Nga sot dalin me rritje për 50 për qind shtesat

Kryeministri në detyrë, Albin Kurti, dje njoftoi se nga sot fillon ekzekutimi i shtesave të rritura për fëmijët, me një rritje prej 50%.

Sipas tij, nga kjo rritje do të përfitojnë rreth 400 mijë fëmijë. Me shtesat e reja, një familje me dy fëmijë do të marrë 60 euro, me tre fëmijë 135 euro, ndërsa me katër fëmijë 180 euro.

Kurti uroi të gjitha familjet, duke theksuar se kjo masë mbështetëse synon mirëqenien e fëmijëve.

Postimi i plotë:

Lajm i mirë për të gjitha nënat që marrin shtesa për fëmijët: nga nesër fillon ekzekutimi i pagesave me rritjen e miratuar prej 50%.

Nga kjo rritje do të përfitojnë 400 mijë fëmijë. Pra:

– një familje me dy fëmijë, që ka marrë 40 euro, nga nesër do të marrë 60 euro;

– një familje me tre fëmijë, që ka marrë 90 euro, nga nesër do të marrë 135 euro;

– një familje me katër fëmijë, që ka marrë 120 euro, nga nesër do të marrë 180 euro, e kështu me radhë.

Urime të gjithë fëmijëve! T’i gëzoni me shëndet!

I ftoi për koalicion, nga AKR i përgjigjen Abdixhikut

“Ftoj partitë tjera për t’iu bashkuar LDK-së në një listë të përbashkët elektorale. LDK do të rezervojë një pjesë të listës për partitë që bashkohen, përfshirë zotin Limaj me partinë e tij. Kemi gatishmëri për bashkëpunim edhe me demokristianët, Partinë e Drejtësisë, AKR-në e zotit Pacolli, etj. Jemi të hapur edhe për individë”, kështu ka deklaruar kryetari i LDK-së, Lumir Abdixhiku të hënën në një konferencë për media.

Abdixhiku i cili edhe shpalli kanidaturën e tij për kryeministër në zgjedhjet e 28 dhjetorit, ka deklaruar se nominimi i tij është mbështetur plotësisht nga Kryesia e partisë.

“Kryesia e LDK-së e konsideron se përderisa ka kryetar partie, nuk ka nevojë të ketë kandidat tjetër për kryeministër, prandaj më nominoi”, ka thënë Abdixhiku.

Tutje, ai ka treguar se ka hequr dorë nga përpilimi i listës së kandidatëve për deputetë dhe renditja e tyre, duke theksuar se këtë proces do ta kryejë një grup më i gjerë brenda partisë për të shmangur pakënaqësitë dhe për të siguruar transparencë.

Gjersa, Abdixhiku ka thënë se LDK do të garojë e vetme në zgjedhje, por e hapur për bashkëpunim me subjekte të tjera politike, gazeta “Bota sot”, ka pyetur Aleancën Kosova e Re nëse do t’i bashkangjitet LDK-së.

Sekretari i AKR-së, Vesel Makolli, thotë se do ta shqyrtojnë ofertën e kandidatit të LDK-së për kryeministër në ditët në vazhdim për përcaktimin e tyre.

“Në zgjedhjet lokale për kryeqytetin, AKR-ja në marrëveshje me LDK-në kemi garuar në një listë të përbashkët. Sa i përket zgjedhjeve të jashtëzakonshme nacionale të 28 dhjetorit, ende nuk kemi marrëveshje. Do ta shqyrtojmë ofertën e kandidatit të LDK-së për kryeministër dhe në ditët në vazhdim do të vendosim për përcaktimin tone”, deklaron Makolli.

Sipas tij, nëse zgjedhjet e 28 dhjetorit nuk sjellin ndryshime, ngërçet politike do të vazhdojnë, me tendencë të rrezikimit të sovranitetit dhe shtetësisë.

“Ngërçi politik, që zgjati gati një vit, e ka dëmtuar shumë Kosovën, më shumë në rrafshin e brendshëm dhe po ashtu në rrafshin ndërkombëtar, me pasoja që kanë qenë të pariparueshme për vendin. Nëse zgjedhjet e 28 dhjetorit nuk sjellin ndryshime, sidomos nëse nuk formohet një qeveri që bashkëpunon ngushtë me miqtë tanë ndërkombëtarë, veçanërisht me garantuesit e pavarësisë së Kosovës, SHBA-të, ngërçet politike do të vazhdojnë, me tendencë të rrezikimit të sovranitetit dhe shtetësisë sonë”, shton sekretari.

