A arriti djali i Sami Lushtakut që të bëhet deputet?
Mërgim Lushtaku ka arritur që të zgjedhet deputet i Kuvendit të Kosovës.
Djali i Sami Lushtaku ka arritur që i sigurojë 22,116 Vota, shkruan DEMOS.
LISTA:
Kurti paralajmëron: Mund të shkojmë sërish në zgjedhje
Kryetari i Lëvizjes Vetëvendosje, Albin Kurti, ka refuzuar të deklarohet nëse përkrah rikandidimin e Presidentes Vjosa Osmani për këtë post, duke theksuar se paraprakisht duhet të përmbyllen disa procese kyçe institucionale.
Kurti tha se e ka parë deklarimin e Presidentes lidhur me gatishmërinë për një mandat të dytë, por shtoi se prioritetet aktuale janë formimi i Kuvendit, i Qeverisë dhe miratimi i buxhetit.
Sipas tij, këta tre hapa janë parakusht për çdo diskutim serioz rreth rizgjedhjes së Presidentes, ndërsa vetëm pas përfundimit të tyre mund të vlerësohen realisht gjasat përpara.
“Ne e kemi parë deklarimin e Presidentes. Së pari, duhet ta formojmë Kuvendin e Qeverinë, gjithashtu duhet ta votojmë buxhetin. Unë besoj që këta janë hapat më të rëndësishëm. Pra, janë tre hapa para se të vijmë te rizgjedhja e Presidentes, dhe unë besoj që nga këta tre hapa ne do të shohim se si janë gjasat përpara. Unë kam deklaruar që është e rëndësishme që të ulemi me Presidenten dhe të diskutojmë të gjitha gjërat. 80 vota në sallë është vështirësi e konsiderueshme.
Përderisa kësaj radhe ne 61 vota i kemi, 80 nuk i kemi, dhe këto marrëveshje ndërkombëtare të cilat po përpiqemi t’i kalojmë sa më shpejt, unë besoj gjithashtu që mund të na japin indikacione për rrugën përpara. Nuk besoj që është e drejtë dhe e dobishme që të flasim për hapin e katërt pa i parë të tre të parët. Vetëm pasi t’i kemi kaluar këta tre hapa, ne mund të flasim.” – tha Kurti për “KosovaPress”.
Kur do të ekzekutohet paga e 13-të për puntorët? Kurti jep detajet
Kryeministri në detyrë, Albin Kurti, ka deklaruar se Qeveria e ardhshme synon të ndërmarrë hapa të rëndësishëm në përmirësimin e gjendjes ekonomike në Kosovë, përfshirë pagën e 13-të për administratën shtetërore dhe masa për përballje me çmimin e energjisë elektrike.
Në një intervistë ekskluzive për KosovaPress, e cila përkon edhe me 27-vjetorin e themelimit të këtij mediumi, Kurti thotë se me Ligjin e ri për Buxhetin e vitit 2026 parashihet paga e 13-të për të gjithë shërbyesit publikë.
Sipas tij, normalisht paga e 13-të do të duhej të jepej në fund të vitit, por një nga vendimet e para të Qeverisë së re do të jetë që kjo pagë të jepet në fillim të vitit, sapo të formohet qeveria dhe të votohet ligji për buxhetin. Kurti theksoi se sa më herët të formohet qeveria, aq më herët do të realizohet edhe pagesa e 13-të.
Ai rikujtoi se gjatë mandatit të tij, pagat në administratën shtetërore janë rritur në përgjithësi për 47 për qind, ndërsa pabarazia mes pagës më të lartë dhe asaj më të ulët është zvogëluar ndjeshëm, nga raporti 20 me 1 në 4 me 1
“Me ligjin e ri për buxhetin e vitit 2026, ne parashohim edhe pagën e 13-të në administratën shtetërore. Pra, të gjithë shërbyesit publikë do ta marrin pagën e 13-të. Me fjalë të tjera, kush punon 12 muaj, i merr 13 paga. Normal do të ishte që pagën e 13-të ta marrin kah fundi i vitit, atje te dhjetori diku. Mirëpo, një ndër pesë vendimet e para që do të marr, përveç atyre që përmenda, do të jetë natyrisht edhe paga e 13-të në fillim të vitit. Tash kjo varet kur formohet qeveria dhe kur votohet ligji për buxhetin. Porsa të bëhen këto, do ta marrim vendimin edhe për pagën e 13-të dhe ajo do të jetë në fillim të muajit. Tash, ne më të mëdha i kemi gjasat që do ta formojmë qeverinë në muajin shkurt sesa në janar, po kushedi, ndoshta dhe në janar. Sa më herët që e formojmë qeverinë, aq më herët do të mund të jepet paga e 13-të, e cila padyshim që do të jetë në fillim të vitit për administratën shtetërore, të cilëve në fakt edhe u është rritur paga në përgjithësi gjatë qeverisjes në mandatin tim, për 47%, sepse aq është rritur buxheti total i pagesave për rrogat në administratën shtetërore, me ç’rast edhe është zvogëluar dallimi i pagës më të lartë me pagën më të ulët, prej 20 me 1 siç ka qenë, në 4 me 1. Pra, 47% është rritur paga përgjithësisht në administratën shtetërore, te shërbyesit publikë, dhe në të njëjtën kohë pesëfish është zvogëluar pabarazia aty”, thotë Kurti për KosovaPress.
