brigadën 112 “Arben Haliti” të Zona Operative e Drenicës, ku dha kontribut të jashtëzakonshëm për çlirimin e vendit.

Ai ishte pjesë e Brigada 112 “Arben Haliti”, duke u dalluar për përkushtim dhe sakrificë në shërbim të atdheut.

Pas përfundimit të luftës, Shala vazhdoi angazhimin e tij në TMK, duke mbetur gjithmonë në shërbim të vendit.

Varrimi i të ndjerit do të bëhet nesër (24.02.2026) në ora 13:00, në fshatin Leçinë, komuna Skenderaj.

Kurti e degradon fort Besnik Bislimin, ky është roli i tij i ri

Besnik Bislimi, dikur zëvendëskryeministër me përgjegjësi për integrim evropian dhe zhvillim ekonomik, degradohet në udhëheqës të Zyrës për Ekspertizë, Zbatim dhe Mbikëqyrje Strategike, sipas vendimit të fundit të Kurtit.

Kryeministri i Kosovës, Albin Kurti, ka vendosur të ndryshojë rolin e njërit nga bashkëpunëtorët e tij më të afërt, Besnik Bislimi, duke e autorizuar për një pozitë më administrative në kuadër të Zyrës së Kryeministrit.

Sipas dokumentit zyrtar të siguruar nga Demokracia.com, Bislimi do të udhëheqë Zyrën për Ekspertizë, Zbatim dhe Mbikëqyrje Strategike, një strukturë që funksionon nën drejtimin e Kryeministrit.

Në vendim thuhet se mandati i tij në këtë pozitë do të zgjasë për aq kohë sa zgjat mandati i Kryeministrit, ndërsa Bislimi obligohet të deklarojë pasurinë sipas legjislacionit në fuqi.

“Autorizohet z. Besnik Bislimi, të udhëheqë me Zyrën për Ekspertizë, Zbatim dhe Mbikëqyrje Strategjike. Mandati i të autorizuarit nga pika 1 e këtij Vendimi, zgjat për aq sa zgjatë mandati i Kryeministrit. I autorizuari nga pika 1 e këtij Vendimi, obligohet të deklarojë pasurinë sipas legjislacionit në fuqi. Obligohen Zyra e Kryeministrit për zbatimin e këtij Vendimi. Ky Vendim hyn në fuqi ditën e nënshkrimit”, thuhet në këtë vendim.

Dokumenti, i nënshkruar nga Kurti më 20 shkurt 2026, detyron gjithashtu Zyrën e Kryeministrit të zbatojë këtë vendim, i cili hyn në fuqi menjëherë pas nënshkrimit.

Vendimi është dërguar edhe te vetë Bislimi, Sekretari i Përgjithshëm i ZKM-së dhe Arkivi i Qeverisë.

Bislimi ka shërbyer si Ministër i Financave dhe Transfereve gjatë qeverisë së parë të Albin Kurtit në vitin 2020, ku mbikëqyri buxhetin, financat publike dhe politikat fiskale të vendit.

Nga 2021 deri më tani, Bislimi ka qenë Zëvendëskryeministër i Kosovës, përgjegjës për integrimin evropian, zhvillimin ekonomik dhe koordinimin e dialogut me Serbinë. Ai ka udhëhequr gjithashtu projekte strategjike qeveritare dhe ka përfaqësuar Kosovën në takime ndërkombëtare për çështje ekonomike dhe politike.

Në ora 12:00 të natës, Krakit i bie në mendje një ide: Ta ndryshojmë Kushtetutën – ta zgjedhim Presidentin direkt

Nezir Kraki, deputet i Lëvizjes Vetëvendosje, përmes një postimi të bërë në Facebook, është shprehur me ‘’bindje të hekurt’’ se, Kosova nuk do të ketë stabilitet politik afatgjatë, pa u ndryshuar Kushtetuta, ‘’sidomos’’ në nenet që parashohin zgjedhjen e Presidentit.

