Mësohet sa vota doli minus Lushtaku pas rinumërimit në Skenderaj

Për shkak të parregullësive në zgjedhjet e 28 dhjetorit, në QNR po rinumërohen edhe një herë të gjitha kutitë e votimit.

Në 72 vendvotimet e komunës së Skenderajt është kryer procesi i rinumërimit 100%, raporton Insajderi.

Kandidatëve të Partisë Demokratike të Kosovës, Mërgim Lushtakut, Bedri Hamzës, Sala Jasharit, Shahin Dervishajt e disa të tjerave iu janë hequr votat.

Më poshtë e gjeni listën e plotë të kandidatëve që tanimë kanë vota minus:

Bedri Hamza -29

Sala Jashari -36

Arian Tahiri -10

Mërgim Lushtaku -94

Jakup Nura -32

Xhevahir Geci -14

Ganimete Musliu -20

Ilir Murtezaj -25

Vlora Çitaku -9

Shahin Dervishaj -42

Ariana Musliu Shoshi -30

Uran Ismaili -11

Artan Behrami -5

Isak Neziri -9

Gëzim Qerimi -8

Besa Kabashi Ramas -2

Enver Hoxhaj -22

Musli Gucati -1

Fadil Demaku -3

Hajdar Beqa -3

Rrahman Rama -4

Nait Hasani -4

Xhavit Haliti -16

Idriz Vehapi -5

Elmi Reçica -5

Selver Xhelili -2

Djali i Nait Hasanit është ndaluar nga Policia, avokati i tij tregon se për çka po dyshohet

Ditën e sotme, prokuroria Themelore në Prizren ka kryer një aksion për dyshimet për manipulim të votave, i cili ka rezultuat me 109 persona të ndaluar që kryesisht kanë shërbyer si komisionerë në numërimin e votave.

Lidhur me këtë, është deklaruar avokati Anton Çupërjani, avokat i Art Hasanit, i cili është djali i Nait Hasanit.

Avokati ka bërë të ditur, se djali i Nait Hasanit

‘’Është ndaluar sot me vendim të prokurorit, vendim të cilin ne si avokat ende nuk e kemi pranuar, përkundër intersimit tim për ta marr një vendim të tillë, ku edhe parashihet këshilla juridike për paraqitjen e ankesës por një gjë e tillë neve na u është mohuar, e që për neve kjo është sfidë dhe shqetësim i madh. Arsyeja është ndaluar për veprën penale të falsifikimit të votave. I njëjti është ftuar në cilësinë e të dyshuarit’’, ka thënë ai.

E dhimbshme: Vdes ish-zëvendëskomandanti i Brigadës 164 të UÇK-së, Menduh Brava

Ka ndërruar jetë ish-zëvendëskomandanti i batalionit në Brigadën 164 të UÇK-së, Menduh Brava.

Lajmin për vdekjen e tij e bëri të ditur kreu i AAK-së, Ramush Haradinaj, i cili ngushëlloi familjen Brava për humbjen e më të dashurit të tyre.

Haradinaj kujtoi përkushtimin e palëkundur të Bravës gjatë rrugëtimit për liri dhe shtet.

“Me dhimbje mora lajmin për ndarjen nga jeta të Menduh Bravës. I ndjeri, gjatë luftës për liri, i shërbeu me nder atdheut si zëvendëskomandant i batalionit në Brigadën 164 të UÇK-së, ndërsa pas luftës ishte kryetar i OVL-UÇK-së në Han të Elezit. Kisha nderin të rrugëtojmë bashkë edhe politikisht, në zgjedhjet e fundit lokale ishte kandidat për asamble nga Aleanca për Ardhmërinë e Kosovës. Ngushëllimet më të sinqerta familjes Brava, miqve dhe gjithë aktivistëve tanë në Han të Elezit. U prehsh në paqe, Menduh!”, shkroi Haradinaj.

Kryeprokurori Kryeziu: Kushdo që guxoi t’i fus duart në votat e qytetarëve do ballafaqohet me ligjin

Kryeprokurori i Prokurorisë Themelore në Prizren, Petrit Kryeziu është deklaruar para mediave për aksionin e sotëm të zhvilluar në Prizren në lidhje me keqpërdorimet që dyshohet se u bën në kuadër të zgjedhjeve të 28 dhjetorit më saktësisht në votat për kandidatët për deputetë.

Kryeprokurori Petrit Kryeziu tha se deri më tani janë gjithsej 109 persona të ndaluar, nën dyshimin për falsifikim të votave, dhënie e marrje ryshfeti.