Duke folur për çështjen e energjisë elektrike dhe çmimin e saj, Kurti tha se qëndrimi i Qeverisë do të bëhet i ditur në pranverë, duke rikujtuar se vendimet për tarifat i takojnë institucioneve të pavarura, si Zyra e Rregullatorit të Energjisë
Megjithatë, ai nënvizon se Kosova vazhdon të bartë pasojat e privatizimit të padrejtë dhe të lirë të shpërndarjes dhe furnizimit me energji elektrike.
“Ne do ta themi qëndrimin tonë në këtë pranverë kur të vijë koha, por ta keni parasysh që janë institucione të pavarura shtetërore, sikurse Zyra e Rregullatorit të Energjisë, ajo e cila merret me këtë çështje. Ndërkohë që ne edhe më tutje jetojmë me një trashëgimi me të cilën nuk jemi pajtuar, por është fakt që shpërndarjen dhe furnizimin e energjisë elektrike, Kosova e ka të privatizuar tepër lirë e padrejtësisht. Në anën tjetër, ndër vendimet e para që do të marrim, do të jenë edhe një pako e përgjithshme prej 200 milionë euro për përballje me inflacionin, për kategori të cilat kanë më së shumti nevojë dhe që preken më së rëndi: pensionistët, fëmijët, sektorët, sektori privat përkatësisht punëtorët aty, punëmarrësit, dhe gjithashtu edhe studentët. E paralelisht me këtë, edhe do ta rikthejmë atë skemën që kush kursen energji elektrike, shpërblehet. E kemi pasur para tre-katër vjetëve dhe ka qenë shumë e suksesshme. Pra, nëse dikush dëshmon, ta zëmë që në muajin shkurt të vitit 2026 ka kursyer energji elektrike duke konsumuar më pak kilovat-orë sesa në shkurtin e vitit 2025, menjëherë do të shpërblehet. 150 milionë euro në mandatin që do të vijë, do t’i ndajmë për efiçiencën e energjisë elektrike. Sepse ne shpenzimin suplementar, le ta quajmë ashtu, por në anën tjetër ekzistencial, që e kemi te energjia elektrike është për ngrohje. Tash merreni me mend, digjet linjiti si qymyr, punojnë turbinat e gjeneratorit, e shndërrojnë energjinë termike në energji elektrike, të cilën ne sërish e shndërrojmë në energji termike nëpër shtëpitë dhe banesat tona. Prandaj kogjenerimi do të jetë një zgjidhje. Do ta dyfishojmë kogjenerimin prej termocentraleve. Do të kemi gjithashtu edhe mundësinë për ngrohje nëpërmjet paneleve solare dhe do ta shohim edhe mundësinë që sa më shpejt të hyjmë në gazifikimin e linjitit, pra në kapacitete të reja energjetike. Besoj që e ardhmja afatshkurtër dhe afatmesme do të jenë shumë të mira edhe në këtë aspekt”, tha Kurti./KosovaPress.
Vuçiç “shpërthen” kundër Shqipërisë: Është kërcënim, rezoluta 12 44 e Kosovës ka rënë
“Rendi botëror ka rënë!”. Kështu u shpreh presidenti serb, Aleksandër Vuçiç, pas një mbledhje urgjente të Këshillit të Sigurisë Kombëtare ku diskutoi me tonë kritike për operacionin amerikan për kapjen e mikut të tij në Venezuelë, Nikolas Maduro.
“Pas veprimeve në Venezuelë, është plotësisht e qartë se rendi publik ndërkombëtar dhe Karta e OKB-së nuk zbatohen”, theksoi Presidenti serb, duke shtuar se ligji i forcës dhe ligji i më të fortit po dominojnë botën.
