Mehmetaj reagon pas kallëzimit penal nga Faton Peci

Gazetari dhe analisti Lirim Mehmetaj ka reaguar pas njoftimit të kryetarit të Partisë Guxo, Faton Peci, i cili paralajmëroi kallëzim penal ndaj tij dhe RTV Dukagjinit.

Mehmetaj tha se deklaratat e Pecit kundër tij janë shumë më të rënda se ato për të cilat po e akuzon ai.

Ai ka shtuar se Peci e ka quajtur “kriminel” dhe ka përdorur “terma dehumanizues” ndaj tij, duke e akuzuar edhe për përfshirje në raportimin e mishit të Brazilit.

“Unë do të doja që të arrinim në pajtim më Faton Pecin pa shku në gjykatë që tituj të tillë me u dënu me burg, sepse ky i kish marrë 100 vjet. Faton Peci ka thënë, në Dukagjin janë ndërmarrje e përbashkët kriminale, akuza më rëndë për krime lufte. Ky ka thënë që ne jemi punëtor të Serbisë që na punojmë aktivisht për Serbinë qe edhe 20 vjet burgim. Që veç se e kam bërë raportiin për mishin e Brazilit që vijke në Kosovë, u ripaketojke u shitke si i Kosovës në Shqipëri me dijeni të tij, ky ka thënë Lirim krimineli. Ky ka përdorur terme dehumanizuse për mua, që edhe 20 vjet burgim, dhe këto 100 vjet burg i merr veç ky çfarë ka folur po ta shtojmë aty krejt listën Guxo duhet me shpallë organizatë terroriste nëse standardi është ky”, ka deklaruar ai.

“Nëse standardi është ky, atëherë Guxo duhet shpallur organizatë terroriste”, tha ndër të tjera Mehmetaj.

Ai ka theksuar se “nuk ka krahasim të dy personave, nuk ka shembull ekstrem”.

A po kërkon Arben Gashi dorëheqjen e Abdixhikut, çka po paralajmëron ai?

Deputeti i Lidhjes Demokratike të Kosovës, Arben Gashi, ka komentuar situatën politike në vend, duke thënë se realiteti është ‘i qartë’ se qeveria nuk po formohet dhe s’ka as zgjidhje për rreziqe buxhetore, përcjell KosovaPost.

Ai përmes një postimi në Facebook deklaroi se pozicionet e partive politike janë ngurtësuar dhe se Kosova po mbetet në bllokadë.

Gashi theksoi se tani është koha për përgjegjësi politike dhe se në horizont po shihet një pjekuri e re politike.

”Ky është sinjali më i mirë që vendi mund ta ketë në këtë moment. Zgjedhjet që po vijnë duhet të jenë garë për zgjidhje, jo për pushtet. Duhet të flasim për programe, jo për përçarje. Të debatojmë për zhvillim ekonomik, për heqjen e sanksioneve, për integrimin e Kosovës drejt BE-së’’, tha ai.

Postimi i plotë:

Tani ka mbetur edhe një javë afat në dispozicion të mandatarit të ri për të formuar qeverinë.
Por realiteti është i qartë: as qeveri nuk po formohet, as zgjidhje për rreziqet buxhetore nuk po ofrohet.
Pozicionet e palëve politike janë ngurtësuar dhe vendi po mbetet në një bllokadë që po e dëmton çdo ditë më shumë.

Është koha për reflektim dhe përgjegjësi politike.
E megjithatë, në horizont po shihet një pjekuri e re politike – një gatishmëri për përgjegjësi dhe guxim për llogaridhënie.
Ky është sinjali më i mirë që vendi mund ta ketë në këtë moment.

Zgjedhjet që po vijnë duhet të jenë garë për zgjidhje, jo për pushtet.
Duhet të flasim për programe, jo për përçarje.
Të debatojmë për zhvillim ekonomik, për heqjen e sanksioneve, për integrimin e Kosovës drejt BE-së.
Të flasim për drejtësi, për sundim të ligjit, për prokurori që vepron dhe gjykata që japin drejtësi të drejtë e të shpejtë.
Të debatojmë për arsim dhe shëndetësi cilësore, për energji të qëndrueshme dhe eksportuese, për ujë të pijshëm dhe rezerva ujore që sigurojnë zhvillim për ekonominë dhe qytetarët tanë.