Në postimin e tij, Kraki, ka thënë se duhet që zgjedhja e presidentit të bëhet me votim te drejtpërdrejtë nga qytetarët, gjë e cila, sipas tij, ‘’do ta çlironte postin e presidentit dhe do ta depolitizonte duke e larguar atë definitivisht nga konfiguracionet bllokuese në dëm të shtetit’’.

Kraki, po ashtu, në postimin e tij, ka sulmuar edhe Gjykatën Kushtetuese, duke aluduar se ajo s’po e mbron Kushtetutën, dhe se, kjo gjykatë, sipas deputetit të VV’së, ‘’ka vite që bën veç politikë’’.

Postimi:

Nevojë për ndryshime kushtetuese

Pas shumë analizave të sistemit kushtetues në Kosovë, mund të them me bindje të hekurt se pa u ndryshuar/amenduar kushtetuta, sidomos në nenet që parashohin zgjedhjen e Presidentit dhe atë të Kryesisë së Kuvendit, Kosova nuk do ketë stabilitet politik afatgjatë dhe as funksionim normal si shtet.

Prandaj mendoj se duhet të shkojmë drejt një reforme të sistemit sepse origjina e problemeve dhe pengesave është sistemike, jo politike. Politika i shfrytëzon pikërisht defektet e sistemeve për t’i realizuar qëllimet e veta. Por, duke qenë se qëllimet e politikes nuk janë gjithëmonë në përputhje me pritjet dhe nevojat e qytetarit atëherë sistemi duhet të jetë më i fortë se politika. Vetëm sistemi garanton respektim të kushtetutes, jo partitë politike as gjykatat.

Është absurde të pritet që në çdo rrethanë partitë politike ta mbrojnë kushtetuten sikurse është absurde të pritet që ajo të mbrohet nga Gjykata kushtetuese aktuale e cila ka vite që bën veç politikë. Atëherë, krejt ligjikshëm na del se mbrojtja më e mirë e kushtetutës është qartësimi dhe konsolidimi në sistem i normave të saj në mënyrë që askush, as politika dhe as gjykatat të mos kenë shans t’i dhunojnë apo t’i keqinterpretojnë ato.

Këto ndryshime do ta nxirnin Kosovën nga mjegulla normative e cila është shtresëzuar ndër vite. Kur kushtetuta ia rezervon fituesit të zgjedhjeve postin e Kryetarit të Kuvendit dhe në të njejtën kohë e kushtëzon atë ekskluzivitet me pajtim e votim nga humbësit kjo nuk është normë kushtetuese por absurditet sui generis. Siç ësbtë super absurditet edhe « kuorumi presidencial » me 80 deputetë kur zgjedhet presidenti. Sepse, nuk mund të kërkosh president apolltik dhe unifikues kur zgjedhjen e tij e kushtëzon me aranzhime politike që mund të nxjerrin veç president politik.

Atëherë cila do t’ishte zgjidhja?

1) Heqja e votimit për Kryesinë e Kuvendit. Postet plotësohen me propozime/delegime nga partitë të cilat i fitojnë ato sipas rezultatit të zgjedhjeve. Fiks siç ka qenë me Kornizen kushtetuese, duke e ruajtur numrin aktual të anëtarëve. Kështu, Kuvendi e reflekton vullnetin e qytetarëve me automatizem dhe ndarja e posteve korrespondon me peshen e votës. Fiks themeli i demokracisë.

2) Zgjedhja e presidentit me votim te drejtpërdrejtë nga qytetarët, për mandat 5 vjeçar në modelin e Maqedonisë së Veriut.  Kjo do ta çlironte postin e presidentit dhe do ta depolitizonte duke e larguar atë definitivisht nga konfiguracionet bllokuese në dëm të shtetit. Edhe këtu do respektohej vullneti i qytetarëve dhe presidenti do kishte më shumë autonomi në gjykim e veprim.

Këto ndryshime nuk do ta cenonin as interesin e partive as atë të pakicave dhe jam i bindur që do kalonin pa problem.

Nejse, edhe këtë herë po kalojmë por mirë do t’ishte të bëhemi gati për vitet e ardhshme.