“Pra, ju e shihni që nuk ka parime. Kjo është arsyeja pse ne jemi veçanërisht të shqetësuar për armatimin e mëtejshëm të Prishtinës, në kundërshtim me Kartën e Kombeve të Bashkuara dhe Rezolutën 1244, e cila është pezulluar de facto, por jo de jure, nga fuqitë e mëdha, siç është Turqia. Ato po e armatosin me shpejtësi Prishtinën. Një kërcënim i veçantë për sigurinë e Serbisë është aleanca ose bashkimi i sapokrijuar i Prishtinës, Tiranës dhe Zagrebit, i cili po zhvillohet në një fushë të gjerë që përfshin zhvillimin e përbashkët të sistemeve komplekse luftarake nga automjetet katër me katër deri te armët dhe mjetet më të fuqishme”, tha Vuçiç, duke shtuar se Serbia po e monitoron nga afër këtë dhe po përgatitet për mbrojtje kundër atyre që pretendoi se tani po bëjnë “kërcënime të hapura” ndaj Serbisë.
“Duam t’ju themi se Republika e Serbisë po e ndjek këtë me kujdes dhe ne jo vetëm që po e ndjekim, por po përgatitemi edhe për t’u mbrojtur kundër atyre që, as fshehurazi, por hapur kërcënojnë vendin tonë. Ne besojmë se forca jonë do të jetë një pengesë e mjaftueshme”, theksoi Vuçiç. (A2 Televizion)
Gruaja në Podujevë sulmon fizikisht bashkëshortin
Një grua ka sulmuar fizikisht bashkëshortin e saj.
Policia e ka arrestuar dhe e njejta është dërguar në mbajtje.
Raporti:
Podujevë 03.01.2026-23:26. Është arrestuar e dyshuara femër kosovare, pasi që e njëjta pas një mosmarrëveshje ka sulmuar fizikisht bashkëshortin e saj viktimën mashkull kosovar. Viktima ka pranuar tretman mjekësor, ndërsa e dyshuara me vendim të prokurorit dërgohet në mbajtje.
Numërohen gati 30% e votave me postë, VV e para deri tani, kjo është partia e dytë
Komisioni Qendror i Zgjedhjeve ka bërë përditësimin e fundit kur janë numëruar 28.26% e votave me postë, shkruan Reporteri.net.
Nga 26 kuti nga 92 sa janë gjithsej, aktualisht Lëvizja Vetëvendosje prin me 70.67% apo 4,932.
Në vend të dytë është Lidhja Demokratike e Kosovës me 10.65% apo 743 vota
Pas saj vie, Partia Demokratike e Kosovës me 8.68% apo 606 dhe Aleanca për Ardhmërinë e Kosovës në vend të katert aktualisht me 8.44% apo 589 vota.
Kryeziu i reagon Gjergj Dedajt: Matuf që s’ka pikë dashurie për Kosovën
Kadri Kryeziu, ish-gjyqtar në Gjykatën Kushtetuese, i ka reaguar Gjergj Dedajt, ish-ambasador i Kosovës në Maqedoni të Veriut, i cili vlerësoi dramatikisht se Kosova po rrëshqet drejt diktaturës.
Kryeziu ka qenë i ashpër ndaj Dedajt, duke përdorur një term abritrat.
Kryeziu e quajti matuf Dedajn.
“Përkufizimi i një matufi që nuk ka asnjë pikë dashurie për vendin e vet” – shkroi Kryeziu.
Numërohen votat e para me postë, kjo parti po prin
Komisioni Qendror i Zgjedhjeve ka përditësuar rezultatet e votave me postë, ku deri tani janë numëruar 25% e fletëvotimeve nga mërgimtarët.
Për momentin, Vetëvendosje vazhdon të udhëheqë me një rezultat të shkëlqyer, duke fituar 69% të votave të procesuar. Lidhja Demokratike e Kosovës (LDK) është e dyta me 11.28%, ndërsa Aleanca për Ardhmërinë e Kosovës (AAK) ka arritur 9.43% të votave.
Partia Demokratike e Kosovës (PDK) ka marrë 8.13% të votave, apo gjithsej 506 vota
Kujtojmë se më 28 dhjetor, qytetarët e Kosovës zhvilluan zgjedhjet parlamentare, ku Vetëvendosje fitoi bindshëm me rreth 50% të votave. Priten rezultate të tjera nga procesi i numërimit të votave me postë në ditët në vazhdim.
Gjykata Kushtetuese nis shqyrtimin e kërkesës së re të Hashim Thaçit
Gjykata Speciale ka njoftuar se është caktuar Paneli i Gjykatës Kushtetuese për shqyrtimin e kërkesës së re referuese të Hashim Thaçit në rastin “Thaçi dhe të tjerët”, që ka të bëjë me veprat kundër administratës së drejtësisë.