Kosova ka nevojë për vizionarë, jo përçarës.
Për udhëheqës që ndërtojnë, jo që bllokojnë.
Për mendim konstruktiv, veprim efikas dhe vizion të qartë për shtetin dhe qytetarin.

Koha e armiqësive duhet të përfundojë.
Është momenti për bashkëpunim, reflektim dhe veprim –
sepse vetëm kështu mund ta çojmë Kosovën përpara, me dinjitet, stabilitet dhe zhvillim të vërtetë. 🇽🇰

Na priftë e mbara. 🙏

Behrami: Mbi 86% e fletëvotimeve me numër të çrregullt janë për Faton Pecin

Deputeti PDK-së, Artan Behrami ka thënë se mjafton vetëm një fletëvotim i gjetur me numër serik të çrregullt, që Mitrovica të shkojë në rivotim, transmeton Gazeta Online Veriu.info.

Sipas tij mbi 86% prej tyre janë vota për kryetarin e zgjedhur të Mitrovicës, Faton Pecin

Postimi i plotë:

Për hajnat me tri ndërrime:

Mjafton vetëm një – vetëm një fletvotim me numër serik të çrregullt të gjendet, që Mitrovica të shkojë në rivotim.

Një fletvotim i tillë mund të korruptojë qindra apo mijëra të tjera.

Në çdo shkollë ka pasur fletvotime të tilla.

Mbi 86% prej tyre janë vota për Faton Pecin.

Matoshi: U dëshmu që s’ka vjedhje të votave në Mitrovicë

Adriana Maotshi nga VV-ja ia uroi Faton Pecit fitorën e tretë sipas saj breda javës në Mitrovicë, transmeton DEMOS.

“Pra u dëshmu që s’ka vjedhje të votave në Mitrovicë

Ngoni loqka, ju filma edhe mundeni me bo, ama jo qesi filma ku ankohet pdk-ja për hajni, se janë t’lodht, si kqyr kerkush!

Po ju flas tash si eksperte e filmave

Urime Faton fitorja e tretë mrena javës “, shkroi Matoshi.

Faton Peci dorëzon kallëzim penal kundër Ekrem Llukës, Lirim Mehmetajt dhe Ermal Pandurit

Faton Peci ka dorëzuar kallëzim penal kundër Ekrem Llukës, Lirim Mehmetajt dhe Ermal Pandurit transmeton DEMOS.

Lajmin e bëri të ditur vet Peci i cili dha edhe arsyet e kësaj padie.

“Kallëzim Penal kundër Ekrem Llukës, Lirim Mehmetajt dhe Ermal Pandurit

Mbrëmë, më datën 11 nëntor 2025, në emisionin “Debat Plus” në RTV Dukagjini, gazetari Lirim Mehmetaj më ka quajtur “kriminel”, e më pas ka shkuar edhe më tej duke më krahasuar me Kasapin e Ballkanit – Sllobodan Millosheviq.

Në këtë emision live, ky gazetar ka thënë: “nëse shkohet me logjikën që dikush nuk mund të quhet kriminel pa pasur një vendim gjyqësor, atëherë as Millosheviqi nuk duhet të quhet kriminel”.

Ky krahasim absurd dhe i qëllimshëm, i bërë publikisht në një televizion vendor, është ofendim i rëndë dhe fyerje ndaj meje si person, por edhe ndaj qytetarëve të cilët i përfaqësoj, të cilët kanë vuajtur drejtpërdrejt nga regjimi i kriminelit Millosheviq.

Duke e ditur ndjeshmërinë publike mbi këtë çështje, krahasimi im me një nga kriminelët më të mëdhenj të njerëzimit, përbën rrezik për jetën time dhe të familjes, ngjall urrejtje dhe përbën sulm të qëllimshëm, duke synuar lëndimin e integritetit tim personal.

Ky nuk është rasti i parë e as i vetmi që ky pseudo-gazetar shprehet me gjuhë urrejtjeje dhe etiketime të papranueshme, në kundërshtim me çdo standard etik e profesional të gazetarisë.