Ai shton se dy partitë opozitare kërkojnë të bëhet një rirreshtim.

“Në këtë kontekst, dy partitë më të mëdha opozitare po kërkojnë që të bëhet një rirreshtim i subjekteve politike për të dalë fituese në këto zgjedhje, që janë thelbësore për të ardhmen prosperuese të vendit tone”, përfundon Makolli.

Parashikimi i motit për nesër

Të martën parashikohet të mbajë mot me vranësira dhe intervale me diell, ku pritet herë pas here të ketë reshje lokale shiu, kryesisht të përqëndruara në perëndim të vendit.

Era do të fryjë nga drejtimi i jugut dhe juglindjes, e cila kohë pas kohe pritet të jetë mjaft e fuqishme, me shpejtësi prej 15-50 km/h.

Temperaturat minimale do të lëvizin prej 2 deri në 7°C, ndërsa ato maksimale prej 10 deri në 14°C.i

Kurti: Rriten shtesat për 50%, ja kush përfiton

Qeveria në detyrë e Kosovës ka njoftuar se nga nesër do të nisë ekzekutimi i shtesave të rritura për fëmijë, një vendim që pritet të përfitojë rreth 400 mijë fëmijë në mbarë vendin. Lajmin e ka bërë publik kryeministri në detyrë, Albin Kurti përmes një postimi në Facebook, duke e cilësuar këtë ditë si të veçantë për të gjitha nënat dhe familjet që përfitojnë nga skema.

Sipas rritjes së miratuar, shtesat mujore për fëmijë janë rritur me 50%, duke sjellë ndryshime të dukshme në shumën që marrin familjet. Kryeministri ka dhënë edhe disa shembuj konkretë:

• Familjet me dy fëmijë: nga 40 euro → 60 euro
• Familjet me tre fëmijë: nga 90 euro → 135 euro
• Familjet me katër fëmijë: nga 120 euro → 180 euro

Rritja do të reflektohet menjëherë në pagesat e muajit të ardhshëm, ndërsa qeveria vlerëson se ky hap do të lehtësojë ndjeshëm buxhetin familjar dhe do të ofrojë mbështetje më të madhe për rritjen dhe mirëqenien e fëmijëve.

“Urime të gjithë fëmijëve! T’i gëzoni me shëndet!” – ka përfunduar mesazhin e tij kryeministri Kurti, raporton Gazeta Imazhi.

Bajrami: Lidhja Demokratike e Kosovës duhet të kthehet në vendin e parë

Deputetja e LDK-së, Hykmete Bajrami, ka deklaruar se Lidhja Demokratike e Kosovës duhet të rikthehet në vendin e parë, duke theksuar se alternativa e saj bazohet në forcimin e shtetit, aleancave, ekonomisë dhe luftën kundër korrupsionit, raporton GazetaBlic.

Ajo u bëri thirrje qytetarëve të mbështesin LDK-në dhe kandidatin për kryeministër, Lumir Abdixhikun, në zgjedhjet e 28 dhjetorit.

Bajrami theksoi se LDK nuk premton mrekulli, por funksionim të shtetit, llogaridhënie dhe punë të pandalshme, duke shtuar se vendi ka nevojë për një qeveri që lufton korrupsionin dhe mbështet drejtësinë.

Shtesat për fëmijë, Kurti jep lajmin e madh

Qeveria në detyrë e Kosovës ka njoftuar se nga nesër do të nisë ekzekutimi i shtesave të rritura për fëmijë, një vendim që pritet të përfitojë rreth 400 mijë fëmijë në mbarë vendin. Lajmin e ka bërë publik kryeministri në detyrë, Albin Kurti përmes një postimi në Facebook, duke e cilësuar këtë ditë si të veçantë për të gjitha nënat dhe familjet që përfitojnë nga skema.