“Deri tani kemi 109 të ndaluar për vepra penale të falsifikimit të rezultateve zgjedhore, për presion e kanosje e për dhënie e marrje ryshfeti.Kemi pasur situate ku kemi fituar dëshmitarë bashkëpunuese, e na kanë treguar si kanë ardhur presionet e situate ku kanë treguar kush ka marrë e nga kush ka marrë ryshfet”,deklaroi Kryeziu.

Ai tha se se ditë më parë kanë paralajmërua se manipulim i votës dhe rezultateve zgjedhore është krim dhe duhet ndëshkuar, sot secili prej atyre që ka guxuar t’i fus duart në votat dhe vullnetin e qytetarëve është ballafaquar me ligjin.

“Dua ta bëj të qartë se këtu s’bëhet fjalë për numërimin e votave për subjektet politike, kur kemi qenë të angazhuar të gjithë por bëhet fjalë për manipulime brenda llojit- aty ku katër subjektet më të mëdha politike i kanë dërguar të preferuarit e tyre e kanë menduar se larg syrit të institucioneve mund të manipulojnë. Mund të mos kuptoheshin gabime të vogla, por këtu s’bëhet as për dhjetëra as për qindra por mijëra vota të manipuluara e të falsifikuara.Pra ka kandidatë që vetëm për kandidatë ka mbi 6 mijë vota të falsifikuara për një kandidat. Pra bëhet fjalë se vetëm në një vendvotim pra ka ndodhur në Qendrën e Numërimit, vetëm në një qendër mbi 2 mijë e 444 vota. Pra vetëm në një klasë. E në regjionin tonë ato që janë numëruar nga subjekte politike është vetëm një klasë që ka dalur e pa keqpërdorur pra që është zero.E mos të flasim për Komunën e Prizrenit ku janë shtuar mbi 4 mijë vota. Pra diferenca totale e keqpërdorimeve është 68 mijë e 17 vota. Pra po flasim për një organizim e dashje direkte për të përmbytur vullnetin e qytetarëve”, deklaroi Kryeprokurori.

Ai tha se do të ishte e pamundur të ndryshoheshin gjithë këto vota po të mos kishte kompromis të komisionerëve të deleguar nga 4 partitë më të mëdha politike të Kosovës.

“Pra sistemi i tillë pasi komisionarët janë mekanizëm kontrollues e procesverbalin e nënshkruajnë të gjithë për ta legjitimuar.Secili komisioner s’do të duhej as të numëronte as të regjistronte vota por sipas hetimeve rezulton se ka ndodhur e kundërta.Ky hetim ka qenë mirë i koordinuar me prokuroren Laura Pula dhe Agron Qalajn, si u.d i Kryeprokurorit të Shtetit.Qëllimi ynë për ta shtrirë ligjmërinë është preventive gjenerale .Duhet ta dinë se kushdo që guxon t’i fus duart me vullnetin e qytetarëve do ballafaqohen me forcën e ligjit sikurse sot po përballen një pjesë e madhe pasi s’mbaron me këtë numër”, shtoi ai.

Këta janë tre kandidatët e LDK-së që iu shtuan votat më së shumti

Edhe sot po vazhdon rinumërimi në Qendrën e Numërimit të rezultateve.

Nga  2 mijë e 557 vendvotime deri më tani janë numëruar 1 mijë e 289, apo 50,41 për qind.

Nga radhët e Lidhjes Demokratike të Kosovës disa kandidatëve iu kanë shtuar votat, raporton Insajderi.

I dëmtuari më i madh i kësaj partie deri më tani duket se është Paris Guri.

Atij i janë shtuar 378 vota. Pas tij vjen, Ukë Rugova me + 205 vota si dhe Armend Zemaj me +127.

Për Paris Gurin ditë më parë reagoi edhe kryetari i LDK-së, Lumir Abdixhiku i cili aludoi se votat ia kanë tjetërsuar ‘të vjetërit’ e kësaj partie

Arrestohet nipi i kandidatit për deputet të PDK-së, Fetah Paçarizit

Një aksion i gjerë i Policisë dhe Prokurorisë në Prizren ka çuar në pranga një person nën dyshimet për ushtrim presioni dhe dhënie ryshfeti në zgjedhjet e 28 dhjetorit. Në kuadër të këtij hetimi, rreth 100 zyrtarë të KQZ-së janë ftuar për intervistim, shkruan Insajderi.

Prokuroria dhe Policia në Prizren kanë zbarkuar në terren për të hetuar parregullsitë në procesin zgjedhor.

Siç raporton “Betimi për Drejtësi”, gjatë këtij aksioni është arrestuar Granit Paçarizi, i cili është djali i vëllait të kandidatit për deputet nga radhët e PDK-së, Fetah Paçarizi.

Sipas burimeve, Paqarizi dyshohet për veprime të kundërligjshme që përfshijnë presion mbi votuesit dhe dhënie ryshfeti për të ndikuar në rezultatin e zgjedhjeve.