Për këtë arsye, në mbrojtje té dinjitetit e integritetit tim personal, publik e politik, ju njoftoj se shumë shpejt do të deponoj kallëzim penal ndaj Lirim Mehmetajt për veprën penale “Nxitja e përçarjes dhe mosdurimit” dhe vepra të tjera të ndërlidhura, të përcaktuara në Kodit Penal të Republikës së Kosovës, pasi që deklaratat e tilla synojnë qartë prishjen e rendit publik, nxitjen e urrejtjes, krijimin e një klime përqarëse e mosbesimi ndaj personaliteteve publike e institucioneve tě Kosovës.

Në një shtet demokratik dhe ligjor, fjala e lirë nuk mund të keqpërdoret për shpifje, fyerje dhe nxitje të urrejtjes. Liria e shprehjes është e garantuar, por ajo nuk përfshin të drejtën për të poshtëruar dhe për të cenuar dinjitetin e të tjerëve, aq më pak përfaqësuesve të zgjedhur nga qytetarët.

Po ashtu, do të inicoj procedura ligjore të kallëzimit penal, dhe ankesë në KPM edhe ndaj RTV Dukagjini dhe drejtuesve të tyre, pasi që jashtë skemës së zakonshme programore kanë dizajnuar, orkestruar e implemtuar një fushatë që po zgjatë që një vit e gjysmë, gjatë së cilës pandërprerë e në mënyrë sistematike është sulmuar, demonizuar, fyer e baltosur personaliteti im si njeri, si politikan e si qeveritar. Kjo ka ndodhë nën organizimin e Ermal Pandurit, por natyrisht se dirigjimi vjen nga pronari Ekrem Lluka, sepse nuk është e mundshme që brenda shtëpisë së tij mediale të krijohet një platformë e veçantë kundër një njeriu dhe ku vijnë e shfryhen pseudoanalistë e pseudogazetarë dhe ai mos të këtë dorë në këtë inxhiniering. Tani, kur krejt akuzat e njollosjet si dhe përpjekjet për frenimin e fitores sime në Mitrovicë iu dolën bllof, shpalosin edhe krahasimin që e shpjegova më lart.

Prandaj, t’gjithë bashkë do t’i kallëzojmë penalisht e para gjykatës le ta shpjegojnë arsyen e kësaj fushate të denigrimit, sulmit, fyerjes dhe gjuhës së urrejtjes kundër meje si figurë publike e politike, por si qytetar i këtij vendi.

Le t’i tregojnë gjykatësit pse në televizionin e tyre po përhapin e po nxisin përçarje dhe mosdurim si dhe pse po lejojnë akuza e gjuhë denigruese e të urrejtjes, shpifje e fyerje në kundërshtim me ligjin e me çdo kod etik të mediave dhe akteve të aplikueshme në Kosovë.

I juaji,

Faton Peci|, shkroi Peci.

Nasim Haradinaj reagon pas dorëheqjes së Krasniqit

Nasim Haradinaj ka reaguar pas dorëheqjes së Memli Krasniqit nga posti i itë parit të PDK-së.

“Një shembull i vërtetë demokracie dhe përgjegjësie politike. Veprim burrëror që meriton respekt! Bravo, Memli!”, shkroi Haradinaj, transmeton DMEOS.

Ish-gjyqtari s’përjashton mundësinë që edhe Albin Kurti të përfshihet në aktakuzën për rezervat shtetërore

Ish-gjyqtari, Hasan Shala, ka folur për aktakuzën e ngritur të martën kundër ministres në detyrë, Rozeta Hajdari, dhe tre personave të tjerë.

Shala ka thënë se në aktakuzë, Kurti është përfshirë në cilësinë e dëshmitarit dhe se kur të nis shqyrtimi gjyqësor, Kurti do të ftohet nga gjykata të dëshmojë.

“Në akuzë e kemi si në cilësi të dëshmitarit. Kur të fillojë shqyrtimi gjyqësor, gjykata do ta ftojë edhe me dëshmu. Në bazë të provave që i lexova, për të gjitha këto cështje ka qenë i informuar edhe kryeministri”, ka thënë Shala në frontal.

Ai s’ka përjashtuar mundësinë që kryeministri në detyrë Albin Kurti të përfshihet në aktakuzë nga Prokuroria, por për këtë pritet të shihet procesi dhe nëse do të vërtetohet aktakuza.