Në një njoftim të Gjykatës, thuhet se më 30 dhjetor, Kryetarja e Gjykatës Kushtetuese, Alenka Trendafilova, caktoi Panelin e Gjykatës Kushtetuese për të vendosur në lidhje me kërkesën që Thaçi e dorëzoi në të njëjtën ditë. Paneli do të përbëhet nga gjyqtarët Vidar Stensland, Roumen Nenkov dhe Piotr Hofmański, të cilët do të shqyrtojnë kërkesën në vijim të vendimit të Gjykatës së Apelit të 28 tetorit 2025.
“Më 30 dhjetor, Kryetare Trendafilova caktoi Panelin e Gjykatës Kushtetuese për të vendosur në lidhje me kërkesën referuese të dorëzuar nga Hashim Thaçi në të njëjtën ditë. Gjykatësit Vidar Stensland, Roumen Nenkov dhe Piotr Hofmański do të vendosin në lidhje me këtë kërkesë referuese që pason vendimin e Gjykatës së Apelit të 28 tetorit 2025”, njofton Specialja.
A do të jetë deputet? Djali i Jakup Krasniqit flet pas rezultateve të zgjedhjeve
Kandidati për deputet nga PDK-ja, Altin Krasniqi, ka reaguar pas rezultateve të zgjedhjeve të 28 dhjetorit, duke pranuar se nuk ka arritur të sigurojë votat e mjaftueshme për mandat.
Ai ka falënderuar qytetarët për mbështetjen, duke theksuar se, ndonëse rezultati nuk ishte ai i dëshiruar, vota e marrë përfaqëson “një besim të madh”, transmeton lajmi.net.
“Ju falënderoj nga zemra secilin qytetar për votën dhe mbështetjen që ma keni dhënë më 28 dhjetor. Kjo mbështetje, edhe pse nuk ishte e mjaftueshme për ta arritur qëllimin, për mua përfaqëson një besim të madh”, ka shkruar Krasniqi, duke shtuar se gjatë fushatës ka ndier pritje për ndryshim në çdo qytet e fshat ku është takuar me qytetarë.
Ai ka theksuar se angazhimi i tij politik nuk ka qenë personal, por në shërbim të partisë dhe interesit publik, edhe në raste kur qëndrimet e tij “kanë kushtuar politikisht”.
Krasniqi ka shprehur shpresën që qeverisja e ardhshme ta ketë prioritet përmirësimin e jetës së qytetarëve dhe ka kritikuar, siç ka thënë ai, “stagnimin, përçarjen dhe gjuhën e urrejtjes” të viteve të fundit.
Postimi i plotë:
Ju falenderoj nga zemra secilin qytetar për votën dhe mbështetjen që ma keni dhënë më 28 dhjetor. Kjo mbështetje, edhe pse nuk ishte e mjaftueshme për ta arritur qëllimin, për mua përfaqëson një besim të madh.
Në çdo shtëpi, në çdo fshat e në çdo qytet ku jam pritur me respekt dhe dinjitet, kam ndier nga afër besimin tuaj dhe pritjen për ndryshim. Ky besim është arsyeja pse angazhimi im publik nuk ka qenë dhe nuk do të jetë kurrë personal, por gjithmonë në shërbim të qytetarëve dhe interesit të përgjithshëm.
Edhe pse mandati im i parë ishte i shkurtër, jam përpjekur vazhdimisht ta jap maksimumin për vendin dhe për partinë, duke vepruar me përgjegjësi dhe bindje politike.
Edhe në momente të vështira, kur vendimet e partisë nuk kanë qenë të lehta e as gjithmonë të mirëpritura, kam zgjedhur t’i respektoj ato. Kam mbështetur qëndrime për të cilat kam qenë i vetëdijshëm se do të më kushtonin politikisht. Edhe kur partia ka kaluar në faza përçarjeje, kam mbrojtur interesin e saj, jo veten time.
Megjithatë, është bërë e qartë se shpeshherë vlerësohen më shumë vendimet populliste ose heshtja, sesa qëndrimi i hapur dhe mbrojtja e bindjeve politike. Përkundër kësaj, besoj se roli i individit ka rëndësi vetëm aq sa i shërben një vizioni më të madh dhe një qëllimi të përbashkët.
Shpresoj që kushdo që qeveris me vendin, sot apo nesër, ta ketë prioritet përmirësimin e jetës së qytetarëve dhe kthimin e Kosovës drejt normalitetit, zhvillimit dhe bashkëjetesës demokratike. Vendi ka nevojë për qeverisje me vizion dhe përgjegjësi, jo për stagnim, përçarje dhe gjuhë urrejtjeje, siç fatkeqësisht i kemi përjetuar gjatë këtyre pesë viteve, e veçanërisht gjatë vitit 2025.