Buxheti, Hekuran Murati del me një ‘njoftim’

Ministri në detyrë i Financave, Hekuran Murati, tha se buxheti për RTK-në, ai për prishtinën, Gjilanin e Zubin Potokun, si dhe buxheti për 2026 dhe Plani i Rritjes i BE-së po mbahen të bllokuara nga opozita.

Murati pretendoi se opozita po refuzon t’i krijojë komisionet parlamentare për t’i kaluar këto.

“Buxheti për RTK-në; Buxheti për 2025 i Prishtinës, Gjilanit, e Zubin Potokut; Buxheti për vitin 2026; Plani i Rritjes i BE-së; Marrëveshja me Bankën Botërore. Të gjitha këto po mbahen të bllokuara sepse opozita po refuzon me i kriju komisionet parlamentare të përhershme (të cilat nuk varen nga përcaktimi pozitë/opozitë)”.

Alarmon Hykmete Bajrami: Po ndodh hajnia më e madhe në Kosovë – qytetarët po vidhen 24 orë në ditë përmes faturave të rrymës

Deputetja e Lidhjes Demokratike të Kosovës, Hykmete Bajrami, ka reaguar ashpër ndaj mënyrës se si po menaxhohet sistemi i faturimit të energjisë elektrike në vend, duke e quajtur këtë proces “hajninë më të madhe që Kosova ka përjetuar ndonjëherë”, shkruan Insajderi.

Përmes një postimi në rrjetet sociale, Bajrami ka thënë se qytetarët e Kosovës po vidhen çdo ditë përmes tarifave të energjisë, dhe ka kërkuar transparencë të plotë nga institucionet përgjegjëse.

“Ju kam thënë edhe më herët që përmes faturave të energjisë elektrike po ndodh hajnia më e madhe që ky vend ka përjetuar ndonjëherë – po vjedhet 24 orë në ditë, 7 ditë në javë secili qytetar i vendit,” – ka shkruar deputetja e LDK-së.

Ajo ka përmendur edhe një shkrim të gazetarit Agon Sinanaj, i cili, duke u bazuar në të dhënat e Zyrës Kombëtare të Auditimit (ZKA), ka raportuar për rritje të ndjeshme të tarifës që paguajnë konsumatorët për Fondin e Burimeve të Ripërtëritshme të Energjisë (BRE).

Sipas të dhënave që citoi Bajrami, nga viti 2023, konsumatorët në Kosovë e paguajnë këtë tarifë katërfish më shtrenjtë, nga 0.73 euro në 3.14 euro për megavat/orë.

“Kjo rritje erdhi si rezultat i dështimit të KOSTT-it dhe ZRrE-së në menaxhimin e këtij fondi dhe favoreve ndaj prodhuesve të energjisë së ripërtëritshme në ‘kurriz’ të konsumatorëve,” – citoi ajo nga artikulli i gazetarit Agon Sinanaj.

Deputetja Bajrami ka akuzuar ministren e Ekonomisë, Artane Rizvanolli, dhe kryeministrin Albin Kurti, se kanë bekuar dhe lejuar këtë formë të vjedhjes, duke e konsideruar si një barrë të padrejtë për qytetarët.

“Ata që po e mundësojnë dhe po e lejojnë këtë vjedhje e kanë bekimin e Artane Rizvanollit dhe Albin Kurtit. Militanta, a po e cilësojmë patriotizëm edhe këtë?” – ka shtuar Bajrami në reagimin e saj.

Deputetja ka paralajmëruar se kjo çështje do të ngrihet edhe në Kuvendin e Kosovës, ndërsa ka kërkuar nga opozita dhe mediat që të ndihmojnë në zbardhjen e keqpërdorimeve në sektorin e energjisë.

Bajrami ka shpërndarë edhe linkun e artikullit të gazetarit Agon Sinanaj, i cili përmban të dhëna nga raportet zyrtare të auditimit për mënyrën e menaxhimit të Fondit të BRE-ve.

Miku i Daorsës zbulon detajet tronditëse: Çfarë bëri i dashuri i saj pasi u sigurua se ajo kishte vdekur

Tronditje dhe dyshime të reja kanë dalë në dritë lidhur me vdekjen tragjike të Daorsa Spahisë, 24-vjeçares nga Kosova që humbi jetën në Tetovë.

