Pacolli i ashpër me deputetët: Tallje me qytetarët – Popull, a po e shihni kë keni votuar?

LEXO EDHE:

E rëndë: Shembet dheu i zë dy punëtorë

Paralajmërimi i Mefit: Disa deputetë nga opozita kanë nisur të shfaqin dilemat e tyre

Deputeti i betuar i VV-së, Mefail Bajqinovci, tha se kjo parti nuk heq dorë nga Albulena Haxhiu për kryetare të Kuvendit pasi siç tha ai, ajo është gruaja më e votuar në vend.

Ai para mediave tha se me LDK-në kanë tentuar të bisedojnë, por pozita e kryetarit të Kuvendit nuk negociohet pasi siç shtoi ai, i takon partisë së parë.

“Për qeveri do të ketë bisedime për formimin e saj. Për çështjen e kryetarit nuk ka diskutime sepse dihet kujt i takon, votimi i fshehtë është demokratik. Disa deputetë të opozitës kanë shfaqur dilemat e tyre, dhe këta nuk po i lejojnë sepse po e dinë që do ta votojnë”, tha ai

Vdes një femër në spitalin e Pejës

Një person ka ndërruar jetë (femër), ditën e djeshme në Spitalin e Pejës.

Sipas ekipeve mjekësore, ajo ishte dërguar në spital në gjendje të rëndë shëndetësore.

Me vendim të prokurorit trupi i pa jetë i viktimës është dërguar në IML për obduksion.

”Pejë / 10.05.2025 –16:30. Raportohet se sipas ekipit mjekësor viktima femër/kosovare ishte pranuar në spital në gjendje të rëndë shëndetësore. Vdekjen e viktimës e ka konstatuar mjeku kujdestar. Me vendim të prokurorit trupi i pa jetë i viktimës është dërguar në IML për obduksion . Rasti është duke u hetuar .” thuhet në raportin e policisë.

Mehmetaj: Vëllai i Kurtit ka marrë pozitë në Drejtorinë e Operimeve në KEK

Gazetari Lirim Mehmetaj ka shkruar se Taulant Kurti, vëllai i kryeministrit në detyrë të Kosovës, ka marrë një pozitë në Drejtorinë e Operimeve në KEK, drejtori kjo që merret me shit-blerjen e rrymës, shkruan Gazeta Metro.

Mehmetaj tha se vëllai i Albin Kurti ka marrë një pozitë në KEK, brenda Drejtorisë së Operimeve.

”Taulant Kurti, vellai i Albin Kurtit, ka kaluar me pozite ne Drejtorine e Operimeve ne Korporaten Energjetike te Kosoves. Kjo eshte dtejtoria qe merret me shitjen kryesisht, por edhe blerjen e rrymes nga KEK-u”, ka shkruar ai.

”Normalisht, ai nuk ka lidhje me ate detyre e as nuk ka profesion per ate pozite. Askush brenda KEK-ut nuk e di cka e si e kush e solli Taulant Kurtin ne kete zyre”, tha ai më tej.

Gjatë Qeverisë Kurti (2021-2025) është raportuar disa herë në media se ka pasur raste të dyshimta në sektorin e energjisë elektrike, qoftë përmes ambasadorit në Slloveni, Martin Berishaj, qoftë përmes ish-kryeshefit të KEK-ut, Nagip Krasniqi.

Konfirmohet gjetja e motorristëve të humbur në Shtërpcë, kjo është gjendja e tyre

Kryetari i Suharekës, Bali Muharremaj, ka konfirmuar për IndeksOnline se katër motoristët që u zhdukën në Shtërpcë janë gjetur shëndosh e mirë.

 

 

 

Me të marrë lajmin për zhdukjen e katër motoristëve nga Suhareka, Muharremaj iu bashkëngjit policisë në malet e Shtërpcës, për të ndjekur nga afër operacionin e kërkim-shpëtimit, raporton IndeksOnline.

