Nga një kthim rrugës, në tragjedi – dëshmia tronditëse e vëllait të viktimës që u vra dje në Hajvali

Vrasja e trefishtë në Gjilan, ja se çka deklaroi avokatja e djalit të Mefail Shkodrës që u dërgua në mbajtje

Enis Shkodra, djali i Mefail Shkodrës, njeriut që gjendet në arrati bashkë me dy djemtë tjerë, Engjëll Shkodrën dhe Edonis Shkodrën, pas vrasjes së trefishtë në Gjilan – ishte shoqëruar në Polici.

Lirije Kovani, avokatja e Enis Shkodrës, djalit të Mefail Shkodrës, ka treguar ekskluzivisht për Nacionalen, se si u lirua sot Enis Shkodra pas ndalimit 48 orësh.

Ajo rrëfen se si ishte njoftuar Enis Shkodra për rastin që ndodhi të dielën në Gjilan dhe se si alibia e tij ishte, se në ato momente, ai ndodhej në një nga restorantet e Gjilanit, në një aheng, siç thotë avokatja “duke ushtruar profesionin e tij si kameraman’.

“Shprehi ngushëllimet për familjarët e viktimave, për rastin tragjik të së dielës. Fillimisht të sqaroj për opinionin publik, që kam qenë mbrojtëse e njërit prej anëtarëve të familjes së ngushtë.

I njëjti ka alibi se në kohën kur ka ndodhur rasti, i njëjti ka qenë duke bërë video-xhirime në një aheng familjar në një nga restorantet e komunës së Gjilanit.

Ai është njoftuar nga nëna e tij për rastin që ka ndodhur dhe me të arritur në vendin e ngjarjes i njëjti i dëgjon njerëzit që flasin për rastin dhe për një moment, zyrtarët policorë e pyesin se kush është, i njëjti tregon se kush është dhe e marrin, e fusin në veturë zyrtare.

Me vendim të prokurorit, i njëjti intervistohet nën dyshimet për involvim në veprën penale, por më pas dëshmohet se i njëjti nuk ka qenë i involvuar në veprën penale”, thotë ajo.

VIDEO:

Vdes Shoferi pasi humbi kontrollin dhe godet disa vetura të parkuara

Një person ka humbur jetën në një aksident në rrugën Komoran–Carralevë.

Rastin për Insajderin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ajo shtoi se në këtë aksident ka qenë i përfshirë një automjet në lëvizje, ngasësi i të cilit për shkaqe akoma të panjohura ka humbur kontrollin dhe ka goditur disa automjete të parkuara.

“Sot rreth orës 12:00 kemi pranuar informatën se në rrugën Komoran -Carralevë, ka ndodhur një aksident trafiku me pasoja fatale. Në këtë aksident ka qenë i përfshirë një automjet në lëvizje, ngasësi i të cilit për shkaqe akoma të panjohura ka humbë kontrollin dhe ka goditur disa automjete të parkuara. Si pasojë e aksidentit ngasësi i automjetit ka humbur jetën. Me rastin po merret njësiti i trafikut rajonal”, tha ajo.

Policia e Kosovës po i kërkon këto dy femra, ja për çka po kërkohen

Policia e Kosovës, ka publikuar fotografitë e dy personave, femra, duke kërkuar ndihmë nga qytetarët për identifikimin e tyre. Nga policia bëhet e ditur se të dyshuarat kërkohen për vjedhje.

Po ashtu nga PK-ja është bërë e ditur se kërkesa është bërë me autorizim nga prokuroria kompetente.

‘‘Kërkesë për bashkëpunim – identifikim i personave të dyshuar

Njësiti i Hetimeve të stacionit policor Jugu në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personave që shihen në fotografi.

Personat e dyshuar kërkohen për përfshirje në veprën “Vjedhje”.

Të nderuar, për çdo informatë që mund të çojë në identifikimin e tyre, ju lusim të  kontaktoni policinë në numrin e telefonit: 192 ose përmes emailit: info@kosovopolice.com.”, thuhet në njoftim.

Publikohet fotografia, ky është i dyshuari për vrasjen në Hajvali

Një mosmarrëveshje e çastit për parkim ka përfunduar tragjikisht mbrëmjen e 11 gushtit në Hajvali të Prishtinës, ku një burrë u vra me armë zjarri. Reth orës 21:40, Policia është njoftuar për të shtëna në rrugën “Minatori”.

Insajderi kishte raportuar se pas një konflikti për parkim, i dyshuari Xhemajl Nuhiu ka marrë një armë zjarri dhe e ka qëlluar në kokë Muhamet Matoshin.