Sipas rritjes së miratuar, shtesat mujore për fëmijë janë rritur me 50%, duke sjellë ndryshime të dukshme në shumën që marrin familjet. Kryeministri ka dhënë edhe disa shembuj konkretë:

• Familjet me dy fëmijë: nga 40 euro → 60 euro
• Familjet me tre fëmijë: nga 90 euro → 135 euro
• Familjet me katër fëmijë: nga 120 euro → 180 euro

Rritja do të reflektohet menjëherë në pagesat e muajit të ardhshëm, ndërsa qeveria vlerëson se ky hap do të lehtësojë ndjeshëm buxhetin familjar dhe do të ofrojë mbështetje më të madhe për rritjen dhe mirëqenien e fëmijëve.

“Urime të gjithë fëmijëve! T’i gëzoni me shëndet!” – ka përfunduar mesazhin e tij kryeministri Kurti, raporton Gazeta Imazhi.

Kush do ta udhëheqë PDK-në drejt zgjedhjeve? Ja kandidati për kryeministër

Besa Kabashi Ramaj, pjesë e Partisë Demokratike të Kosovës, në emisionin Adresa të Kanal10, ka konfirmuar se kandidati i PDK-së për kryeministër në zgjedhjet e jashtëzakonshme të 28 dhjetorit do të jetë kryetari i partisë, Bedri Hamza.

Ajo tha se PDK tashmë ka dëshmuar se ka lidership të qartë dhe se Hamza përfaqëson më së miri këtë vizion.

“Kandidati për kryeministër është kryetari Bedri Hamza. Besoj se është një lajm i mirë, sepse e kanë parë të gjithë punën e tij. Është një individ me bagazh profesional dhe një lider i dëshmuar,” deklaroi Kabashi Ramaj.

Sipas saj, PDK hyn në zgjedhje me një kandidat që ka treguar rezultate dhe ka përvojën e nevojshme për të udhëhequr qeverinë e ardhshme.

Xhavit Haliti del publikisht pro koalicionit me këtë parti

Xhavit Haliti nga Partia Demokratike e Kosovës, deklaroi se për të nuk është problem koalicioni me NISMA e Fatmir Limajn.

“Nëse ofrohet për të hyrë në koalicion është çështje për të diskutuar në parti. Unë nuk kam asgjë kundër nëse Limaj hynë në koalicion, ka një emër e elektorat në zonën e vet dhe në disa qendra të tjera”, ka thënë ai në T7.

Tutje, Haliti ka treguar se Limaj ishte refuzuar nga kryesia e PDK-së në vitin 2021 kur Enver Hoxhaj ishte kandidat për kryeministër.

“Ne kemi pasur një kërkesë e Limajt që të jetë në koalicion, kur ka qenë Enver Hoxha kandidat për kryeministër dhe kryesia e partisë nuk ka pranu që Limaj të jetë pjesë e listës” u shpreh Haliti.

Edhe Vushtrria pa fonde – shkyçet ndriçimi publik, reagon Ferit Idrizi

Kryetari i Komunës së Vushtrrisë, Ferit Idrizi, ka njoftuar se ditët e fundit janë përballur me shkyçje të ndriçimit publik, për mospagesë të faturave të energjisë.

Ai ka bërë me dije se kanë thirrur seancë të jashtëzakonshme të Kuvendit Komunal, me qëllim të miratimit të tejkalimit të të hyrave vetanake, në mënyrë që një pjesë e tyre të destinohet për pagesën e faturave të energjisë së ndriçimit publik.

“Kjo situatë ka ardhur si rezultat i përmbarimit të mjeteve të Komunës për përmbushjen e Kontratës Kolektive, ku vetëm për vitin 2025, Komunës së Vushtrrisë i janë marrë mbi 3.5 milion euro, ose mbi 50% të buxhetit vjetor për investime kapitale. Ne jemi duke ndërmarrë të gjitha veprimet e nevojshme për normalizimin e gjendjes. Për këtë arsye kemi thirrur edhe seancën e jashtëzakonshme të Kuvendit Komunal, me qëllim të miratimit të tejkalimit të të hyrave vetanake, në mënyrë që një pjesë e tyre të destinohet për pagesën e faturave të energjisë së ndriçimit publik”, ka shkruar Idrizi.

Reagimi i Ramiz Lladrovcit pas fjalëve të Bedri Hamzës për të

Ramiz Lladrovci, kryetar i Drenasit, ka shpërndarë fotografinë që ka publikuar kreu i PDK-së, raporton GazetaBlic.

Në atë fotografi është Lladrovci e Ali Ahmeti, teksa Hamza për Lladrovcin tha se “ka qenë, është dhe do të mbetet në PDK”.