Katër motoristët u gjeten në pjesën malore të quajtur Rrokopeq, pranë fshatit Maçitevë të Suharekës.

Gjendja e tyre shëndetësore është e mirë, dhe për gjetjen e tyre ishin angazhuar njësitet policore dhe Shoqata e Kosovës për Kërkim dhe Shpëtim.

Lokalizohen motoristë nga Suhareka, që u zhdukën në Shtërpcë

Katër motoristë nga Suhareka shkuan sot në Shtërpcë për atraksion, pa ditur që orë më pas do të nisej një operacion për kërkim-shpëtimin e tyre.

Shoqata e Kosovës për Kërkim-Shpëtim njoftoi se ka nisur një operacion kërkim-shpëtimi në qytetin e Shterpcës, për lokalizimin dhe shpëtimin e katër motoristëve.

Sipas SHKKSH, ekipet e saj janë në terren në bashkëpunim me Policinë e Kosovës dhe janë duke punuar intensivisht për gjetjen e personave të zhdukur.

Tani, është konfirmuar se motoristët janë lokalizuar dhe shumë shpejt pritet të bëhet tërheqja e tyre.

Sipas informacioneve fillestare, fatmirësisht motoristët janë në gjendje të mirë shëndetësore.

Zhduken katër motoristë në Shtërpcë, nis operacioni i kërkim-shpëtimit

Shoqata e Kosovës për Kërkim-Shpëtim (SHKKSH) ka njoftuar se ka nisur një operacion kërkim-shpëtimi në qytetin e Shterpcës, për lokalizimin dhe shpëtimin e katër motoristëve nga Suhareka.

“Shoqata e Kosovës për Kërkim-Shpëtim (SHKKSH) ju njofton se kemi filluar një operacion kërkim-shpëtimi në qytetin e Shterpcës për gjetjen e 4 motoristëve nga Suhareka,” thuhet në njoftimin zyrtar.

Sipas SHKKSH, ekipet e saj janë në terren në bashkëpunim me Policinë e Kosovës dhe janë duke punuar intensivisht për gjetjen e personave të zhdukur.

“Ekipet tona janë të angazhuara në terren së bashku me Policinë e Kosovës dhe po punojnë për gjetjen dhe shpëtimin e tyre”.

Blerta Deliu-Kodra nis pushimet, ky është destinacioni i përzgjedhur

Deputetja nga radhët e PDK-së, Blerta Deliu-Kodra ka vendosur që pushimet t’i kalojë jashtë vendit, duke zgjedhur Kroacinë si destinacion.

Ajo ka ndarë me ndjekësit një fotografi nga kryeqyteti kroat, Zagrebi, ku shihet e buzëqeshur dhe në shoqërinë e bashkëshortit të saj.

Polici rrah gruan dhe e bën për spital, arrestohet dhe suspendohet nga puna

Inspektorati Policor i Kosovës (IPK) ka arrestuar një zyrtar policor në Gjilan, i dyshuar për kryerjen e veprës penale “dhunë në familje”.

Sipas njoftimit të IPK-së, incidenti ka ndodhur në orët e hershme të mëngjesit të 10 majit 2025.

Pas pranimit të informacionit nga Policia e Kosovës lidhur me ngjarjen, hetuesit e IPK-së kanë ndërmarrë veprimet e nevojshme hetimore dhe kanë vizituar vendin e ngjarjes.

 

 

Viktima e dhunës është dërguar për tretman mjekësor dhe ndodhet jashtë rrezikut për jetë. Pas veprimeve fillestare hetimore, është konsultuar edhe prokurori kompetent, i cili ka vendosur që të caktojë masën e ndalimit për 48 orë ndaj zyrtarit policor.

“Si pjesë e procedurës hetimore dhe administrative, zyrtari është suspenduar nga Policia e Kosovës me rekomandim të IPK-së. Hetuesit, në koordinim me Prokurorinë Themelore në Gjilan, do të vazhdojnë hetimet për ndriçimin e të gjitha rrethanave të ngjarjes dhe për marrjen e masave të mëtejshme”, thuhet në njoftim.