Fillimisht u raportua se e reja i kishte dhënë fund jetës duke u hedhur nga apartamenti, por kjo version është hedhur kategorikisht poshtë nga miku i saj i ngushtë, Arbër Zhubi, i cili pretendon se Daorsa është vrarë nga partneri i saj, Hevzi Sejdiu.

Gjatë një interviste në emisionin “Shqipëria Live”, Zhubi rrëfeu se Daorsa së fundmi kishte zbuluar se partneri i saj kishte një familje paralele, me tre fëmijë dhe një bashkëshorte, gjë që sipas tij mund të ketë qenë edhe shkaku i tragjedisë

“Ne jemi të shokuar, po vuajmë të gjithë si shoqëri për shkak të rrethanave. Do të merremi me çështjen deri në fund. Deri më sot është komentuar si vetëvrasje, por me faktet që kemi mbledhur, ky rast është vrasje,” – tha Zhubi.

Sipas tij, Daorsa kishte qëndruar gjatë gjithë ditës me partnerin në apartamentin ku ndodhi ngjarja fatale. Ai pretendon se Hevzi Sejdiu e ka hedhur të renë nga dritarja e apartamentit, dhe më pas është përpjekur të zhdukë çdo gjurmë që mund ta implikonte në krim.

“Daorsa është hedhur nga Sejdiu nga apartamenti i saj. Pasi e ka hedhur, ai ka zbritur poshtë dhe, pasi ka konfirmuar që ka vdekur, ka shkuar tek lokali ngjitur dhe kanë fshirë kamerat e sigurisë,” – tha ai.

Zhubi shton se pas ngjarjes, është marrë telefoni i Daorsës dhe është zhdukur, ndërsa në polici është dorëzuar një pajisje tjetër me të gjitha të dhënat e fshira.

“Pasi është dorëzuar në polici, nuk e ka dorëzuar telefonin e Daorsës, por një tjetër, ku gjithçka ishte fshirë. Më pas ai është liruar për 30 minuta dhe është zhdukur. Ai e ka bërë aktin. Ai ishte i dashuri i Daorsës, dhe e ka vrarë sepse ajo kishte marrë vesh që ai kishte tre fëmijë dhe një grua,” – deklaroi miku i saj.

Zhubi shton gjithashtu se partneri i saj, Hevzi Sejdiu, ka qenë i akuzuar më parë për trafik armësh, por është liruar me kusht. Ai theksoi se Daorsa kishte pësuar edhe më parë dhunë nga i njëjti person, duke përmendur raste të tjera incidentesh gjatë marrëdhënies së tyre dyvjeçare.

“Daorsa ka dashur të ndërpresë lidhjen me të, por ai nuk e ka pranuar. Ka pasur shenja dhune më herët. Provat janë fshirë, është ndërruar edhe telefoni në polici. Lokali ka fshirë kamerat e sigurisë,” – tha ai, duke kërkuar që autoritetet të hetojnë me kujdes rastin.

Suspendohen dy policë, u përplasen mes vete gjatë orarit të punës

Inspektorati Policor i Kosovës (IPK) ka njoftuar se ka rekomanduar suspendimin e dy zyrtarëve policorë në Prizren, pasi dyshohet se janë përfshirë në një incident mes vete gjatë orarit të punës.

Në njoftimin e IPK-së thuhet se hetuesit kanë ndërmarrë veprimet fillestare për të sqaruar rrethanat e rastit.

Pas hetimeve të para, IPK i ka rekomanduar Policisë së Kosovës që të suspendojë nga detyra dy zyrtarët e Stacionit Policor në Prizren, derisa të përfundojë procesi hetimor.

Deklarohet Lahi Brahimaj – ja qëndrimi i tij për Konjufcën

Deputeti i AAK-së, Lahi Brahimaj, ka përjashtuar çdo skenar që deputetët e AAK-së do ta votonin Glauk Konjufcën për kryeministër.

Në një përgjigje për RTV21 deputeti Brahimaj tha se propozimi i Glauk Konjufcës për mandatar është skenar i Albin Kurtit për të zvarritur krijimin e institucioneve.