Mbi 100 zyrtarë të KQZ-së nën llupën e Prokurorisë Hetimet nuk janë ndalur vetëm te personat e dyshuar për ryshfet. Mësohet se mbi 100 zyrtarë të angazhuar nga Komisioni Qendror i Zgjedhjeve (KQZ) gjatë zgjedhjeve të fundit janë ftuar për intervistim. Gjatë ditës pritet që numri i personave të ndaluar të rritet, pasi policia po vazhdon mbledhjen e provave.

Këta janë kandidatët e PDK-së që u “rritën” pas rinumërimit – secilit mbi 300 vota më shumë

Procesi i rinumërimit të votave në nivel vendi ka filluar të prodhojë lëkundje serioze në rezultatet e deritanishme të kandidatëve për deputetë. Kur janë numëruar mbi 50% e kutive të planifikuara, Partia Demokratike e Kosovës (PDK) po shënon rritje të ndjeshme te disa prej emrave të saj kryesorë.

Nga të dhënat e fundit që vijnë nga Qendra e Numërimit dhe Rezultateve, vërehet një trend i qartë i shtimit të votave që nuk ishin reflektuar në procesin e parë të numërimit.

Listës i prin Arian Tahiri, i cili deri më tani ka përfituar plot 873 vota shtesë. Pas tij renditet Uran Ismaili, me një rritje prej 721 votash, duke forcuar pozitat e tij brenda listës.

Kush tjetër u rrit?

Rinumërimi ka sjellë lajme të mira edhe për një grup tjetër kandidatësh që kanë kaluar pragun e 300 votave shtesë:

Përparim Gruda: +510 vota

Vlora Çitaku: +452 vota

Jona Hoxhaj: +450 vota

Abelard Tahiri: +449 vota

Bekim Haxhiu: +367 vot

Artan Behrami: +318 vota

Sala Jashari: +311 vota

Ky proces po shihet me interes të madh, pasi këto ndryshime mund të jenë vendimtare për renditjen finale të kandidatëve brenda listës së PDK-së dhe mund të përcaktojnë se kush do të ulet në ulëset e Kuvendit të Kosovës.

Arrestohet edhe një komisionere e VV-së për manipulim votash

Mbi 100 komisionerë të dyshuar për dallavere me vota janë ndaluar sot në një aksion të gjerë të Krimeve Ekonomike, në koordinim me Prokurorinë Themelore në Prizren.

Përveç komisionerit të PDK-së, Art Hasani (djali i kandidatit Nait Hasani) dhe një nga partia e Emilija Rexhepit, është ndaluar edhe një komisionere e Vetëvendosjes.

Avokati Gent Gjini, në emisionin “Kosova Today” ka deklaruar se klientja e tij, e arrestuar në cilësinë e komisioneres së Lëvizjes Vetëvendosje, ka nënshkruar një dokument pa e kuptuar përmbajtjen e tij.

“Duke qenë se rasti është kompleks, dhe kjo zonjë nuk ka pasur kurrë vepra penale më herët dhe ka rënë pre e mashtrimeve nga subjektet partiake”, tha Gjini.

Ai ka thënë se klientja e tij ka vepruar me naivitet, duke besuar se procesi zgjedhor ka qenë i rregullt.

“Kjo zonjë dhe shumë komisionerë të pafajshëm kanë rënë pre e këtyre manipulimeve, sepse me naivitet kanë nënshkruar një dokument ku thuhej se procesi zgjedhor ka shkuar në rregull. Vetëm pas rreth dy javësh është kuptuar se një kandidat kishte përfituar nga shtimi i votave”, ka deklaruar avokati.

Hamza kërcënon me përjatshtim nga partia këta kandidatë për deputet

Katër kandidatë për deputet të Partisë Demokratike të Kosovës, të projektuar për të fituar mandate në legjislaturën e ardhshme, janë kërcënuar me përjashtim nga partia.

Kryetari i PDK-së, Bedri Hamza ka paralajmëruar se deputetëve të cilëve u janë shtuar votat gjatë procesit të numërimit të tyre dhe “faktohen që janë pjesë të asaj” skeme, do t’u kërkohet mospranimi i mandatit.

“Ti mundesh me i pasë 50 mijë vota, 100 mijë vota, por nëse të janë shtuar votat dhe konstatohet dhe faktohet që ti je pjesë e asaj, nuk nuk mundesh të thuash ti se je deputet, kushdo qoftë ai dhe nga cilado parti”, tha Hamza të mërkurën në një intervistë me Adriatik Kelmendin, autorin e emisionit “Rubikon” në Klan Kosova. “Në parim nuk duhet me pranu mandatitn e deputetit”.