Tashmë edhe policia ka shpallur në kërkim të dyshuarin duke publikuar edhe foton.

“Njësiti i hetimeve të përgjitshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në lokalizimin dhe arrestimin e personit të dyshuar për veprën vrasje që ka ndodhë mbrëmë në Hajvali.

Personi i dyshuar XHEMAIL (BAJRAM) NUHIU ndodhet në arrati, andaj për çdo informatë që mund të çojë në identifikimin e vendodhjes së tij, na kontaktoni direkt në”, thuhet në njoftim.

E-mail: info@kosovopolice.com

Android #app: Lajmero Policine

Tel: 192

“Mashtrim…”, kuptohet e vërteta për rastin me djalin e Arkanit që u tha se u rrah nga një shqiptar

Gjatë ditës së djeshme, kryelajm ishte rrahja e supozuar e djalit të Arkanit nga një shqiptar nga Maqedonia i quajtur Astrit.

Lajmin e bëri publik ish-deputeti Azgan Haklaj përmes një postimi në rrjete sociale teksa gjithçka u përforcua me intervistën e dhënë nga vetë Astriti dje pasdite.

Ai tregoi një version të ngjarjes që sipas tij kishte ndodhur të dielën e që për djalin e Arkanit kishte përfunduar me ‘pasoja’.

Por, e vërteta del të jetë ndryshe.

Ky lajm nuk është i vërtetë, kjo sipas bashkëshortes së Astritit.

E kontaktuar nga Prive By Liberta Spahiu, ajo ka treguar se bashkëshorti i saj është me ç’rregullime të shëndetit mendor.

‘Nuk është e vërtetë. Astriti trajtohet për probleme të shëndetit mendor. Të dielën ka qenë në shtëpi me ne. Ai nuk e njeh dhe nuk e ka takuar djalin e Arkanit. Si familje jemi të shqetësuar nga kjo e pavërtetë’, është shprehur ajo mes tjerash në bisedë telefonike.

Bashkëshortja e tij, të cilën për arsye sigurie po e ruajmë në zbulimin e identitetit, është shprehur:

“Është e rëndësishme të theksohet se z. Sejdi vuan nga probleme të vërtetuara psikologjike. Gazetarët dhe mediat që e kanë intervistuar sot është dashur, për arsye profesionalizmi, të verifikojnë informacionin dhe të sigurohen për besueshmërinë e burimit para se ta bëjnë publikimin. Kërkojmë nga të gjitha kanalet dhe platformat që kanë publikuar këtë informacion të gabuar të bëjnë menjëherë një korrigjim dhe të heqin përmbajtjet përkatëse”.

Pamje të reja nga vrasja në Gjilan, momenti kur dëgjohen të shtënat dhe një nga viktimat rrëzohet në tokë

T7 ka siguruar pamje të reja nga vrasja që ndodhi mesditën e së dielës në Gjilan.

Si pasojë e disa të shtënave me armë zjarri, tre persona mbetën të vrarë.

Aktualisht në kërkim policor janë Mefail Shkodra bashkë me dy djemtë e tij Edonisin dhe Engjullin si të dyshuar për këtë krim.

Shënohet viktima e parë nga zjarret

Paraditen e sotme u regjistrua viktima e parë nga zjarret në Shqipëri.

Rreth orës 11:00, dyshohet se një shtetas rreth 80 vjeç, ka ndezur zjarr në kopshtin e banesës së tij, në fshatin Kullollas, zjarr i cili ka dalë jashtë kontrolli dhe është përhapur masivisht, në disa fshatra të rrethit të Gramshit. Dyshohet se si pasojë e asfiksimit, ky shtetas ka humbur jetën, raportojnë mediat në Shqipëri.

Shërbimet e Policisë, të Zjarrfikëses dhe të Emergjencave Civile kanë shkuar menjëherë në zonë, ku po punojnë intensivisht për shuarjen e zjarrit, si dhe për evakuimin e banorëve të fshatrave në të cilat janë përhapur flakët.

Ndërkaq, grupi hetimor, në drejtimin e Prokurorisë, po heton për të zbardhur dhe dokumentuar shkakun e zjarrit dhe rrethanat e tjera të rastit.

Situatë shqetësuese në vend, 5 vrasje në 48-orët e fundit – Rama ndërrmer këtë veprim

Kryetari i Prishtinës, Përparim Rama së bashku me drejtorin për Siguri në Komunën e Prishtinës kanë zhvilluar një takim koordinues me Policinë e Kosovës.