‘’Propozimi i Glauk Konjufcës për mandarat është mashtrimi i radhës i Albin Kurtit për blerje kohe. Në asnjë rrethan Glauk Konjufca nuk është i interesuar që të marrë as 57 vota e lëre më 61 vota. Kështu që Kurti nuk është person që e duron që një kolegë të marrë vota më shumë se ai. Kështu që kjo është vetëm për blerje kohe dhe mashtrim për të vazhduar me zhvatjen e institucioneve pa llogaridhënie dhe pa një parlament.  AAK-ja në asnjë rrethan nuk ka votë për Konjufcën dhe ashtu siç janë deklaurar edhe partitë tjera nuk kanë gatishmëri për të votuar Gonjufcën. Të gjithë janë deklaruar pas takimit me presidentes se zgjidhja më e mirë janë zgjedhjet”, tha Brahimaj.

Shqipëria sonte ‘zbarkon’ në Andorrë, ja ku mund ta ndiqni

Kombëtarja e Shqipërisë sonte do të ‘zbarkojë’ në Andorrë, për ta zhvilluar një ndeshje tejet të rëndësishme kundër skuadrës së këtij vendi.

Fitorja për “Kuqezinjtë” është jetike në rrugëtimin drejt botërorit 2026.

Aktualisht djelmoshat e drejtuar nga strategu brazilian Sylvinho, renditen të dytit në Grupin K me 11 pikë, shtatë më pak se Anglia me të cilën do të përballen më 16 nëntor në “Air Albania”, e ku do të vendoset edhe fati kombëtares shqiptare.

Para ndeshjes me Andorrën, më 11 tetor Shqipëria arriti fitore historike ndaj Serbisë 0:1, në “Duboçica” me golin e Rey Manajt.

Përndryshe, ndeshjën e kombëtares sot e transmeton SuperSport Albania 2

LDK-ja thërret konferencë për media, zbulohet arsyeja

Lidhja Demokratike e Kosovës do të mbajë konferencë për media sot në ora 15:00.

Arsyeja e mbajtjes së kësaj konference në selinë e partisë është ngritja e aktakuzës ndaj Rozeta Hajdarit dhe tre të tjerëve lidhur me keqpërdorimin me rezervat shtetërore.

“Lidhja Demokratike e Kosovës mban konferencë për medis sot, në orën 15:00, në selinë qendrore. Tema e konferencës do të jetë ngritja e aktakuzës lidhur me keqpërdorimin me rezervat shtetërore”, thuhet në njoftim.

Prokuroria Speciale ka ngritur aktakuzë të martën e 11 nëntorit ndaj Ministres Rozeta Hajdari, Irfan Lipovicës, Hafiz Garës dhe Ridvan Muharremit lidhur me skandalin e rezervës shtetërore. Tre të parët akuzohen për “Keqpërdorimi i pozitës apo autoritetit zyrtar” dhe “Zbulimi i fshehtësisë zyrtare”, ndërsa Muharremi për veprën “Ndihma në kryerjen e veprës penale të keqpërdorimit të pozitës apo autoritetit zyrtar”.

Hajdari, Lipovica dhe Gara akuzohen se gjatë muajve shkurt – mars të vitit 2022, në bashkëkryerje kanë keqpërdorur detyrat zyrtare me qëllim përfitimi pasuror për persona të tjerë dhe shkaktimi të dëmit ndaj buxhetit të Republikës së Kosovës. “Si rezultat i veprimeve të të pandehurëve, i është shkaktuar buxhetit të shtetit dëm prej 2,912,134.78 euro”, thuhet në njoftimin e Prokurorisë.

Ata akuzohen gjithashtu se, pa autorizim, kanë zbuluar fshehtësinë zyrtare. Hajdari bashkë me dy zyrtarët akuzohet se ka zbuluar sekrete shtetërore tek biznesmeni Muharremi, ashtu që i kanë treguar vendndodhjen e rezervës.

Kapet bosi shqiptar i drogës në Francë

Gjashtë shtetas të huaj janë arrestuar në një operacion ndërkombëtar të koordinuar nga Europol, në qendër të të cilit ka qenë pengmarrja e kreut të një grupi shqiptar që merrej me trafikimin e drogës.