Sipas liderit të PDK-së, edhe nëse numri i votave të shtuara të kandidatëve për deputetë nuk ndikon në rënien e tyre nën pragun e 22 deputetëve të projektuar të PDK-së, partia do të distancohet nga keqpërdoruesit e dyshuar.

“Nëse konstatohet se ka qenë pjesë e këtij procesi nuk është e duhura që me pranu mandatin, por nëse e pranojnë unë si kryetar dhe si parti distancohemi”, paralajmëroi Hamza.

Hamza nuk ka përmendur emrat e kandidatëve për deputetë, por sipas rezultateve të përmbledhura të Komisionit Qendror të Zgjedhjeve (KQZ), aktualisht katër nga kandidatët që projektohen të zënë ulëse në legjislaturën e ardhshme, rezultojnë me 700 deri në rreth 3,300 vota të shtuara.

Ata janë Xhavit Haliti, Kujtim Gashi, Enver Hoxhaj dhe Nait Hasani.

Procesi i rinumërimit të votave, i cili ka përfunduar në vendvotimet e 19 komunave dhe po vazhdon në 19 komuna të tjera, ka rezultuar me heqjen e 719 votave për Xhavit Halitin, ish-deputetin e Partisë Demokratike të Kosovës.

Në listën e 22 kandidatëve më të votuar të PDK-së, Haliti renditet i 16-ti, një pozitë që e çon atë drejt Kuvendit.

Ish-ministrit të Punëve të Jashtme, Enver Hoxhajt, të renditur të tetin sipas votave të fituara në listën e PDK-së, rezulton t’i jenë minusuar 1,066 vota nga procesi i rinumërimit.

Kujtim Gashi, i renditur i 15-ti në listë, ka 2,426 vota më pak aktualisht, ndërsa rinumërimi po vazhdon deri në verifikimin e të gjitha vendvotimeve, ndërsa Nait Hasani ka 3,335 vota më pak. Hasani listohet kandidati i 10-të më i votuar në listë, edhe pas minusimit të mbi tre mijë votave.

Të premten, në aksionin kundër mashtrimeve zgjedhore të ndërmarrë nga Prokuroria e Prizrenit, policia ka arrestuar Art Hasanin, një komisioner zgjedhor në procesin e 28 dhjetorit dhe djali i kandidatit për deputet Nait Hasani.

KRM ”Pastrimi” aplikon çmimoren e re për grumbullimin e bërllokut

Kompania Rajonale e Mbeturinave KRM “Pastrimi” Sh.A. ka njoftuar qytetarët e Prishtinës për zbatimin e çmimores së re për shërbimin e grumbullimit dhe transportit të mbeturinave.

Ky ndryshim thuhet se vjen në përputhje me Rregulloren për Menaxhimin e Mbeturinave, të miratuar zyrtarisht nga Kuvendi Komunal i Prishtinës në dhjetor të vitit 2023, dhe të publikuar në Gazetën Zyrtare të Republikës së Kosovës.

Ky akt, sipas kompanisë, nënkupton përcaktimin e tarifave të standardizuara për shërbimin e grumbullimit dhe transportit të mbeturinave komunale, të cilat janë hartuar në përputhje me dispozitat ligjore dhe procedurat institucionale të qytetit tonë. Po ashtu reflekton kategorizimin e konsumatorëve, nga amvisëritë rezidente e jorezidente, tek bizneset e ndryshme sipas madhësisë dhe llojet e kontratave,  në mënyrë që shërbimi të ofrohet në mënyrë të barabartë, transparente dhe efikase për të gjithë, transmeton Klankosova.tv.

“Synimet kryesore të zbatimit të çmimores janë:

• sigurimi i një sistemi të qëndrueshëm financiar për funksionimin e shërbimit;
• rritja e transparencës dhe qartësisë në tarifim;
• mbështetja e ofrimit të një shërbimi të rregullt dhe cilësor për të gjithë konsumatorët;
• përmbushja e standardeve mjedisore dhe të shëndetit publik në territorin e Komunës së Prishtinës”, thuhet në njoftimin e tyre në Facebook.

“KRM “Pastrimi” po ashtu ka shprehur vlerësimin për bashkëpunimin e deritanishëm me qytetarët dhe subjektet ekonomike duke thënë se janë të gatshëm të ofrojnë çdo sqarim të mëtejshëm dhe informacion të nevojshëm për implementimin e çmimores.

“KRM “Pastrimi” e vlerëson lart bashkëpunimin me qytetarët dhe subjektet ekonomike dhe është e disponueshme për çdo sqarim të mëtejshëm, informim publik apo bashkëbisedim institucional në lidhje me çmimoren e miratuar. Qëllimi ynë kryesor mbetet garantimi i një qyteti më të pastër, një shërbimi më efikas dhe një procesi të drejtë tarifimi për të gjithë.