“Ekziston mundësia që pas një kohe të përfshihet edhe ky në këtë vepër penale, në aktakuzë, sikur këta tre që janë si bashkëkryes, por të shohim se a do të vërtetohet kjo akuzë. Dhe kur të merren në pyetje dëshmitarët, Prokuroria mund ta zgjerojë akuzën edhe ndaj ish-kryeministrit”, ka thënë ai.

Anëtari i KQZ-së nga PDK-ja: Shifrat e VV-së për fletëvotimet në Mitrovicë janë të pasakta

Anëtari i KQZ-së nga radhët e PDK-së, Arianit Elshani, ka kundërshtuar pretendimet e disa zyrtarëve të VV-së, të cilët kanë publikuar shifra me gabime të kodit serik të pasakta dhe të pa konfirmuara zyrtarisht.

“Deri me tani ende nuk kemi një raport zyrtar të pranuar nga Komisioni Komunal i Zgjedhjeve. Gjatë procesit të numërimit janë bërë kopje fletëvotimeve, për të evidentuar saktë secilin fletëvotim. Lajmet dhe informacionet mbi numrin e fletëvotimeve me kode të ndryshme të vendvotimeve janë të pasakta dhe të pa konfirmuara zyrtarisht”, ka thënë Elshani.

Gjatë ditës në Qendrën e Numërimit në Mitrovicë janë gjetur dhjetëra fletëvotime me numra serikë të çrregullt, ku shumica absolute ishin me votë për Faton Pecin. PDK-ja, LDK-ja dhe partnerë të tjerë të koalicionit në Mitrovicë kanë kërkuar që të ketë rivotim në Mitrovicë.

“Kryetar që kandidon për kryeministër”, zgjedhjet e ardhshme një nga arsyet pse Kransiqi dha dorëheqje

Deputeti i PDK-së, Memli Krasniqi, në konferencën e sotme për media ku edhe ka deklaruar dorëheqjen nga pozita e të parit të partisë, ka treguar edhe arsyet se pse e ka marrë një vendim të tillë.

Krasniqi ka thënë se ky vendim vjen si rezultat i një reflektimi të gjatë dhe rrjedh nga një planifikim krejt tjetër. Ai ka treguar se dorëheqjen kishte planifikuar ta jepte më herët, por që si pasojë e dështimit të planit për krijimin e një qeverie, ishte dashur ta shtynte.

“Është një reflektim i gjatë, një planifikim më tjetër. Një vendim që ndoshta do ta merrja më herët, nëse do të kishim stabilitet institucional. Sikur të ndodhte një qeveri që e kishim planifikuar, do t’i shpallja zgjedhjet e partisë dhe s’do të kisha garuar”, ka thënë Krasniqi në konferencë.

Ai ka thënë se dorëheqja lidhet edhe me faktin se do të ketë zgjedhje të reja në vend dhe sipas Krasniqit, kryetari i ri i PDK-së duhet të jetë edhe kandidat për kryeministër.

 

 

“Por meqë jemi para zgjedhjeve, duhet ta kemi kandidatin për kryeministër edhe për kryetar”, është shprehur Krasniqi.

Sa i përket rastit të Drenasit, Krasniqi ka thënë se është vetëm një fusnotë në gjithë arsyet që ka përmendur për dorëheqjen.

“Çështja e Drenasit, është çështje që e kam adresuar. Është vetëm një fusnotë në arsyet për të cilat fola”, ka thënë Krasniqi.

I vjen radha edhe Mihalit të komentoj dorëheqjen e Krasniqit: Të gjithë japin dorëheqje, përveç Sami Lushtakut

Dejona Mihali e VV-së, ka reaguar pas dorëheqjes së Memli Krasniqit nga kryesia e PDK-së, duke kritikuar gjendjen brenda partisë.

Ajo ka thënë se në PDK “çdokush jep dorëheqje apo përjashtohet, përveç Sami Lushtakut”, duke shtuar se “asgjë e re nuk ndodh, pavarësisht kush vjen apo shkon si kryetar formal”.

“Në PDK çdokush jep dorëheqje apo përjashtohet. Përveç njërit, Sami Lushtakut. Asgjë e re nuk ndodh kushdo që vjen apo shkon si kryetar formal”.