Operacioni është zhvilluar dje, më 12 nëntor, dhe Europol mbështeti një hetim të udhëhequr nga Gjermania që synonte një grup mercenarësh të punësuar nga një rrjet kriminal për të rrëmbyer udhëheqësin e një bande rivale të trafikimit të drogës.

Operacioni përfshinte autoritete ligjzbatuese nga Danimarka, Franca, Letonia dhe Mbretëria e Bashkuar. Aksioni i koordinuar u përqendrua te shtetasit letonezë, disa prej të cilëve me përvojë në Legjionin e Huaj Francez.

Këta individë të trajnuar në nivel të lartë ishin të pajisur me pajisje profesionale dhe ishin aktivë në emër të një grupi të krimit të organizuar. Ata ishin kontraktuar për të rrëmbyer udhëheqësin e një rrjeti shqiptar të trafikut të drogës, i cili dyshohet se ka orkestruar vjedhjen e disa ton kanabis me vlerë miliona euro.

Në ditën e aksionit, katër individë u arrestuan në Danimarkë, Francë, Letoni dhe Mbretërinë e Bashkuar, ndërsa dy të tjerë, të cilët ishin arrestuar në tetor 2014 në Gjermani, janë dënuar tashmë nga gjykata.

Në ditën e aksionit, Europol dërgoi një ekspert në Nisë të Francës, për të lehtësuar shkëmbimin e informacionit në kohë reale dhe për të verifikuar informacionin operativ me bazat e të dhënave të Europolit, duke u ofruar pista të menjëhershme hetuesve në terren.

Ky operacion është i lidhur me fenomenin “Dhuna si Shërbim”, në të cilin autorët ofrojnë shërbimet e tyre për të kryer akte të dhunshme në emër të sindikatave të tjera kriminale. Në këtë rast të veçantë, specialistë të trajnuar në nivel të lartë punësohen nga grupet e krimit të organizuar për të kryer akte të dhunshme.

Ky modus operandi zbulohet gjithnjë e më shumë në operacione të ndryshme të lidhura me krimin e rëndë dhe të organizuar. Hetimi i aktiviteteve të autorëve nënvizon nivelin e lartë të këtij shërbimi, pasi shpesh përfshin përdorimin e ish-anëtarëve të forcave speciale.

Disa nga të dyshuarit në këtë rast janë ish-ushtarë të Legjionit të Huaj Francez. Ish-ushtarë të trajnuar në luftime, që kthehen nga fronti, mund të përdorin aftësitë e tyre për krimin e organizuar, duke paraqitur një kërcënim potencial.

Ndërsa lufta në Ukrainë vazhdon dhe potencialisht intensifikohet pas saj, Evropa mund të përballet me një numër në rritje të këtyre individëve të trajnuar mirë që angazhohen në aktivitete kriminale.

Legjioni i Huaj Francez është një forcë ushtarake elitare e Ushtrisë Franceze, e themeluar në vitin 1831, që rekruton vullnetarë nga të gjitha kombësitë për të shërbyer në Francë dhe jashtë saj. I njohur për disiplinën dhe aftësitë luftarake, Legjioni është një njësi për shërbim jashtë shtetit dhe ka një histori pjesëmarrjeje në konflikte të shumta franceze.

E trishtë: Ky është i riu nga Kosova që vdiq në aksidentin në Gjermani

Një i ri nga Kosova ka vdekur si pasojë e një aksidenti që ka ndodhur në Gjermani.

Bëhet fjalë për Linor Krasniqin, i cili vjen nga fshati Drenoc i Malishevës.

Rreth ngjarjes tragjike kanë shkruar mediat gjermane, teksa rasti u konfirmua për Klankosova.tv. nga kryetari i Malishevës Ekrem Kastrati.

Kastrati theksoi se 19-vjeçari ka lindur në Gjermani dhe jeton aty bashkë me familjen.

2 femra dhunojnë një djalë të ri

Një ngjarje e rëndë ka ndodhur në Tiranë, ku dy femra në bashkëpunim me tre meshkuj kanë rrëmbyer, mbajtur peng dhe dhunuar një djalë të ri për orë të tëra