Njoftimi i i IPK-së:

 

 

Komunikatë për media

IPK arreston një zyrtar policor të dyshuar për dhunë në familje

 

 

Prishtinë/Gjilan, 10 maj 2025

Inspektorati Policor i Kosovës (IPK) respektivisht hetuesit e Departamentit të Hetimeve të IPK-së kanë arrestuar sot një zyrtar policor me dyshimin se i njëjtit ka kryer veprën penale “dhunë në familje”.

 

 

IPK kishte pranuar informacione nga Policia e Kosovës lidhur me dyshimin së një zyrtar policor në Gjilan ka kryer veprën penale dhunë në familje përderisa incidenti raportohet të ketë ndodhur sot në orët e hershme të mëngjesit në Gjilan.

Pas pranimit të informacionit hetuesit e IPK-së kanë dalë në vendin e ngjarjes dhe kanë ndërmarrë veprimet e nevojshme hetimore kurse viktima në këtë rast është dërguar për tretman mjekësor.

Pas disa veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit i është caktuar masa e ndalimit për 48 orë.

Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar nga Policia e Kosovës me rekomandim të IPK-së.

Hetuesit e IPK-së në koordinim të plotë me Prokurorinë Themelore në Gjilan do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast.

Trump ka paralajmëruar një “njoftim të rëndësishëm” – a mund të jetë kjo një shenjë se…

Arabia Saudite do të presë në mesin e majit një samit të rëndësishëm mes vendeve të Gjirit dhe Shteteve të Bashkuara, i cili përkon me vizitën e parë të presidentit amerikan Donald Trump në këtë vend gjatë mandatit të tij të dytë presidencial. Ky zhvillim pason samitin e mëparshëm të mbajtur më 21 maj 2017, gjithashtu në Riad, gjatë mandatit të parë të Trump, shkruan Gazeta Sinjali.

Samiti vjen pas deklarimeve të presidentit amerikan, i cili më 6 maj, gjatë një takimi në Shtëpinë e Bardhë me kryeministrin kanadez Mark Carney, paralajmëroi një “njoftim shumë të rëndësishëm”, pa dhënë më shumë detaje. Ky paralajmërim ka rritur pritshmëritë në lidhje me një shpallje të mundshme që lidhet me politikën e jashtme amerikane në Lindjen e Mesme.

Burime diplomatike të Gjirit, që kanë kërkuar të mbeten anonime, kanë pohuar se “presidenti Donald Trump do të lëshojë një deklaratë në lidhje me shtetin e Palestinës dhe njohjen e tij”. Sipas tyre, një deklaratë e tillë “do të jetë deklarata më e rëndësishme që do të ndryshojë ekuilibrin e fuqisë në Lindjen e Mesme dhe më shumë vende do t’i bashkohen Marrëveshjes së Abrahamit”.

Pjesë e axhendës së samitit do të jenë edhe marrëveshjet në fushat e sigurisë, mbrojtjes, teknologjisë dhe inteligjencës artificiale. Në takim pritet të marrin pjesë të gjithë liderët e Këshillit të Bashkëpunimit të Gjirit, me përjashtim të mbretit saudit Salman bin Abdulaziz, i cili për shkak të gjendjes së tij shëndetësore nuk ka marrë pjesë në aktivitete publike kohët e fundit.

Mediat gjithashtu raportojnë se “marrëveshjet ekonomike me siguri do të jenë të pranishme, por shumë prej tyre tashmë janë shpallur dhe mund të jemi dëshmitarë të përjashtimit të vendeve të Gjirit nga tarifat”.

Ndërkohë, bëhet e ditur se presidenti egjiptian Abdel Fattah el-Sisi dhe mbreti Abdullah II i Jordanisë nuk janë ftuar në këtë samit, çka është interpretuar si një sinjal për ndryshimet në prioritetet diplomatike të këtij takimi.