Rama ka thënë se mbështet pa rezerva veprimet e policisë dhe të gjitha institucioneve të rendit për identifikimin, sekuestrimin dhe shkatërrimin e armëve ilegale.

“Në këtë drejtim, Strategjia për armët e lehta dhe të vogla 2024–2028 është një instrument thelbësor. E ndërtuar mbi praktikat më të mira ndërkombëtare dhe standardet e Kombeve të Bashkuara dhe të Bashkimit Evropian”, ka shkruar Rama.

Vrasjet e fundit, Tahiri: Bandat kriminale të lidhura me pushtetin e kanë kapur shtetin

Deputeti i Partisë Demokratike të Kosovës, Abelard Tahiri ka thënë se rastet tronditëse të pesë vrasjeve të rënda në 48 orët e fundit, pas një serie tjetër të vrasjeve që ndodhën nëpër komuna të ndryshme të Kosovës, janë pasqyra më e qartë e dështimit të plotë të shtetit për të mbrojtur jetën e qytetarëve.

Tahiri, në një konferencë për media, theksoi se Kosova po kalon nëpër një gjendje alarmante të sigurisë, ku po mbretërojnë bandat kriminale të inkurajuara dhe mbrojtura nga pushteti.

“Bandat kriminale, narkotrafikantët, fajdexhitë, janë bërë të guximshëm dhe kanë lidhje të drejtpërdrejta me pushtetin, duke u bërë pjesë e një zinxhiri të rrezikshëm që tashmë ka lidhur krimin me politikën dhe institucione të tjera ligjzbatuese. Partia Demokratike e Kosovës ju shpreh ngushëllime më të thella familjeve që kanë humbur më të dashurit e tyre nga këto vrasje. Në të njëjtën kohë, shprehim shqetësimin e madh, për dështimin e organeve ligjzbatuese për të vendosur rend, rregull dhe të garantojnë sigurinë e qytetarëve tanë”, tha ai.

Tahiri, duke theksuar tri nga rastet që faktojnë lidhjen e bandave kriminale me eksponentë të pushtetit, tha se kjo situatë është një thirrje alarmi për të gjithë.

“15 gusht 2023 – Besnik Mujeci, asamblist i Vetëvendosjes në Prishtinë, arrestohet në Shqipëri për trafikim dhe shitje të narkotikëve. U kap me 11,300 tableta ekstazi MDMA, peshë mbi 5 kilogramë, vlerë rreth 400 mijë euro. 3 qershor 2025 – Një operacion i gjerë antidrogë çon në arrestimin e 22 personave. Mes tyre, Shemsi Bahtiri, anëtar aktiv i Vetëvendosjes në Qendrën e Prishtinës, një nga figurat kyçe të një rrjeti të trafikut të drogës ku u sekuestruan qindra mijëra euro para të gatshme e të falsifikuara, armë, llogari bankare, automjete luksoze dhe lëndë narkotike. 10 gusht 2025 – Gjilani tronditet nga një vrasje e trefishtë. Autori, Mefail Shkodra, i njohur për veprat e shumta penale, shihet i pranishëm në ahengjet e partisë në pushtet”, shtoi deputeti i PDK-së.

Sipas Tahirit, vetëm një qeveri e re, e vendosur, mund ta çkapë shtetin nga krimi, t’i çojë para drejtësisë të gjithë ata që kanë gjak në duar e pasuri nga droga dhe korrupsioni, dhe do ta rikthejë rendin, sigurinë dhe ligjin mbi të gjithë.

“Duhet të jetë misioni i secilit prej nesh, çkapja e shtetit nga bandat kriminale që sot po terrorizojnë shoqërinë tonë. Rritja e numrit të armëve pa leje në duart e qytetarëve tanë, është e frikshme. Sot, aktualisht kemi rreth 250 mijë armë janë pa leje në vendin tonë. Si PDK, në legjislaturën e re, pas konsolidimit të institucioneve dhe qeverisë së re, do të iniciojë ndryshimin e Kodit Penal dhe legjislacionit përkatës për të ashpërsuar dënimet për armëmbajtjen pa leje. Kushdo që posedon apo përdorë armë ilegalisht, duhet të përballet me burg, pa përjashtim. Kosova nuk mund të jetë një vend ku jeta njerëzore humb vlerën. Dhe, jo, kjo nuk është vetëm një betejë politike. Është një betejë për jetën, për paqen, për fëmijët tanë dhe për të ardhmen e vendit”, përfundoi Tahiri.